ماذا يحدث على الحدود المصرية مع الدهابه
???? هو إيه اللي حصل جديد على الحدود المصرية السودانية؟.. وهل فعلا الجيش المصري بيستهدف الدهابة السودانيين في غارات جوية قرب الحدود المصرية؟.. وإيه الفرق بين "الدهابة" اللي بيسرقوا كنوز مصر.. وبين الميـ. ليـ. شيا اللي بتهدد أمن مصر القومي؟..
???? القصة بدأت من امبارح بفيديو منتشر لشباب سوداني وهما بيزعموا إن فيه غارات جوية جديدة استهدفت منجم ذهب قرب الحدود المصرية السودانية.. وبيقولوا إنها نفس المنطقة اللي الجيش أعلن فيها عملية عسكرية في يونيو اللي فات.. فإيه القصة؟
???? أولا قاعدة لا تقبل القسمة: الجيش المصري دايما بيأكد على إن الحدود المصرية "خط أحمر".. وإن مصر دولة ذات سيادة وأرضها وثرواتها ومقدراتها ومكتسباتها حق أصيل ليها ولشعبها.. وبالتالي رواية إن الجيش قـ.ـ تــ ـل سودانيين على الحدود رواية باطلة وساذجة.. ليه؟
???? لأن اللي بيحصل على الحدود المصرية.. إن فيه عصابات هناك شغالة في تنقيب الذهب واللي معروفين باسم "الدهابة".. دول ناس عاملين معسكرات حولين المناطق اللي فيها دهب ومعاهم سلاح ومنظومة كاملة شغالة هناك..
???? في منطقة هي واحدة من أغنى الأحزمة المعدنية في شرق أفريقيا وشبه الجزيرة العربية.. ومن أقدم المناجم في تاريخ البشرية اللي هو منجم البرامية.. علشان كدا هي مطمع الخارجين عن القانون وعصابات التنقيب..
???? المشكلة إن الدهابة دول مش معترفين إنهم داخل الأراضي المصرية.. لأنهم بيعتبروا حلايب وشلاتين مش مصرية.. وبالتالي فيه نغمة إن الجيش دخل الأراضي السودانية وضربهم.. ودا طبعا ادعاءات باطلة..
???? بالمناسبة موضوع التنقيب عن الدهب دي مش حاجة جديدة.. بيحصل من زمن الزمن بس زمان كان بتوع التنقيب أعدادهم قليلة وبأدوات بدائية فمكانش ليهم تأثير كبير على الأمن القومي أو على الاقتصاد.. ومع ذلك كانت فيه حملات أمنية دايما بتتشن ضدهم.. لأن اللي بيعملوه خارج القانون..
???? لكن الدهابة دلوقتي دول عصابات كاملة بتشكيلات كبيرة.. معاهم عربيات دفع رباعي وأجهزة حديثة.. وأسلحة وبينضم ليهم عناصر مصرية وأجنبية.. وفين بقى في مكان نفسه حساس جدا وبيمس الأمن القومي لأنه على حدود دولة السودان اللي هي فيها توترات أصلا وفيها مشاكل..
???? والمنطقة نفسها فيها تضاريس جبلية معقدة جدا، وده بيخلي الحركة فيها صعبة، وبالتالي مينفعش أبدا يكون فيه نشاط عصابي في مكان زي ده..
???? في يونيو الماضي.. المتحدث العسكري أعلن عن إن قوات إنفاذ القانون نفذت واحدة من أكبر الحملات الأمنية في جنوب مصر، بالتعاون مع وزارة الداخلية..
???? ساعتها بدأت عملية واسعة داخل نطاق المنطقة الجنوبية العسكرية، واستهدفت بؤر كانت بتستخدمها شبكات إجرامية في أنشطة مختلفة، مش بس التنقيب غير الشرعي، لكن كمان تهريب السلاح والمخدرات والهجرة غير الشرعية، ودي أنشطة بتمثل تهديد مباشر لأمن الحدود وبتأثر على الاقتصاد والاستثمار في المنطقة..
