رقعه الشطرنج للدكتورة جيلان قاسم
????????????رقعة الشطرنج - د.جيلان قاسم:
???? #رجال_الصندوق:
♦نبص ل نص الكوباية المليان :
قرار لتثبيت اسعار شرائح الكهرباء لنهاية سنة 2026
يعني مفيش زيادات كهرباء لمدة سنة و 7 اشهر
عظيم
????نفهم السبب ???????? انخفاض اسعار البترول عالميا
بالاضافة لرفض اوبك خفض الانتاج
" فاكرين لما قولتلكم زيادة المعروض من النفط مع توازن الطلب عليه في ظل الاتجاه لانتاج طاقة بديلة .. هيؤدي بالضرورة لانخفاض الاسعار عالميا
و لازم ينعكس في مصر ???????? "
و هو ده اللي حصل
????في اجتماع اوبك يوم 6 مايو لمجموعة اوبك ... فشلت امريكا في اقناعهم بخفض الانتاج
" هتقولي ان امريكا مش عضو في اوبك اصلا ????
بس ايران عضو في اوبك ????????♀️
و في الاجتماع اللي فات قادت محاولات لخفض الانتاج
و شوف الصدفة يا اخي ???????? ترامب كان بيقول انه يتمني ان اوبك و اوبك+ يخفضوا انتاجهم شوية علي الاقل 3 شهور ???? "
أضف علي ذلك عودة اوروبا للاعتماد علي المفاعلات من اجل انتاج الكهرباء
ف هيكون المعروض كتير عن حاجة السوق ... بالتالي منحني الانخفاض يبدأ في العمل ????????
♦ارمي بقا الكوباية كلها في الحوض
و نسأل السؤال المهم ???????? هل بناءا علي المعطيات الجديدة دي .. هتقوم الحكومة بتعديل رقم سعر شراء برميل البترول في الموازنة الكارثية الجديدة و لا لأ ????
و علي اي اساس حاطط سعر برميل البترول 80 دولار " هو انت حاطط سعر لنفسك مع نفسك كده ????"
????عقود برنت عاملة مدي 52 اسبوع " يعني سنة "
من 58.4 دولار الي 87.95 دولار
يعني ال W.A هيكون 73.18 دولار
مع توقع عاااام لانخفاض السعر بنسبة 22.53% خلال ال 52 اسبوع
يعني لو اخدنا الانخفاض من اعلي قيمة اللي هي 87.95 دولار
هيبقا سعر النفط من اليوم لحد سنة كاملة لا يزيد عن 68.13 دولار
الاسطي الفني الصحي اللي حاطط رقم 80 دولار في الموازنة ده جابه منييييين ???? .. و لا هو الموازنة اللي فاتت كانت 82 دولار رفعتها ل 90 دولار
حطله 80 دولار السنة دي هيفرح ????
" الحكومة بتاعتنا ماشية بنظام الورق ورقنا و الدفاتر دفاترنا و الشعب ده مفيش فيه حد بيفهم هيراجع ورانا ???? "
???? هلفت نظرك لنقطة :
سيادتك عندك عجز في الموازنة الجديدة 1.5 تريليون جنيه
ال 6 دولار بقا الفارق بين المدون في الموازنة الكارثية و السعر العالمي
مصيرها اييييييه ????
هو انت لو شيلتها و ضربتها في حجم استيرادك بعملية حسابية
مش حاصل الضرب ده
هينخفض من حجم العجز اللي يودي في داهية ده ????
