لماذا تفكر امريكا بغلق القواعد في السعوديه
???? هو ليه أمريكا بتفكر دلوقتي في غلق قاعدتها العسكرية في السعودية.. أو على الأقل تقليل وجودها العسكري هناك؟ وإزاي الحرب على إيران بتعيد رسم خرطة الوجود العسكري الأمريكي؟.. وهل اللي بيحصل بيكشف عن تحول عميق في شكل التحالفات بين واشنطن ودول الخليج؟
???? خلال الحرب على إيران حصلت أزمة كبيرة بين أمريكا والسعودية.. ودا بعد ما الرياض رفضت تسمح للجيش الأمريكي باستخدام قواعدها العسكرية في المملكة أو مجالها الجوي في عملية "مشروع الحرية"..
???? ودي العملية اللي كان هدفها فتح المضيق بالقوة العسكرية.. وانطلقت ساعتها أكتر من 100 طائرة أمريكية واستعدت حاملات طائرات منتشرة في أنحاء الشرق الأوسط مع انطلاق العملية..
???? وفي نفس الوقت، اتحركت سفن حربية ناحية الخليج العربي، واتنشرت طائرات مقاتلة وهليكوبترات هجومية وطائرات مسيرة في المنطقة، في حين بدأت غواصات آلية تراقب الممر الملاحي.
???? لكن السعودية، اللي كانت قواعدها ومجالها الجوي عنصر أساسي في نجاح العملية، أعلنت إنها مش هتسمح باستخدامهم بعد ما كله جهز والطيارات طلعت.. وبحسب مسؤولين أمريكيين، القرار ده أجبر الجيش الأمريكي إنه ينهي "مشروع الحرية" بعد ساعات قليلة من انطلاقه.
???? وردا على الموقف ده، وطبقا لمصادر أمريكية وعربية اتكلمت مع صحيفة وول ستريت جورنال، البيت الأبيض بعت رسالة شديدة اللهجة للرياض، مضمونها إن أمريكا هتأخر تسليم صواريخ الدفاع اللي السعودية معتمدة عليها في مواجهة الصواريخ والطائرات المسيرة الإيرانية لو ما غيرتش موقفها.
???? الخلاف دا عمل أثر سلبي بالفعل على العلاقات بين البلدين.. أمريكا بدأت بعد الأزمة تدرس تقليل وجودها العسكري في السعودية ونقل جزء من قواتها لدول اعتبرتها أكتر دعما خلال الحرب، من بينها تل أبيب والأردن..
???? ويمكن اتكلمنا بالتفصيل في منشور سابق عن القاعدة اللي أمريكا بتفكر تنشئها في تل أبيب.. لكن المسؤولين أكدوا إن الكلام ده لسه في مرحلة التخطيط الأولي، ولسه ما اتخذش أي قرار نهائي بخصوصه.
???? صحيفة وول ستريت جورنال أشارت كمان إلى إن جذور الأزمة راجعة لخلاف أعمق بين واشنطن والرياض حولين التعامل مع الحرب ضد إيران.. السعودية وعدد من دول الخليج كانوا بيحاولوا يقنعوا إدارة ترامب إنها تروح الحلول الدبلوماسية بدل الحرب..
???? وحذروا من إن أي محاولة لإسقاط النظام الإيراني ممكن تؤدي لإغلاق مضيق هرمز، لكن ترامب تجاهل الكلام دا وحصل اللي حصل..
???? الأهم بقى من دا كله هل دا في مصلحة تل أبيب إنها تستقبل القواعد الأمريكية عندها؟.. تقدر تقول كدا "أه" و"لأ" في نفس الوقت..
???? وجود القواعد الأمريكية على أرض تل أبيب معناه شراكة عسكرية قوية بين أمريكا وتل أبيب.. سواء من حين إنها تضمن لها التفوق العسكري الجوي على باقي دول المنطقة أو من حيث منظومات الدفاع أو غيره..
???? لكن دا مش في معزل ولا بعيد عن التهديدات الإيرانية أو غيرها.. ودا اللي قاله مقاله مهم نشره موقع "يسرائيل هيوم".. واللي شايف إن بدل ما الخليج اللي كانت بتتضرب..
???? كدا الضرب كله ممكن يبقى على تل أبيب لو حصل أي مواجهة أو حرب جديدة أو إيران أو غيرها.. دا الحوثيين اللي هما جماعة أصلا بتقدر توصل بصواريخها لتل أبيب!
???? حتى اللحظة أمريكا ما أخدتش قرار بنقل قواعدها العسكرية من السعودية وبعض دول الخليج لتل أبيب.. لكن ما أتمناه إنها تعمل كدا فعلا..
مصادر في أول تعليق
⇧
