اليوم الاخباري
  • اليوم الاخباري
  • اليوم الاخباري
  • اليوم الاخباري

رئيس مجلس الإدارة أ عبد الباسط صابر

صاحب الامتياز د. محمد الصريدي

المدير العام أ محمود الكيلاني

الأخبار

المقال المعجزة العجيب

الرقائق الإلكترونية في مصر
الرقائق الإلكترونية في مصر
عظمه علي عظمه يامصر ???????? ????أنتوا مش عارفين يا جماعة الخبر ده قد إيه عظيم ، فمجرد التفكير ، أيوة مجرد التفكير في الخطوة الجبارة دي يعتبر انجاز عظيم وجرأة في تفكير الدولة المصرية ماكنتش أحلم بيها ولا كنت أفكر في يوم ان «مصر» ممكن في يوم من الأيام تقتحم المجال الفائق التقدم والبالغ التعقيد ده .. . ????يارب تكونوا لسه فاكرين مقال «حرب الرقائق الإلكترونية» اللي اتكلمت فيه من حوالي 3 أسابيع عن مدى أهمية وخطورة «الرقائق الالكترونية -Microchips» أو ما يعرف بتكنولوجيا «أشباه الموصلات-Semiconductors» وقلت وقتها انها أخطر حرب ممكن تؤدي لشلل العالم كله عشان كده اعتبرت وقتها ان حرب تايوان اذا بدأت ستكون أخطر من حرب أوكرانيا بمراحل ، لأن الرقائق دي بتدخل في تركيب وعمل كل حاجة في حياتنا دلوقت تقريبا ؛ من أول الموبايل والغسالة الأتوماتيك وغسالة الأطباق والتليفزيونات والريسيفرات وأجهزة الريموت كنترول بتاعتها والكمبيوتر الشخصي وحتى الفيديو جيمز ولعب الأطفال ، مرورا بالسيارات وصناعات عديدة متقدمة كصناعة الأجهزة الطبية والمعملية ، ووصولا للأقمار الصناعية والخلايا الشمسية والمقاتلات المتقدمة مثل الـ «F-35» والغواصات والرادارات وأنظمة الدفاع الجوي والبوارج الحربية والمفاعلات النووية والصواريخ الباليستية وبرامج الفضاء .. يعني باختصار مفيش حاجة في حياتنا دلوقت مش بتعتمد على الرقائق الالكترونية في عملها ومفيش حد النهاردة على سطح الكوكب مش بيستخدمها في حياته اليومية ، وانا دلوقت وانا بكتب لك البوست ده بأكتبه من على جهاز لاب توب كله شرائح الكترونية ، وحضرتك وانت بتقرا كلامي ده بتقراه على جهاز لاب توب أو تابلت أو موبايل بيعتمد بشكل أساسي في عمله على هذه الرقائق أو الشرائح الالكترونية. ????وأكيد فاكرين اني قلت في المقال إن المجال ده بتحتكره دول قليلة جدا على مستوى العالم ، أهمهم بالطبع «تايوان» عبر شركة «tsmc» التايوانية العملاقة اللي بتحتكر لوحدها أكتر من 60% من سوق تصنيع الرقائق الالكترونية وأشباه الموصلات على مستوى العالم ، لدرجة انها بتسبق أمريكا نفسها وبتتفوق عليها بمسافات بعيدة في المجال ده .. وعشان كده لما زادت التوترات بين الولايات المتحدة والصين وزادت معها احتمالات نشوب حرب حول تايوان، تنبهت ادارة بايدن للفجوة الخطيرة دي فأستصدرت قرارا من الكونجرس بدعم تطوير صناعة الرقائق الالكترونية في داخل الولايات المتحدة بمبلغ 280 مليار دولار، لتستطيع اللحاق بتايوان والصين في هذا المجال ،، واعتبروا ان تطوير الصناعة دي قرار وجودي بالنسبة للولايات المتحدة وأنه من صميم الأمن القومي الأمريكي ، لأنه مع الأسف لو اجتاحت الصين جزيرة تايوان هينقطع ،أو في أحسن الأحوال هيتعثر ، إمداد 80% من إنتاج أشباه الموصلات في الكوكب كله. . ????