من يقف خلف الحوثيين لضرب السعودية

???????????????? لو متخيل إن الصواريخ اللي نزلت ترف على مطارات السعودية اليومين دول مجرد رد فعل... ????فاستأذنك تراجع حساباتك.. لأن اللي قدامك ده عبارة عن مزاد دولي على جـ ـثة الشرق الأوسط.. وكل صاروخ بيضرب في قصاده كاسات بتتشرب في عواصم تانية بتعد المكاسب وبتراقب الاستنزاف. ???? إيه اللي بيحصل؟ وليه التصعيد وصل لدرجة قصف 3 مدن استراتيجية سعودية مره واحدة.. وكالعادة.. مين المستفيد؟ ???? في البداية خلينا نشوف مع بعض خريطة أهداف الحوثيين الغير عشوائية نهائياً... ألا وهى???? الرياض (العاصمة السياسية) الدمام (عصب النفط في المنطقة الشرقية)، وجدة (بوابة البحر الأحمر والاقتصاد)...لو ركزنا هنلاقى الحوثي مش بيضرب اى حاجة وخلاص ده بيضرب عصب "رؤية 2030" لولى العهد وبشكل مباشر .. يعنى ببساطة بيحاول يطفش أي مستثمر أجنبي بيفكر يدخل البلد.. وبيضرب الاقتصاد السعودى فى مقتل. دلوقت بقى تعالى أخدك لفة سريعة في الكواليس، وأقولك مين واقف فين وبيستفيد إيه.. والحل من وجهة نظرى؟ ???? بعد ما إيران ضيقت الخناق بشكل غير معلن على حركة الملاحة في مضيق هرمز نتيجة الحصار.. السعودية اللى اقتصادها ورؤية 2030 كلها مبنية على تصدير النفط لقت نفسها مجبرة تنقل اعتمادها الأكبر على الشريان البديل اللى هو البحر الأحمر ومضيق "باب المندب"...وأتفاجأنا إن الحوثي أتحرك في سبتمبر.. بشكل غير مسبوق ونفذ هجوم بري واسع جداً وقدروا يسيطروا على أجزاء كبيرة من الساحل الغربي لليمن، وفرضوا حصار جزئى بحري وخنقوا مضيق باب المندب تقريبا بسبب التوترات.. طيب ليه الحوثى اتحرك ؟؟ والله هنا فى مستفيدين بشكل مباشر ومستفيدين خلف الستار مش ظاهرين فى الصورة.. أما الخاسرين طبعاً.. (السعودية واليمن) أمريكا: ????نبدأ بترامب اللى حالياً قاعد وحاطط رجل على رجل.. وسايب بن سلمان (يستوي على نار هادية)... هو عارف انه هيتدخل هيتدخل بس مش وقته.. لأنه مستني انتخابات التجديد النصفي تخلص عشان يفرش ورقه كله مرة واحدة.. وساعتها هنشوفوا وهو بيمارس أكبر عملية ابتـ *زاز سياسي واستراتيجي لايف على الرياض..( مفيش ممنوع استخدام ارض وجو المملكة، مفيش يورانيوم، وهتطبع وتبيع وقت ما احب ) النقطة الأخطر بقى واللي محتاجة تركيزك.. هو خبر "المواطن الأمريكي" اللي مات في مطار الرياض... وبما اننا عارفين ان واشنطن وتل ابيب افضل من يستغل الأحداث.. فمقـ*ـتل أمريكي في قصف زي ده يعتبر تذكرة ذهبية لأمريكا لو حبت تتدخل فى أى وقت أو تديها غطاء دولي لأي عملية عسكرية كبرى جاية في الطريق... ترامب أو غيره مش هيفوتوا ده بسهولة، وهيبقى مبرر قوي جداً لتواجدها وزيادة تسليحها في المنطقة تحت بند "حماية المصالح والرعايا". روسيا: ????أما بوتين فهو مش بس سعيد عشان سعر برميل البترول بيضرب في السما وده بيساعده فى تمويل حرب أوكرانيا.. لكنه الصراحة بيلعب دور المعلم هنا... بالمناسبة هو (كتير طلب من بن سلمان يقلل انتاج ويحدد سعر ما بينهم بس ولى العهد مش بيحب يزعل الامريكان) ليه بوتين هو المعلم ???? اكيد سمعت اليومين اللى فاتوا ترامب لما اعلن بنفسه إن روسيا هتوفر إمدادات الديزل لواشنطن ودول أوروبية بعد أزمة التصعيد دي... والغرب اللي فارض عقوبات على روسيا بالأمس وبيستعد لمواجهة مباشرة معاها.. حالياً بيتحايل على القيصر يفكها شوية عليهم.. وينقذهم من نقص إمدادات الطاقة بسبب ضرب منشآت السعودية وقفل المضايق.. يعنى موسكو هتزود أرباحها وبتكسر العقوبات.. وبالنسبة لترامب فهو معندوش مشكلة يتنازل لبوتين بشكل مؤقت لانه بيلعبها بيزنس. إسرائيل: ????دى بقى قاعدة بتتفرج ومبسوطة جداً ومعاها ورقة وقلم ...