اكبر خطه خداع استراتيجي بعد حرب اكتوبر
???????????? أكبر خطة خداع إستراتيجى منذ حرب أكتوبر
????منتدى غاز شرق المتوسط (( والإستحواذ)) وأوروبا تدرج المشروعين المصريين (( فئه أ )) أهميه قصوى وتنفيذ فورى
???????????? الحوثيين فى إعتداء صارخ (( مرفوض )) وكبير على السعوديه (( ومصر تعيد طرح الأمن العربى )) مره أخرى
???????????? جولة أخبار .... ومعرض الطيران والفضاء الدولى فى نسخته الثانيه بالعلمين
???????????? استكمال مهم فى (( التعليقات )) على كل تقرير
تابعوا التعليقات ... دائما بها تفاصيل كثيره ودرء الشائعات والرد على كل الاسئله والاستفسارات
××××××××××××××××
❤❤❤ أكبر خطة خداع إستراتيجى منذ حرب أكتوبر
منتدى غاز شرق المتوسط (( والإستحواذ)) وأوروبا تدرج المشروعين المصريين (( فئه أ )) أهميه قصوى وتنفيذ فورى :
???? دائما وأبدا الصراع على الأرض من أجل النفوذ والثروات وبعد الحرب العالميه الثانيه ١٩٤٥م اتسمت الصراعات بغلاف وهمى من الامم المتحده ومجلس الأمن يلون الصراع والاستيلاء على ثروات العالم
???? ليعيد ترامب العالم كله للغه البدائيه للصراع مره أخرى ويعلن الحرب للاستيلاء على ثروات فنزويلا ويعيد الكره للاستيلاء على ثروات الشرق الأوسط
???? والبترول والغاز تسيطر عليه عدة دول حول العالم ومجموعة شركات عملاقه مرتبطه بها تمول اكتشاف الثروات وتخرجها وتأخذ نسبه منها (( حول العالم ))
???? وحاصروا العالم كله بعدم قدرة اى دوله على دفع التكلفه الطائله للاستكشاف والاستخراج والربط والتصدير او تصنيع الخام
???? وحاصروا حتى الدول التى تملك الأموال فحظروا التكنولوجيا المستخدمه فى أيديهم فقط
❤❤ وتحركت مصر (( وكانوا يسخرون )) من إستحالة الفكره وأحلام التنفيذ :
???? تعاقدت مصر تعاقدات تقليديه أهمها حقل ظهر للغاز واختارت دول (( عاديه وضعيفه )) لعمل منتدى غاز شرق المتوسط (( الذى اجتمع )) وكأنه مركز دراسات استراتيجيه سيظل يدرس ويجتمع مدى الحياه
???? وجاءت المفاجأه فى ترسيم المناطق الإقتصاديه وابلاغ كافة الجهات الدوليه وتعميم الاتفاقيات والتنفيذ بين مصر وقبرص واليونان (( لتخرج أكبر مفاجأه )) للنور وسط ذهول عالمى كبير جدا
???? وحركت بسرعه قوى الشر أذرعها(( تركيا )) لمحاولة هدم الامر الواقع... وتوجهت مباشرة لحقل ظهر لاستهدافه بشكل مباشر واقتحمت مياه قبرص واليونان ونقلت جسور جويه بالمقاتلين والسلاح والقطع البحريه فى ليبيا ودعمت وسلحت ونظمت كل مايهدم (( مصر )) بالتعاون مع الجميع
???????? ومش هنضيع وقت كتير كلكم عارفين عملنا فيهم ايه فى مياه المتوسط وفى كل شبر فى ليبيا وكمان دعمنا قبرص واليونان
???????? وخلاص بقينا حبايب واصدقاء وحلوين وعسلوين مع الاردوغانيين أمير (( مش عارف مين !!!))
