الشرق الاوسط على حافة الانهيار الكامل

???? ربنا يسترها... في اللحظة اللي أنت بتقرأ فيها السطور دي، أمريكا جابت 113 طائرة تزود بالوقود ونشرتها في مطار بن جوريون وقاعدة رامون العسكرية ومواقع تانية جوه إسرائيل... وده رقم ضخم جدًا وقادر يدعم آلاف المقاتلات الحربية في عمليات عسكرية مباشرة بالتوازي مع بعض، وأكبر حتى من الجولة السابقة في الحرب! بالإضافة لده، السفارات الأمريكية في عمان وبغداد والكويت وباقي دول المنطقة أطلقت من شوية تحذيرات أمنية عامة بتطالب رعاياها بالمغادرة الفورية أو الاستعداد للخروج من الشرق الأوسط في أي لحظة، وانضمت ليها دول تانية زي ألمانيا اللي بلغت مواطنيها بضرورة الخروج من المنطقة فورًا... ⚫️ طيب ليه كل ده؟ عشان كل الأخبار اللي دايرة في الإعلام العبري والأمريكي حاليًا بتقول إن ترامب ونتنياهو بيحطوا دلوقتي الرتوش الأخيرة لتوجيه ضربة عسكرية ضخمة ومركزة، تستهدف محطات الطاقة والبنية التحتية والمنشآت النووية في عمق إيران... وطبعاً معادلة الرد الإيراني مش محتاجة تخمين، لأن طهران أعلنتها صريحة قبل كده: استهداف بنيتها التحتية هيقابله مسح كامل لمنشآت النفط والغاز ومحطات تحلية المياه في الخليج، وإعادة المنطقة بأكملها للعصر الحجري على حد وصفهم! ​ومش بس كده... ????️ إيران بدأت بالفعل تحركات ميدانية مخيفة على الأرض، وبحسب التسريبات وصور الأقمار الصناعية، ف في حاليًا حشد عسكري إيراني ضخم وتحريك للمعدات الثقيلة ومنصات الصواريخ المباشرة وشاحنات المسيرات في أغلب المحافظات، مع نقل دبابات قتال رئيسية من طراز T-72M1 ومدرعات على طريق الأهواز–عبادان باتجاه الحدود القريبة من العراق والكويت... وعارف المناطق اللي إيران بتقول هتقصفها لو أمريكا ضربت منشآت الطاقة والمنشآت النووية بتاعتها؛ هي أيه وموقعها فين؟ ????️ خد عندك: حقل غوار وبقيق وخريص في السعودية، ومصفاة الرويس وزاكوم في الإمارات، وحقل الشمال ورأس لفان في قطر، وبرقان في الكويت، وسترة في البحرين، بالإضافة لحقلي ليفياثان وتمار للغاز في إسرائيل! وحسب كلام مسؤولين ومصادر في الحرس الثوري، فالرد المرة دي مش هيكون مجرد ضربة عادية، بل هجوم موسع هيشارك فيه كل حلفائها، وكمان هيعطل حركة الملاحة في البحر الأحمر والخليج العربي بشكل كامل... للأسف بعد متابعة للأخبار والتطورات خلال الساعات اللي فاتت، فالموقف المرة دي حرج فعلًا... ولو عايز دليل على ده، مفيش أوضح من التحذيرات المكتوبة اللي خرجت من قلب المؤسسة العسكرية الأمريكية نفسها! ????️ قائد القيادة الأمريكية في أوروبا، الجنرال أليكسوس غرينكويتش، من كام ساعة فاتوا بعت إخطار رسمي ومباشر لكبار مسؤولي البنتاجون بيحذرهم فيه من أزمة نقص حادة في عدد المدمرات البحرية، وإن قوات الجيش الأمريكي قد تضطر قريبًا لحاجة محصلتش ومتقالتش قبل كده... هيضطروا انهم يختاروا بين الدفاع عن العمق الأمريكي أو حماية إسرائيل ضد أي هجوم باليستي إيراني واسع! بحسب التقارير، فالضغط العملياتي ومشاكل الصيانة الناتجة عن وتيرة الاستنفار المستمر في الشرق الأوسط، خلت الأسطول الأمريكي -برغم وجود حاملتي طائرات و15 سفينة حربية في المنطقة- غير قادر على تغطية كل الجبهات في نفس الوقت، ومن هنا جه التحذير! ???? طيب يا ترى ايه السيناريوهات المتوقعة، بأكتر تحليل واقعي نقدر نقول انه هيحصل؟ شوف يا باشا... احنا حاليًا قدام مشهد متفجر وحرج فعلًا، والسيناريوهات كلها أصعب من بعضها... 1️⃣ السيناريو الأول (والأسوأ في رأيي) هو إن تحصل ضربات أمريكية اسرائيلية بالفعل خلال الساعات الجاية، على مواقع تخزين اليورانيوم المخصب للبنية النووية وبعض مراكز الطاقة الإيرانية... وبعدها مباشرةً يحصل رد إيراني موازي يطول منشآت الطاقة والنفط ومحطات تحلية المياه في دول الخليج والمياه الإقليمية، وده هينتج عنه شلل شبه كامل في إمدادات الطاقة العالمية وانهيار للأسواق واضطراب غير مسبوق في اقتصاد العالم كله... 2️⃣ السيناريو التاني هو إن ده ميحصلش، استغلال تستغل الحشد الهائل ده كأداة ضغط قصوى للوصول لاتفاق في الدقائق الأخيرة قبل ما الموقف ينفجر... 3️⃣ أما السيناريو التالت (الأقل احتمالًا في رأيي)، هو إن المواجهة تتحول لحرب استنزاف مفتوحة وشاملة، تتدخل فيها القوات البرية لمحاولة احتلال أجزاء من إيران، وتحاول فيها إيران احتلال أجزاء من الكويت أو البحرين... وساعتها التبعات هتطول شبكات الملاحة والبنية التحتية والمجال الجوي في المنطقة ككل، وده هيتسبب في أزمات اقتصادية ومعيشية وإنسانية حادة تجرف الأخضر واليابس وتؤثر على كل دول الإقليم بدون استثناء... ​إحنا بنعيش ساعات حاسمة وعلى أعتاب فترة قد تكون الأشد ظلامًا وتعقيدًا في تاريخ الشرق الأوسط الحديث... والسبب الرئيسي في ده هو إن مفيش طرف عايز يتنازل خالص، والمل مصر على التصعيد لحد ما يوصل لغايته... وحتى لو ترامب مش عايز يصعد، بس نتنياهو بيدفعه دفعًا للتصعيد وعايز يولع في كل حاجة... أتمنى من الله إن الساعات الجاية تحمل أي انفراجة سياسية تحقن الدماء وتلم الأزمة دي على خير، لأن التكلفة لو السيناريو العسكري كمل هتكون باهظة على الجميع ومفيش حد هيخرج كسبان... اللهم احفظ مصر شعبها وجيشها ورئيسها واحفظ الأمه العربيه اللهم آمين يارب العالمين