???? القوات المسلحة أكدت إن الدولة المصرية في موضوع حماية الحدود والثروات الطبيعية ده مبتهزرش لأنه جزء أساسي من الأمن القومي، وقالت إنها تحتفظ بكل الخيارات اللازمة للتعامل مع أي تهديد يستهدف أراضيها أو مقدراتها، مع التشديد على إن فرض سيادة القانون في المناطق الحدودية مش مجرد إجراء أمني، لكنه رسالة واضحة إن موارد الدولة والتنمية فيها خط أحمر لا يمكن التهاون فيه..
???? وقتها القوات المسلحة بدأت تنشر مجموعة فيديوهات بعنوان "ردع الجنوب".. والفيديوهات دي بقى فيها تفاصيل وكواليس بتحكي إزاي القوات اتحركت بعد معلومات استخباراتية دقيقة.. وإزاي كانت بتواجه عصابات كاملة ليها أماكن تمركز، ومسارات حركة، وعربيات دفع رباعي، ومعدات وأجهزة اتصال، وحتى أسلحة بكميات ضخمة في بعض المواقع..
???? خلال المداهمات دي، تم ضبط أعداد كبيرة من المتورطين، سواء من المصريين أو من جنسيات أفريقية مختلفة، بالإضافة إلى معدات تنقيب..
???? المشكلة كمان إن الدهب المستخرج بشكل غير قانوني بيتعرض للتهريب خارج مصر، وده معناه إن الدولة بتخسر ثروة معدنية مهمة، بالإضافة إلى الضرائب والعوائد وفرص العمل اللي كان ممكن يوفرها التعدين الرسمي..
???? وخطورة الملف مش بتقف عند الاقتصاد، لأن التنقيب العشوائي بيرتبط بتهريب الدهب والأشخاص عبر الحدود، وانتشار السلاح في المناطق الجبلية النائية، واستنزاف الموارد، ودا غير تدفقات مالية خارج القنوات الرسمية في منطقة حدودية حساسة.. سواء داخل مصر أو حتى داخل السودان وتروح للميليشا هناك..
???? وعشان كده، البلد بتتحرك في الاتجاه المقابل لتوسيع الاستثمار المنظم في التعدين، من خلال تعديل التشريعات وطرح مزايدات عالمية وجذب الشركات الدولية..
???? أما ادعاء إن الجيش المصري نفذ غارات فهو ادعاءات لا أساس لها من الصحة حتى اللحظة.. الجيش المصري حتى اللحظة لم يعلق على الواقعة المزعومة.. ولما بيتحرك بيتحرك في إطار قانوني واضح زي ما حصل في حملة يونيو اللي فات.. لحماية الحدود..
???? طيب وبالنسبة لنغمة الجيش بيـ. ضرب السودانيين؟.. هذا ادعاء باطل ومغرض.. لسببين: أولا مصر بتعتبر إن أمن السودان من أمنها القومي.. والدليل إنها واقفة مع الدولة الشرعية والجيش السوداني ضد ميليشا الدعم السريع اللي بتدعمها تل أبيب وإثيوبيا..
???? السبب الثاني.. إخواتنا السودانيين عايشين وسطينا وبيتمتعوا بكل الحقوق اللي بيتمتع بيها المواطن المصري لأننا أخوة.. والحمد لله لم يحدث تمييز مثلما فعلت بعض البلدان.. على العكس مدارسنا مدارسهم.. وطعامنا طعامهم.. ومسكننا مسكنهم.. ونحن نحبهم كما نحب السوريين واليمنيين وكل عربي عايش على أرض مصرية..
???? فبلاش نغمة الكرة اللي بتطلع بين حين وآخر.. لأن أكيد معروف غرضها وسببها ومين وراها.. ويكفي أقولك إن السودان ومصر في جهة.. والميليشا اللي شردت أهل السودان نفسه في جهة تانية مع تل أبيب..
⇧
