مصر تفتح مضيق الطوارئ لمواجهه الفيضانات
???????? الموضوع مش مياه بتجري، الحكاية قضية وجودية
لـ 100 مليون بني آدم ،،، ????????????????????
???? في غرف العمليات المغلقة بوزارة الري المصرية، الحركة ما بتهداش؛ مهندسين وخبراء شغالين على شاشات ضخمة بيعملوا "محاكاة لسيناريوهات الأزمة" ،،،
???? مصر مش مستنية لما الفأس تقع في الرأس، خصوصاً بعد اللى حصل السنة اللي فاتت لما بعض القرى والبراري الزراعية غرقت بسبب الإدارة الإثيوبية المنفردة وتصريفات المياه المفاجئة ،،،
???? الوزير هاني سويلم طالع بيتكلم بثقة بس وراها قلق محسوب: "التخطيط العلمي هو درعنا" ،،،
???? والبرلمان بيأكد إن التدريبات دي مش منظرة، دي رسالة لكل اللي يهمه الأمر إننا صاحيين وجاهزين لأي حركة غدر مائية، لكن على الجانب التاني، السودان واقف في وش المدفع حرفياً؛ المسافة بين السد والحدود السودانية ما تجيش 20 كيلومتر ،،،
???? يعني أي خيار غلط أو تدفق غير محسوب كفيل إنه يمسح سدود سودانية كاملة من على الخريطة ويغرق ملايين الفدادين.
???? وفي وسط الرعب ده، مصر حاطة إيدها على "خطوط دفاعها الجوية والأرضية"؛ من أول بحيرة ناصر لـ مفيض توشكى، وصولاً للسد العالي اللي واقف زي الأسد مستني طوارئ الدلتا والوادي ،،،
???? على الناحية التانية من النهر، في "أديس أبابا"، النغمة مافيش فيها أي تغيير؛ نغمة العناد والتمسك بالرأي الواحد ،،،
???? وزير الخارجية الإثيوبي طالع بكل برود بيقول: "ده حقنا الأصيل في التنمية وماحدش هيلوي دراعنا ولا هيربطنا بقيود قانونية!" ،،،
???? بالنسبة ليهم، النيل ده ملكية خاصة مش نهر دولي ،،، والمفاوضات اللي بقالها 15 سنة بتلف في ساقية سودة اتوقفت تماماً من 2024 بسبب "موت الإرادة السياسية" عندهم ،،،
???? الخبير عباس شراقي بيصرخ ويقول يا جماعة "الموضوع مش حجز مياه وخلاص، المشكلة الكبيرة في قواعد التشغيل وقت الجفاف الممتد؛ إحنا بنعتمد على النيل بنسبة 100%، وأي نقص يعني خراب بيوت وتهديد مباشر لأمننا الغذائي" ،،،
???? الأزمة واقفة في مكانها، والكل حاطط إيده على قلبه من سيناريو "عض الأصابع" في غياب أي أفق سياسي قريب.
وفي وسط الضلمة دي، وفي كواليس "قمة السبع" في فرنسا، يدخل على الخط "البلدوزر" دونالد ترامب، ويقلب الطاولة في لقائه مع الرئيس السيسي ،،،
???? ترامب بأسلوبه المعروف اتميل على السيسي وقالهاله على عينك يا تاجر: "إثيوبيا اتعاملت معاكم بشكل غير منصف، السد ده عامل لكم مشاكل ضخمة وأنا عارف كدة كويس، والملف ده هيبقى على مكتب أولوياتي القصوى عشان نوصل لحل عادل" ،،،
???? الكلام ده رجّع الروح للدبلوماسية الميتة، خصوصاً بعد الحراك اللي قاده مسعد بولس (مستشار ترامب) ولقاءاته السيرية مع الوفد الاستخباراتي والدبلوماسي الإثيوبي بقيادة "جدعون تيموثيوس" و"رضوان حسين" ،،،
???? الكلام دلوقتي في الكواليس عن إحياء "وثيقة واشنطن" بتاعة 2020 بس على مية بيضا وبصيغة معدلة تضمن جداول الملء والتشغيل وقت الجفاف وتضمن إن ماحدش يصحى الصبح يقفل الحنفية بمزاجه ،،،
???? الدبلوماسيين المصريين، ومنهم السفير صلاح حليمة ومحمد حجازي، شايفين إن دخلة ترامب دي "طاقة قدر" فتحت في جدار الأزمة، وإن أمن مصر المائي بقى جزء لا يتجزأ من أمن الشرق الأوسط والبحر الأحمر كله في عيون الإدارة الأمريكية الجديدة.
???? لكن، الخبير الإثيوبي أنور إبراهيم بيصب مياه باردة على التفاؤل ده وبيقول: "دخلة أمريكا بغشومية وانحيازها الأعمى لمصر هي اللي بوظت مفاوضات فترة ترامب الأولى، نظام العصا والجزرة مش هيمشي مع إثيوبيا، والضغط الزيادة ممكن يقلب الطاولة تماماً ويودي المنطقة كلها لحتة مش تمام" ،،،
???? بين تفاؤل الدبلوماسية المصرية وتحذيرات العناد الإثيوبي، بيفضل النيل شريان حياة مفيش فيه مجال للمقامرة، والكل مستني يشوف: هل ترامب هيقدر يربط السد باتفاق ملزم، ولا الأيام الجاية شايلة مع صيف الفيضان مفاجآت تانية خالص؟ ،،،
========================================
???????? ????????
⇧
