امريكا تضرب إيران بكل قوه الان

???? ترامب بدأ يضرب إيران تاني... والمرة دي بقوة غير مسبوقة، وده بعد ساعات من اعترافه بإنه كان بيسرق النفط بتاعهم! ​في اللحظة اللي انت بتقرأ فيها السطور دي، القوات الجوية الأمريكية بالفعل بدأت هجوم جوي عنيف استهدف ميناء سيريك ومحيط مدينة ميناب بمحافظة هرمزغان جنوبي إيران... وفي نفس الوقت، الحرس الثوري بدأ تفعيل وسائل الدفاع الجوي في مدينة عسلوية بمحافظة بوشهر غربي إيران، والعاصمة طهران فعلت دفاعاتها الجوية بالكامل جهة الغرب... ومن ناحية الخليج، في حوالي 10 طائرات تزود بالوقود عملاقة انطلقت من مطار بن غوريون في تل أبيب ومن قاعدة الأمير سلطان الجوية في الخرج بالسعودية، ونازلة باتجاه شمال الخليج وقبالة سواحل قطر والإمارات وخليج عُمان لتأمين الطائرات المهاجمة... وبالتزامن مع ده؛ الجيش الإسرائيلي أعلن رسميًا رفع حالة التأهب والاستعداد للقصوى تحسبًا لعودة القتال المباشر مع إيران... ????️ ولو بتسأل ليه الضربة دي بتحصل دلوقتي، خليني أقولك بعض التفاصيل هتفهمك القصة، وهتعرفك مدى الإجرام اللي وصله النظام الأمريكي اللي تجاوز كل الخطوط الحمراء ???? من ساعات قليلة، ترامب خرج بتصريح صادم وبجح لأقصى درجة، أعلن فيه رسميًا ولأول مرة إن أمريكا كانت بتسرق براميل النفط الإيراني عيني عينك ومن غير ما الإيرانيين يعرفوا! ترامب قال بالنص إنهم طلعوا 22 سفينة محملة بالنفط تحت جنح الظلام بعد ما عموا الرادارات الإيرانية تمامًا في الضربات اللي فاتت، وأمام العالم كله كان طالع يتفاخر بالقرصنة وبيتكلم ومنتشي جدًا! وفي نفس الوقت اللي قال فيه الكلام ده، وزير دفاعه طلع وقال: "سوف نقصف منشآت رئيسية بقوة الليلة لو لم توافق إيران على شروطنا"... ​????️ طبعًا الإيرانيين مَقعدوش ساكتين، وعلى طول وكالات الأنباء زي "مهر" و"تسنيم" بلغت عن تفعيل دفاعاتهم الجوية غرب طهران، والحرس الثوري أعلن الجاهزية القصوى، وطلع تحذير إقليمي مرعب بيطالب فيه الشعوب العربية بالابتعاد فورًا عن أي قواعد أو مصالح أمريكية في المنطقة عشان هتكون أهداف مشروعة وصواريخهم خلاص في وضع الإطلاق... حتى مجموعة الهاكرز الإيرانية "حنظلة" نزلت تهديد مباشر لجنود المارينز بتقولهم ما معناه: "كلموا أهاليكم ودعوهم عشان الضربات الجاية هتزلزل الأرض"، وأكدوا إنهم نقلوا إحداثيات كل القطع البحرية الأمريكية لقيادة الحرس الثوري لتوجيه مسيرات "شاهد" الانتحارية في ضربات هتتنفذ ضدهم... وحاليًا، المشهد اللي بيحصل ده واضح انه هيبقى الطبيعي وهيتكرر كتير، لإن ترامب عايز يجبر الإيرانيين على توقيع الاتفاق، والإيرانيين رافضين ومش هيوقعوا على حاجة تحت ضغط أو أثناء حرب... وبالتالي انت شايف المأزق اللي احنا بقينا فيه... ⚫️ الغريب أكتر بقى من كل ده، هو اللي بيحصل في سعر الذهب! ​ لو مش واخد بالك لسه، عايز اقولك ان في هبوط حاد ومفاجئ في أسعار الذهب دلوقتي عالميًا! وده غريب عشان المفروض ان المنطقي والطبيعي إن مع الحروب الذهب بيولع، ليه المرة دي نزل؟ ​السبب في الغالب (في رأيي الشخصي) هو إن المستثمرين والناس في السوق قرأوا المشهد وعرفوا إن التوتر ده مش جولة وهتعدي في يومين، دي حرب ممتدة وشكلها مطول شوية ومضيق هرمز هيرجع يتقفل... وفي الحالة دي ممكن جدًا يكون في قلق عالمي من نقص الإمدادات النفطية والغذائية، وعشان كده أطراف كتير فضلت إنها تتخلى عن الملاذات الآمنة المؤجلة زي الذهب، وتتجه فورًا لـ السيولة النقدية (الكاش)... حقيقي الوضع أصبح غير قابل للتنبؤ، ومحدش عارف هيحصل ايه بكره... في الأغلب احنا مش أمام رجوع شامل للحرب، لكن مين عارف دماغ الأطفال اللي عند العجل البرتقالي هتودينا على فين؟ ???????? سايبلك تفاصيل اكتر في الكومنتات، وضروري لو البوست وصلك اعمل شير عشان يوصل للناس كلها، وخليك متابع هنا وهقولك على التطورات أول بأول...