مصر والحجاز والوقف المصري
????????????لو حابب تعرف مين الدولة الكبيرة في المنطقة بص على الدولة اللي الشعوب بتجري عليها تتحامى فيها لما بلادهم بتقع!
????ولو على الفلوس كان عندنا زمان تلال منها وكنا بنبعت لبلاد الحجاز أكلهم وشربهم كل يوم وحتى مصاريفهم كنا بنبعتها بشكل مستمر لمئات السنين!
????كل اللي دول الخليج بتعمله مع مصر هو قطره من بحر الخير اللي مصر قدمته لبلاد الحجاز قبل كدا بس إحنا اللي مبنقرأش تاريخنا كويس.
????في كتاب إسمه ( المعروف بحسن الصناعة في فن الزراعة ) للباحث الإيطالي أنتونيو فيجاري، الكتاب دا مسجل بعض من المساعدات اللي كانت بتطلع من مصر كل يوم لبلاد الحجاز، أنطونيو فيجاري قايل في كتابه إن مصر كانت بتورد 3,000 أردب قمح يوميًا لبلاد الحجاز، خاصة من قمح محافظة قنا، ولو هنحسبهم بسعر اليوم فكنا بنبعتلهم 2.5 مليار جنيه مصري كل سنة، وبحسب الوثائق التاريخية إن مصر داومت على إرسال القمح لأكثر من 100 سنة.
????مصر كانت موقفة لبلاد الحجاز 14,754 فدان زراعة في مصر وتحديداً في محافظة الغربية وبعض مدن الصعيد، الفلوس اللي كانت بتطلع من بيع محاصيل الأراضي دي كانت بتصرف على الحجاج والفقراء في السعودية من أكل وشرب وكسوة، ومن ريع الأراضي المصرية تم بناء مستشفى ومدرسة وكان في رحال إسمه "أوليا جلبي" قال في المدرسة دي تحديداً إنها مدرسة عظيمة.
????حُجج الوقف دا مثبته بأوراق رسمية موجودة حالياً بدار الوثائق المصرية المسجلة برقم 3280.
????في وثيقة مصرية إطلع عليها الباحث التاريخي أحمد الجارد مكتوب فيها أحد المنح المصرية لبلاد الحجاز ومكتوب في الوثيقة إن دي منحة لا تُرد، واللي استوقفني لما قرأت تصريحاته إن المبلغ كان 42 مليون جنيه و348 ألفا و746 جنيه مصري، ومقدر في نفس الوثائق إن الجنيه المصري وقتها كان بـ 7 جرام دهب.
????وبحسبه بسيطه لو هنيجي نشوف دول يسوا كم دلوقتي فهتلاقي إن المنحة دي بس تٌقدر بـ تريليون و482 مليار جنيه مصري أي ما يعادل 29.6 مليار دولار بسعر النهارده، وخلي بالك إن دي وثيقة لمنحة مصرية واحدة!
????مكتبة برلين بألمانيا فيها دفاتر الإرساليات التي كانت بتبعتها مصر لبلاد الحجاز وفي بعض الدفاتر موجودة في متاحف بتركيا وفي جزء منه في دار الوثائق المصرية.
????كلامي دا مش قاصد بيه إني أهاجم حد ولا دولة معينه، ولكن علشان المصريين الدونيين يعرفوا إن مصر دولة كبيرة ودولة خيرها على كل بلاد الأرض من وقت السنين العجاف لحد من وقت قريب، خير مصر على بلاد الخليج والحجاز لو سددوا فيه ألف سنة مش هيكفي حقنا اللي مثبت بالمستندات والوثائق التاريخية.
????مصر دولة كبيرة ونِفسي بتصعب عليا لما ألاقي دولة بتساعدنا اقتصادياً والناس تقول إننا بنشحت منهم، قسماً بالله لو هاكلها بملح طول عمري ولا إن أشوف حد يهين بلدي ولو بكلمة.
،✍️ عبدالباسط صابر
⇧