وساعتها هيتم توظيفه صح و يتخفض من مستهدفات الايرادات اللي انتوا عاملين حسابكم تقلبوا المواطن فيها " و هشرح ازاي كمان شوية ???? "
( هي دي طريقة ادارة الموازنات العامة ... عمر الموازنة العامة ما كانت مشروع استدانة وجباية زي الموازنة دي ????????♀️????????♀️)
مثلث برمودا اللي عندنا ???????? مصطفي مدبولي و رانيا المشاط و احمد كجوك
تفوقوا علي عاطف عبيد و محمود محي الدين و يوسف بطرس غالي
و اللي عايز يزعل يشرب من البحر و الله ????????♀️????????♀️
◾ بمقارنة بسيطة الجنيه في عهد الثلاثي القديم فقد 30% من قيمته
الجنيه في عهد مثلث الرعب برمودا فقد 55% من قيمته بعد الثبات
▪المثلث الاول باع ارث جمال عبد الناصر عشان نتخلص من الاشتراكية اليااااي البيئة ال oh nooo ... عشان نبقا رأسماليين ديليكاه .. تغي چانتي
مثلث الرعب اللهم صل ع النبي بيبيع اللي السيسي لسه عامله في ال 10 سنين + اللي باقي من مبارك + الباقي من السادات + الباقي من عبد الناصر وتقريبا اللي باقي من تيتي شيري احمس رع كمان ????
عشان يسدد الدين اللي فاشلين في ايجاد موارد مالية لسداده و جهاد ازعور سيدهم اللي مشغلهم ميفرقش معاه ايه يتباع و ايه لأ .. ومش مقدر خطورة بيع شركات الجيش هو عايز فلوس الصندوق ????????♀️????????♀️
◾ليه انا بسردلك الحدوتة دي ???????? عشان اقولك اررررررحم الناس و فكرة خفض الدعم عن الوقود والمحروقات تاني هتوديك انت في داهية اكتر ما هتنفعك
يعني اللي هتوفره بالشمال .. هتصرف اضعاف اضعافه باليمين في التضخم و فقدان قيمة العملة ????????♀️????????♀️
???? و الدليل ان اللي انا قولت عليه في اخر فويس و البوست التحذيري اللي قبله
حصل بالحرررررف ????????????????
مش رفعت جزء من الدعم
البس بقا التضخم اللي انت مش عارف تقيفه اساسا ????????♀️????????♀️
و هوووووب ارتفع التضخم الي 13.9% في ابريل ... تؤ تؤ تؤ وحصل ازاي ده يا جماعة
ماهو بسبب السولار اللي مرتبط بالمم .. بالاكل .. باللقمة
لما زاد .. زاد معاه سعر المم
فارتفع التضخم " قال يعني هو كان نزل ???? "
و قولتلك هتخسر مش الشعب بس اللي هيخسر
هتخسر رحلة تخفيض الفايدة اللي كسرت وسطك ... و من 4 ايام طلعت هولار من الصندوق تكلمكم كأنكم خدامين عندها
و تنبه عليكم تفكروا تاني في النية لتخفيض الفايدة لأنه متنغعش ????????♀️????????♀️
♦زي ما احنا في ملف الطاقة و دعم الطاقة و طاقة الطاقة :
????الخطة اللي قدمهالك السيد كريم بدوي وزير البترول
قالك فيها ان الانتاج هيزيد في 2025/2026 بنسبة تتراوح من 8% الي 11%
يعني ده تارجت مستهدف عنده
و قالك خلينا نكون اكثر واقعية و نثبت رقم هو زيادة الانتاج بنسبة 9%
????ال 9% دي بالطبببببع لازم هتتخصم من حجم الاستيراد
ف لو حضرتك مقرر في الموازنة الجديدة استيراد بزيادة قدرها 15.5% عن العام المنصرم
لازم تضع في بالك ال9% و يتم طرحهم من 15.5%
