تداعيات نقص الصواريخ الأمريكية في حرب إيران
???? تداعيات نقص الصواريخ الأمريكية ما زالت مستمرة.. والصحافة العالمية كل يوم بتكشف جديد.. وبتوضح قد إيه أمريكا بقى ليها نقاط الضعف في آسيا وأوروبا ومتخوفة من روسيا والصين..
???? مصادر أمريكية رسمية قالت لنيويورك تايمز إن الحرب في إيران، أجبرت البنتاجون على نقل صواريخ وسفن وطائرات ووحدات دفاع جوي من أوروبا وآسيا للشرق الأوسط.. وطبعا سحب الأسلحة والقوات من المناطق بيأثر على حسابات روسيا والصين في أي نزاع عسكري.. وده ممكن يجر أمريكا لمواجهة أكبر..
???? بحسب بيانات نيويورك تايمز، الجيش الأمريكي أطلق أكتر من 1500 صاروخ باتريوت من بداية الحرب، وما بقاش موجود في المخزون غير أقل من 1700 صاروخ.. وحتى مع تسريع وتيرة إنتاج صواريخ جديدة، أمريكا هتحتاج أكتر من سنتين علشان تعوض النقص.. ومش بس صواريخ باتريوت.. دا فيه نقص في أنواع مختلفة من الصواريخ بعيدة المدى، ومن بينها "أتاكمز" أرض-أرض..
???? والأزمة مش بس في حجم الأسلحة اللي بتتسحب من المخازن الأمريكية، لكن كمان في المدة اللي هتحتاجها واشنطن علشان تعوض اللي تم استهلاكه.. وعلشان كد شبكة CNN قالت إن الجنرال دان كين بيدور على "مخرج" من الحرب مع إيران.. فيه مناقشات مع كبار مساعدي ترامب إن الخيارات العسكرية ممكن تجيب نتيجة عكسية.. والاعتماد على القوة الجوية لوحدها مش هتحقق الأهداف..
???? وخصوصا إن فيه مشكلة أكبر.. وهي أوكرانيا.. مصادر رسمية قالت لـ"نيويورك تايمز" إن أمريكا أجلت تسليم أنظمة أسلحة لـ"حلفائها في أوروبا وآسيا".. وأوكرانيا أكتر طرف متضرر من استنزاف مخزون الأسلحة الأمريكي..
???? زيلينسكي قال الأسبوع اللي فات إن عدد صواريخ الدفاع الجوي اللي بتنقلها الدول الغربية لأوكرانيا خلال السنة دي انخفض لحوالي تلت الكمية في 2025.. في الوقت اللي روسيا بتستغل الفرصة..
???? والأربعاء اللي فات، أوكرانيا فشلت في اعتراض أي صاروخ من أصل 28 صاروخ أطلقتهم روسيا في هجوم أسفر عن مقتل 17 شخص على الأقل.. كييف رغم إنها قدرت خلال سنين الحرب تصنع طيارات مسيرة.. لكن صواريخ الدفاع الجوي فهي معتمدة على اللي بتيجي من الغرب..
???? وبالتالي، الحرب في إيران مش بس بتستنزف القوات الأمريكية الموجودة في الشرق الأوسط.. دي ضغطت على مخزونات الصواريخ والذخائر، وأجبرت واشنطن على إعادة توزيع قواتها وأنظمتها بين مناطق مختلفة من العالم.
???? القلق الأكبر عند المسؤولين الغربيين إن المشكلة ما تقفش عند حدود الشرق الأوسط وأوكرانيا.. لأن كل صاروخ أو منظومة دفاع جوي بتتنقل من أوروبا أو آسيا للشرق الأوسط، وكل قطعة سلاح بتتسحب من المخزون الأمريكي، ممكن يكون ليها تأثير على حسابات موسكو وبكين.
???? يعني كل ما طال أمد الحرب في إيران، كل ما زاد الضغط على أمريكا علشان تحافظ في نفس الوقت على وجودها العسكري في الشرق الأوسط، ودعم أوكرانيا، وردع روسيا في أوروبا، ومواجهة الصين في آسيا.
???? وده هو العقبة اللي بتواجهه واشنطن دلوقتي.. هل تقدر تدير كل الجبهات دي في نفس الوقت، ولا استمرار الحرب في إيران هيجبرها في مرحلة معينة إنها تقلل وجودها أو التزاماتها في واحدة من المناطق التانية؟.
???? أما بالنسبة للتهديد اللي ممكن تمثله روسيا على أمريكا، فـ مش بس إنها "تدك" أوكرانيا وتجيب عاليها واطيها.. لكن الخطر إن روسيا بتفكر تهاجم دول الناتو..
???? الأسبوع اللي فات، صحيفة "وول ستريت جورنال" قالت إن تقييمات استخباراتية غربية بتشير إن روسيا ممكن تختبر مدى التزام حلف الناتو بالدفاع عن أعضائه، وتشن هجوم على واحدة من دول الحلف خلال السنوات الجاية.
???? أما في آسيا، فالمشكلة مختلفة شوية، لكنها برضه مرتبطة بنفس الأزمة.. البنتاجون نقل صواريخ توماهوك وصواريخ تانية بعيدة المدى للشرق الأوسط، وكانت الصواريخ دي مخصصة أصلا للاستخدام في حالة نشوب حرب مع الصين.
???? وكمان تم نقل مئات الصواريخ الاعتراضية المتطورة من كوريا الجنوبية ودول تانية إلى المنطقة.. ومش بس كده.. أمريكا نشرت حاملة طائرات وعدد من أحدث مدمراتها التابعة للبحرية الأمريكية في الحرب ضد إيران.
???? مسؤول أمريكي قال إن سحب أنظمة الدفاع والمراقبة من كوريا الجنوبية خلى القوات الأمريكية الموجودة هناك أكتر عرضة للخطر لو حصلت حرب مع كوريا الشمالية.
???? علشان كدا أمريكا بتحاول تعمل خطوات سريعة علشان تعوض النقص في مخزون الذخائر والأسلحة.. بحسب وكالة "أسوشيتد برس"، الجيش الأمريكي أعلن يوم الثلاثاء عن افتتاح مجموعة من ميادين الرماية والتجارب مخصصة للشركات الخاصة اللي بتطور الصواريخ والطائرات المسيرة وأنواع تانية من الأسلحة.
???? والهدف إن الشركات دي تقدر تختبر أسلحتها بشكل أسرع، والجيش يقدر يحصل عليها ويدخلها الخدمة في أسرع وقت ممكن.. وزير الجيش الأمريكي دان دريسكول قال إن دا ممكن يختصر شهور، وأحيانا سنين في إنتاج الأسلحة جاية..
???? السؤال بقى.. هل دي مجرد مشكلة مؤقتة بسبب الحرب في إيران.. ولا إن استنزاف الترسانة الأمريكية بدأ يكشف مشكلة أعمق في قدرة واشنطن على الاستعداد لأكتر من حرب في نفس الوقت؟
⇧