لأن الحريقة دي بتشتت انتباه العالم عن اللي بتعمله، والأهم إنها بتستنزف الترسانة الصاروخية الإيرانية (عبر وكلائها) وفي أهداف عربية.. وبتعتبر السعودية دلوقت حقل تجارب مجاني لاختبار قدرة الصواريخ والمسيرات (الحوثية الإيرانية) الحالية على اختراق الدفاعات الجوية.. عشان تلحق تطور دفاعاتها قبل المواجهة الكبرى. إيران: ???? ايران طلبت من السعودية فى بداية الحرب انها تمنع استخدام اراضيها ضدها مقابل عدم قصفها بالصواريخ او المسيرات الايرانية.. وقد كان.. بس واضح انها حاولت تستميل السعودية عشان توقف تصدير النفط وتتحالف معاها وتساعدها تضغط اكتر على امريكا وتخلى اوروبا تتدخل عشان يفكوا الحصار.. بس السعودية غالباً رفضت.. فكان الحوثى الكارت الأخير. يعنى طهران هنا بتحارب بـ الصفر تكلفة... منها بتخنق خصمها الاقتصادي (السعودية) من غير ما تخسر جندي إيراني واحد وبتقول للكل (أنا اللي بملك مفاتيح البحر الأحمر كمان، ولو عايزين تأمنوا الملاحة، تعالوا فاوضوني أنا في طهران ووقفوا الضغط والحصار) الصين: متضررة طبعاً من تعطل التجارة، بس مبسوطة إن الهيمنة الأمريكية بتنزف وبتظهر عاجزة قدام العالم كله وقاعدة مستنية اللحظة اللي تتدخل فيها كـ "المنقذ العالمي" اللي هيفرض قواعده. الإمارات: ????وأخيرا عرفنا قرار انساحبها الأخير من المنطقة الساخنة كان ليه...طبعاً هى لسه مسيطرة على الموانئ بتاعتها في جنوب اليمن وتركت السعودية تتصدر المشهد وتاخد الضربات.. ومن الباب الخلفى بتقدم الدعم من تحت لتحت سواء مباشر (من موانيها) او عن طريق اثيوبيا ثم الدعم السريع.. اللى بالمناسبة أصبحوا ديليفرى الحوثى.. يعنى بن...تايه بيلعبها بذكاء وخبـ*ث كالعادة. "كش ملك" قبل الـ "جيم أوفر"???? ????اللي جاي محتاج أعصاب تلاجة وقرارات بره الصندوق والحل الوحيد حالياً هو وقف التصعيد واللعب بدم بارد.. لو بن سلمان كمل في طريق الرد بـمئات الغارات الجوية، هيستنزف مليارات لصالح امريكا وهيفضل ياخد صواريخ في العمق وفى الاخر هيستسلم لشروط ترامب يعنى(جيم أوفر بطيء)...الـ "كش ملك" بجد واللي يقلب الطاولة بيتلخص في الحكمة والانسحاب من فخ الوكالة واللعب بكارت "التنين". ????لازم الرياض تشوف وسيط يبدأ مفاوضات حسنة النية وفوراً مش تدعوا للنفير العام ( ده غباء ) ويحاول بكل الطرق يعمل تجميد مع الجبهة اليمنية... ويوقف الغارات خالص وبكده يسحب الذريعة من الحوثي ويكتفى بتزويد القدرات الدفاعية حول المدن. ولو جرئ شوية.. يبقى يرمي الكورة في ملعب بكين.. يروح للصين ويقولهم إن أمن إمدادات النفط اللي بتشغل مصانعكم مهدد، وإنتو أكبر شريك تجاري لإيران.. لو الصواريخ دي ما وقفتش.. تصدير النفط للشرق هيتوقف... صحيح الصين شبعانه ومخازنها على اخرها ..وفى طريقها للبديل...بس ساعتها الصين هتدخل و مش هتدخل فى الصراع ولا هتزود الحريقة.. بالعكس دى هتضغط دبلوماسياً على الامارات وإيران وهتجبرها توقف الحوثي.. وساعتها هتحل المعادلة الصعبة بأتفاق وتفاهمات... يعنى (ترفع الحصار، وتأمن نفطك وتلاقى الضامن) بالمناسبة الصين منتظرة الخطوة دى جدااا عشان تثبت للعالم انها الشريك والحليف المثالى اللى بيساعد الدول على عكس الطريقة الامريكية... وخطوة السعودية لو حصلت معناها ان الخليج وباقى العالم هيتجه ليها. ????اخر حل قدام محمد بن سلمان هو إعلان رسمي إن السعودية غير مسؤولة عن أمن باب المندب... وساعتها أمريكا وأوروبا هيضطروا يوقفوا الحوثي بنفسهم... عشان ميدفعوش كتير فى حرب استنزاف جديدة بدل ما كانوا بيستخبوا ورا السعودية وباعتين شوية مندوبين امريكان وخلافه.. آل بيساعدوا فى تحديد الاهداف وطبعاً احنا عارفين اهدافهم.. واكيد ملاحظ إن شغلهم بكثافة مرعبة.. مئات الضربات بمئات الطيارات مرة واحدة يعنى بيستنزفوا الخزينة السعودية.. لصالح شراء السلاح الأمريكى..(أليس بينكم رجل رشيد يفهم اللعبة) واهو بيزودوا الفتنة اكتر مع ضرب المستشفيات والمناطق اللى فيها مدنيين. ????من الاخر كده ... الذكاء مش إنك ترد الضربة بعشرة... الذكاء إنك تغير الرقعة اللي بتلعب عليها، وتخلي أعداءك هما اللي يحرسوك عشان مصالحهم وتقطع الطريق على خططهم .. وأفتكر إن اللي بيلعب بالطريقة القديمة..يبقى حكم على نفسه بالخسارة مقدما. ربنا يرحم كل الناس اللى توفت من ضحايا الطرفين ويشفى المصابين ..لان للاسف دى مش مواجهة عادية دى فتنة كبيرة ندعوا الله تنطفى نارها.. والمنطقة كلها تبقى على قلب رجل واحد وتتحلى بالحكمة ومتنجرش للمخطط???? أشوفكم على خير ????