فتبقا سعادتك محتاج تستورد بزيادة قدرها 6.5% فقط
بتتجاهل الخطة الانتاجية لييييييه
و تحمل الموازنة بأكثر من عبئها الفعلي ????????♀️????????♀️ .. هو مش ال 9% دول هيخفضوا معاك العجز الاسطوري ال 1.5 تريليون دولار ????????♀️????????♀️
????ندخل علي نقطة تانية كارثية بردووو :
ملف سداد مستحقات شركات البترول لازم يتسحب من وزارة المالية و يروح لمجموعة مالية محترمة في وزارة البترول
ليييييه يا ريس ???????? عشان بتاع المالية محمد معيط لبسنا في حيطة
و التلبيسة دي قدرها 5.5 مليار دولار
اشرحلك ازااااي :
◾وزارة البترول كانت مدينة للشركات بمستحقات 6 مليار دولار
حلو الكلام ... حلوووو
بدل الحكومة الرشيدة ما تسدد ال 6 مليار دولار
لا استهبلت
و طنشت
و راحت استوردت بالعقود الاجلة وقود بقيمة 10.5 مليار دولار
▪طبعا سموك الشركات في اواخر 2023 و اوائل 2024
لما ما اخدوش مستحقاتهم
بطلوا انتاج
▪قوم لما جه السيد كريم بدأ يسدد للشركات عشان نبدأ نشتغل و ننتج تاني
ف تم سداد ال 6 مليار المستحقات
كااااام بقا قيمة الانتاج اللي مطلعش ده لما الشركات توقفت ???????? 5.5 مليار دولار ????????♀️????????♀️
يعني نصف المبلغ اللي استوردنا بيه
و كنا استوردنا ب 5 مليار دولار
ووفرنا 5.5 مليار دولار تدخل ضمن ايرادات الدولة
و تتوجه لاي قطاع ... القطاع الصحي مثلا و لا التعليمي ????????♀️????????♀️
???? ال 5.5 مليار دولار دول غير ال 4.9 مليار دولار دوكهم بتوع قروض و منح
اللي الجهاز المركزي للمحاسبات بيدور عليهم و ملقهمش
و لسه مطلع تقرير انه مش لاقيهم في موازنة الحكومة
4.9 مليار دولار مش لاقيينهم ????????
" ما جايز جابوا بيهم نسكافيه جولد ... ما هو بقا غالي ????
او مسحوق الاشواجندا اللذيذ .. لسه شارياه غالي الصراحة
و لا يتقالنا ياللي معندكوش نسكافيه جولد و الناس تاكل وشنا ???????? "
سيدي الرئيس / هل في حد هيحاسب الناس دي علي ال 10.4 مليار دولار الخساير الغير مبررة دي
ده لجنة الصندوق بتبيع و تشتري فينا علي 1.3 مليار عممممممي و عرة و مش هيدخلوا خزينة الدولة .. ده هيطلعوا ديوووووون
و ياريتها ديون
ده فوايد ديون
و اصل الديون ثابت ????????♀️????????♀️
هتشل ... انا لو جرالي حاجة ذنبي في رقبة مثلث برمودا ربنا ينتقم منهم ????????????????
------------------------------------------------------
???? ندخل بقا في اسطورة الدواء المر .. الجزء السابع للمداح :
و السؤال اللي اتسألته ???????? چيلان هو صحيح الصندوق اتدخل في الزراعة في مصر و اذاها ????
????هو انت يا عزيزي معتقد ان الصندوق شغلته يبوظ العملة و الدعم فقط ????
لا يا عزيزي
الصندوق ده وظيفته يدمر كل مقدرات الدول عشان تفضل عبيد عند اللي ماسك خيوط الماريونت ????????♀️????????♀️
ايووووون الصندوق تدخل في الزراعة
ازاااااي ????????
◾ لغي الدورة الزراعية
ايه اهمية الدورة الزراعية دي ياختي ????
