خطه المخابرات المصرية لعزل إسرائيل سياسيا
???? لأول مرة مسؤول أمريكى رفيع المستوى يقابل وجهًا لوجه قيادى من حمـ ..ا س !!
إمتى وفين ؟ النهارده وفى مصر تحديدًا فى العلمين
إيه الحكاية ؟
⬅إنت أول واحد يعرف المعلومات دى .. شاركها مع غيرك وخليه يعرفها
⬛️شوف يافندم وزارة الخارجية المصرية مش بتتدخل فى بعض الملفات بسبب تولى المخابرات العامة الملفات دى ( بدون ذكر تفاصيل ) ، من ضمن الملفات دى هو الملف الفلســ طيــ .نى
????عشان كده النهارده فى مصر اجتماع لاول مرة يجمع بين المبعوث الأمريكي جاريد كوشنر ورئيس المكتب السياسي لحركة حمـ ..ا س " خليل الحية " و مدير مجلس السلام " نيكولاي ملادينوف " و رئيس المخابرات العامة المصرية " الوزير حسن رشاد "
✳️قبل الاجتماع ده ، كوشنر قابل رئيس الجمهورية عشان بعد الاجتماع هيسافر يقابل زعماء دول تانيين من إسرا ئيل
????إيه الهدف من الاجتماع ده ؟
ركز معايا جدًا فى اللى جاى عشان هننظر له من كذا زاوية
1️⃣???? الزاوية الأول : مصر
مصر عايزة من الاجتماع ده إنها تلزم إسرا ئيل بتنفيذ مبادرة ترمب للسلام ، فبترتب للقاءات دى كلها على أمل عزل إسرا ئيل دبلوماسيًا فى موقفها وممارساتها أمام مساعى وأهداف ترامب اللى موجودة فى المبادرة
????أبسطهالك : بالبلدى كده المخابرات المصرية عايزة تعمل تصادم بين إدارة ترامب وحكومة نتنياهو فى إن نتياهو مش بيرضخ ولا بينفذ ولا بيعمل اعتبار لخطة ترمب وإن المشكلة مش عند حمـ ..ا س خالص دى عند اللى مايتسموش واللى مش مستكبرين حد ، بدليل إن إنت يا كوشنر قاعد مع خليل الحية ومتفقين على الخطة بتاعتكم انتم كأمريكان .. لموا بقا اللى تبعكم
2️⃣???? الزاوية الثانية : حمـ ..ا س
اللى بتعمله مصر دلوقتى هو حرفيًا طوق النجاة لـ حمـ ..ا س لانهم أدركوا حقيقة اللى بيحصل وإن الأرض مش راجعة تانى وإن كل اللى بيحصل ممنهج ومرتبط باللى بيحصل فى الضفة ولبنان تحت مسمى كبير إسمه " أرض الميعاد "
✳️ عشان كده المخابرات العامة كان كل همها الفترة اللى فاتت توحيد الجبهة الفلســ طيــ .نية فى موقف تفاوضى واحد عشان تفوت على إسرا ئيل مبدأ فرق تسد اللى دائمًا للأسف بتنجح فيها
3️⃣???? الزاوية الثالثة : زاوية ترامب
إوعى تكون توهت منى ... ركز معايا هنا بالذات
????دى أخطر زاوية فى الموضوع لأن اللى مصر عملته ده هيخلى ترامب ينظر للموضوع من زاوية شخصية بحتة .. إزاى يا دكتور ؟
1- المبادرة إسمها بإسمى ( مبادرة ترامب )
2- الهدف محدد
3- أحد الأطراف اللى هو (حمـ ..ا س) مش ممانع وقال يلا بينا وأنا موافق
????يبقى التعطيل جاى منين !!
من إسرا ئيل !! طيب يا عم مش إسرا ئيل دى تابعك ولا تبع مين !! مش انت اللى ليك كلمة عليها ولا انت هفأ مالكش لازمة و واجع دماغنا بمبادرات فاضية وانك رجل سلام وجائزة نوبل والحوارات دى
فين بقا ورينا شغلك !!
????شغله هنا فى السياسة يعنى هيبة الدولة كقوى عظمى فى العالم
يعنى لو إسرا ئيل مالتزمتش .. أنا كترامب مين يحترمنى ولا مين يعملى حساب .. هو انا هلاقيها من بوتين ولا الصين ولا الإيرانيين هيبقوا كمان الإسر ائيليين !!
✳️عشان كده اللعبة دى حلوة ووممكن تحرك ترامب فعلًا ضد نتيناهو بسبب الملف ده
عارف ليه اللعبة حلوة ؟
????لأن وقتها هيبان للعالم كله إن المشكلة مشكلة إسرا ئيل وإن الأمريكان فقدوا ضماناتهم ومكانتهم كوسيط أو ضامن لأى اتفاق دولى ، وده خسائره السياسية كبيرة جدًا عند الأمريكان فى ظل غول تانى بيتسم بالمصداقية ولعبها قبل كده بين السعودية وإيران إسمه الصين
بس عشان أكون صادق مع حضرتك و وضحتلك الصورة كاملة
⬛️بعد كل اللى حضرتك قراته ده مفيش ضامن إن التصادم ده يحصل بسبب اختراق إدارة ترامب من إسر ائيل بالأساس وإن الفترة الجاية ماتمناش تسويف جديد بهدف كسب وقت فى التفاوض على شروط تعسفية واستغلال وقت التفاوض فى تغيير هوية الأرض بعد تفريغها من سكانها وتهويدها .. ????هكذا تفكر العقلية الإسرائيلية .. هكذا تؤمن ..!!
????هنتابع مع بعض تطورات الملف ده فى الفترة القادمة و هعرفهالك
????✅ماتنساش تعمل متابعة عشان تتابع معايا وتعرف أبرز التطورات والمعلومات الحصرية فى مجال السياسة الدولية
⬅✅لو استفادت من المقال وفهمت فكرته ، من فضلك شيره عشان غيرك يفهم و يبقى فاهم اللى بيحصل حوالينا
✅???? خليك متابع هنا لمعرفة كل التطورات بالتحليل حصريًا ، وأرحب بأى أفكار بناءة أو إضافات فى التعليقات مبنية على أسس علمية وموضوعية .
????✍️ الأفكار والمعلومات الواردة فى المقال حصريًا
تحياتى وتقديرى
⇧
