حوار عمرو موسى مع عمرو اديب
⭕حوار عمرو موسى وزير خارجية مصر الأسبق و الأمين العام الأسبق لـ جامعة الدول العربية مع المذيع السعودي عمرو اديب ،امس :
---------------------------------------------------------
⚫ عمرو اديب :
هل هي صفقة اقتصادية ( عن زيارة ترامب للخليج ) ؟!!
????عمرو موسي :
لاء ، صفقة اقتصادية لما تتم بين دولتين بشكل منفرد اه ، لكن اللي شوفناه انه تم استدعاء كل دول مجلس التعاون الخليجي مع تركيا وسوريا للمباحثات ، يبقى هنا الكلام مش اقتصاد ، بقى في شق سياسي يستهدف مصر ومصالحها وكان طبيعي يكون في اهتمام مصري باللي حصل!
كمان تواتر اللقاء مع عودة العمليات العسكرية في القطاع وتصفية القضية ، وإذاعة اكثر من ٥ وكالات انباء اخبار عن التهجير لليبيا اثناء الزيارة ، ده يعني ان في شيء ما اقليمي جرى الاتفاق عليه ، ومن حق مصر الطبيعي انها تعرف ايه اللي تم الاتفاق عليه!
⚫عمرو اديب :
ما ممكن دول الخليج تتصل بمصر وتقولها اللي حصل؟!!
????عمرو موسي :
والله يا عمرو الموضوع بالخطورة دي وبالشكل اللي اتكلمنا فيه ده لا يخص الدول ولا الحكومات وحدها ، المفروض تتكلم مع الشعوب العربية كلها وتوضح لهم ايه اللي حصل ، وتقولهم ايه اللي تم وايه اللي تم الاتفاق عليه ومستقبل القضية ايه ومستقبل الاقليم كله رايح لفين ، دي امور تخص الشعوب اكتر ما تخص الحكومات والدول!
⚫عمرو اديب :
طب ما الريس النهاردة كان حاسم وقال مفيش (سلام) إلا بحل الدولتين ،
????عمرو موسي :
لا معلش يا عمرو ، الريس قال (تطبيع) مش (سلام) لانها تفرق ، وانت لو فعلاً عايز تعمل (تطبيع) يبقى مش مع الحكومة دي ومش مع النظام ده ، دي حكومة مش عايزة سلام اصلاً ، وعايز اقولك انها مش عايزة تطبيع كمان ،
دي حكومة برنامجها واضح وهو الإبادة الجماعية والتهجير ، وانا الحقيقة مستغرب ليه الكل بيطالب العرب بس انهم يتغيروا ، المفروض الكل يتغير مش العرب لوحدهم ، هما كمان لازم يتغيروا لو عايزين سلام ، واول حاجة لازم تتغير هي الحكومة دي!
⚫عمرو اديب :
مصر زعلانة عشان امر- يكا معدتش عليها في الزيارة؟!
????عمرو موسي :
مصر اصلاً مختلفة مع امريكا ، هتيجي تزورها ليه ، مصر دولة بتحترم نفسها يا عمرو ، وعارفة كويس جداً ان الخلافات مع امريكا كبيرة ،
الجامعة العربية ليها لازمة؟!
وهي مواقف الجامعة هتيجي منين ، ما هتيجي من الدول الاعضاء ، كان المفروض ان في خطة عربية معلنة ومعتمدة من الأمم المتحدة ، وتمت بموافقة جميع الدول ، ليه نختلف عليها دلوقتي ، لمصلحة مين ، إذا كنتم وافقتوا ع الخطة دي يبقى لازم تدعموها وتضغطوا بيها ع الكيان وعلى امريكا
⚫ عمرو اديب :
ما احنا كل شوية نهد ونبني نهد ونبني!
???? عمرو موسي :
صحيح ، يبقى نضغط كلنا في اتجاه وضع حل نهائي للصراع وإعلان الدولة ، وكده كده هما الملزمين باعادة الإعمار مش احنا ، فانا لما اتدخل واتحمل تكلفة اعادة الإعمار يبقى احط طلباتي واقول عايز ايه ،
⚫ عمرو اديب :
ما الحكومة بتاعتهم مش عايزة سلام ولا حتى عشان المحتجزين!
???? عمرو موسي :
يبقى الحل نضغط عليها يا عمرو مش نستسلم ليها ، ونكافئها كمان باتفاقيات تطبيع هي مش عايزاها اصلاً!
⚫عمرو اديب : ترامب يقدر يضغط على بي بي؟!
????عمرو موسي : بلاش نقول يضغط ، خلينا نقول يفهمه ، خلينا نقول يتصرف من غير ما ياخد رأيه ، وده مش لسه هيصحل ، ده حصل بالفعل في اليمن ، ترامب قالهم عدوا المراكب الأمر يكية والباقي ماليش دعوة بيه!
⚫عمرو اديب :
ليه المصريين مش قابلين احمد الشرع؟!
???? عمرو موسي :
لان في علامات استفهام عندهم ، وهو مش عايز يجاوب عليها ، لما الاقي علامات استفهام كتير من حقي اقلق وأشك ، هما كلامهم حلو ومعتزين بالانتماء العربي والإسلامي وعايزين يبنوا سوريا ورافضين الحروب والطائفية وعايزين يرجعوا الأراضي المحتلة في الجنوب ،كلام حلو وجميل وسمعته بنفسي من وزير الخارجية بتاعهم في مؤتمر ميونيخ للامن ، باقي نشوف الكلام ده بيتحقق ع الارض!
......بصوا كده علي تعبيرات وش عمرو اديب وانتم هتفهموا ايه الحكايه " كل شيء انكشفن وبان " بصوت العبقري عبد المنعم مدبولي