اومال لو مكناش كلنا اصلنا فلاحين يا اخواننا
الدورة الزراعية دي يا بيه معناها ترتيب زراعة المحاصيل حسب الاحتياج الداخلي لها مع مراعاة تحقيق نفع للاراضي
و اهميتها :
▪بتحسن من خصوبة التربة
▪بتعزز من استفادة التربة من السماد العضوي و النيتروجين و الاملاح المعدنية
فتنتج محصول جيد
▪بتقلل من ظهور الحشائش و الاعشاب الضارة اللي بتتلف خصوبة التربة لانها بتستنزفها
▪و الاهم ???????? بتوفر محصول استراتيجي تحتاج له الدولة
ف راح الصندوق قالك لااااا احنا نعوم الفلاح و نحرره
مفيش دورة زراعية
???? ف بدل ما نزرع برسيم و اعلاف ... زرعنا كنتالوب و كيوي
" كيوي اااه ... بتاكلوا كيوي دلوقت .. عيشتهم ارتاحت يابا ارفع من عليهم دعم العيش خليهم يشتروا باجيت فرنساوي يغمسوا بيه الكيوي ???? "
ايه المحاصيل اللي تضررت و نقصت ???????? القمح .. الدرة .. الفول .. البرسيم
ف اضطرينا نستوردهم
ف ???????? نجري ورا توفير الدولار لاستيرادهم
ف ???????? نعمل ازمة عملة
ف ???????? تظهر سوق سودا
ف ???????? إلحق مسيووو حسن عايزين نعوم الجنيه عشان القضاء علي السوق السودا
▪طب يا بشمهندس هو انت لغيت الدورة الزراعية لييييه ???????? عشان الفلاح يزرع محاصيل تتصدر و يجيب عملة صعبة
طب و صدر بقا بالنسبة المرجوة ???????? لأ
طب جاب رقم الواردات المطلوب اللي يقلل من رقم الصادرات للمحاصيل الزراعية ???????? الحقيقة لأ طبعا
بالعكس ده في فجوة كبيرة بين صادرات و واردات المحاصيل يصعب علاجها حاليا
اااه يعني انت جيت تظبط البنطلون قوم الچاكتة ضربت منك .. مش كده ????????♀️????????♀️
طيب قدر الله و ماشاء فعل
هنحاول نعوض في الفاينال بقا
يعني هنحسن جودة المنتج عشان نساعد في الصادرات
و ربنا يعوض علينا ????????♀️????????♀️
الصندوق ريأكتد ???????? لا ما انا مش هسيبك تعمل كده كمان
ازااااي ????????
◾بالخطوة التانية :
تحرير العلاقة بين الحكومة و المزارعين
يعني ايه ????
▪تم رفع الدعم عن الزراعة
اللي هو توفير التقاوي و المبيدات و الارشاد الزراعي
و ايه اهميتهم دول ???????? الحكومة بتلتزم توفر افضل انواع التقاوي و المبيدات والاسمدة مع تقديم الاستشارات الكافية لاستهلاكها
و سابت الفلاح بقا
هو دلوقت كبر و يقدر يعتمد علي نفسه و بقا يطول رف الكوبايات ????
بالتالي بيسترخص
ف يطلع منتج ردئ
لا يتم قبوله تصديريا
و ينزل السوق المحلي يتباع غالي و هو معفن اصلا
لكن تكلفة انتاجه عالية ????????♀️????????♀️
يعني الجمعية الزراعية اللي كام بيشتغل فيها سي عبحميد افندي اللي عملها عبد الناصر كان لها لازمة اهوووو
و كانت مسيطرة علي احتياجاتك من المحاصيل ????????♀️????????♀️
" هيطلع لي الواد بتاع الاشتراكية تم هزيمتها في معقلها ده
يقولي كان يشوبها الفساد و السرقة
حبيبي انتوا اللي متربتوش .. وفي نفس ذات الوقت مفيش قوانين تردع اللص و الفاسد
و لو كان في قوانين و حساب مخيف مكنش الفاسد اخد position كبير في صندوق النقد بعد ما خرب موازنات مصر ????????♀️
الافكار بريئة
المجرمين هما منفذيها جتكوا داهية تاخدكم ????
