خطه 100 مليار من تصدير السيارات والصلب
????????????انسى بقى فكرة إننا بنستورد كل حاجة، لإن اللي جاي في قطاع الصناعة المصرية عبارة عن ثورة حقيقية واللعب بقا على الثقيل!
???? الرئيس السيسي اجتمع اليوم مع رئيس الوزراء ووزير الصناعة خالد هاشم، وحطوا النقط فوق الحروف في "الاستراتيجية الوطنية 2026 – 2030".
???? إحنا مش بنتكلم عن مجرد أوراق، إحنا بنتكلم عن خريطة طريق مرعبة هدفها تصفير الواردات ورفع الصادرات غير البترولية لرقم خيالي: 100 مليار دولار! إيه اللي هيحصل في سوق السيارات، الصلب، والمصانع المقفولة؟
????الوزير خالد هاشم كشف إن الاستراتيجية دي اتعملت إيد في إيد مع القطاع الخاص، وحددت 7 صناعات ليهم الأولوية القصوى: (الملابس، المنسوجات، الأغذية، الأدوية، السيارات، المعدات الكهربائية، والإلكترونيات).
????والمفاجأة بقى هي مبادرة "شمس الصناعة"؛ الدولة ناوية تركب محطات طاقة شمسية فوق أسطح 7000 مصنع في كل المحافظات عشان تقلل تكلفة الطاقة وتخلي المنتج المصري يكتسح برة.
????السيارات هي نجم اللقاء ده؛ الدولة ماشية في برنامج وطني عشان تجيب كبريات الشركات العالمية وتوطن صناعة العربيات ومكوناتها جوة مصر.
????الرئيس السيسي شدد بكل قوة على ضرورة التوسع في إنتاج "العربيات الكهربائية" عشان نتحول لمركز إقليمي يغذي المنطقة كلها، وندخل عصر الاقتصاد الأخضر من أوسع أبوابه.
????الرئيس السيسي كان حاسم جداً ووجه بربط كل برنامج في الاستراتيجية بـ "توقيتات زمنية صارمة" تتنفذ بالثانية.
????مفيش وقت للتباطؤ! الرئيس أمر بتذليل أي عقبة فوراً قدام المستثمرين، وتطبيق الرقمنة الكاملة، والتوسع في التدريب المهني للشباب.
????كمان تمت مراجعة خارطة توطين "صناعة الصلب" والصناعات الثقيلة عشان نلوي دراع الاستيراد ونعتمد على نفسنا بنسبة 100%.
????مصر كمان بتفتح سكة المبادرة الإفريقية للتكامل الصناعي عشان نغزو أسواق القارة السمراء وفق أجندة 2063.
⇧
