مصر تريد توسيع محطة الضبعة النووية
????????????الرئيس السيسي قبل ما يكون رئيس جمهورية كان رئيس جهاز المخابرات، وعشان كده وبحكم عمله عارف ومطلع على كل المؤامرات اللي بتحاك ضد مصر..
???? وطول الوقت عينه على المستقبل وبيحاول بكل الطرق يأمن احتياجات مصر في كل حاجة ويخليها تستغني عن أي حاجة من الخارج.. وحاليا بيعمل ده في ملف الطاقة من خلال مشروع الضبعة النووي واللي بأوامر من الرئيس مصر طلبت زياتدة عدد مفاعلاته
????طب ليه إحنا عايزين نزود المفاعلات النووية في الضبعة؟ مش مصر عندها بالفعل 4 مفاعلات بيتبنوا؟
أيوه.. ودي النقطة المهمة.
????الرئيس السيسي وجّه الحكومة بدراسة زيادة عدد المفاعلات، ووزير الكهرباء أعلن إن فيه مفاوضات مع شركة “روسآتوم” الروسية لإضافة مفاعلين جديدين، وممكن العدد يوصل في النهاية إلى 4 مفاعلات إضافية.
????????طيب.. ليه كل ده؟ وهل مصر محتاجة كل الكهرباء دي ؟
???? مصر مش بتفكر بس في استهلاك الكهرباء النهارده.. الاقتصاد بيتوسع، والمصانع بتزيد، والمدن الجديدة بتكبر، ومشروعات البنية الأساسية محتاجة طاقة مستقرة على مدار الساعة.
????والطاقة النووية هنا بتقدم ميزة مهمة جدًا، كهرباء مستقرة على مدار اليوم، من غير ما تكون مرتبطة بتوافر الشمس أو الرياح.
???????? طب وإيه علاقة الضبعة بالغاز؟
????هنا بقى الموضوع الاقتصادي الأهم.. محطات الكهرباء التقليدية بتستهلك كميات ضخمة من الغاز الطبيعي.. لكن كل ما زادت مساهمة الطاقة النووية في مزيج الكهرباء، مصر تقدر توفر جزء من الغاز ده لاستخدامات تانية، أو تقلل استيراده في أوقات الاحتياج.
????ووفق تصريحات وزير الكهرباء، فإن 4.8 جيجاوات من الكهرباء النووية ممكن توفر حوالي 8 ملايين متر مكعب من الغاز يوميًا.
????وده ممكن ينعكس على فاتورة الواردات بتوفير يتراوح بين 1.1 و3.4 مليار دولار.
????يعني الموضوع مش مجرد «مفاعلات جديدة».. الموضوع ليه علاقة مباشرة بـ الدولار، والغاز، وفاتورة الاستيراد، وأمن الطاقة.
????طب وهو الضبعة أصلًا هتنتج قد إيه؟
????المشروع الحالي فيه 4 مفاعلات.. كل مفاعل قدرته 1200 ميجاوات.
????يعني إجمالي القدرة حوالي 4800 ميجاوات.
????ومن المخطط بدء تشغيل المفاعل الأول في 2028، وبعده باقي المفاعلات تباعًا بحلول 2030.
????ولو تمت إضافة 4 مفاعلات جديدة، فإحنا بنتكلم عن توسع كبير جدًا في القدرة النووية المصرية.
⇧
