أهلا بكم مع عبده ولفه حول كوكب الارض

????????????أهلا بيكم مع عبده في ..... ???? أخبار الكوكب ???? ???? كوكب الثلاثاء ٢/٩/٢٠٢٥ واللي مش متابع الأخبار ... كوباية الشاي بالنعناع ف إيدك علشان هناخد لفة في اخبار الكوكب ... ومطولش عليكم وقولولي لاء طول ... ،???? اليابان ... خناقة الارز ...!! اليابان وامريكا ماسكين فبعض بسبب الرز يا عم الحج .... اه والله لدرجة ان المعلم عجة (ترامب سابقا ) طلع وقال.... لن يقبلوا أرزنا، ومع ذلك يعانون من نقص حاد في الأرز. بمعنى آخر، سنرسل لهم رسالة فقط، ونتمنى أن يكونوا شريكًا تجاريًا لسنوات عديدة قادمة...!! يعني ايه الكلام ده يا عبده ؟؟ ببساطة كدا أمريكا شايفة ان حكومة اليابان بتحط عراقيل قصاد مصدري الارز الامريكي رغم ان اليابان بتستورد كميات مهولة من الرز من دول العالم ف اسم النبي حارسة وصاينة ترامب عايز اليابان متشتريش رز غير من المزارعين الامريكان وإلا هيبعتلهم رسالة يقولهم فيها ... لو مشترتوش الارز الامريكي هنحط السرسور المحمي فسيخ ودنكم !! الحكومة اليابانية تسكت.... ابدا !! ردت الحكومة اليابانية وقالت ان اليابان السنة اللي فاتت اشترت رز من امريكا بربع مليار دولار !! و هنشتري تاني .... ما تقلقوش احنا منقدرش نرفضلكم طلب !! هتقولي الله ... هي اليابان مالها كدا خانعة ومسلمة نمرها لأمريكا يا عبده !!! هقولك يا حبيبي إنها السيادة ...!! اليابان قدام العالم كله دولة ذات سيادة وحاجة آخر فخفخينا .... إنما فالحقيقة هي دولة محتلة من امريكا ومنزوعة السيادة تماما !! يكفي إني أقولك ان اليابان فيها اكبر قاعدة للجيش الامريكي فالكوكب كله خارج حدود امريكا القاعدة دي حضرتك فيها ٦٠ الف جندي أمريكي من ساعة الإستسلام فالحرب العالمية التانية اه نسيت اقولكم ان تكلفة ال٦٠ الف جندي امريكي دول اللي بتتحمل تكلفتهم دولة اليابان مش كدا وبس ...!! اليابان اصلا معندهاش جيش حضرتك انا عارف ان المعلومة دي هتصدم ناس كتير !! وبتعتمد في حمايتها على الجيش الامريكي !! انا بحكيلكم ليه التفصيلة دي ؟؟ علشان تحمد ربنا على نعمة الجيش المصري اللي لولاه كان زمان قرار حضرتك السيادي بيتاخد من قلب البيت الابيض لولا رفض الجيش المصري لوجود اي قواعد عسكرية على الاراضي المصرية كان زمان حضرتك بتقول نعم وحاضر والجزمة فبوقك !! علشان كدا الطابور الخامس فمصر التابع للأمريكان ه‍ تلاقيه دايما بيهاجم مشاريع الجيش الإقتصادية !! ساعتها رد و قولهم مش احسن ما نكون زي اليابان !!! والله الجيش المصري بيعمل مشاريع إقتصادية علشان يفيد بيها إقتصاد البلد إنما اليابان بيدفعوا الإتاوة للجيش الامريكي والجزمة فبوقهم ترامب حضرتك قال لليابانيين ه‍ تاخدوا الرز الامريكي غصب عنكم..!! قالوله ه‍ ناخده يا سيد المعلمين .. تحب ناخده حباية وحباية ولا ناخده مفلفل !!!???? ،???? وع الناحية التانية من الكوكب .... ،???? ألمانيا.... أحيييه على ألمانيا واللي بيحصل فيها...!! ايواا انا عارف