المال يصنع المعجزات وحلب البقر
????????????حقيقي المال يصنع المعجزات ..!!!
????بعد سنوات من الإدراج على قوائم الإرهاب المطلوبين للولايات المتحدة الأمريكية ، وبعد ما المخابرات الأمريكية رصدت ١٠ مليون دولار لكل من يدلي بمعلومات عن الشرع الرئيس ????ترامب يلتقي أحمد الشرع بوساطة ولي العهد السعودي محمد بن سلمان !!
????- النهاردة تم رفع العقوبات رسميا عن سوريا.
????خبر جميل يخص الشعب السوري بس فيه ناس متعرفش يعني ايه عقوبات اصلا وليه الشعب السوري فرحان النهاردة فأنا جي افهمك ليه الموضوع ده مهم جدا ليهم واخص بالذكر معاناة الشعوب بسبب العقوبات دي.
????- كلامي هنا شرح للعقوبات الاقتصادية فقط ????
????بص يا سيدي امريكا من بداية التسعينات وبعد سقوط الاتحاد السوفييتي وبداية عصر القطب الواحد، يعني امريكا بس اللي بقت عالساحة مفيش سوفييت، لما تيجي عايزة تعاقب حد بس مش عايزة تحرك جيش ولا تخش حرب بنفسها ولا تصرف فلوس، تقوم تفرض على الدولة المستهدفة حاجة اسمها "عقوبات اقتصادية".
????- هيا كانت بتعمل كدة قبل كدة بس انطلقت اوي من التسعينات.
????لكن القانون الدولي بيقول ان مجلس الامن هوا اللي في ايده يعمل كدة، عشان يبقا فيه مشروعية للاجراء ده، وساعات كتير كان بيتم استخدام الاجراء ده لتطويع اي دولة او التدخل في شؤونها الداخلية، نوع من الضغط يعني، فأمريكا هيا كمان عايزة تعمل عقوبات فتعمل ايه؟
????- سيطرت على نظام سويفت.
????نظام سويفت ده اختصار لجملة " الجمعية العالمية للاتصالات المالية بين البنوك" ودي جمعية عالمية مقرها في بلجيكا، مختص بالتحويلات العالمية بين البنوك، عارف لما تيجي تبعت حوالة لخالك في كندا والبنك يطلب منك السويفت كي؟ هوا ده بقا، بدل ما ينقلوا الفلوس بيبعتوا السويفت وهناك البنك يدخل الفلوس في حساب المتحوله ونتصافى في الاخر.
????فأمريكا سيطرت عليه لما فرضت الدولار الامريكي على التجارة العالمية وبقا ليها الكلمة العليا في النظام ده، فأول حاجة بتعملها لما تحب تعاقب بلد هي انها تخرج بنوك الدولة دي من نظام السويفت
????- فالبنك الوطني يتعزل لا يدخله فلوس ولا يخرج منه فلوس والعملة الوطنية تنهار.
????بس مش ده هوا العقاب الاصلي انما ما يترتب عليه بعد كدة لما البنك الوطني لا يدخله فلوس ولا يخرج منه فلوس، معنى كدة ان مفيش استيراد وتصدير واهم حاجة في القصة دي هي الادوية والمعدات الطبية يعني الناس تعيش من غير علاج، وده حصل قبل كدة في العراق وفيه مليون طفل ماتوا بسبب العقوبات دي.
????حاجة تانية هي حظر استيراد التكنولوجيا مفيش تعليم، لان مفيش حاجة لا بتدخل ولا بتخرج، مفيش استثمار مفيش حركات دولية مفيش سفر، قيود على كل حاجة ومعاه بيرتفع سعر الوقود والغذاء، والناس بتتسرح من الشركات لانها بتقفل واحدة ورا التانية، واخيرا العملة بتنهار والعشرين الف من عملة البلد المستهدفة يعملوا نص دولار ولا حاجة
????وطبعا كل ده بيحصل عشان يضغطوا على اي دولة عايزين يضغطوا عليها وحصل قبل كدة مع ايران والعراق وافغانستان ولحد النهاردة في كوبا، عارف كوبا لسة عايشة في الستينات ليه؟ عشان السبب ده.
????فالنهاردة العقوبات دي اترفعت يعني البنوك قادرة تتعامل تاني مع العالم ونقدر نقول الف مبروك للشعب السوري ان غمة من الغمم دي انزاحت بعد معاناة على مدار ١٤ سنة فرحة تخص الشعب فقط اللي حرفيا مكنش لاقي الدواء.
????لكن بعيدا عن كل ده هوا ايه الصفار اللي طالع من وش ايلون ماسك ورا ده؟ مدي تعبير وش خالة العريس اللي كانت عايزة تجوزه بنتها وراحت الفرح عشان الواجب بس، هوا فيه ايه يا عم ايه السواد اللي طافح ده؟ افرح للناس شوية مش كدة!!
????شكرا ✌
