جوله حول كوكب الارض مع عبده
????????????أهلا بيكم مع عبده في ....
???? أخبار الكوكب????
???????? كوكب الاربعاء ٢٧/٨/٢٠٢٥
واللي مش متابع الاخبار بسرعة علشان هناخد لفة في اخبار الكوكب...
???????? إنجلترا...
يعني بريطانيا العظمى....
يعني مملكة الشر واهل الشر...
يعني الإمبراطورية اللي كانت لا تغيب عنها الشمس
اللي قالوا ان عبدالناصر كلب....
قام عبدالناصر في لقاء شعبي جماهيري قالهم بالفم المليان اهو انتوا اللي ولاد ستين كلب....!!
مالها بقا بريطانيا !!!
هتفلس يا خويااااا ...لا هتفلس بجد مش هزار ولا هبد مني آه والنعمة
لو مش مصدقني تعالى أحكيلك عالحدوتة كلها !!
جريدة التايمز البريطانية نزلت تقرير الاسبوع ده من ٦٥ الف كلمة وبتقول فيه إن بريطانيا هتفلس....!!
ليه كفالله الشر !!
التايمز البريطانية بتقول ....
إن بريطانيا بجلالة قدرها مديونة ب ....
ثانية واحدة وركز فالرقم
بريطانيا مديونة ب ٤.٥ تريليون دولار
ودا رقم قياسي لاول مرة في تاريخ بريطانيا
بس مش دي المصيبة حضرتك....!!
المصيبة في خدمة الدين اللي بتدفعه بريطانيا كل سنة !!
بريطانيا بتدفع سنويا لخدمة الدين
٣٣ مليار دولار
لاء ثانية واحدة علشان تفهم عزيزي ...!!
ال ٣٣ مليار دولار اللي بتدفعهم بريطانيا كل سنة مش اقساط دين حضرتك !!
لا دي فوايد الديون ????
طب هما بيدفعوا كام لميزانية التعليم عندهم !!!
بيدفعوا ٩ مليار دولار...
حضرتك متخيل ان بريطانيا بجلالة قدرها مش قادرة تسدد ديونها !!!
ولا قادرة تدفع اقساط الديون .... طب تعمل إيه !!!
باااس مفيش غير صندوق النقد الدولي
فحضرتك الحكومة البريطانية قدمت طلب لصندوق النقد الدولي علشان يسلفها ...
وقدمت كمان طلب علشان يأجل الديون اللي عليها شوية !!
لو مش مصدقني .... بص ع الخبر تحت ف الكومنتس
دول طلعوا من برة ها الله هالله..... ومن جوه يعلم الله
لو سألتني وقولتلي طب الحل إيه ...!!
هقولك طب ما يخدوا من الفلوس اللي عمالين يبعزقوها على مؤسسة ولمؤاخذة مرسي للحرية ويسددوا ديونهم !!!
???????? وع الناحية التانية من الكوكب ...
???????? فرنسا ...
في فرنسا وزارة الخارجية الفرنسية استدعت السفير الامريكي علشان بعت رسالة لماكرون غير مقبولة قاله فيها ....
ان باريس لا تبذل ما يكفي لمكافحة معاداة السامية !!
هنا ماكرون اتجنن وبعت للسفير الامريكي وقاله سامية مين يا ابن سامية !!!
لاء ثانية واحدة عزيزي قبل ما تعرف مين سامية لازم تعرف مين اصلا
سفير اميركا في فرنسا
سفير امريكا في فرنسا هو تشارلز كوشنر !!
كوشنر ده مبيفكركوش بحد ؟؟
ايواااان هو بعينه بغبوته بوشه العكر ...!!
أبو جاريد كوشنر جوز بنت ترامب
صاحب فكرة صفقة القرن !!!
كدا اظن كل الناس فهمت القصة والحكاية والحدوتة....
كلهم عيلة وسخة فبعض
بس الحقيقة فرنسا مسكتتش ليه
وقالت....
ان مزاعمه غير مقبولة.... ودا انتهاك واضح للقانون الدولي وتدخل قذر فالشؤن الداخلية لدولة فرنسا
وتصريح لا يليق بمستوى الثقة بين الحلفاء
وبرضوا هنعترف بالدولة الفلسطينية زي ما وعدنا أبومحمود !!
???????? وع الناحية التانية من الكوكب ...
???????? أمريكا ...
