لماذا صرح الرئيس السيسي بوحده الصين مع تايوان
1️⃣ هل الصين محتاجة دعم مصر لها فى مبدأ الصين واحدة ضد تايوان !!
2️⃣ طيب هل إعلان مصر دعمها للمبدأ ده هو تهديد لتايوان !!!
3️⃣ طيب هل إعلان زى ده هيخلينا أعدا ء للأمريكان و يزعلوا مننا !!!
⬅️???? الحقيقة لا ده ولا ده ولا ده
دى كلها ادعاءات فارغة زى بظبط الادعاء بإن إسرا ئيل مرعوووبة من زيارة رئيس الصين لمصر
مفيش حاجة اسمها كده
ياريت كانت العلاقات الدولية بالبساطة والسذاجة دى ماكانتش هتحتاج ان حد يتعلمها ويتعب من دراستها
????أومال إيه الحكاية
???? الحقيقة يافندم ان مبدأ الصين الواحدة مصر أعلنته من بداية اعترافها بالصين أصلا و ده كان فى وقت صعب جدًا فى عز الحر ب الباردة وهجو م الرأسمالية على الشيوعية
و دول كثير كانت خايفة تبادر بالاعتراف لكن اعتراف مصر جرأ دول عدم الانحياز انها تعترف
???? وعشان كده لما حصلت نفس المقابلة دى من ١٠ سنوات بين الرئيس السيسى و رئيس الصين محدش اتكلم فيها أصلا ….. ده غير إن مين الدولة اللى تقدر ماتعترفش بمبدأ الصين الواحدة
⬛️ أومال اشمعنى دلوقتى الرئيس السيسى اعلن ده ؟
???? شوف حضرتك .. فى اى مقابلة بين رئيسين بيكون من اهم انعكاسات الشراكة الاستراتيجية ( ان وجدت ) ان يتم التعبير عن التضامن الكامل تجاه موقف كل طرف فيما يخص أمنه القومى و ده توافر دلوقتى وماكانش موجود فى اللقاء السابق
⬛️ عشان كده اعلان زى ده بيحمل رسائل ضمنية دلوقتى تتعلق بــ :
1️⃣ رفض مصر أى تهديد لاستقرار الدولة بالحفاظ على وحدة الدولة وسلامة أراضيها و ده مصر هتستفيد منه فى دعم الصين لها فى مواقفها فى ليبيا والسودان
2️⃣ رفض مصر لأى محاولة لتقرير المصير لأنها اجندة خـ بيثـ.ـة لإضفاء الشرعية على تقسيم الدولة و ده هيكون داعم لموقف مصر فى التمسك بحلايب وشلاتين المصرية ضد بعض المطالب السودانية
3️⃣ رفض مصر لإنشاء أى مكتب تمثيل تجارى لتايوان ( طلاب كلية الحقوق والاقتصاد والعلوم السياسية والمتقدمين لاختبارات الخارجية عارفين النقطة دى كويس قوى )
و أمام الموقف ده مصر كسبت دعم الصين فى مساندة حقوقها المائية اللى هى برضو مسألة أمن قومى .. إزاى ؟
????عايز اقول لحضرتك ان الصين هى الشريك التجاري والاستثمارى الاول بلا منازع لأثيوبيا واستثماراتها هناك دلوقتى تخطت حاجز الــ ٩،٥ مليار دولار و أكتر من ٣ الاف شركة .. تقريبا زي مصر بس احنا اكثر شوية ( راجع المقال رقم ١٠٧ )
???? يعنى معنى كده إن بموقف الصين ده ممكن جدًا يكون ضاغط على اثيوبيا فى تقويم سلوكها مع مصر أو على الاقل مصر تحصل على ضمانة صينية بعدم المساس بحقوقها المائية من اثيوبيا
بس هل اثيوبيا اللى مسنودة من إسرا ئيل حليف امريكا هتلتزم ؟
⬛️ لأ طبعا لان مفيش ضمانات فى السياسة انما اعتراف ترامب السابق بخصوص السد مع ضمانة الصين ممكن يكونوا لصالح مصر خاصة فى مسألة بناء الثلاثة سدود الأخرى وتنظيم استخدامات السد الحالى
???? أما مسألة تايوان ، فعايز اقول لحضرتك ان تايوان اصلا مش محتاجة دعم من حد لأنهم مدركين كويس ان المسألة شبه مستحيلة وان الامريكان بيستغلوهم كورقة ضغط ليس إلا
وحتى الورقة دى مش مضمونة ولا اكيده لا بالنسبة لهم ولا لأى دولة ثانية
حضرتك لو فكرت تشوف الخريطة وموقع تايوان بالنسبة للصين
????الصين بس لو فكرت تريح ايدها على تايوان .. مش هتلاقى تايوان فى الخريطة
????حبيت بس إنك تكون على دراية بأهمية الزيارة دى و رمزيتها خاصة لما تصدر تصريحات زى دى
⬅????تابع معايا سلسلة المقالات القادمة و بإذن الله هتعرف معايا التفاصيل حصريًا
????✅ماتنساش تعمل متابعة عشان تتابع معايا وتعرف أبرز التطورات والمعلومات الحصرية فى مجال السياسة الدولية
⬅✅لو استفادت من المقال وفهمت فكرته ، من فضلك شيره عشان غيرك يفهم و يبقى فاهم اللى بيحصل حوالينا
✅???? خليك متابع هنا لمعرفة كل التطورات بالتحليل حصريًا ، وأرحب بأى أفكار بناءة أو إضافات فى التعليقات مبنية على أسس علمية وموضوعية .
????✍️ الأفكار والمعلومات الواردة فى المقال حصريًا
خالص تحياتى وتقديرى،،،
⇧
