اخطر كمين لإيران من امريكا لهذا الاتفاق
????أنا مش قادر أفهم إزاى إيران هتوقع على الاتفاق ده وتتخلى تمامًا عن برنامجها النووى .. هو ده استسلام ولا تكتيك ؟
????الموضوع معقد ومحتاج متخصصين يتكلموا فيه عشان نفهم إيه اللى بيحصل بعيدا عن الشائعات والاستخفاف بعقول الناس والتفكير بالتمنى !!
شوف حضرتك .. ركز جدًا معايا فى الخطوات الجاية دى :
1️⃣مبدئيًا كده طالما لم يُعلن عن الاتفاق رسميًا لحد اللحظة دى يبقى اعتبر كأنه لم يكن
2️⃣صحيح اللى اتنشر عن وكالة تسنيم الإيرانية بيؤكد إن الاتفاق هيتوقع عليه لكن لسه ( ها ) يعنى ممكن متغيرات تحصل
4️⃣صحيح اللى اتنشر عن وكالة رويترز بيؤكد إن من بنود الاتفاق التخلى عن الطموحات النووية الإيرانية وامتلاك السلاح النووى .. والجانب الإيرانى لم ينفى !!
????لكن وارد جدًا التصريحات اللى زى دى تكون دعائية أكثر منها سياسية .. يعنى إيه يا دكتور ؟
4️⃣يعنى الهدف من التصريحات دى الضغط على النظام عن طريق شعبه ومحاولة إحراج النظام والمستفيد من التصريحات دى هى إسرائيل
5️⃣إسرائيل اللى لأول مرة النهارده تدعو إيران لضربها بعد استهداف ضاحية جنوب بيروت ويعلنوا انهم مفعلين أنظمة الدفاع لضرب إيرانى محتمل ، ويطلع ترامب يأسف للضرب ده ويقول انه قال إيه غضبان من نتنياهو
????طيب المسلسل ده كله ليه ؟ محتاج أفهم .. إشرحلى ؟
????شوف حضرتك دلوقتى أى حد فاهم إن الاتفاق ده فى غير صالح إسرائيل وفى نفس الوقت فيه انعدام ثقة بين الطرفين ( إيران والأمريكان ) ، فلما إسرائيل تحاول تفشل الاتفاق ده فى مراحله الاخيرة دى نقطة ايجابية جدًا يكسب بها ترامب لانه هيعزز ثقته عن الإيرانيين اللى تطمعهم وتزيد من إصرارهم على إبرام الاتفاق ده نكاية فى إسرائيل
????يا ولاد الــ ... هى اللعبة كده
????لأ استنى هفاجئك أكتر .. الاتفاق ده أكبر كمين للتخلص من النظام الإيرانى من الداخل
????اللعبة كلها إن إسرائيل عايزة تخلص من النظام عن طريق المواجهة أما الأمريكان هيخصلوا منه عن طريق المعارضة الداخلية ( صحيح أبطأ بس أضمن و أرخص كثير )
????إسألنى أنا عن خبرة الأمريكان فى كده لأنهم أساتذة فى الموضوع ده من أيام الحرب العالمية الأولى لحد الربيع العربى ( كل طلابى عارفين الحتة دى كويس قوى )
????المهم إن النظام الإيرانى لو وقع على الاتفاق ده يبقى بيحفر قبره بإيده لأنه هيواجه معارضة لا تعرف الرحمه من الداخلة وهتتهمه بالخيانة أكثر من الخضوع ، ده غير حالة الغضب اللى هتسود الشارع الإيرانى
⬅???? " لما انت فى الاخر رضخت للأمريكان ، يبقى كان إيه لازمتها المعارضة من الاول وتدمير اقتصادنا والنية التختية بتاعت البلد "
????مش عايز أصدمك وأقولك إن الضربات الأمريكية الأخيرة على إيران حرفيًا كسرت فى بنيتها التحتية ومحطات المياه عشان تعمل حالة عجز عند الشعب فى تلبية احتياجاته الأساسية ، ⬅????و ده أكبر ضاغط على النظام فى ضرورة التفرغ لانقاذ دولته .. لكن الأمريكان مش هيسيبوه عن طريق رجالتهم فى الداخل
????عشان كده محدش يصدق تمثيلية ترامب انه مصدوم من نتيناهو وإنه يا عينى ضحية
????يعنى أفهم من كلامك إن الإيرانيين لو وقعوا على الاتفاق ده هيكون استلام رسمى للأمريكان وانتهاء بتحقيق اهداف الأمريكان ؟
????لا مش كده .. انا برضو مش عايزك تبقى طيب بالشكل ده ، الإيرانيين عندهم خبرة واسعة فى المناورة والحذر
????هما مضغوط عليهم صحيح لكن مفيش ضامن إنهم يلتزموا بالاتفاق ده خاصة لما ترامب يمشى او يخسر فى انتخابات التجديد النصفى وبالمناسبة ترامب نفسه ممكن يكون فاهم ده
????عشان كده بعد توقيع الاتفاق هيبدأ فى الخلاص منهم عن طريق الداخل نفسه .
طيب هل روسيا والصين هيسكتوا ولا إيه موقفهم ؟
⬅ ✅تابع المقالات القادمة وهجاوبك هنا بإذن الله
????⬅ ماتنساش المتابعة والشير عشان تكون اول من يعرف المعلومة وساعدت غيرك انه يعرفها
⬅✅لو استفادت من المقال وفهمت فكرته ، من فضلك شيره عشان غيرك يفهم برضو و الكل يبقى فاهم اللى بيحصل حوالينا
✅???? خليك متابع هنا لمعرفة كل التطورات بالتحليل حصريًا ، وأرحب بأى أفكار بناءة أو إضافات فى التعليقات مبنية على أسس علمية وموضوعية .
????✍️ الأفكار والمعلومات الواردة فى المقال حصريه
تحياتى وتقديرى،،،
⇧