???? ومتنسوش ياحلوين اهم القواعد الثابتين
== النظام والدوله التى لاتستطيع اسقاطهم يجب ان تعود سريعا لتكسبهم من جديد وتتعاون معهم
== وان كل العلاقات بين الدول فقط (( مصالح ))
❤❤ خلاص كله أصبح أمر واقع واعلن من قمة مصر وقبرص واليونان فى مصر اليوم :
???? الحدود اترسمت
???? مصر اصبحت مركز للطاقه / البترول / الغاز
???? بداية عام ٢٠٢٨م يعنى سنه بإذن الله هيكون ربط الغاز مع قبرص ومنها لأوروبا كلها تم بألف خير
???? بداية عام ٢٠٢٨م بترول / غاز / كهرباء عن طريق مصر إلى اوروبا ((( والربط من كل مكان ))) الخليج ، كل غاز شرق المتوسط ، نيجيريا ، ليبيا ، .... ))
❤ وكله بيجرى يربط مع مصر .... ومش ميناء واحد ولا اتنين ولا حتى (( خمسه فى عين اعداء مصر ))
الأماكن كتير والموانئ بإذن الله أكتر
((( وحاضر هرد على السؤال المعتاد أنا كمواطن هستفاد ايه)) السؤال اللى بيرموه ليكم اهل الشر مستغلين ظروفنا الصعبه وتدنى دخل المواطن وغلاء الاسعار
واصبحنا كل تقرير فيه خبر (( سعيد )) نترجم بكل بساطه ووضوح ويسر نفهمك انت كمواطن هتستفيد ايه
وهنفضل مع كل مشروع نوصلك لغاية عندك هتستفيد ايه عشان تبدأ تستوعب ان مفيش حاجه هتتعمل داخل بلدك وعلى ارضك غير بفايده كبيره علينا كلنا
وكل ما يتعمل اكتر ونكبر اكتر واكتر الفوايد هتتجمع والملاليم هتصبح قروش وجنيهات وملايين ومليارات وتريليونات ونستفيد كلنا اكتر واكتر
((( وده الطريق الوحيد لينا كلنا )))
لكن لو انت شايف اننا مش هنستفيد اذا طبقا لفكرتك بلاش نعمل اى حاجه ونستنى (( السما تمطر فلوس ))
نزود بيها مرتبات ومعاشات ونزرع ونعمل مصانع وكل اللى نفسنا فيه .. وكمان الارض تطلع وحدها بترول وغاز ننور بيوتنا ونعيش فى رفاهيه(( ومفيش داعى نشتغل))
×××××××××××××××××××
???????????? مشروع جريجى مع اليونان - ومشروع ربط الغاز مع قبرص :
???? بعد (( سنه واحده )) وفى بداية ٢٠٢٨م هنبدأ نستقبل كل غاز قبرص من حقول قبرص كلها المربوطه فى شبكه كبيره مع بعضها
???? وعشان نقرب الفكره وهتلاقوا الخرائط فى التعليقات فى حقل اسمه (( كرونوس )) فى آخر حدود المنطقه الاقتصاديه لقبرص فى المياه العميقه بالبحر المتوسط
قريب جدا من حقل (( ظهر )) المصرى بمسافة ١٠٥ كم
❤ هنبسط الشرح خالص ... هنربط ماسورة غاز من حقل كرونوس القبرصى ونوصلها بالماسوره فى حقل ظهر
وحقل ظهر مربوط بكل شبكة الغاز (( المصريه ))
وحقل (( كرونوس )) مربوط بكل حقول وشبكة الغاز القبرصيه ????????????
وقبرص جزيره (( صغنططه جدا )) لاتستهلك حتى ١٠% من انتاج قبرص للغاز .... ومعندهاش اى امكانيات اقتصاديه يعنى فلوس تمول اسالة غاز او تصديره او حتى خطوط ربط منها لاوروبا (( لعداوتها التاريخيه مع تركيا ))
يعنى مضطرين بشكل كامل وده انسب حل ليهم عشان يصدروا ثرواتهم (( العاطله )) لأوروبا والعالم
???? طيب وإسرائيل؟؟؟ ليه مربطوش مع إسرائيل
برضوا بعيد عن كذب اعلام الصهيونيه العالميه
برضوا إسرائيل دوله صغيره لاتملك اى امكانيات تقارن بمصر وهيا نفسها الغاز بتاعها مفيش مجال تصدره غير بالربط مع مصر ????????????
???????? خاصة بعد تدمير كل مشاريع الصهيونيه العالميه اللى فضلوا يروجوا ليها على مدار ١٥ سنه منذ مؤامرات الربيع العربى ٢٠١١م ... كل اسبوع نلاقى هرى وعلى مدار السنين الطويله مشينا معاكم فى تقرير المختصر المفيد خطوه بخطوه نشرح كل حاجه ينزلوها ونقلكم (( حرفيا )) بدقه ليه مش هينفع تتتفذ وازاى مصر هتقوم بإفشالها
???????? فاكرين ولا نفكركم ؟؟ :
== مليون مشروع بديل لقناة السويس ????????????
