نائبه بالبرلمان تريد رفع سعر طبق البيض
????????????- لا حول ولا قوة إلا بالله: هذا البوست أتوجه به إلى كل مواطن مصرى باع صوته فى الإنتخابات البرلمانية بثمن بخس ..
????بل بأقل من ثمن طبق بيض ، وأقول له: إيه رأيك بقى يا متعوس منك له لما مافيا أعضاء البرلمان النخانيخ إللى إنت بغباوتك بعت لهم صوتك بثمن بخس ، والنهاردة مقدمين طلبات إحاطة ضدك علشان يناقشوا بس إنهيار سعر طبق البيض إللى وصل ل55 جنيه داخل المزارع ، وإنت بقى يا أغبى خلق الله مسألتش نفسك: كانوا فين أعضاء البرلمان ده لما وصل سعر طبق البيض ده إلى 175 جنيه ، و180 جنيه ، وأحيانا إلى 230 جنيه ؟!!.. والخرس كان ما سكهم وقتها .
- طيب: مسألتس نفسك: كانوا فين أعضاء البرلمان ده لما تم طرد إخوانكم المصريين من بيوتهم ، ومن أرضهم بحجج واهية ؟!!.
- ومسألتش نفسك: كانوا فين أعضاء البرلمان ده من كارثة اللاجئين إللى ملوا البلد من كل شكل ولون ، وعايشين مسيدين مكرمين أحسن منك مليون مرة ، وبياكلوا ويشربوا وبيتعلموا وبيتعالجوا ببلاش على قفاك ومن دم قلبك ؟!!.
????- طيب: مسألتش نفسك: كانوا فين أعضاء البرلمان ده من إستغاثات أسيادهم أصحاب المعاشات إللى معاشاتهم .. إللى هى حقوقهم ومحرومين منها من شهر نوفمبر 2025، وحتى الأن ؟!!.. ومفيش نطع منهم فكر يقدم طلب إحاطة ضد لصوص أموال المعاشات .
????- والأهم بقى يا فقرى يا إبن الفقرى منك له: هل ال100 جنيه ، أو حتى ال200 جنيه إللى إنت بعت بهم صوتك علشانهم عملوا لك حاجة ، أو حتى هما قدموا لك أى منفعة غير إفقارك وقهرك وإذلالك ؟!!.. إشربوا بقى يا بهايم بما صنعت يداكم علشان مسمعتوش كلام الناس المحترمة وقتها .
????- سبحان الله يا أخى: لما نلاقى برلمان العار ده صحى فجأة كده من غيبوبته ، وإنتفض زلنطحيته النخانيخ لتقديم طلبات إحاطة عاجلة للحكومة .. موش بسبب إنهيار التعليم بالمدارس الحكومية ، ولا بسبب إنهيار العلاح داخل المستشفيات الحكومية ، أو مستشفيات التأمين الصحى ، ولا بسبب طحن المواطن المصرى من فرض الإتاوات عليه ليل نهار لتنفيذ مخطط إفقاره عن عمد .. لا والله .. لكن هؤلاء الزلنطحية النخانيخ إنتفضوا من أجل مافيا التجار النخانيخ اللصوص علشان طبق البيض لمجرد بس إنخفض سعره إلى 55 جنيه داخل المزارع نتيجة ضعف القوة الشرائية ، ومن ثم تراكم البيض فى الأسواق بسبب مقاطعة الناس عن الشراء نتيجة عدم قدرتهم الشرائية .. يقوم يهب وينتفض نخانيخ برلمان العار لحماية خسائر نخانيخ مافيا المنتجين ومافيا التجار ، وأن إنخفاض سعر طبق البيض إللى ممكن يفرح المواطن المطحون يعتبرونه أزمة أمن غذائى تستدعى تدخل الحكومة فورا .. بالله عليكم فيه فساد مقرون بالبجاحة أكتر من كده .. لا والله .
????- وهنا السؤال الذى يطرح نفسه الأن على مجلس نواب العار ده: كانت فين طلبات الإحاطة العاجلة دى ، وكانت فين حناجركم دى لما كان المواطن عاجز عن شراء طبق البيض ده لإطعام أولاده ؟!!.. طبعا وقتها كان مجلسكم العار ده يعانى من صمم وطرش وعمى ، ولم نراكم إنتفضتم كده على الحكومة لفرض تسعيرة جبرية تحمى هذا المواطن المطحون .. بل أننا رأينا منكم تصريحات تستفز الجوعى ، وتطالبهم بترشيد الإستهلاك ، أو البحث عن بدائل .. يعنى المواطن فى قاموسكم يا مجلس عار يطلب منه فقط ودائما أن يتحمل علشان البلد .. لكن عند مافيا التجار النخانيخ اللصوص لابد من دعمهم فورا من خزانة الدولة إللى هى فى الأصل جيب المواطن .
????- أخيرا أتمنى من كل بهيم باع صوته بثمن بخس أثناء الإنتخابات يكون فهم دلوقتى أن الواقع والأرقام يقولان بأن هذا البرلمان العار فى أغلب نخانيخه يعملون شرطيا للدفاع عن مصالح كبار مافيا اللصوص من النخانيخ المستثمرين ، وحيتان الأسواق ، وليس برلمان يدافع عن حقوق المواطنين ..
???? بدليل عندما يخسر التاجر اللص ، أو يقل هامش ربحه تتحرك الأدوات الرقابية ، ويستدعى الوزراء بحجة إنقاذ الصناعة الوطنية .. لكن عندما يتم سحق المواطن تحت عجلات الغلاء والإحتكار يتم تخديره بإسطوانات "الأزمة العالمية ، والحرب الفلانية ، وأن الأسعار عرض وطلب لأننا فى سوق حر"، وهلوما جرا .. بس خلاص????????.
⇧