المعلم ترامب كان بيوقع بعض القوانين لإرسال قوات لواشنطن العاصمة علشان زيادة معدلات الجريمة زي ما انتوا عارفين .... لحد كدا حلو ؟؟
لا مش حلو ...!!
علشان الصحفيين سألوه ان دي كدا ديكتاتورية !!
رد وقالهم ....
شوفوا رغم ان في ناس كتير في امريكا بيحبوا الرئيس الديكتاتوري بس انا مش ديكتاتور....
قالوله اومال انت كدا إيه ؟؟
قالهم ...
انا لست ديكتاتورا.... انا رجل يتمتع بعقل سليم وكبير...
دا كان ناقص يقولهم ....
و انا مش قصير اوزعة...... انا طويل واهبل
???????? كمان في أمريكا ....
????وجنان بجنان.... تقريبا كدا الناس هناك اتجننت
طلعت مرشحة الحزب الجمهوري في ولاية تكساس فالنتينا جوميز
???? فمكتبها وصورت فيديو وهي بتحرق المصحف...!!!
????وقالت فالفيديو إدعموني فالترشح لأصل للكونجرس عن ولاية تكساس علشان اخلصكم من المسلمين فالولاية !!!
اه والله قالت كدا !!!
مش كدا وبس ...!!
دي كملت وقالت....
يارب ساعدني فالتخلص من المسلمين .... وكملت شتيمة !!
فين بقا بتوع المقاطعة !!
فين بقا بتوع الموت لامريكا !!
ولا انتوا لسه مجتلكوش التعليمات ????
دا الفيديو قالب الدنيا في امريكا
???????? وع الناحية التانية من الكوكب .....
???????? الهند...
لا مش الهند وبس !!
دا الهند وتايلاند وكوريا الجنوبية ونيوزيلندا
قرروا تجميد طرود شركات البريد بينهم وبين امريكا !!!
لا جوابات هتروح ولا رسايل هتيجي
حتى على الطرود الصغيرة
كل ده علشان التعريفات الجمركية اللي فرضتها امريكا على اي شحنات هتدخل من البلاد دي لامريكا حتى لو شحنات صغيرة لا يتعدى ثمنها ٨٠٠ دولار
???????? وع الناحية التانية من الكوكب ....
???????? سوريا....
الرئيس ولمؤاخذة احمد الشرع رئيس سوريا حب يجمل صورته فعمل إيه ؟؟
جمع كل وكالات الانباء وعمل لقاء صحفي علشان يتكلم عن تجربته اللي نفسه يطبقها في سوريا....!!
لحد هنا زي الفل .... وحاجة اخر زبادي فالخلاط
الراجل بدا كلامه وقال بسم الله الرحمن الرحيم ....
سنقضي على الإخوان المسلمين ????
اه والله قال كدا ....
وعلى كل الجماعات الاسلامية وهتكون قيادتي لسوريا من منطلق إقتصادي ...!!
الصحفي قاله ازاي يا عم الحج ؟؟؟
قاله ان خلاصة تجربتي في قيادة إدلب ان الجماعات الاسلامية دول ولاد أحبه وانه لن يكون إمتداد لأي تنظيم إسلامي !!
باااس زي الفل ... عظمة على عظمة !!
لاء ثانية واحدة يا عم ولمؤخذة احمد الشرع
يعني انت هتاخد من الإقتصاد مرجعية ليك ؟؟
قالي ايوااا اومال انت فاهم ايه ؟؟
اشطة ...!!
قولي بقا مين مستشارينك اللي هتسألهم وهتاخد بمشورتهم ؟؟
شوف بقا يا برنس مين مستشاريه ...!!
مستشار اول لاحمد الشرع هو أحمد موفق
دا المستشار الإعلامي حضرتك !!!
مين احمد موفق ؟؟
دا كان مستشار أسامة بن لادن وأحد إعلامي قناة الجزيرة وكان عايش في باكستان !!
يعني حضرتك اول القصيدة .... كفررر
و ديل الكلب عمره ما يتعدل
???????? وع الناحية التانية من الكوكب ....
???????? روسيا...
هو مش بوتين راح ألاسكا.... ووعدهم بالمصاصة !!
يوووه اقصد وعدهم بالسلام
والناس كلها طلعت وقالت اخيرا هيحل السلام ووقف اطلاق النار ؟؟
والعبد لله اللي قولتلكم ان بوتين مستحيل يغلط نفس الغلطة مرتين !!