من كام يوم بقى ، أعلنت الحكومة المصرية أنه جاري الانتهاء من مشروع لإنتاج أشباه الموصلات لاستغلال ما تملكه مصر من ثروة هائلة تتمثل في الرمال البيضاء المصرية ، لذلك قررت مصر أن تنشئ مجمعين لإنشاء الرقائق الالكترونية وأشباه الموصلات، سيكون الأول منها في سيناء ، أما المجمع الثاني فسيكون في محافظة البحر الأحمر بالقرب من مراكز إنتاج الذهب. ????طيب هي إيه علاقة الـ «Microchips» و «Semiconductors» بالرمال البيضاء ؟ ◾الرمل بيتكون أساسا من مادة السليكا «Silica» اللي هي الخامة الرئيسية لصناعة الرقائق الالكترونية ، ومن هنا هنفهم ليه مركز التكنولوجيا وتصنيع الرقائق الالكترونية وكل ما يتعلق بأجزاء الحواسيب الذكية في أمريكا لما حبوا يختاروله اسم أطلقوا عليه «وادي السيليكون-Silicon valley» ????النقطة الايجابية واللي بتدي أفضلية كبيرة لمصر في الموضوع ده انها بتمتلك أحد أفضل أنواع الرمال البيضاء على مستوى العالم ، وسبب جودة الخام المصري هي درجة نقاؤه العالية جدا ، حيث تصل نسبة تركيز خام السيليكا في الرمال البيضاء المصرية إلى 99.79% ، بينما تقل نسبة أكسيد الحديد غير المرغوب فيه عن 0.01% ، والنقطة التانية هي رصيد مصر الضخم جدا من الرمال البيضاء عالية النقاوة ، حيث يقدر احتياطي مصر من الرمال البيضاء بأكثر من 20 مليار طن تتركز أغلبها في منطقة «وادي الدخل» جنوب غرب الزعفرانة بالصحراء الشرقية، ويبلغ سمك الطبقة الرملية بها 100 متر بدون غطاء صخري وهو ما يقلل من تكلفة الإنتاج ويعزز من سهولة استخراج الخام ، كما تتوفر كميات هائلة من هذه الرمال فى وادي قنا ، بالإضافة إلى جبال «يلق» و «المنشرح» بشمال سيناء، ومنطقة «ابو زنيمة» «هضبة الجنة»بجنوب سيناء والتي تتوفر بها كميات ضخمة من الخام ذي الجودة العالية . ????وللأسف قبل عام 2016 كانت مصر تصدر هذا الرمل الخام بـ ٤٠ دولار للطن فقط . ????ولكن بعد ذلك التاريخ وبتوجيهات من الرئيس السيسي اللي استمع وقتها لنصائح العالم الكبير دكتور «فاروق الباز» ومعه كوكبة من كبار علماء مصر لما كلموه وقتها عن الثروة الهائلة اللي بتمتلكها مصر من هذه الرمال البيضاء ، أصدر الرئيس قراره فورا بمنع تصدير الخام المصري إلى الخارج استعدادا للدخول في هذه الصناعة ، لأنه في حالة تصنيع الرقائق سوف يباع الطن الواحد من هذه الرمال بعد تصنيعها بـأـ 100 ألف دولار ، أما إذا استخدمت تلك الرمال البيضاء في تصنيع الخلايا الشمسية فسوف يصل ثمن الطن الواحد منها إلى 10 آلاف دولار للطن . ????بس طبعا عشان نكون منصفين و بنتكلم بشئ من الدقة والموضوعية ، مصر لازالت تحبو في هذه الصناعة المتقدمة جدا واللي بتحتاج لمعامل عالية الدقة والكفاءة وأماكن تصنيع شديدة التعقيم مع مراقبة دقيقة لكل شئ بدءا من درجة الحرارة ونسب الرطوبة والملوثات البيئية ، وذلك لضمان منع التلوث نهائيا ، لأن أي ذرة تراب بحجم واحد ميكرون كفيلة بافساد وتعطيل خط انتاج بأكمله ، فلو نجحت مصر في تصنيع رقاقة إلكترونية بسيطة لتشغيل ريموت تليفزيون مثلا فإن هذا سيكون وبحق انجازا عظيما بكل المقاييس . #تحيا_مصر #الجمهورية_الجديدة #السيسي_مر_من_هنا الكاتب عبدالباسط صابر تحياتي .
22e26f6a7b0d.jpg
3c6fe1eed2fa.jpg
b7d6e0f647a9.jpg
be571caa2b82.jpg
e9f6e5cef5b8.jpg
تحيا مصر
  • iTradeAuto
  • iTradeAuto
  • iTradeAuto
  • iTradeAuto
  • iTradeAuto