(( فى مشروع واحد منهم تم ؟؟))
== خطوط بترول وغاز من الخليج لإسرائيل؟؟ فى حاجه نفعت ؟؟
== مصر خلاص راحت عليها ؟؟؟ ايه رأيكم راحت علينا ولا اصبحنا أجمل وأقوى وأأمن بلد فى المنطقه وكل الدول التانيه (( بتقصف وتضرب بشكل يومى ؟؟))
❤ نركز فى بلدنا ونكمل الشرح والتوضيح ????????????
كده مصر هتاخد غاز قبرص الهائل من كل حقولها فى صورة غاز (( تاخد اللى يلزمها للصناعة اللى بنتوسع فيها))
ونسيل ونصدر غاز مسال وفرق السعر مليارات الدولارات
وكمان نعيد تصدير الغاز عبر خطوط الربط اللى قربت تخلص من مصر إلى جزيرة كريت اليونانيه
(( وبرضوا النقل بفلوس ))
❤❤ المشروع التانى (( جريجى )) :
ده مشروع عملاق هيصدر طاقه كهربائيه من مصر لليونان ومنها للشبكه الأوروبيه كلها :
== هيعتمد على استثمارات عملاقه لإنتاج الطاقه النظيفه من شمس لرياح لطاقه كهرومائيه مشروعها شغال على قدم وساق فى جبل عتاقه ب٩ مليار دولار وغيرها كتير
???????? ومن ايام بسيطه نزلنا تقرير تفصيلى عن ربط بترول وغاز الخليج كله + العراق وايران بخطوط السعوديه
(( موجوده بالفعل )) ثم أنابيب وخطوط عبر البحر الأحمر أوشكت على الانتهاء ومنها على موانئ مصريه
(( جاهزه وتعمل بالفعل )) ثم عبر شبكه عملاقه من الخطوط داخل مصر (( موجوده وتعمل بالفعل )) الى موانئ على البحر المتوسط منها ميناء الحمراء (( موجود ويعمل بالفعل)) .... ثم ربط كل حقول نفط وغاز (( ليبيا )) بالشبكه
???? وافتكروا الخط (( الأحمر )) المصرى فى ليبيا
(( سرت / الجفره )) داخله ٩٠% من حقول نفط وغاز ليبيا
((( والربط على وشك الإنتهاء ))) بميناء تم تجهيزه واعداده مع اعداد قاعده بحريه على الحدود مع ليبيا تم افتتاحها من اربع سنوات (( فى كل هدوء ))
???? ورسمنا الحدود البحريه مع ليبيا وهيبدأ انتاج ليبيا من غاز وبترول البحر المتوسط وتدخل منتدى شرق المتوسط وكمان ساعدنا ترسم ليبيا حدودها مع ايطاليا للتوسع فى الربط والنقل والتصدير
???????? ليه اصبح أمر واقع ؟؟ :
الشطاره مش انك دوله غنيه او فقيره
ولا الشطاره ان عندك بترول او غاز
الشطاره اللى يملك بنيه تحتيه وإمكانيات نقل وموانئ مجهزه ومصافى تكرير وصهاريج عملاقه وإمكانيات تخزين ملايين البراميل من البترول
الشطاره تكون دوله مسيطره وجيشها وبحريتها قويه تقدر تحمى كل الثروات دى
الشطاره ان تكون دوله مستقره مش مقلقله وكل شويه تحصل مشاكل وتقفل حنفية تصدير البترول او الغاز او تقف الكهرباء اللى بتتصدر
والشطاره الأكبر انك تكون دوله موثوقه وشريفه وعلاقاتك بكل دول العالم مبنيه على الاحترام والمصالح المتشابكه المشتركه