وان اتفاقية مينسك لوقف اطلاق النار سنة ٢٠١٦ كانت غلطة سياسية لا تغتفر ... دا كان كلام بوتين حضرتك مش كلامي
اهو بوتين مكدبش خبر واكد كلامي اللي قولته فالبوست اللي فات !!
والجيش الروسي النهاردة بيجتاح وسط اوكرانيا
ولأول مرة القتال بينتقل الى وسط اوكرانيا في منطقة دينبرو بتروفسك
والجيش الروسي ماشي في اوكرانيا زي السكينة فالحلاوة !!
ومحدش عارف يوقفه..... هو اصلا اولريدي محدش عارف يوقف حاجة حضرتك ????
???????? وع الناحية التانيةمن الكوكب ...
???????? تركيا ....
ومشروع توران العظيم !!!
ايه مشروع توران او طوران العظيم دا كمان يا عبده ؟؟
شوف يا سيدي ....
مش بس إسرائيل اللي عندها اوهام الدولة الكبرى !!!
لا دي تركيا كمان عندها حلم الدولة العظمى وعايزة ترجع كل حدود الدولة العثمانية ...!!
مهي ظاااطت بقا ....
وكل واحد ينام شوية وتيته عريانه يحلم انه بقا سلطان دولة عظمى وعايز يكوش ع المنطقة وناسيين ان المنطقة فيها دكر اسمه الزعيم عبدالفتاح السيسي ...
مشروع توران العظيم....
دا الحلم اللي بيجري وراه أردوغان!
هو فالاصل فكرة قديمة اسمها مشروع توران العظيم أو الاتحاد الطوراني....
الفكرة دي مش وليدة النهاردة....
دي من زمان جدًا، من أيام ما كانوا الأتراك بيفكروا يجمعوا كل الشعوب اللي ليها أصل تركي في كيان واحد كبير، من تركيا لحد حدود الصين....
الموضوع بالنسبة لتركيا مش مجرد كلام حماسي.. لا...
ده مشروع بيخلّي أنقرة تحس إنها "زعيمة" على إخواتها من الشعوب التركية: الأذريين، الأوزبك، الكازاخ، القيرغيز، وحتى الأويغور في الصين.
يعني ببساطة أردوغان عايز : تركيا تبقى القلب، والباقي حواليها.
ليه أردوغان بالذات؟
هنا بقى ييجي دور أردوغان ????
أردوغان شايف نفسه "الخليفة الجديد" مش بس للعالم الإسلامي، لكن كمان "الأب الروحي" لكل الشعوب التركية.
عمل إيه بقا؟
بدأ يقوي العلاقات مع أذربيجان، ومع دول آسيا الوسطى.
استغل ورقة الغاز والبترول اللي عندهم، وعمل تحالفات ومشاريع أنابيب توصل الطاقة لتركيا ومنها لأوروبا....
طب وعسكريًا؟
مسيّرات بيرقدار اللي اشتهرت في حرب قره باغ بين أذربيجان وأرمينيا كانت ورقة قوة، وأظهرت إن تركيا مش بتهزر ...
روسيا شايفة إن ده تهديد ليها، عشان آسيا الوسطى كانت دايمًا تحت جناحها والحديقة الخلفية ليها
الصين هي كمان قلقانة عشان موضوع الأويغور.
طب وإيران ....خايفة من الأتراك الأذريين اللي عندها....
يعني أردوغان بيحاول يوسع نفوذ تركيا على حساب الكبار.
الخلاصة
مشروع توران العظيم لحد دلوقتي حلم أكتر منه واقع....
بس أردوغان هو أكتر واحد اشتغل على الحلم ده، وبدأ يحوله من مجرد "شعارات قومية" لخطوات عملية:
مجالس تركية مشتركة.
مناورات عسكرية.
اقتصاد وأنابيب غاز.
إعلام ودراما بتصدر صورة تركيا كزعيمة.... ودي اللي انضحك بيها ع الشعب المصري
يعني باختصار: أردوغان شايف نفسه "السلطان" اللي هيجمع الدولة العثمانية من جديد....
طبعا روسيا والصين وحتى اوروبا قالوله....
خد فشاااار
بس هو لسه مؤمن إنه يقدر يحقق ده
???????? وع الناحية التانية من الكوكب ....
???? كوكب تحيا مصر ????????
،وفكوكب تحيا مصر .... ????????