ان احيييه دا لفظ إسكندراني بس حقيقي اللي بيحصل في المانيا مينفعش يترد عليه غير بالاسكندراني حضرتك ???? شوف يا سيدي.... ميرتس اللي هو مستشار ألمانيا اللي فمقام رئيس الوزارء يعني والحزب الحاكم طلع وقال.... إستمرار الدولة الإجتماعية الألمانية بشكلها الحالي اصبح مستحيل يعني إيه الكلام ده يا عم ميرتس !!! قالك تمويل النظام الإجتماعي في المانيا بالشكل ده هيخلينا نفلس..... لاء ثانية واحدة هو فلس فعلا وممعناش فلوس علشان نقدمها للدعم !! دعم...!!! انت بتقول دعم يا عم ميرتس ؟؟ قالك اه طبعا احنا بندعم النظام الاجتماعي فالبلاد بس بسبب الازمة الاقتصادية اللي احنا فيها كدا كلنا هنشحت على باب السيدة !! ومحتاجين نلغي الرعاية الاجتماعية !! علشان نظام التأمينات والمعاشات والرعاية الاجتماعية بيلتهم ٣١٪ من الناتج القومي طب واللي ع المعاش والفقراء الالمان يا ميرتس....!! قالك يتولاهم ربنا !!! طب والصواريخ الالمانية يا ميرتس.... دول مهما كانوا ولايا !!! قالك ليهم ربنا بقااا هو انا مغسل وضامن جنة !! الدنيا طبعا أتقلبت في ألمانيا بسبب التصريح ده بس المستشار الالماني قالك معنديش حل تاني غير هيكلة الاقتصاد ورفع الدعم زي ما أخويا وحبيبي الزعيم عبدالفتاح السيسي عمل فمصر وصلح الإقتصاد المصري !! الشعب الالماني رد على ميرتس وقاله.... لاء معلش يا كابتن ميرتس ياريتك تبقى زي الزعيم السيسي فمصر دا عمل مظلة تكافل وكرامة للفقراء مش كدا وبس ....!! دا رفع المعاشات و زود المرتبات مش كدا وبس !! دا عمل أكبر مشروع إنساني فالقرن ال ٢١ للشعب المصري مشروع حياة كريمة???? الشعب الالماني دلوقتي بيطالب الحكومة الالمانية بحياة كريمة ....اه والله???????? ،???? وع الناحية التانية من الكوكب .... ،???? الصين.... وقمة شنغهاي !!! القمة اللي زلزلت عرش أمريكا والغرب !! مش علشان هي اكبر قمة إقتصادية فالكوكب حضرتك !! لا دي بتصادف القمة دي إحتفال الصين بإنتصارها على اليابان وبتستعرض قوتها العسكرية في أضخم عرض عسكري فالكوكب !! بس لازم تعرف عزيزي متابع عبده !! ان القمة دي فيها رئيس وزاراء الهند مودي ورئيس روسيا بوتين دا غير برنس الكوكب .... المعلم كيم اللي راحلهم بالقطار المدرع اللي شايل قاعدة صواريخ بالستية عابرة للقارات ???? انا سامع واحد بيقولي ..... طب ومصر يا عبده !! اه حضرتك مصر مشاركة فالقمة ورئيس الوزاراء مصطفى مدبولي منور هناك والله وكلهم بيعلنوا من هناك عن تحالف اقتصادي لنظام عالمي جديد و بيطلعوا لسانهم لأمريكا ???? هتقولي طب والزعيم السيسي مرحش ليه قمة شنغهاي يا عبده !!! هقولك علشان عندنا قمة العشرين يا برنس ولاول مرة في تاريخ قمة العشرين إنها تنعقد في دولة مش من العشرين ???? ف مش معقول يبقا عندنا فرح .... ونسيب القاعة ونروح فرح تاني ???? ،???? وع الناحية التانية من الكوكب ... ،???? امريكا .... هو ولمؤاخذة المعلم عجة مختفي ليه من الاسبوع اللي فات !!! في كلام انه اتسمم !!! وفي كلام اني بيعاني من وضع صحي خطير وقصور فالدورة الدموية وليلة كبيرة سعادتك بس لحد دلوقتي مفيش اي بيانات رسمية لغيابه وكل اللي بيتقال ع السوشيال ميديا مجرد هبد !!! عموما ...