الرئيس السيسي يفتتح سد جوليوس بتنزاانيا
????????????صفقة القرن المصرية..
خلال أيام السـيـسي يُغادر إلى قلب أفريقيا!
إيه القصة؟!
????دعوة رسمية تلقاها الرئيس المصري عبد الفتاح السيسي، لزيارة افتتاح واحد من أهم وأضخم المشروعات اللي هتبرز دور مصر في إفريقيا، وهتنهض بالنفوذ المصري في القارة الإفريقية، وهو سد جوليوس نيريري.
????موضوع سد جوليوس نيريري واحد من أهم المشروعات اللي بتنفذها مصر في تنزانيا، وواحد من أهم المشروعات اللي ساهمت في عودة الهيبة لـ مصر والمصريين مرة تانية، كـ دولة فاعلة بتقدم استثمارات، وده يزود نفوذ مصر في إفريقيا ويسهل مُهمتها في إنها تعمق النفوذ ده.
???? خد بالك ده مش معناه إن مصر فقدت الهيبة لا، ولكن في فترة من الفترات تجرأ عليها دول في إفريقيا كثيرة إنها تاخد مكانها، فـ بالتالي مصر النهاردة بتعود، ولازم تعود من بوابة قوة، مش بس من بوابة التاريخ، بمعنى إننا ماينفعش نفضل نتكلم في أمجادنا في إفريقيا بس، بالرغم من إن هي كثيرة، ولكن لازم دلوقتي مصالح الدول تترابط بالمصلحة، يعني تربط الأفارقة بالمصلحة والمكسب معاك، وعشان كده البعض بيُصنف سد جوليوس نيريري واستثماراته بأنه صفقة القرن المصرية.
???? المشروع ده مش بس مشروع هيكون دخل قومي لمصر، لا إطلاقًا الموضوع أكبر من كده بكتير، ده هيكون دخل قومي ومشروع نفوذ ومشروع تواجد، وهيكون كمان مشروع قوة لـ مصر نفسها، والمشروع ده عاوزه أقولكم إن هيخلي دول إفريقيا تثق في مصر بأنها قادرة على إنها تمد إيديها ويكون لها مصالح مع الدول دي.
???? أنت النهاردة عشان تربط نفسك بمصالح الدول وبتواجدها وبقوتها على الأرض، لازم تقدملهم مصلحة تفيدهم ويستفيدوا منها، وعاوزه أقولك إن الموضوع مش موضوع روابط أخوة وتعاون وخلاص، لا التعاون وروابط الأخوة مع السلامة إحنا مش بنقلل منها، ولكن في النهاية علاقات الدولة قايمة على المصالح، و قايمة على المكسب والمنفعة، وده اللي بيأكده سد جوليوس نيريري، اللي هو في تنزانيا.
????عاوزه أقولكم كمان إن السد ده بيعمل حاجه حلوة أوي، وهو إنه بيضــ رب أي أهداف أو أهمية اقتصادية ممكن يولدها سد النهضة في يوم من الأيام، وكمان بيوصل رسالة مهمة إننا كـ مصر عندنا شركات مصرية قادرة على تنفيذ أقوى وأهم وأضخم المشروعات.
???? السد ده تنفيذ العملاق المصري المقاولون العرب الذراع الطولي في إفريقيا، وكمان تنفيذ مجموعة السويدي إلكتريك.
????مشروع سد جوليوس نيريري هيوفر مياة لـ17 مليون أسرة، وهيحافظ على الثروة المائية والغابات في المنطقة، وهيحمي من الفيضانات والسيول، ده طبعًا هيكون حافز لكل الدول إنها تعمل علاقات اقتصادية مع مصر، وهيكون في ثقة بأن مصر قادرة تقدم أهم وأضخم المشروعات، عشان كده المشروع ده أهم مشروعات البنية التحتية، وده مهم جدًا.
????خد بال حضرتك إن سد جوليوس نيريري هيدي نفس اللي هيديه سد النهضة، وهيدي نفوذ لـ مصر بأنها تقدر تبني شبكة علاقات قوية ليها، لأنك أنت هتبني مجموعة سدود تانية في نفس منطقة القرن الإفريقي، ده أقصر الطرق اللي رجعت مصر للريادة في القارة الإفريقية.
???? السد ده كان مؤشر وحركة مهم جدًا في توقيت أهم، اللي هو إن كل الدول الإفريقية بدأت إنها تجيلك وتطلب منك إنك تنفذ ليهم مشروعات بنية تحتية، وده طبعًا واحد من مشروعات البنية التحتية زي ما قولنا.
????نيجي بقى لـ زيارة الرئيس المصري عبد الفتاح السيسي، بعد دعوة رسمية من رئيسة تنزانيا لحضور افتتاح سد جوليوس نيريري في تنزانيا واللي بيتواجد فيها كمان ودي معلومة خد بالك خاصة لـ خمسينة اقتصاد، على بعد بضعة كيلو مترات الجيش المصري اللي هو بيحمي واحد من استثمارات مصر.
???? عاوزه أقولكم المشروع ده هيخليك واحد من أتقل المستثمرين في إفريقيا،.
????خد بال حضرتك مصر واخده جزء من إنها هي اللي هتشرف على تشغيل السد، ده حق انتفاع للحكومة المصرية.
