اخبار عالميه ومحليه دسمه وصحيحة
????????????اخبار عالميه ومحليه دسمه وصحيحة بعيدا عن الشائعات ????
????????????????
???? #تفنيدات:
♦ اعفاء الواردات الامريكية من شهادة " حلال " :
الموضوع سياسي مش اقتصادي
" و الصراحة هو حركة كويسة لاثبات حسن النوايا "
???? محتكر شهادة " halal " علي الواردات الامريكية من اللحوم و الدواجن و الالبان
هو رجل الاعمال المصري وائل حنا
( و اللي امريكا اتهمته بتجنيد السيناتور بوب مينيديز رئيس لجنة الشئون الخارجية في مجلس الشيوخ للعمل لصالح مصر داخل المجلس و اصدار توصيات للبيت الابيض
هما اللي اتهموه ... انما وائل برئ بررررئ برررررررئ ???? .. و لو عندهم اثبات يثبتوووا ????????♀️ )
و بما انهم اتهموه
و قبضوا علي بوب و زوجته نادين
ف هيئة شئون رجال الاعمال الامريكية وقفت خدمة شهادة " حلال " نكاية في وائل اللي مفيش عليه دليل للتهم الموجهة اليه
( هل وائل لسه في امريكا او اتسحب ???????? معنديش فكرة .. و محبش ادور و احشر منخيري في حاجات حساسة زي دي حرصا عليه طبعا )
???? من يومها و اصدار شهادة " حلال " واقف
و ده شئ بيعطل المستوردين المصريين عن دخول شحناتهم
لأن الشهادة دي مستند اساسي في قبول الشحنة
راح د. مدبولي اعفاهم من الشهادة
دخلوا شحناتكم من غير شهادة الحلال
◾هنا حضرتك ممكن يجي في بالك نقطتين :
▪النقطة الأولي : هو قد ايه حجم استيراد اللحوم و الالبان من امريكا
رقم بسيط يعني بيتأرجح من 22 الي 31 مليون دولار في اعلي سنة استوردوا فيها
ف الموضوع مش قاتل بالنسبة لميزان المدفوعات
ده في سنين نزل فيها ل 16 مليون دولار ????????♀️????????♀️
▪ النقطة التانية : نضمن منين ان الواردات دي بقا هتكون حلال فعلا .. مفيهاش خنزير او مدبوحة علي الشريعة ????
الحقيقة مفيش ضمانة معينة
بس هو الموضوع مش حياة او موت
لأن المواطن العادي مش هيروح يجيب نوع أجبان الربع كيلو منه ب 270 جنيه
الناس بتجيب الجبنة البراميلي بالعافية .. و لو جابها من قتيللو يبقا ابوه كان عمدة ????
و لا هيجيبوا الوايت بلانش تركي اللي الربع ب 400 جنيه ????????♀️????????♀️
و اساسا الطبقة اللي يعتبروا شريحة المستهلكين للاصناف دي .. خمورجية
ف مجتش علي الخنزير بقا
ده ان حصل عدم شفافية من الموردين الامريكان ... او تلاعب و غش من المستوردين المصريين انه يستورد منتجات رخيصة علي انها ابقار و جاموس " معروف ان البورك ارخص لحوم و البان و اجبان برا ????????♀️ "
الموضوع مش هام اوي لنا
ف متكدروش نفسكم
????وكمان حاجة مهمة ???????? انا عندي اكتفاء ذاتي اساسا من انتاج الدواجن
افتح ليه باب استيرادها و استنزف دولار
ما تقفلوا الباب ده
و خلوها اداة عقابية فقط
( يعني منتجين الدواجن هيستهبلوا ???????? طب هفتح باب الاستيراد و إلبسوا انتاجكم ????????♀️)
---------------------------------------------------------------
♦ الهرية التاني ???????? ازاي مصر بتستورد عصير مانجو .. وهي اصلا بتصدر مانجو ????
???? الحقيقة ان مصر مبتستوردش عصير مانجو نهااائي
بالعكس كل مصانع العصائر و المعلبات عندنا اللي اسمها كبير زي لمار و دومتي و فرجللو
عندها خطوط انتاج اسمها خط التصدير
يعني بنصدر
و بنصدر كميات كويسة كمان ????????
" تقريبا تم تصدير عصاير مانجو بقيمة 7.4 مليون دولار "
و المانجو نفسها تم التصدير بقيمة 143.7 مليون دولار " وكان في اكتفاء في السوق المصري و مفيش اي ازمة ???????? "
????الخبر نازل علي موقع شمال " القاهرة 24 "
ارقامه غلط
و صياغة الخبر اصلا تزييف في تزييف
▪ اللي احنا بنستورده هو مكسبات طعم صناعية بطعم المانجا
خاصة بصناعة المشروبات الذائبة زي التانج و الفروتي
و بصناعة الحلا الخفيف زي الچيلي و الايس كريم الردئ و غير الردئ و الله
و الالوان الچل المنكهة اللي بتستخدم للحلويات
و الرقم الصحيح 2.34 مليون دولار
مش " 234 مليون دولار خاااالص زي ما كتب الموقع ????"
اما رقم الاستيراد الحقيقي لعصائر المانجو 377 الف دولار
و ده رقم تافه
( طب ما حضرتك ممكن تسأل ???????? وليه استورد مادام عندي انتاج ممتاز و بيتصدر ????