هو انا مش قولتلكم ان الراجل ده مش هيكمل فترة رئاستة !!! ادينا مستنيين ..... والغايب حجته معاه ،???? كمان في امريكا .... ولاية آلاسكا..... ايون اللي اجتمع فيها ترامب وبوتين شكلها كدا هتضلم !!! عندهم ازمة غاز وليلة كبيرة سعادتك وتقريبا كدا الازمة هتطول والكهربا هتقطع وهتبقا ايامهم طين سيادتك علشان نظام التدفئة هناك هيتوقف تماما والناس دي هتتجمد ،???? وع الناحية التانية من الكوكب ... ،???? روسيا.... فالوقت اللي المعلم بوتين فيه في قمة شنغهاي فالصين وقع أتفاقيات الشراكة الشاملة مع الصين.... بس مش ده اللي جاي اكلمكم فيه....!! فالقمة دي مين ....؟؟ الأسطى رجب طيب اردوغان رئيس تركيا !!! اللي الجيش الروسي إداله حتة دين خازوق محترم اثناء القمة ايه اللي حصل بقا ...!!! تركيا كانت بتبني مصنع طيارات مسيرة بيرقدار فين يا عبده !!! ف كييف في اوكرانيا الجيش الروسي فضل يراقب المصنع ده .... كتير !!! لمدة سنة لحد ما اكتمل بناؤه وهوووب دبل كيك يا معلم وقبل ما ينتج اول طيارة راح الجيش الروسي زربوووو مدمره ومخلاش فيه حتة سليمة طبعا رجب طيب اردوغان ملوش عين يرفعها فوش بوتين فقمة شنغهاي حضرتك ،???? وع الناحية التانية من الكوكب .... ،???? السودان ... فالسودان بقا وفولاية دارفور طلع حميدتي وقالك انا رئيس الحتة دي !!! وهحلف ع المصحف اني احترم الدستور ...!! ياااسطى هو في دستور اصلا !!! قالك مليش دعوة انا عايز احلف ع المصحف وراح ماسك المصحف ورفعه على عنيه وحلف عليه ... تاني يوم يا مؤمن الارض أنشقت وبلعت قرية كاملة ببيوتها بناسها بحيواناتها ...!! انا بتكلم بجد !! قرية فجبل مرة فولاية دارفور الارض انشقت مرة واحدة وبلعت القرية كلها وقفلت عليهم !!! ،???? وع الناحية التانية من الكوكب .... ،???? ليبيا.... شوف يا صديقي الملف الليبي دا ملف معقد جدا بس أبسط حتة فية لحد الخط الاحمر اللي رسمه الزعيم السيسي ما بعد الخط الاحمر في لاعيبين كتير بيلعبوا من اول امريكا وايطاليا وتركيا وحلف النيتو وطرابلس محاصرة بالميليشيات المسلحة وليلة كبيرة سعادتك كل دول بيلعبوا بعيد عن الخط الاحمر اللي رسمته الدولة المصرية !!! هو مش قالكم .... العفي محدش يقدر ياكل لقمته ???? ،???? وع الناحية التانية من الكوكب ... ???? كوكب تحيا مصر ???? ،???? وفكوكب تحيا مصر .... لازم تعرف ان أشر دولة فالكوكب مش امريكا ولا إسرائيل حضرتك !!! اه هما ولاد ستين .... مفيش كلام انما مملكة الشر فالكوكب هي بريطانيا !!! ف الدولة المصرية خلاص قفلت الجيم !!! وواجهت كل الدول الكومبارس حضرتك وانتصرت عليهم دلوقتي المواجهة بقت مع اهل الشر نفسهم اللي نزلوا الملعب بنفسهم !! وعلشان كدا الدولة المصرية بتتعامل مع الملف ده بحرفية وعبقرية محصلتش!! وبتتعامل