كيف تدبر امريكا زياده كراهية الخليج لإيران
???????????? يوم 8 أبريل اللي فات..
???? الإمارات كان ليها تصريح مهم طالبت فيه بإن إيران هي اللي تدفع تكلفة إعادة الإعمار في المناطق اللي استهدفتها في الخليج.. علشان يجي النهاردة وأمريكا تقول فعلا إيران هي اللي هتدفع فلوس إعمار الأماكن اللي ضربتها في دول الخليج.. إزاي؟
???? وكالة رويترز قالت إن وزير الخزانة الأمريكي سكوت بيسنت شكل فريق أو لجنة علشان تروح دول الخليج وتعمل دراسة بكل الأماكن المتضررة وتحسب تكلفة الأضرار من بداية الحرب لحد دلوقتي علشان إحنا هنعيد إعمارها من فلوس إيران المجمدة بالخارج..
???? طيب إيه اللي ضربته إيران في دول الخليج؟.. أول حاجة القواعد الأمريكية.. إيران ضربت 15 قاعدة أمريكية في الخليج بدقة لدرجة خرجتها عن الخدمة سواء بضرب الردارات أو أجهزة الاتصالات أو بعض مخازن الأسلحة أو طائرات أمريكية.. ودي بتكلف مليارات.. يكفي تعرف إن أمريكا في الحرب دي خسرت حوالي 72 مليار دولار.. يعني ما يعادل 1.2 مليار دولار يوميا، بحسب صحيفة "واشنطن بوست"..
???? كمان فيه أضرار في البنية التحتية النفطية وغير النفطية اللي ضربتها إيران في الخليج ويمكن آخرها مطار الكويت اللي مات فيه شخص واتصاب أكتر من 60.. وبالتالي اللجنة الأمريكية هتجمع تكلفة الأضرار دي وتقول والله بتكلف 30 مليار أو 50 أو 20 أو غيرها.. وتاخدها من فلوس إيران المجمدة..
???? إيران عندها حوالي 100 مليار دولار مجمدين في دول مختلفة.. أمريكا فارضة عقوبات عليها وده بيخلي الشركات والبنوك العالمية ترفض تتعامل مع طهران.. لأن معظم التحويلات الدولية بتمر عبر الدولار أو بنوك مرتبطة بالنظام المالي الأمريكي (زي نظام SWIFT)، فلو أمريكا قالت إن دولة أو بنك "ممنوع يتعامل مع إيران".. البنوك بتلتزم.
???? حتى لو الفلوس في دول غير أمريكا.. كتير من الدول بتلتزم بالعقوبات الأمريكية لأن اقتصادها مرتبط بيها، أو عشان تتجنب خسارة السوق الأمريكي.. وعلشان كدا الأموال المجمدة لإيران بقت محل جدل كبير وأساسي في المفاوضات..
???? إيران بتشترط الإفراج عن جزء من أموالها المجمدة.. حوالي 24 مليار دولار قبل أي اتفاق يحصل.. الإيرانيين شايفين إن فلوسهم المجمدة دي "خط أحمر" مرتبط برفع العقوبات.. وبيقولوا إن ده أصلًا كان أساس اتفاق 2015 قبل ما ينهار بعد انسحاب ترامب.
???? وبالتالي مصممة تسترجع جزء منها.. ودا بيمثل عقبة كبيرة قدام أي اتفاق ممكن يحصل.. بس السؤال المهم هل ترامب هيوافق على دا؟.. لأ مش بالسهولة دي.. لأنه اشترط التخلي عن اليورانيوم ودا مرفوض بالنسبة لطهران.. على الأقل حتى اللحظة..
???? الطلب ده ممكن يسبب مشكلة سياسية لترامب، لأنه عايز يسرع الوصول لاتفاق.. وفي نفس الوقت مش عايز يطلع إنه وافق على اتفاق شبه اللي عمله أوباما.. اللي بيهاجمه دايما.
???? لو تم الإفراج عن جزء من الأموال الإيرانية.. ده يفتح باب لمقارنات مع اللي حصل قبل كده.. اللي هو أنت عملت إيه جديد يا ترامب.. ما أوباما اللي ماكنش عاجبك عمل كدا!..
???? بس الأخطر من دا كله.. هو هل إيران ممكن تعدي للخليج إنها تاخد فلوسها وترمم بيها الأضرار؟
???? دا سؤال مهم بيفتح باب للتفكير في طريقة إدارة أمريكا وهدفها من القرار اللي ممكن يزود عداوة بين الخليج وإيران اللي هتحس إن دول الخليج بتاخد فلوسها أو على الأقل بتتعاون مع أمريكا ضدها تاني.. (خطة جديدة بعد ما ترامب فشل يدفع الخليج للمشاركة في الحرب)!
⇧