???????? الموضوع كبير جدا والخطوات اكبر من قدرة الجميع على الاستيعاب .... وده مجهود وعمل على مدار ١٢ عام وهيبدأ نتائجه المذهله ٢٠٢٨م .... يعنى تخطيط وتنفيذ ومجهود هيكون استمر (( ١٤ عام متواصله )) عشان نقدر نوصل بعد كل هذا التخطيط والصراعات والمجهود
((( لحلم كبير هيغير واقع مصر وشعبها حرفيا )))
انك تكون مركز للطاقه فى قلب العالم بيربط ثلاث قارات هى قارات العالم القديم .... ده مش حاجه سهله ولابسيطه وعشان تتنفذ دفعنا (( أرواح ودماء شهداء كتير ))
وحاربنا كل دول العالم العظمى دون استثناء حرفيا
???????? وتعالى اقولك انت شخصيا هتكسب ايه؟؟
???? اول حاجه كل ده مش هيشتغل لوحده ... بالتالى وظائف وبيوت هتتفتح سواء اثناء التنفيذ وكمان عند التشغيل (( يعنى عشرات الالاف هيستفيدوا ))
???? ولو انت (( غلس أوى )) ورديت وقلت انا مش منهم ومش هشتغل هناك ... هرد واقول يمكن ابنك يتخرج ويشتغل .... ولو (( غلست زياده )) وقلت لو ابنى مشتغلش
مش هسيبك برضوا .... وهفضل افهمك وباسهل شكل
???? انا وانت وكلنا عايزين (( فلوس )) نزود مرتبات ومعاشات وتساعدنا نرجع تانى ناخد نفسنا
وكمان مدارس ومستشفيات وادويه وغيرها كتير أوى حاجات فيها الاف المشاكل محتاجه حل
((( محتاجه حل يعنى محتاجه فلوس))) دول تانى معندهاش ناس فى شعبها يعرف يشتغل لكن احنا شعبنا فيه احسن كوادر فى العالم كله ????????????
يعنى مشكلتنا بس عااااااايزين فلوس نجيب كل اللى نفسنا فيه ونزود دخلنا ونحل مشاكلنا
???????? المشروعين بتوع اليونان وقبرص وربط دول الخليج وليبيا والربط مع اوروبا هيجيبوا فلوس ليك انت إزاى ؟؟ :
???? ماسوره جايه من قبرص تمن الماسوره دى بين مصر وقبرص .... تفتح قبرص الحنفيه العداد عندها يعد
وباليورو او الدولار وتحاسب مصر على الغاز اللى طلع من عندها
???? نبسط الموضوع اخدنا مثلا متر مكعب غاز هتحاسب مصر عليه ب عشره دولار :
= هناخده نضغطه ونعمله اساله هيكلفنا كمان ٢ دولار
ودافعين فيه ١٠ دولار اذا اجمالى اللى دفعناه ١٢ دولار
= هنبيعه (( مسال لأوروبا )) ب ١٤ دولار
???? كده هتكون مصر بتكسب ٢ دولار فى كل متر مكعب غاز من قبرص ........ بدون ما أزعجك بحسابات معقده مشروع قبرص ده لوحده ممكن يدخل لمصر مكسب صافي
من ٨ الى ١٢ مليار دولار سنويا
((( دى فلوس بتاعتنا كلنا مكسب صافي ))) ركز ونجمع فى الآخر
???? طيب هنبيع كهرباء لأوروبا من خلال الربط مع اليونان
برضوا هنلاقى آخر السنه بعد التكلفه والمصاريف كسبانين
خمسه مليار دولار
???? طيب ده فى غاز جاى من ليبيا (( برضوا اهلا وسهلا ))
بعد التكلفه والتوسعات هتلاقى اخر السنه كسبانين
من ٢ الى ٤ مليار دولار ٢٠٢٨م ????????????
