لفه حول كوكب الارض مع عبده

????????أهلا بيكم مع عبده في ..... ???? أخبار الكوكب???? ،???? كوكب السبت ٢٣/٨/٢٠٢٥ و لو إنتوا مش متابعين اخبار الكوكب هناخد لفة في اخبار الكوكب .... ،???? السعودية .... الزعيم.... عبدالفتاح السيسي راح زيارة مفاجأة للسعودية وقابل ولي العهد بن سلمان ...!! والصراحة يعني زيارة الزعيم عبدالفتاح السيسي للسعودية أكدت كل كلمة انا قولتها ف اخبار الكوكب اللي فاتت لما قولتلكم إن السعودية مستهدفة...!! معظم التحليلات السياسية وصقور السوشيال ميديا بتقول إن زيارة الزعيم للسعودية علشان إن إسرائيل اخدت قرار بإجتياح غزة وإحتلالها....!! بس انا جاي اقولكم لاء خالص....!! زيارة الزعيم السيسي للسعودية فالأساس علشان السعودية نفسها ودعم للسعودية نفسها حضرتك !! هتقولي إزاي يا عبده .... معقول !!! شوف يا سيدي....!! زيارة الزعيم السيسي للسعودية جت في توقيت خطير جدا ...!! قبل ضرب إيران ???? آه حضرتك ... إيران هتنضرب ومش أي ضربة !! دي هتدشمل خالص وإحتمال إن إيران تدور الضرب فكل منطقة الخليج !! هتقولي طب والتعبئة العامة اللي عملاها إسرائيل يا عبده !!! شوف يا صديقي.... التاريخ بيقول.... إن إسرائيل لما بتحشد في مكان أو بتدعي إنها بتحشد قواتها في مكان .... يبقا هتضرب مكان تاني خالص ...!! سنة ٦٧ إسرائيل كانت بتقول إنها بتحشد على الجبهة السورية....!! وكل التقارير المخابراتية السوفيتية والعالمية كانت بتقول ان اسرائيل بتحشد ع الجبهة السورية !! وف الآخر ضربت الجبهة المصرية ...!! فمن وجهة نظري المتواضعة إن التعبئة العامة فالجيش الإسرائيلي مش علشان غزة ...!! غزة دي اوضتين وصالة ...!! إنما التعبئة العامة فقوات الإحتياط دي علشان الحرب مع إيران .... علشان كدا الزعيم السيسي راح زيارة مفاجأة للسعودية لحاجتين لا ثالث لهما..!! اول حاجة .... علشان يقولهم مصر عند وعدها وفضهركم ومسافة السكة علشان الهجوم كان ع السعودية الفترة اللي فاتت كان عنيف جدا بسبب مواقفها الدولية !!! وتاني حاجة لتنسيق المواقف الدولية مع مصر وإعلان الدولة الفلسطينية !! ،???? وع الناحية التانية من الكوكب..... ،???? إيطاليا... في خناقة كبيرة بين إيطاليا وفرنسا... وإستدعاء سفراء وأزمة دبلوماسية وليلة كبيرة سعادتك !! هتقولي خير اللهم اجعله خير حصل إيه ؟؟ شوف يا سيدي... نائب رئيسة الوزاراء الإيطالية ماتيو سالفيني طلع وإتريأ على ماكرون...!! علشان ماكرون بيطالب بإرسال قوات اوروبية لأوكرانيا علشان تحارب ضد روسيا ف ماتيو سالفيني طلع وقال .... هو ماكرون دا مجنون... ولا عنده خال عبيط !! طب ما يروح بنفسه ويلبس خوذة وياخد سلاح ويورينا نفسه على فكرة .... هو قال كدا حرفيا طبعا الكلام معجبش الدولة الفرنسية وإستدعوا السفير الإيطالي في فرنسا وإدوله من المنقي خياااار ،???? وع الناحية التانية من الكوكب .... ،???? أمريكا ... وبعد ما بوتين راح آلاسكا...!! وبعد ما رؤساء الدول الاوروبية راحوا امريكا ...!! تفتكر يا عبده هيحصل سلام ؟ شوف يا سيدي .... كل المحللين... وكل الصقور قعدوا يشيلوا ويحطوا ويلتوا ويعجنوا فاللي عمله ترامب وشوف مقعدهم ازاي وشوف استقبل بوتين ازاي ..... واي هجص والسلام !! أجيبلك من الآخر ...!!! كل اللي حصل من ترامب وقادة اوروبا ما هو إلا خطة إستراتيجية لكسب الوقت يعني ايه الكلام ده !! يعني اوروبا وامريكا عايزين وقف لإطلاق النار لكسب الوقت علشان تكون المصانع الحربية اللي بتبنيها اوروبا في فرنسا والمانيا وايطاليا وبريطانيا اشتغلت بكامل قوتها ويكونوا جهزوا جيوشهم للحرب . !! اه يا برنس...!! المانيا معندهاش جيش يا معلم وطلع وزير دفاعهم وقال علشان اجهز جيش قدامي لحد ٢٠٢٨ ورئيس وزاراء انجلترا ستارمر طلع وقال انا محتاج فرصة لحد ٢٠٣٠ علشان اجهز الجيوش البريطانية للحرب وتكون المصانع العسكرية اللي عندي اشتغلت بكامل طاقتها في ظل الازمة الاقتصادية وشرحة فرنسا حضرتك فالحل إيه ...؟؟ نحاول نكسب وقت قبل ما روسيا تكوش على كله علشان لو روسيا خلصت على اوكرانيا مفيش حد هيقدر يقف قصادها وهتجتاح اوروبا كلها فالوقت الحالي ....ودا سبب تمويلهم للحرب الاوكرانية يا برنس زلينيسكي نفسه فكذا خطاب طلع وقال إحنا بنحارب بالنيابة عن اوروبا طب يعملوا ايه ....!!! بس مفيش حل غير انهم يكسبوا وقت ...!! ويحاولوا يوقعوا إتفاقيات لوقف اطلاق النار لحد ما يجهزوا عسكريا...!! طب دا حصل قبل كدا يا عبده ؟؟ اه طبعااا سنة ٢٠١٥ وقعت روسيا مع اوكرانيا إتفاقية مينسك لوقف اطلاق النار بينها وبين اوكرانيا برعاية فرنسا وألمانيا وكانت ميركل ساعتها ست كل الستات وكلمتها بتوقف اي شنب في اوروبا ..!! بس سنة ٢٠٢٢ طلع بوتين وقال.... اكبر غلطة سياسية غلطتها روسيا انها وقعت على اتفاقية مينسك !! علشان كانت فخ لروسيا...!! طب كانت فخ لروسيا ليه يا عبده ؟؟ علشان روسيا سنة ٢٠١٥ كانت هتجتاح اوكرانيا وتخلص الليلة دي كلها بس المانيا بقيادة ميركل قدرت ساعتها توقف الدنيا دي كلها وتقنع بوتين بوقف اطلاق النار لحد ما قدروا فخلال سبع سنين يجهزوا الجيش الاوكراني اللي انت شايفة دلوقتي واقف قصاد روسيا علشان كدا طلع بوتين وقال ان اتفاقيات مينسك دي كانت خدعة السؤال هنا.... هل برضوا بوتين سنة ٢٠٢٥ هيقبل بوقف إطلاق النار ولا هيتمسك بشروطة وهو اعلان هزيمة اوكرانيا وان اوكرانيا تكون دولة منزوعة السلاح !!! طبعا امريكا والاوروبيين رافضين تماما مهو معنى كدا ان روسيا انتصرت على اوروبا وامريكا وان دا اعلان استسلام منهم !! هما بقا مش عايزين كدا ...!! عايزين يكسبوا وقت للتجهيز لحرب اكبر مع روسيا بس بوتين فهم اللعبة وقالهم... لا يلدغ المؤمن مرتين من جحر واحد ،???? وع الناحية التانية من الكوكب .... ،???? فنزويلا... فنزويلا دي من اكبر الدول النفطية في امريكا الجنوبية... امبارح المعلم ترامب امر الجيش الامريكي محاصرتها بالبوارج البحرية والغواصات النووية قال إيه بيحارب تجار المخدرات هناك...!! الرئيس مادورو رئيس فنزويلا إحتج على الكلام ده وقالك ايه الهجص اللي عايش فيه