مش هتقول للمركزي للمحاسبات ال 4.9 مليار دولار راحوا فين أدكتور معيط ???? .. مش هتقول : طيب مخاصمينك ????"
عرفتوا كيف تدخل الصندوق في الزراعة
و الغلطة بيحاسب عليها الفلاح و المواطن و الارض الطيبة البريئة ????????♀️????????♀️
هاااا ايه رأي الواد بتاع الدواء المر
هاتلي مريض اخد الدوا ده وخف
كلهم بيموتوا
فنزويلا ماتت .. كينيا ماتت .. زيمبابوي ماتت .. المكسيك ماتت.. الارجنتين ماتت .. كرواتيا ماتت .. رومانيا ماتت .. تشيكوسلوفاكيا ماتت و اتقسمت لدولتين ماتوا بردوووو
في 43 تجربة لدواء الاصلاح الاقتصادي المر بتاع صندوقكم
و كل المرضي ماتوا
هاتلي مريض واحد خف و قام من علي السرير ????????♀️????????♀️
♦طب هو احنا بنسدد و بندفع
ازاي ارقام الديون بتزيد ????
اقولك عينيا ????????????????
فخامة الدكتور معيط العبئري اللي راح الصندوق
استلم الديون 62% من قيمة الناتج المحلي
سلمهالنا 94%
و اللي قبله استلمها 43% سلمها 62%
طب ليه ... ايه بيحصل يتسبب في كده ????
هنا بقا يجاوب لنا فخامة الارشيدوخ جهاد ازعور اللي علمنا نظرية اقتصادية اسمها الاستثمار في الديون
???? ايه يا چي النظرية دي ????
دي يافندم نظرية اقتصادية اجتمع 100 اقتصادي من افضل اقتصاديين العالم سنة 2009 بعد الازمة المالية العالمية
مرة في المعهد الالماني للابحاث الاقتصادية " و ده اتأسس سنة 1925 و هو الاكبر من نوعه عالميا ومقره في برلين
و دوره تقديم كافة التنبؤات و التحليلات الاقتصادية لصانعي القرار حول العالم " .. و معهد الاقتصاد بواشنطن
واتفقوا علي إلغاءها و التوصية بعدم العمل بها
لانها تم تصنيفها استثمار سلبي يؤثر بالتبعية علي معدل النمو الاقتصادي و من المحتمل ان يتسبب في افلاس الموازنة
????عبارة عن ايه النظرية دي ???????? نسدد الديون ب ديون
يعني مثلا علينا قسط 500 مليون دولار ... ده مثلا
معنديش فلوس اسدد
لان انا بغل ومبعرفش اعمل موارد مالية و ايرادات
اقوم اصدر اذون خزانة و سندات حكومية بقيمة النص مليار دولار ده + فايدة 22% اللي معتمداها الحكومة
فبقيت مديون تااااااني بقيمة الفايدة اللي هي 110 مليون دولار
يبقا انا سددت ال 500 ب 610
و جيت اسدد ال 610 اللي انا لمتهم من الناس ... ملقتش فلوس
تعمل ايه الحكومة
تطلع لايفات علي التيك توك و تقول كبسوا كبسوا و العياذ بالله
لا طبعاااا
تصدر سندات و اذون خزانة بقيمة 610 مليون دولار + 22% فايدة
اللي قيمتهم 134.2 مليون دولار
ف اصبح ال 500 مليون القسط اللي عليا قيمته بقت 744.2 مليون دولار
و هكذا و هكذااااا وهكذاااااا ????????♀️????????♀️
و لذلك في خلال 10 سنين الدين الداخلي تفاقم من 2.4 تريليون جنيه الي 12.5 تريليون جنيه ????????♀️????????♀️
▪العجز في الميزان الجاري اللي جي الصندوق يصلحه
تفاقم من 15.6 مليار دولار الي 20.8 مليار دولار
▪العجز في الحساب الجاري
تفاقم من 31.2 مليار دولار