????زيارة رئيس الإمارات محمد بن زايد للعلمين وإستقبال الزعيم السيسي ليه من غير أي بروتوكولات...!!
اربط بيها زيارة الزعيم السيسي قبلها ل بن سلمان فالسعودية من غير أي بروتوكولات برضوا !!!
هتلاقي نفسك بتقول ... اه والله عنده حق
طول عمره بيقول ان التنسيق بين مصر والسعودية والإمارات تاريخي على مستوى الدولة العميقة
على فكرة دا مش بمزاجهم دا غصب عنهم علشان المنطقة كلها بتمر بمنحنى تاريخي
واللي مش هيركب في سفينة مصر هيركب الشلاحات
خد بالك أهل الشر مقدروش يوقعوا بين الزعماء ....
طب الحل إيه ؟؟؟
يوقعوا بين الشعوب وبعضها ويخلوا الشعوب نفسها تضغط على حكامهم
ويطلعوا اشاعات ان السعودية والامارت هما اللي مولوا السد...!!
رغم ان ترامب بنفسه طلع وقال ان امريكا هي اللي مولت السد !!!
ورغم ذلك تلاقي واحد براس كلب طالع يقولك اصل الامارات والسعودية هما اللي مولوا السد
يابني ترامب هو اللي إعترف بنفسه وقال قدام العالم كله ...!!
يقولك لاء مليش دعوة ... الامارات والسعودية هما اللي مولوا السد
هتقولي طب والسودان يا عبده ....!!
هقولك لا دي قصة تانية خالص
قصة طويلة ومحتاجة بوست لوحدها
والامارات كحكومة وكدولة برضوا ملهاش دعوة باللي بيحصل فالسودان
عايز تصدق صدق ..... مش عايز اضرب راسك فالحيط
،كمان فكوكب تحيا مصر .... ????????
تعالوا بقا احكيلكم قصة المقاتلة الصينية j10
اللي مصر فسحت فيها كل المخابرات العالمية والجيش المصري جاب جون فحتة تانية خالص
مصر جابت ال j10 وفسحتها ف الهرم.... اه والله يا عم
والعالم كله شافها فوق الهرم ....!!!
والدنيا إتقلبت ف إسرائيل و امريكا وأوروبا....!!!
وكانوا لا على حامي ولا على بارد !!!
هتقولي ليه هي الكحكة ف إيد اليتم عجبه !!!
هقولك لاء معلش الجيش المصري
مش يتيم حضرتك !!!
دا مصنف من اقوى عشر
جيوش فالكوكب
يعني لو الجيش المصري قال هشتري ال j10 واشتراها فعلا اوروبا وامريكا هيفقدوا ٥٠ ٪ من سوق السلاح فالكوكب ويمكن اكتر !!!
طب الحل ايه .....!!
هو دا اللي كانت عايزاه مصر حرفيا من نقلة الشطرنج دي !!
ان اوروبا وامريكا ييجوا للجيش المصري ويقولوله شبيك لبيك طلباتك إيه علشان تفكك من صفقة ال j10
اول حاجة امريكا قدمت عربون محبة والبنتاجون بعت لمصر صفقة تسليح ب ٤.٥ مليار دولار كان أهمها منظومة الصواريخ ناسامز
( Nasams). المتطورة جدا
دي من المنظومات العسكرية والتكنولوجيا اللي متحرمة على مصر حضرتك
أحب أقولك بس إن المنظومة دي واحدة من أكثر أنظمة الدفاع الجوي تقدما فالعالم
أحب كمان اقولك إن المنظومة دي هي المسؤلة عن حماية العاصمة واشنطن ...
دا بس بيثبتلك ان المصريين اخدوا نني عين الامريكان غصب عنهم
طبعا غير الصواريخ اماراام غير صفقات الصيانة والتدريب وليلة كبيرة سعادتك
خد بالك كل ده عربون محبة بس
من امريكا ....!!!
التقيل بقا لسه جاي من اوروبا....!!!
مش هتكلم عن اليورو فايتر غير لما تنور مصر ????
انما اللي قدمته فرنسا اكتر وأكتر طبعا
يكفي ان فرنسا اعلنت بعد ما كان مصنع الرافال في مصر هيصنع ٤٠٪ من المقاتلة رافال لا يا حبيبي عدلوا الإتفاق وخلو نسبة التصنيع المصري ٨٠ ٪
مش كدا وبس ....!!
