لماذا رجعت امريكا تضرب إيران بقوة مره اخري
???????????? هو ليه أمريكا رجعت تضرب إيران عسكريا تاني؟.. مش قالت هتمشي في "حرب اقتصادية"؟.. لأ دا السؤال هو ليه أصلا ترامب رجع تاني يدعو الإيرانيين للانتفاضة ضد النظام في محاولة لتطبيق "مخطط الموساد" اللي فشل في أول الحرب؟!
???? امبارح الجيش الأمريكي نفذ ضربات ضد أهداف عسكرية داخل إيران بعد ما كان فيه مشاورات "يضربوا ولا لأ".. والضربات استهدفت عدد من المواقع على طول السواحل الجنوبية لإيران، من بينها قاعدة عسكرية في بندر عباس، ومحيط المطار التجاري في جزيرة قشم، وأهداف في سيريك وجاسك.. والهجمات سببت أضرار كبيرة.. بحسب مصادر اتكلمت لـ"نيويورك تايمز"..
???? وللأسف الضربات العسكرية امتدت وضربت حفل زفاف ومنزل سكني في مدينة كوهستاك.. ودا اتسبب في وفاة 2 وإصابة مش أقل من 20 شخص حتى الآن.. (ودي أهداف مدينة مش عسكرية أو بالغلط!)
???? بس بعدها بساعات، الحرس الثوري رد على الضربات الأمريكية.. واستهدف قواعد عسكرية في الأردن والإمارات. وقالت السلطات الأردنية إنها اعترضت 8 صواريخ.. والجيش الإماراتي قال إنه تعامل مع طيارة مسيرة ورد عليها.. ومفيش إصابات..
???? ورغم إن وتيرة القتال كانت أهدى خلال الأسابيع الأخيرة.. فالمؤشرات على وجود حل حقيقي للأسباب الأساسية للحرب تكاد تكون معدومة.. وخصوصا إن ترامب حاول يدخل "حرب اقتصادية" على إيران من خلال فرض حصار بحري على موانئها وتشديد العقوبات عليها.
???? لكن تطبيق العقوبات الاقتصادية بشكل كامل لسة صعب جدا.. خصوصا إن أي مواجهة اقتصادية واسعة مع إيران هتفرض على أمريكا الدخول في صدامات مع قوى كبرى قادرة على الرد، وفي مقدمتها الصين.
???? ويمكن علشان كدا ترامب النهاردة رجع يدعو المواطنين الإيرانيين للانتفاضة ضد النظام الإيراني، لدرجة إنه قال: "إمتى الشعب الإيراني هينتفض ويقـ.ــ ـاتل؟".
???? الكلام ده بيكشف إن ترامب، بشكل أو بآخر، رجع يطرح خيار كان موجود في بداية الحرب يوم 28 فبراير الماضي.. وهو تحريض الشارع الإيراني ضد النظام.. لكنه فشل في بداية الحرب.. لدرجة إن نتنياهو أقال رئيس قسم إيران ورئيس قسم الاستخبارات في جهاز الموساد.
???? طيب هل سهل ينجح التحريض على إشعال فوضى في إيران؟.. دا سؤال جاوب عليه تقرير لموقع "mako" العبري اللي صعب المواطنين ينزلوا الشوارع، لنزعة القومية والعدو الخارجي ولأسباب تانية.
???? طيب وليه ترامب رجع يجدد الدعوة للانتفاضة الشعبية وإشعال فوضى؟.. لإنه بيراهن على الأوضاع الاقتصادية اللي بقت بتمثل عبء ضخم على المواطنين، لدرجة إن أسر كتير بقت مضطرة تختار بين الإنفاق على الأكل أو المواصلات أو الاحتياجات الأساسية التانية.
???? وفي طهران، ظهرت طوابير طويلة أمام محطات الوقود، في مشهد بيعكس حالة القلق والضغوط الاقتصادية اللي بيعيشها المواطنين مع استمرار الأزمة..
???? لكن البعض شايف إن تصريحات ترامب الأخيرة بتعكس حالة من الإحباط، وإنه بقى منتظر حدوث تغيير من الداخل الإيراني بعد ما الخيارات التانية فشلت.
???? آرون ديفيد ميلر، الباحث البارز في مؤسسة كارنيغي للسلام الدولي، واللي اشتغل مع 6 وزراء خارجية أمريكيين.. شايف إن الصراع الحالي أشبه بـ"حلقة مفرغة لا تنتهي"، أو حالة من الدوران المستمر من غير نهاية واضحة في الأفق.
???? وأكبر التحديات اللي ترامب مش واخد باله منها إن الإيرانيين مستعدين يتحملوا ضغوط وأوجاع كبيرة، حتى لو كان الهدف من ده إنهم يمنعوا ترامب من تحقيق الأهداف اللي رسمها لنفسه في الحرب.
???? طيب وبعد؟.. ولا قبلين.. المواجهة الحالية مرشحة إنها تستمر لفترة طويلة.. والوضع القائم دلوقتي في جوهره عبارة عن جولات متكررة من التصعيد والمواجهة.. ليه؟
???? لأن بحسب جون هوفمان، الباحث المتخصص في قضايا الأمن والسياسة الخارجية بمعهد كاتو الأمريكي.. ترامب عايز يخرج من الصراع، من غير ما يحس بالعجز أو الضعف أو الهزيمة.. وإيران بتصعبها عليه.. لأن رافضة الاستسلام أو الركوع ودي فكرة غريبة عليه.
???? بس رغم هجمات أمريكا وإيران الأخيرة لكن الاتنين لسة حريصين على عدم الانزلاق لتصعيد واسع.. فربما نشوف بين حين وآخر ضربات عسكرية محددة زي ما بيحصل دلوقتي..
⇧
