نتنياهو يعين رئيس جديد للموساد

الدنيا مقلوبة في إسرائيل، ونتنياهو قرر يزود الطين بله مكتبه أعلن إنه عايز يعيّن سكرتيره العسكري، اللواء رومان غوفمان، رئيس جديد لـ الموساد الناس اتجننت جوه الموساد، بيقولوا "مين الراجل ده؟ ده معندوش يوم خبرة استخباراتية كبار المسؤولين السابقين في الجهاز طالعين يعيطوا في الإعلام: "ده هيخرّب البيت" وهيئة البث الإسرائيلية قالت إن القرار ده عمل بلبلة جوا المنظمة، والناس بتقول إن تعين غوفمان ده زي بالظبط إنك تحط قائد فرقة مشاة يدير البنك المركزي يعني شكله حلو في الزي الرسمي، بس هيعرف يلعب لعبة الجواسيس؟ طيب نتنياهو بقى طلع يدافع زي الأسد: "رومان ده ضابط فظيع، شفتوه في العدوان؟ كان متواصل الموساد وبكل الأجهزة، وعنده إبداع ومبادرة وحنكة ومعرفة بالعدو وتكتم مطلق". اللي مخلّي الموضوع يكبر أكتر إن القرار ده جاي في أسوأ توقيت ممكن في الوقت اللي فيه تصريحات إسرائيل ومصر عن معبر رفح متضاربة تماماً يوم بيقولوا "مصر فتحت المعبر"، وتاني يوم "لا والله مصر قافلاه ومش عايزة تدخّل مساعدات"، ومرات "إحنا بننسّق مع مصر"، وفجأة "مصر هي اللي بتمنع" الإعلام الإسرائيلي بيهاجم في مصر، والإعلام المصري بيرد بقوة، والناس في القطاع بتفقد حياتها من الجوع والقصف وفي وسط كل ده نتنياهو يقرر يغيّر رئيس الموساد الناس بتقول في الكواليس إن ده مش تعيين، ده رسالة رسالة لمين؟ للموساد نفسه إنه أنا اللي بقرر، مش إنتوا، وللجيش إنه "أنا بحط ناسي في كل حتة"، ورسالة لمصر كمان إن "أنا هغيّر رئيس الجهاز اللي بيتعامل معاكم يومياً في أزمة رفح، وهجيب واحد أنا واثق فيه 100%. الموضوع ده هيترفع الأربعاء اللي جاي للجنة التعيينات العليا، ولو اتوافق عليه، هيبقى تاني مرة نتنياهو يحط عسكري على راس جهاز استخباراتي الأول كان ديفيد زيني في الشاباك، وبرضو المحكمة العليا اتدخلت فيه. نتنياهو مش بس بيعيّن رئيس موساد جديد، ده بيعمل "كش ملك" في لعبة الشطرنج السياسية اللواء رومان غوفمان لو دخل فعلاً، هيبقى أول رئيس موساد في التاريخ معندوش خلفية استخباراتية خالص السؤال دلوقتي، هل التعين ده هيهدّي الأمور ولا هيعقد الدنيا أكتر؟