بس ليبيا مهمه جدا لان التوسعات فى انتاج الغاز
هتوصلنا لمكاسب تبدا على اقل تقدير ب ٢٠ مليار دولار
عام ٢٠٣٠م بعد ثلاث سنوات
???? طيب فى حجم هائل من الغاز جاى بالربط مع الخليج سواء عن طريق خطوط مصر الممتده فى لبنان وسوريا والاردن .... او الخطوط الرئيسيه الممتده من الخليج عبر السعوديه واللى بيتم ربطها حاليا فى البحر الأحمر
((( وقتها نشوف الحجم المنقول ومكاسبنا ايه )))
لان حتى الآن الكميات غير واضحه لكنها كبيره جدا
❤❤ طيب والبترول :
كل برميل بترول هيدخل :
= فلوس دخول (( لمصر ))
== فلوس عشان النقل فى الخطوط داخل مصر
== فلوس عند فتح الحنفيه فى الميناء واحنا بنحمل السفن على البحر المتوسط
==== طيب ولو هناخد بترول ندخل على المصافى المصريه ونطلع منه (( بنزين ، سولار ، مازوت، قطران ، بتروكيماويات بأنواعها،.....)) كده انت بتضرب مكسبك فى مضاعفات كتير جدا جدا جدا
???????? ولو قلتلك ان انتاج الخليج من البترول اما تضيف عليه العراق وايران = ٤٠% من انتاج البترول حول العالم كله
بما يعادل مايقارب ٤٠ مليون برميل ؟؟
???????? دا كده لو قدرنا نوصل لربع الكميه دى ننقلها ونصنع ونصدر (( ١٠ مليون برميل )) البترول بس ممكن يدخل لمصر نفس نسبة دخل (( السعوديه )) بالظبط
لان انتاج السعوديه / روسيا / اميركا / كندا
ودى اعلى انتاج بترول عالميا كلهم متوسط
من ١٠ الى ١٢ مليون برميل يوميا
???????? طيب إنت شايف الأرقام كبيره ومليارات الدولارات
(( لكن تقرير المختصر المفيد بيتكلم بشكل واقعى ))
ايوه واحنا ١٢٠ مليون عدد هائل وكبير جدا وعندنا مشاكل كتير جدا جدا جدا .... اذا التحسن نتيجة الفلوس دى كلها مش بين يوم وليله هننام وهنصحى نلاقى نفسنا اصبحنا اغنياء .... لكن التحسن (( هيكون سريع جدا جدا جدا ))
بداية من ٢٠٢٨م لو قدرنا مننزلقش فى صراع وحافظنا على استمرار العمل (( ونحفر فى الصخر )) منقفش ثانيه واحده
لانك عشان توصل لنقطة نجاح كبيره ومظبوطه
(( نقطه واحده بس )) بتحتاج سنين عمل وحفر فى الصخر
❤❤ عشان كده بنقول بكل يقين فى الله وكل ثقه القادم أفضل وكثيرا جدا (( واعدائكم هيموتوا انكم تقفوا بس))
ويقف الشغل الحالى الهائل وتقف التنميه
عشان يضيع علينا كل تعب السنين اللى فاتت وعشان يتدمر كمان الحاضر والمستقبل .... عشان كده لازم منقفش ثانيه
ونوصل بجداره واستحقاق ناخد نتيجة تعبنا
???????????? طيب واميركا والماسونيه والصهيونيه العالميه كل دول عادى جدا هيسيبوا مصر تعمل كل ده ؟؟؟ :
???? افتكر تانى قلنا دول محدده عظمى بتكتشف وتستخرج وتاخد نسبه يعنى نقربها لو برميل بترول منتج من السعوديه الشركه الامريكيه ليها (( الثلث )) اتباع من اى مكان من موانئ الخليج او موانئ مصر ((( المهم يتباع ))) عشان امريكا تاخد فلوسها
???? وقلنا وهنفكركم تانى ... حرب ايران وقفل هرمز يعطل اكتر من ٤٠% من البترول اللى بتاخده الصين يعنى يحقق مصالح اميركا فى ضرب اقتصاد الصين فى مقتل
❤ لكن بالتأكيد أميركا مش بتخسر نفسها ولا عايزه بترول الخليج اللى بيدخلها مئات المليارات (( يقف ولا يتم تصديره)) !!!! ... يعنى (( مصالح )) قاعده ثابته
اصبح ان مصر يتصدر منها بترول الخليج والغاز مصلحه عظمى لاميركا
???????? ولا انتوا فاكرين رئيس الصين (( جاء مهرولا لمصر))
عشان يزور المتحف الكبير ويتفرج على قناع توت عنخ آمون!!!!!!! .... قلنا بكل بساطه عنده كارثه معطله اقتصاده وهو عارف اى صراع عسكرى هيدمر الجميع ????????????