الي 39.6 مليار دولار
و رقمين العجز دول لو انا حولتهم بالجنيه .. هنلطم كلنا لطم جماعي
لأن الارقام الاولي كان الدولار فيها ب 16.25 ج .. و التانية الدولار فيها ب 47.5 ج
ف دي تسببت في كارثة تانية
هو ان عجز الموازنة زااااااااد ... بسبب فرق سعر العملة ????????♀️????????♀️
و عشان كده
الدوا المر العلقم ده
ملوش اي تلاتين لازمة
لأن مهما برشد من انفاقي .. و مهما بطلع مذهب الناس و انا برفع عنهم الدعمرفي ظل مرتبات مهزقة متكفيش حياة محترمة لكرامة البني آدم و مهما بجيب استثمارات
مفيش جديد
و مفيش اي تحسن
لأن عمالين نسدد بلاعة الديون اللي عمالة تبلع ايراداتنا جواها ????????♀️
----------------------------------------------------
???? و البراجراف السابق هيرجعني لموازنة عاطف عبيد تااااااني
الفشل الحكومي في ادارة ملف الديون و الايرادات
وصلنا لكارثة الموازنة
و هي اني محتاج :
بند مصروفات اجمالية 4.6 تريليون جنيه
منهم خدمة ديون 3.1 تريليون جنيه
يعني 67.40% من مصروفات الموازنة هتتصرف علي الديون و الباقي اللي هو 32.6% هيتصرف علينا گ شعب ????????
ال 3.1 تريليون جنيه دول فيهم ارتفاع 23% عن العام المالي المنصرم
جابهم ازاي مسيو كچوك
قسمها تقسيمة حلوة اوي
▪ 2.6 تريليون جنيه ايرادات ضريبية
▪و نص تريليون جنيه هيقلب فيهم المواطن ????
و تعالي اقولك ان بردو دوكهم الاولانيين اللي فيهم ال 23% ارتفاع دول هيتقلب فيهم المواطن بردووو ????????♀️????????♀️
◾بند الضرائب :
▪زيادة الضرائب علي الادوية 236 مليون جنيه
" اما تسأل شات چي بي تي ازاي اقتل اصحاب المعاشات بأسرع طريقة و بدون عنف ????"
▪زيادة الضرائب علي زيوت الطعام 80 مليون جنيه
▪زيادة الضرائب علي الصابون و المنظفات 350 مليون جنيه
" هي صابونة واحدة بعد كده للشعر و الجسم و المواعين كمان ????"
▪زيادة الضرائب علي الشاشات التلفزيونية و الثلاجات و المبردات 650 مليون جنيه
▪زيادة الضرائب علي اجهزة التكييف 1.2 مليار جنيه
" مش عايز تتكيف .. ادفع بقاااا ????????♀️????????♀️ "
◾النص تريليون بقا ???? :
▪زيادة الرسوم علي جوازات السفر
▪زيادة الرسوم علي تذاكر السفر الخارجي من و الي مصر
" بيكرهونا ننزلوا نشوفوا اهالينا ???? "
▪زيادة الرسوم علي الخدمات الادارية بقيمة 4.6 مليار جنيه كل هيئة لها مستهدف تحققه
▪زيادة ضريبة الدمغة علي استهلاك الخدمات
عدادات المياه و الكهرباء و الغاز بزيادة 20% عن العام المالي المنصرم
" يعني لو حضرتك كنت بتدفع دمغة 100 ج .. هتدفع 120 ج من اول يوليو 2025 "
وطبعاااا الضرايب اللي فوووق دي مش هيتحملها المصنعين .. ابسلوتلي
هيشيلها المواطن المشتري للسلعة
ف الدكتور مدبولي عايز منكم نص تريليون جنيه رسوم خدمات جديدة
بالاضافة الي 2.516 مليار جنيه ارتفاعات الضرايب
يعني متعزوش عليه حااااجة
لحمنا ... هنرمي لحمنا في الشارع ????