اقولك يا سيدي :
▪ اولا : في الفنادق ال 5 نجوم لازم توفر للنزيل الاشياء اللي اتعود عليها
و ال 5 نجوم بينزل فيها المواطن الغربي
اللي له مستوي معيشي معين
ف ده نوع من انواع جودة الخدمة اللي بتقدمهاله
▪ ثانيا : ما انت عندك شخروميت نوع مياه معدنية في السوق
ومع ذلك في ناس مبتقدرش تشرب الا إيفيان و سان بيليجرينو
الله يرحم ابوهم كان بيشرب الشوربة بكوع الصرف بتاع الحوض ????
هي صافي قصرت معاكم في حاجة ????
ف مادام عندك شريحة سكانية لها سوق معين لازم تكفي السوق ده و تجيبلهم الدولشون العصير ????????♀️????????♀️ )
" هو ليه انا ممكن اشغل نفسي بتصحيح شائعة مع اني عندي مشاكل مع الحكومة ???????? في حاجة اسمها الخصومة الشريفة
و خصومتي مع الحكومة مش شخصية و لا هما قرايبي
ده نقد لأداء سئ معين
انما ده مستحيل يخليني أخالف ضميري و اسكت عن ألصاق تهم كاذبة ... لأن ده شئ غير اخلاقي
اتهام الناس بما ليس فيهم ده تدني اخلاقي بيصدر من عديمي الشرف و عديمي الحجة و عديمي العلم
و ده مش دفاع مني عن اشخاص
ده دفاع عن ميزان المدفوعات المصري ... اللي يخصني گ مواطن ???????????????? "
---------------------------------------------------------------
???????? ندخلوا بقا علي المهم .. كلام أكل العيش :
انا معرفش و لا عايزة اعرف ايه الاحداث الخطشششيرة اللي هتحصل اليومين الجايين في مصر اللي بينوه عندها الاستاذين الاعلاميين الكبيرين
و اللي انا اصلا مبتفرجش و لا هتفرج عليهم ????????♀️????????♀️
♦لكن بالنسبة لي أهم شيئين هيحصلوا :
???? زيارة الوفد الروسي من وفد حكومي و رجال اعمال
من اجل مدينة الشمس الروسية في المنطقة الاقتصادية لقناة السويس
و بداية تشغيل الخطوط الانتاجية
و وضع شكل و خطة الانتاج و العمالة
ده بالنسبة لي حدث مهم جدااا
لأنه هيفتح باب ممتاز لخفض العجز في ميزان المدفوعات
من خلال المصانع اللي فيها شراكة مصرية روسية و منتجاتها هتنزل تصدير لافريقيا .. و يمكن تروح اوروبا كمان ????????♀️????????♀️
???? زيارة الرئيس الصيني :
و اللي هي مش زيارة عادية نهااااائي
هي زيارة تثبيت التكتل فعلا
و اللي فيها نقل حوالي 100 مصنع من الصين الي مصر
و اعمار منطقة جديدة في محور قناة السويس
????بالاضافة لأن ال 100 مصنع مش هيكونوا كلهم هناك
في مصانع جاهزة من المجمعات الصناعية اللي تم بناءها
هتدخل ضمن المصانع دي
( علي فكرة رقم 100 مصنع ده مش هين
لأن الانتاج في المصانع الصينية انتاج كثيف مش فوق متوسط )
و من وجهة نظري الاقتصادية :
ان ده start كويس لادماج العمالة المصرية الغير مدربة مع العمالة الصينية ذات التدريب العالي و الروبوت و ال هاي تكنولوجي
" اييييه يا حج ليزك مش هتفكر بقا في آلية كورسات لتدريب العمالة المصرية لمواكبة نقل التكنولوجي ده ... و لا هيفضلوا ماشيين ب حط ابو قرش علي ابو قرشين ???? "
علي فكرة رقم 100 مصنع ده انا جبته من موقع هيئة الصناعات الصيني
يزيد او يقل ده علي حسب الزيارة
مين بيقول 1000 .. مين بيقول 10000 ميخصنيش ????????♀️????????♀️
???? الحاجة التانية و اللي لا تقل اهمية عن نقل المصانع :
ان الصين هتفتح بنوك في مصر
????النظام المصرفي الصيني يختلف شوية عن النظام المصرفي المصري نظرا لاختلاف الانظمة الاقتصادية
الصين مازالت متمسكة بملكية الدولة
و ده بيجعل النظام المصرفي اكثر تخصصا
يعني البنك الفلاني بيخدم القطاع الفلاني
و هكذا
و دي سهلة و اي مصرفي يقدر يعمل التوافق بين القطاعين
????لكن الميزة في الموضوع :
ان البنوك دي هتخضع للبنك المركزي المصري
و قوائم التدفقات النقدية في البنوك دي
هتسمع في قائمة التدفق النقدي للمركزي
و ده شئ هيعمل علي وفرة العملة جدااا
" حجم الصادرات الصينية مهوووول وقادر علي تظبيط اي ميزان ناشئ زي حالتنا "
ربنا يكتب لمصر الخير و يثبتنا و يثبت مولانا و يلهمه الحكمة
و يخلصنا من متصنعي الود .. خبثاء النوايا
و دمتم بخير ????????????.
@إشارة