اذا الافضل ينقل الاف المصانع على مصر ويضمن الطاقه اللى محتاجاها المصانع دى كلها فى التشغيل
((( وعشان كده كل الدول بتجرى على مصر )))
???????? حتى مليارات الخليج لمشاريع الذكاء الاصطناعي اخدها ترامب (( وعايزين يعرضوا يمولوا بيها)) مراكز الذكاء الاصطناعي فين ياااااحلوين ؟؟؟؟ ايوه بالظبط فى مصر
واحنا بندرس كل العروض الصين اميركا فرنسا الاتحاد الأوروبي(( عشان نختار أولا المناسب طبقا للأمن القومى))
???? ونختار المفيد لينا ويكسبنا
???? واننا مندفعش فلوس(( اعتبروها ضمن التعويضات))
???????? سؤال تانى انتشر من زبانية الشيطان واعداء مصر بيلفوا يقولوا .... كالمعتاد بيع اصول وطبعا مركزين على الامارات لانها بتضخ مليارات كتير .... واضايقوا أوى من زيارة رئيس الصين راحوا طالعين فى نغمه جديده ان كل المصانع دى (( احتلال لمصر )) واحنا مش هنستفيد منها حاجه :
== يعنى من هنشغل(( مصريين )) ولا هتفتح بيوت؟؟
هتتبنى وتشتغل (( ذاتيا؟؟))
== يعنى مش هيدفعوا تكلفة حق الانتفاع للأراضي؟؟
== يعنى مفيش ضرايب ؟؟
== يعنى لو هيصدروا (( بالدولار )) مفيش رسوم جمارك؟؟
❤ عامة عشان محدش (( يسطح )) تفكيرك اى دوله بتستقبل استثمارات هيا اللى بتعرض فى خطتها للإستثمار عايزه ايه فى الصناعه او الزراعه او السياحه
يعنى انت اللى بتحدد احتياجاتك وبتدى ميزات للمستثمر
== ان عندك المكان
== موقعك المتميز فى قلب العالم
== عندك بنيه تحتيه وطرق وموانئ
== عندك طاقه مستقره غاز وكهرباء وكل انواع الوقود يعنى مصنع المستثمر مش هيعطل ويقف
== عندك عماله ماهره وجاهزه على اعلى مستوى تلبى احتياجاتك فى سوق العمل
== وعندك مليون ميزه وميزه
== منها سوق هائل فيه ١٢٠ مليون هياخدوا انتاج من عندك
فبلاش حد يشتغلك ويفضل يضحك عليك ويكرر على ودانك اننا مش هنستفيد حاجه ????????????
هما عارفين كويس ان دخل الفرد متدنى وجدا والاسعار عاليه (( نار )) واننا كلنا بنتعصر .... وبيضغطوا باقصى طاقتهم عليك دلوقت فى عز (( خنقتك )) عشان نفسهم ندمر بلدنا بإيدينا ونهدها فوق دماغنا ????????????
وبيموتوا كل ما الوقت يقرب من ٢٠٣٠م وخاصة مع بادية ٢٠٢٧م (( ايوه اللى بعد ٣ شهور ونص)) عشان المؤشرات كلها هتبدأ تتحسن .... وهيا بدأت الحمد لله بالفعل
ولينا شهر بنتكلم عن مشاريع عملاقه هتبدأ تطلع خيرها بعد سنين طويله جدا بنحضر لها ونجهز ليها وبنحفر فى الصخر نوصلها ((( والحمد لله وصلنا )))
???????? مش لسه هنوصل(( بنقول الحمد لله وصلنا بالفعل))
???????? متهيألى كده غطينا كل الاسئله وشرحنا بالتفصيل
××××××××××××××××××
???????????? الحوثيين فى إعتداء صارخ (( مرفوض )) وكبير على السعوديه (( ومصر تعيد طرح الأمن العربى )) مره أخرى :
???? فى تصعيد فى اليمن ورجعت الحرب تانى بين السلطه الشرعيه والحوثيين الموالين لايران
???? وطبعا السعوديه بتمول وتساند السلطه الشرعيه وطبعا ضد كل حاجه فيها اسم ايران
???? وبرضوا الامارات بتمول طرف تالت فى قبائل الجنوب لمحاولة العوده لوضع موطئ قدم
???? طيب اميركا بتضرب فى ايران ... وايران خبيثه كالمعتاد ومش عايزه تكون صعدت وتضرب بشكل مباشر مناطق النفط والغاز فى الخليج (( عشان الحرب متخرجش عن السيطره )) ... وقلنا من شهور هتعمل ايه ؟؟
قلنا هتخلى الحوثيين يضربوا الخليج
وحزب الله يضرب إسرائيل
(( وميهمهاش طبعا من الاساس تدمر وتضيع لبنان او سوريا او اليمن او اى حد )) هيا كده ونظامها الحاكم طبيعى يقول وسط الحرب الصعبه دى (( نفسى ثم نفسى ))
???? وعادى جدا لو وصلوا لاتفاق اقتصادى مع اميركا هيدخلوا تانى مع الصهيونيه العالميه ويرجعوا زى العسل مع بعض (( ما هيا الماسونيه والصهيونيه العالميه ))
اللى صنعوا نظام المرشد الايرانى من الاساس
???????? بالنسبه لمصر وبكل صراحه ووضوح معتاده :
???? حلو أوى محاولات السلطه الشرعيه لاستعادة السيطره على اليمن (( نرجع مليون ونص يمنى عندنا على بلادهم))
???????????????????? وقلبا روحا ونفسا ومش عارف ايه كمان بس يعنى(( كل الكلام الدبلوماسى )) الحلو والجميل وبجد والله .... مع السعوديه لاقصى حد ????????????