????المشروع ده لينا بره خارج مصر بيدخل عائد للدخل المصري، وكمان هتزرع كم كبير من الأراضي في تنزانيا، لو أنت بتتفاخر بمصر إن الإيدي العاملة عندك رخيصة فهناك في تنزانيا الأيدي العاملة أرخص وتكلفة الإنتاج كمان أرخض، فـ بالتالي كم كبير من الأراضي مصر هتدخل تزرعهم بكم قليل من المياة بكم محدود، وبالتالي هيكون عندي إمكانية تصدير الإنتاج لأي دولة أو أجيب عندي أنا هنا في مصر.
????وكمان هيكون عندي إمكانية إن يكون عندي نفوذ قوي جدًا في دولة زي تنزانيا، وعندي كمان بشكل حصري أما أقوم ببناء سد على الأنهار هناك مثلا فـ بالتالي باخد نفوذ داخل الدولة دي نفسها فممنوع أي حد يدخل تاني.
????طب ليه اختارنا تنزانيا بالتحديد؟!
????مصر اختارت بناء سد جوليوس نيريري في تنزانيا لتعزيز علاقاتها الاستراتيجية بالقارة الإفريقية، ودعم التنمية الاقتصادية في تنزانيا (الطاقة والري)، و استعادة نفوذها، وتوفير منصة للتعاون في قطاع الطاقة والبنية التحتية، خصوصًا مع تنافس إثيوبيا في مجال الكهرباء وتوقيع عقد إدارة وتشغيل السد، مما يعزز موقع مصر في حوض النيل .
????مصر بتسعى لتفيذ مشروع تاني في جنوب السودان وهو عبارة عن سد بردو وعشان تأمن مجرى نهر النيل، لأن جنوب السودان بتسعى إن يكون عندها سد، فـ مصر بتنفذ لها النقطة دي، بالإضافه إن هيكون في سد أخر في السودان هيكون لصالح مصر والسودان الإتنين مع بعض.
????إحنا كده بنتكلم عن شبكة سدود وطاقة كهرومائية وهي طاقة نظيفة، فـ بالتالي هتبدأ تتعامل مع الطاقة دي بإنك تزود عائداتك وإنتاجك، وكمان هيكون لينا نفوذ في توصيل سلعة الكهرباء اللي هي يعتبر الأغلى عالميًا هنوصلها بأقل تكلفة وزيرو انبعاثات ضارة للبيئة.
????طب ما تيجي نعرف شويه معلومات عن سد جوليوس نيريري
????1. الحالة التشغيلية في 2025
اكتمال التشغيل: اعتباراً من أبريل 2025، دخلت جميع التوربينات التسعة حيز التشغيل الكامل.
القدرة الإنتاجية: يولد السد حالياً 2115 ميجاوات من الكهرباء، مما أدى لمضاعفة قدرة إنتاج الطاقة في تنزانيا وتأمين احتياجات أكثر من 60 مليون مواطن.
جوائز عالمية: حصل المشروع في عام 2025 على جائزة "أفضل مشروع عالمي" في فئة مشروعات المياه من مجلة ENR الأمريكية المرموقة.
????2. المواصفات الفنية والهندسية
الموقع: يقع على نهر "روفيجي" بمنطقة مضيق "ستيجلر" في تنزانيا.
الأبعاد: يبلغ طول السد 1025 متراً عند القمة وارتفاعه 131 متراً.
السعة التخزينية: تبلغ سعة بحيرة السد حوالي 34 مليار متر مكعب.
التوربينات: يضم المحطة 9 توربينات كهرومائية، قدرة كل منها 235 ميجاوات.
????3. المشاركة المصرية والتمويل
التحالف المنفذ: تم بناء السد بواسطة تحالف مصري يضم شركتي "المقاولون العرب" و "السويدي إليكتريك".
التكلفة: بلغت قيمة العقد حوالي 2.9 مليار دولار، وبيرتفع لـ 5 دولار في إجمالي الاستثمارات في السد والمحطات المُلحقة وشبكة الكهرباء.
????????ملحوظة مهمة جدًا خد بالك منها، إن ده يُعتبر شراكة مهمة جدًا ما بين مصر ومؤسسات التمويل الدولية زي البنك الدولي وصندوق النقد الدولي والبنك الأوروبي، لأن دول حضرتك واخدين توجه لتمويل تنموي للدول الإفريقية، فـ النهاردة مصر بتستقطب التمويل التنموي في الدول الإفريقية، بتشتغل بيه وبتنفذ مشروعات للدول الإفريقية.
الإشراف: أشرفت الحكومة المصرية (وزارة الإسكان) بشكل مباشر على مراحل التنفيذ لضمان أعلى معايير الجودة.
????4. الأهمية التنموية
التحكم في الفيضانات: يلعب السد دوراً حيوياً في تنظيم تدفق المياه وحماية المناطق المحيطة من الفيضانات الموسمية.
????التنمية الزراعية: يوفر مياهاً دائمة لأغراض الري والزراعة، مما يعزز الأمن الغذائي في تنزانيا.
????الربط الإقليمي: تدرس تنزانيا حالياً تصدير فائض الكهرباء عبر شبكات ربط دولية مع دول الجوار مثل زامبيا وكينيا.
????ختاما.. يؤكد مشروع سد جوليوس نيريري استعادة مصر دورها الاقليمي والعالمي على الساحة الدولية بكل ثقة وجدارة
#لمسات_سيساوية_خارج_حدود_الوطن
@الجميع
⇧