بدبلوماسية عظيمة جدا !! ووزير الخارجية المصري هو اللي متصدر المشهد وتعالى يا حبيبي .... انت سايب كلابك بينبحوا قدام السفارة المصرية ف لندن ليه !! الخواجة رد وقال .... طبعا يا خبيبي دي حرية وحقوق انسان انتوا إيش عرفكم بيها !! وزير الخارجية المصري رد وقال ... إشطة .... وانتوا ناس زي الفل واحنا بنتعلم منكم حقوق الانسان وعلشان حقوق الانسان اللي عايزين نطبقها عندنا زي عندكم هنفتح شارع السفارة وهنشيل الخوازيق اللي قدام السفارة البريطانية اللي ف القاهرة ...!!! رد الخواجة وقال.... وهتشيلوا الخوازيق وتحطوها فين ...؟؟ رد وزير الخارجية المصري وقال.... والله السؤال ده لو سألته لاي مصري ملهوش غير رد واحد ....!! بس شوفوا انتوا تحبوا نحطهالكم فين واحنا مش هنتاخر ???? الخواجة رد ف ثواني وقال ... لا والنبي بلاش الخوازيق ... احنا هنقفل السفارة لحين اشعار آخر !!! ،???? كمان في كوكب تحيا مصر .... قمة العشرين الكبار فالقاهرة !!! اه يا صديقي قمة العشرين الكبار فالقاهرة ولاول مرة في تاريخ المنظمة ان القمة تنعقد في دولة مش من العشرين الكبار !! ودا مش علشان هما جدعان معانا وكدا !!! لا حضرتك ...!! علشان مصر لو إستمرت بمعدل النمو ده وبمعدل التطور ده على سنة ٢٠٣٥ هتزيح كل الدول العشرين وهتتربع على عرش الإقتصاد العالمي وهتكون من العشرة الاوائل دا مش كلامي حضرتك ولا هبد مني !!! دا كلام كل الخبراء الإقتصاديين فالعالم !!! لدرجة ان الجزيرة عملت مقال طويل عريض وبتقول فيه .... هل فعلا مصر سنة ٢٠٣٠ ستكون من السبع إقتصاديات الاوائل ف الكوكب ؟؟ وقعدت تعدد ف المقال وتلطم وتشيل من الارض وتحط على دماغها علشان بالارقام وبالبنية التحتية اللي بتتعمل وبالمصانع اللي بتتبني فعهد الزعيم السيسي مصر هتكون من السبعة الاوائل ???? هتقولي بس الواد حوكشة اللي نايم على بطنه فصفط اللبن وبيقول انه خبير كل يوم يطلع يقولنا ان مصر هتفلس ومفيش إقتصاد ولا مشاريع والحالة ضنك وهنحارب اسرائيل والعالم !! اديك قولت ... الواد حوكشة ف اولريدي النقاش اتقفل !! بس لازم تعرف ان الحرب مش بالسلاح وبس !!! الحرب دلوقتي حرب عقول واغتيال معنوي وهما بيحاولوا يغتالوا معنويات الشعب المصري علشان يكفر بالدولة المصرية ويحس بالدونية وانه ميقدرش يحقق اي حاجة في حين ان الدولة المصرية ماشية على خطة لحد سنة ٢٠٣٠ و٢٠٣٥ وربنا يطول فعمر الزعيم السيسي لحد ما نوصل ٢٠٣٥ ساعتها هتشوفوا الدولة المصرية وهي مسيطرة على المنطقة وعلى قارة إفريقيا كلها وهتكون حدودها هي حدود قارة إفريقيا ???????? اما بقا الواد حوكشة اللي كل يوم يطلع يرعب الناس ويقولهم الحقونا مصر هتحارب النهاردة بعد الغدا... يا إما بعد العشاا فدا ان شاء الله هتشوفوه وهو بيجري ورا عربية الرش فالشوارع ???? كفاية كدا ...... وتقعدوا بالعافية ???????? يديمك ???????? بيعيرونا بفقرنا ..... بس انا مش هسكت الزعيم عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ????????