ترامب ده ترامب عايز يغير النظام في فنزويلا وراح مادورو رئيس فنزويلا امر الجيش الفنزويلي بالتعبئة العامة وقال لترامب هتضرب .... هنضرب !! والدنيا دلوقتي مولعة ف امريكا الجنوبية حضرتك ،???? وع الناحية التانية من الكوكب .... ،???? روسيا.... فروسيا بقا الجيش الروسي إستهدف مصنع في مدينة موكاتشيفو في اوكرانيا... بس مش أي مصنع حضرتك ...!! دا مصنع أمريكي للصناعات العسكرية في اوكرانيا وطلع ترامب متضايق ومتعصب ومتنرفز ازاي الجيش الروسي يستهدف مصنع امريكي في اوكرانيا...!! مش بقولكم ان امريكا واوروبا عايزين ينيموا روسيا فالبليلة لحد ما يبنوا مصانع حربية بس روسيا صاحية للفخ ده !! ،???? وع الناحية التانية من الكوكب .... ،???? الصين.... الصين عاملة شغل جامد جدا في باكستان مش كدا وبس ...!! دا الاسبوع اللي فات وزير خارجية الصين اجتمع مع وزير خارجية باكستان ووزير خارجية افغانستان لضمهم لمبادرة الحزام والطريق تفهم من كدا ايه ...!! ان الصين هي اللي حطت على امريكا في افغانستان حضرتك ضم عليهم بقا الهند اللي بترسم الحدود دلوقتي مع الصين وهيشيلوا كل اسباب الخلاف بينهم ... كدا الصين بتجهز نفسها علشان تركب امريكا ،????وع الناحية التانية من الكوكب .... كوكب تحيا مصر ???????? ، وفكوكب تحيا مصر.... ???????? الزبيب والدولة المصرية الصناعية العظمى... هتقولي والزبيب ماله ومال الدولة الصناعية العظمى ..!! هقولك لااااء دا ليه دعوة ودعوة كمان ما حضرتك علشان تكون دولة صناعية عظمى لازم يكون عندك مصانع بتصنع من أول الإبرة .... لحد الصاروخ اه لازم يكون عندك مصانع إبر خياطة فنفس الوقت اللي عندك فيه مصانع بتصنع الصواريخ ...!! يعني الناس اللي إتريقت من خبر ان مصر هتعمل مصنع الزبيب ما اخدتش بالها ان مصر ولاول مرة في تاريخها تصنع أحدث سلاح فالكوكب واسمه صوت الرعد !!! ايوا المدفع الكوري K9 لاول مرة مش يتصنع وبس ...لاااا دا المصنع اللي اتعمل في مصر فيه كل تكنولوجيا التصنيع للمدفع ده وانت بتصنعه بنسبة ١٠٠٪ وفيه منه نسخة ليك وفيه منه نسخة للتصدير زي اي دولة عظمى فالكوكب لما بتصنع سلاح حديث بتصنع منه نسخة ليها فيه مواصفات خاصة بيها .... وبتصنع نسخة تانية للتصدير المدفع ده بقا للي ميعرفهوش مصنوع خصيصا لضرب القبة الحديدية الاسرائيلية ???? مش كدا وبس ....!! دا تم تسليح الفرقة الرابعة اللي فسيناء بالمدفع ده .... افهمها بقا زي ما انت عايز ???? هتقولي بس ايه علاقة صوت الرعد بالزبيب !!! لا دي علاقة مهمة جدا منا قولتلك ... انت لازم تصنع الإبرة ... وتصنع الصاروخ وتمتلك القدرة بس عارفين الدنيا هاجت على مصانع الزبيب ليه ....؟؟ اه انا نسيت اقولكم ..... هو مش مصنع .... دا مجمع تصنيع ضخم جدا كمان لازم تعرفوا .... ان اكبر دولتين فالكوكب بيصنعوا الزبيب وبيصدروه للعالم هما امريكا وتركيا... اظن بقا لما قولتلك تركيا .... كدا انت عرفت ليه كلاب اردوغان هايجين على مجمع مصانع الزبيب في مصر علشان مصر لما تعمل المصانع دي حضرتك انت هتسيطر على سوق الزبيب فالعالم ودي حاجة هتضايق تركيا علشان كدا كلابهم نازلين نبح ... الله انتوا مش كنتوا بتقولوا مبيبنيش مصانع !!! ايوا يعني هو بيبني مصانع ولا مبيبنيش !! الدولة المصرية في عهد الزعيم عبدالفتاح السيسي لحد النهاردة بنت ٦٨ الف مصنع حضرتك من اول مصانع مشابك الغسيل ... لحد مصانع الطيارات والصواريخ مرورا بمصانع الدواء ، كمان في كوكب تحيا مصر ... ???????? بكل فخر..... صنع في مصر الجملة دي بدأت في إجتياح إفريقيا والعالم كله لو مش واخد بالك تعالى بقا وانا احكيلك... في ٦٠ شركة مصرية الأسبوع ده اتفقوا مع بعض على تأسيس شركة في غانا لتصدير منتجاتهم لغانا ومن غانا لكل غرب إفريقيا وعلى آخر السنة ان شاء الله المنتجات المصرية اللي بكل فخر صنع في مصر هتكون في كل بيت في غانا والكاميرون والكوت ديفوار والسنغال تاني علشان اللي مش معانا من الاول.... علشان تكون دولة عظمى لازم يكون فضهرك قارة بتاكل من منتجاتك اللي انت بتصنعها وبتلبس من منسوجاتك اللي انت بتصنعها وبتتعالج بالادوية اللي انت بتصنعها وبتسمع وتتفرج وبتتأثر بأفلامك ومسلسلاتك ولغتك وبتيجي تتعلم عندك فكلياتك وبتتسلح بسلاحك اللي انت بتصنعه دا اللي احنا بنسميه القوى الناعمة للدولة المصرية العظمة اللي بتسيطر بيها على شعوب المنطقة #عارفين إيه سبب قلق الدول العربيه والخليجية وشعوبهم من مصر !!! انا بقول قلق .... مش عايز اقول كره علشان انت كدولة مصرية وشعب مصري عندك الأسباب اللي تخليك دولة عظمى وتقود المنطقة كلها وانت قاعد حاطط رجل على رجل حضرتك... ودي مش موجودة في اي دولة فالمنطقة.... اول حاجة اللكنة واللغة المصرية..... سهلة ومحبوبة وكل شعوب الدول العربية والخليجية بيحبوها بل يمكن اي حد فيهم بيعرف يتكلم مصري بيتباهى بانه بيعرف يتكلم مصري تاني حاجة الفن المصري العظيم اللي مفيش بيت فالشرق الاوسط ميعرفش اسماء الفنانين المصريين ... حد مثلا يفتكر فنان مغربي ؟؟ او فنان جزائري ؟؟ او فنان تونسي ؟؟ مش هتعرف حد منهم إلا إذا جه مصر وغنى او مثل فالسينما المصرية!! وعلشان يتشهر لازم الاول يغني مصري ويغني لمصر ???? تالت حاجة واهم حاجة الإرث الحضاري والعلمي الرهيب اللي العلماء المصريين أثروا بيه الحضارة الإنسانية #مصر عندها مقومات الدولة العظمى من زمان بس مفيش رئيس آمن بالفكرة دي وإشتغل عليها غير إتنين الزعيم جمال عبدالناصر والزعيم عبدالفتاح السيسي ، كمان فكوكب تحيا مصر.... ???????? الجيش المصري ما أخدش الطيارة الحربية j10 الصينية !! اللي كل الصقور صدعونا بيهااا أحب أقولكم هو مكنش اصلا هياخدها .... بس دي كانت اكبر خطة خداع إستراتيجي علشان هو أخد حاجة أهم وأقوى من الجيش الصيني وهتعمل رعب فالمنطقة لو عايزين تعرفوا ..... يبقا إستنوا اخبار الكوكب القادمة علشان انا طولت عليكم ???? كفاية كدا ..... وتقعدوا بالعافية ???????? يديمك ???????? بيعيرونا بفقرنا .. بس انا مش هسكت الزعيم عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ????????