إسرائيل تقصف جنازه في غزه وتقتل جميع من فيها

???? من شوية الاحتلال الإسرائيلي قصف جنازة وهي بتتشيع في غزة... ???????? اين المجتمع الدولي ومجلس الأمن اين...... ????أنا عارف طبعًا ان من كتر ما سمعت عن أخبار الشهداء في غزة، خلاص الموضوع بقى عادي بالنسبالك ومفيهوش جديد يذكر... بس الجديد المرة دي ان الوحشية والفُجر وصل بيهم انهم يضربوا ناس ماشيين في جنازة، ويحولوها لمجزرة جديدة... ​من شوية الناس في مخيم النصيرات وسط قطاع غزة كانوا شايلين جثمان شهيد رفيقهم على أكتافهم، وماشيين في الشارع عادي قدام مسجد الشيخ أحمد ياسين، عشان يودوه لمدفنه ومثواه الأخير... وفجأة وبدون أي مقدمات، مسيّرة تابعة لجيش الاحتلال ضربت الصاروخ بتاعها وسط المشيعين! ​المشهد اتحول في ثواني لكابوس؛ والناس اللي كانوا رايحين يدفنوا صاحبهم بقوا محتاجين اللي يشيلهم هما نفسهم ويدفنهم... ودماءهم اتحولت لنهر جاري على التراب.. وده بجد مش تعبير مجازي وسايبلك فيديو في أول كومنت ???? ​المجزرة دي أسفرت عن ارتقاء 8 شهداء وإصابة عدد كبير من الجرحى اللي كانوا واقفين في الجنازة... ودي أسامي الشهداء: • ​بلال حتحت • ​جميل أبو دلال • ​همام أبو بريك • ​صالح القطراوي • ​عبيده علي صيدم • ​محمد حمدونة • ​نضال ماهر احمد • ​بلال أبو دلال ​ حبيت أعرفك بس للتوثيق، إن بينما العرب والمسلمين قاعدين بيخططوا ازاي هيحاربوا بعض، الاحتلال كويس وأموره تمام وعال العال، ومركز على غزة وشغال براحته فيها بيعمل اللي هو عايزه ومحدش عارف يردعه... شكرًا.