التعديلات اللي طلبتها مصر على الرافال اللي لسه بتتصنع إتوافق عليها بالتسليح اللي طلبته مصر
دا غير صفقات التسليح اللي لسه لم يعلن عنها او سرية للغاية ????
هتقولي طب والصين !!!
هقولك مصر اصلا من الاول وهي مقررة انها مش هتاخد ال j10 هي بتلعب جيم شطرنج وعايزة حاجة تانية خالص ....
وف نفس الوقت حبت توجب مع الصين وتسيطها ????
لكن مصر أخدت حاجة تانية من الصين أهم بكتيررر من ال j10
طبعا الناس كلها إتكلمت عن حصول مصر على طائرة الإنذار المبكر الصينية kj-500
اللي فسحت الرادارات الإسرائيلية اثناء المناورة المصرية الصينية وعملت عليها احلى حرب إليكترونية فتاريخ المنطقة ... .
مش كدا وبس....!!!
دا غير انظمة الدفاع الجوي اللي مصر حصلت عليها من الصين HQ-9B
بس دا كله برضوا دفاع جوي يا عبده !!!
فين بقا الهجوم والذي منه !!!
انا بقا جايبلك خلاصة الخلاصة يا برنس ....
الجيش المصري مش مهتم أصلا ب ال j10
هو رقصهم حتة دين ترقيصة واخد بقا إيه !!
أخد حاملة الطائرات .....????
هتقولي حاملة طائرات مرة واحدة !!
اه ياعم والله ....!!
بس مش اي حاملة طائرات حضرتك
الجيش المصري كانت عينه على حاملة الطائرات WJ- 700
دي بقا يابرنس مش حاملة طائرات !؟؟
دي حاملة مسيرات حضرتك
#مصر دلوقتي بتسلح الجيش المصري بأسلحة حروب الجيل السابع والتامن كمان
#حاملة المسيرات WJ-700 عبارة عن طيارة مسيرة ضخمة وفداخلها أسراب من المسيرات بيتم قيادتها بنظام الذكاء الإصطناعي في مهاجمة الأهداف
يعني حضرتك بتديهم إحداثيات الهدف وبتقولهم إتعاملوا انتوا بقااا
مش كدا وبس....!!!
موقع “سوهو” الصيني طلع وقال.....
إن الصفقة دي مش مجرد عملية تسليح تقليدية ....
بل تعكس توجها عسكريا براغماتيا يتجاوز الإبهار التكنولوجي إلى ما هو أكثر فاعلية وكفاءة في الميدان للجيش المصري...
مش كدا وبس ....!!!
وقال كمان الموقع الصيني المهتم بالشؤن العسكرية ....أن
#القوات الجوية المصرية، التي كانت في بداية العام تناقش بحماس صفقة لشراء مقاتلات J-10C الصينية....
تراجعت بشكل مفاجئ في يونيو 2025، واتخذت مسارا معاكسا بنسبة 180 درجة“.
وقالت وسائل إعلام أجنبية: إن “قاعدة جوية تابعة للقوات الجوية المصرية في ضواحي القاهرة،
استقبلت بهدوء 10 طائرات مسيرة من طراز WJ-700 قادمة من الصين“.
واتجهت القاهرة بدلا من ال J10 نحو التسلح بطائرات مسيرة متقدمة من طراز WJ-700، في خطوة توصف بأنها “تحول إستراتيجي هادئ” يسلط الضوء على تغير معادلات القوة والردع في الشرق الأوسط
دا معناه حضرتك إن الجيش المصري تخطى عقيدة الدفاع عن الوطن ....
إلى عقيدة الردع العسكري لأي عدو مهما كان وفي أي مكان ????
????طيب عقيله صالح رئيس البرلمان الليبي وخليفه حفتر كانوا بيعملوا ايه في العلمين ودي مش زياره بروتوكول لا دي زياره للتنسيق وفتح ملفات في غايه الاهميه وعلشان الانتخابات الرئاسية الليبيه القادمة
????دي في مقال قادم ان شاء الله
مش بقولكم .....
مع السيسي.. مش هتقدر تغمض عنيك
كفاية كدا ...... وتقعدوا بالعافية
???????? يديمك ????????
بيعيرونا بفقرنا .. بس أنا مش هسكت
الزعيم عبدالفتاح السيسي
والسلام عليكم ورحمة الله وبركاته
تحيا مصر ????????
تحيا مصر ????????
تحيا مصر ????????
