الصين تضرب الدولار في مقتل بالتجارة العالمية
????فى عز انشغالنا بموضوعات كثير حوالينا زى كأس العالم ومضيق هرمز وإيران وترامب وغيره ..
1️⃣هل لاحظت اللى بيحصل للدولار على مستوى العالم ؟
2️⃣هل لاحظت إن سعره فى مصر انخفض فى اليومين اللى فاتوا ‼
3️⃣هل فكرت فى السبب الحقيقى ؟
4️⃣هل فكرت إن السبب ده ممكن يكون مرتبط بصعود عملة أخرى مثلًا أو إن فيه تحوط من دولى لتحجيم الدولار ؟
⬅???? الإجابة على كل الأسئلة دى بتكمن فى كلمة واحدة فقط هى : الصيـــــــــــــــــن
⬅إنت أول واحد تعرف المعلومات دى ، شاركها مع غيرك واشرحهاله ✅
????ركز معايا جدًا فى اللى جاى : الصين بقالها فترة كبيرة من لحظة تأسيس منظمة البريكس بتسعى لتدويل اليوان كعملة دولية ، ومن لحظة فرض ترامب التعريفات الجمركية واللى حصل ضد ايران ، بدأت الصين فى العمل على تدويل اليوان كعملة دولية بهدف ضعف قدرة الولايات المتحدة والغرب على فرض عقوبات مالية كأداة ضغط فعالة
????واللى ترتب على كده هو اللى اتنشر فى الفايننشال تايمز من إن المدفوعات باليوان مكنت إيران من بيع النفط بتاعها للصين رغم العقوبات الأمريكية
???? وده فى نفس الوقت أتاح لإيران استخدام العائد اللى الصين دفعته فى شراء منتجات أخرى من الصين ومواد ذات استخدام مزدوج ودفع مستحقات الشركات الاستثمارية الصينية فى إيران باليوان ..
????وهو ده سر سرعة التعافى فى استعادة بعض المواقع العسكرية من الأنقاض على مداخلها بعد الضرب الأمريكى ضد إيران
????وبكده اتحجم نفوذ الولايات المتحدة وتراجع نفوذها فى المساومة بتخفيف العقوبات أو الإفراج عن الأصول المجمدة لأن الصين قدرت تُنشئ بدائل مالية لإيران داخل الصين
????وهو ده اللى تقدر تعتبر كلمة سر فى ثقة الإيرانيين فى التعامل بندية مع الأمريكان : الصيـــــن
????المثير بقا فى الموضوع ده هو اللى نشرته الوول ستريت جورنال : إن فيه كثير من السفن كانت بتدفع لإيران باليوان فى مضيق هرمز مقابل المرور الآمن وعدم التعرض لها .
????مش بس كده ، دى قالت بالبونط العريـــض إن إيران بتستخدم اليوان الصينى لإضعاف النفوذ الأمريكى
????اللى فهمته كده إن الصين بتعمل ثغرات فى هيمنة الدولار العالمية لصالحها هى وحلفائها ؟ هل كده أنا فهمت صح ؟ و هل ده معناه إن اليوان هيحل محل الدولار ؟
⬅????أيوا انت تمام بس مسألة ان يتم استبدال اليوان بالدولار صعبة جدًا دلوقتى ، و ده وفقًا للواقع ولغة الأرقام وزملائنا أساتذة الاقتصاد أحسن ناس يشرحوا الموضوع ده ..
????لكن باختصار لغة الأرقام بتقول إن اليوان أصبح دلوقتى العملة الثانية على مستوى العالم فى التداول بعد الدولار .. لكن ده برضو مش معناه إنه هيقدر يزيح الدولار بشكل تام ويحتــ ل مكانه ، فى الفترة القصيرة القادمة
???? لأن بالرغم من إنه المركز الثانى إلا إن حصة اليوان فى تمويل التجارة آخر خمس سنين وصلت فقط إلى 6% من المعاملات مقابل إن حصة الدولار كانت 80 %
????لكن اللى بتخطط له الصين دلوقتى هو تهديد حقيقى للدولار لأنه ممكن يسرع من الاعتماد على اليوان فى ظل استغلال سياسات ترامب تجاه أوروبا والشرق الأوسط ،
???? ⬅️ ???? لأن الصين دلوقتى بتخطط لتأسيس بنية مالية بديلة تسمح للدول بإجراء التجارة والاستثمار بعيد تمامًا عن المؤسسات الأمريكية وده اللى انعكس بقوة فى تطوير الصين لنظام المدفوعات العابرة للحدود بين البنوك كبديل لنظام سويفت الأمريكى و ده يضرب الدولار فى مقـــ تل
????وده بالمناسبة اللى ساعد الروس فى التغلب على كافة العقوبات الاقتصادية اللى اتفرضت عليهم من الأمريكان ودلوقتى إيران بتحاول تعمل زى روسيا
⬅️???? ده غير إن الصين بتشتغل على منصات مالية جديدة تعتمد على تقنية البلوك تشين ،
????و دى عبارة عن قاعدة بيانات لا مركزية وموزعة، تخزن المعلومات في كتل رقمية مرتبطة ببعضها في تسلسل زمنى دون الحاجة لوجود وسيط مركز يقدر يتحكم فى المعاملات زى البنوك أو الجهات الحكومية
???? حاجة كده تبقى بره السيستم الأمريكى أصلًا ، وده بيعكس نية الصين مش بس فى إضعاف الهيمنة السياسية الأمريكية وإنما ضرب الهيمنة الاقتصادية وسطوة الدولار فى مــ...ـقـ تل
????ده كده باختصار يافندم متعة العلاقات الدولية ، اللى حضرتك عرفته من المقال ده هو حلقة واحدة فقط من اللى بيحصل فى العالم بين المعلمين الكبار وقد إيه العلاقات الدولية عشان تبقى مُؤثر فيها⬅ لازم تكون قوى ولك السطو والقدرة على تحجيم خصومك من جانب وتنفيذ وتحقيق مصالحك من جانب آخر... هكذا تكون السياسة الدولية .
????⬅ ماتنساش المتابعة والمشاركة عشان تكون اول من يعرف المعلومة وساعدت غيرك انه يعرفها ✅
⬅✅لو استفادت من المقال وفهمت فكرته ، من فضلك شيره عشان غيرك يفهم برضو و الكل يبقى فاهم اللى بيحصل حوالينا
✅???? خليك متابع هنا لمعرفة كل التطورات بالتحليل حصريًا ، وأرحب بأى أفكار بناءة أو إضافات فى التعليقات مبنية على أسس علمية وموضوعية .
????✍️ الأفكار والمعلومات الواردة فى المقال حصريًا
تحياتى وتقديرى،،،
⇧