جيش سعودى قوى جدا جدا جدا وشعب قوى ومحترم
وهما قادرين تماما على حماية الأمن القومى للسعوديه
???????? وقادرين تماما على ردع ميليشيات الحوثيين
???????? كما استطاعوا حماية السعوديه ضد هجمات ايران على مدار شهور سابقه
❤❤ كل التحيه والتقدير والاحترام للمملكه وشعبها وجيشها وكل التضامن معها ضد محاولات العبث الشيطانيه بها ????????????
???????? واحنا رجعنا قدمنا الرؤيه المصريه للأمن العربى
اهلا وسهلا (( اللى عايز ينفذ قوه عربيه مشتركه))
اهلا وسهلا ????????????
عندكم فيديو الرئيس السيسى على الصفحه منزلينه من يومين قال بالحرف :
بيقولوا عندكم جيش قوى يالا تعالوا حاربوا
واحنا قلنا ليه رفضتوا الجيش العربى المشترك؟؟
(( دلوقتى تعالوا حاربوا ؟؟))
اذا الكلام واضح وصريح ومباشر
كل التضامن وكل الرفض لاى اعتداء على اى دوله عربيه
وأقوى تضامن من اعماق قلوبنا وبصدق مع الجميع
(( وبس كده ))
××××××××××××××××××
???????????? جولة أخبار .... ومعرض الطيران والفضاء الدولى فى نسخته الثانيه بالعلمين :
معرض مهم يتم للعام الثانى على التوالي وتشترك فيه خمسين دوله وتعرض كل دوله مشاركه بالمعرض منتجاتها وبالتالى فرصه جميله جدا :
???? الدول بتحجز بفلوس (( كبيره )) مكانها فى المعرض
???? وفود الدول بتحجز بفلوس (( كبيره )) لوفودها خلال التجهيز والتنظيم وايام المعرض وبعد انتهاؤه
???? خمسين دوله بيشوفوا مدينة العلمين الجديده
(( صحراء مليانه الغام )) وحاليا اصبحت ايه
❤ وبنقابل اطراف كتير نسوق منتجاتنا ونتعاقد على نقل تكنولوجيا وتصنيع مشترك خاصة للاقمار الصناعيه والطائرات بأنواعها والشرائح الالكترونيه وغيرها كثيرا
???? وسيبكم من هرى اعدائكم :
انت مستفيد ايه؟؟
العلمين الجديده مش لينا
الساحل الطيب والساحل الشرير
❤ اطلعوا بنفسكم من الدوامه(( الغبيه دى ))
لان كل ملليمتر بيتعمر فى بلدك انا وانت مستفيدين
من غير كل التعمير ده عايز تتحسن حياتنا ازاى؟؟
افرح بكل حدث عالمى يضيف لبلدك وافرح بكل بناء وبكل استثمار لانه ليا وليك
×××××××××××××××××
???????????? استكمال مهم فى (( التعليقات )) على كل تقرير
تابعوا التعليقات ... دائما بها تفاصيل كثيره ودرء الشائعات والرد على كل الاسئله والاستفسارات
××××××××××××××××××
???????? كده نقدر نقول صباح السكر
انتهى تقريرنا مع اخبار مصر الجميله وهيا بالفعل الحمد لله جميله جدا ربنا يديمها علينا نعمه ونتقدم للأفضل والاحسن وتتحسن كل أحوالنا وتتحل كل مشاكلنا بالف خير باذن الله
❤❤ربنا يحفظ مصر وشعبها بخير وتقدم وأمان❤❤. كتبه ???????? عبدالباسط صابر ????????????????
⇧