صحيح هو كل الرواتب 679.1 مليار جنيه + مخصصات الدعم و المنح و المزايا 732.6 مليار جنيه
يعني المدفوع كله ???????? واحد تريليون و 411 مليار و 7 مليون جنيه
و هو محتاج ضعفه
ف انتوا گ شعب يتصرف
اشتغلوا بعد الضهر علي اوبر يا أخي .. اسرحوا في الاشارات بفريسكا .. انزلوا جامعة الدول العربية
الشغل مش عيب يا جماعة ????????♀️????????♀️
عبثياااااااات
عبث × عبث
و الفاااااجر يقولك انا شغال في رياسة الوزرا و قتلنا بحثا كلام الست دي و لقيناه غير قابل للتحقيق
طب ما تمشوا يالاااااا .. امشوا يالاااااا العيب فيكم يا ظلمة
♦ادور بقا علي ايرادات الموازنة ... هااااا هيجيبوا منين فلوس
ألاقيهم 5 ابواب
▪الباب الاول : الضرائب
▪الباب التاني : المنح
و دي مرتبطة بكفاءة تحقيق المشروع او الغرض اللي تم المنح من اجله
طب لو مش علي الكفاءة المطلوبة ???????? المنحة تتحول لقرض توماتيكي توماتيكي ????????
▪الباب التالت :ايرادات اخري
اللي هي ايرادات الخدمات و قناة السويس و السياحة
▪الباب الرابع : المتحصلات من الاقراض
اللي هي اللي فوايد الديون اللي لنا علي دول و هيئات تانية و مؤسسات داخلية
▪الباب الخامس : الاقتراض
اقتراض تاااااني يا لوچي
تاني يا بابي
ما هو الاستثمارات في الديون شغالة زي السكينة في الحلاوة
اخي المؤمن / هل شوفت اي بند ابداعي ... او اي تفكير حل ازمات ... او اي بند تقدر تعتبره سند لك مستمر
و يغنيك عن ساقية سداد الدين ب دين
لو شوفت .. ابقا شاورلي ????????♀️????????♀️
-----------------------------------------------------
???? طب اللعب علي ايه بقا اليومين دول ???????? ايه اللي ساند الشعب ده شوية
و مخلي في سيطرة سيكا علي تنافسية الاسعار ???????? شركات الجيش
???? تقوم تنزل لجنة الصندوق و تقول عشان اصرفلك باقي الشريحة بييييييع شركات الجيش
يا نهار طين فوق دماغ ابوكم
شركات الجيش
ااااه برنامج الطروحات
11 شركة تابعة للجيش قيمتها السوقية تتعدي ال 20 مليار دولار
السادة منفذي برنامج الطروحات اللي هما مثلث برمودا مدبولي كجوك المشاط
مستهدفين تارجت بيع 5 مليار دولار
+ طرح 11 مطار للادارة و التشغيل
قولوها يا جماعة متتكسفوش
دي مش كلمة ابيحة .. ده اسم ملك مصري قديم معناه المعترض ????
ما هم بايعين 21 شركة في 2023 ب 6 مليار دولار
" محمود محي الدين يبكي في الزاوية ... كان مفكر انه قنبلة الجيل .. طلع قنبلة يدوية
و ابليس بيلطم في الزاوية اللي قدامه ???? "
و بمناسبة برنامج الطروحات اللي لازم يبعد عن شركات الجيش و البنوك الحكومية عشان متهدش القطاع المصرفي
نتعرف علي رجالات الصندوق من رجال الاعمال
???? بدون ردح :
انا ست تتلذذ بربط التفاصيل
????قبل التعويم بحوالي 5 شهور .. و لما طلع الريس قال مفيش تعويم في الندوة الثقافية ل 6 اكتوبر
ظهر اخين حلوين هناء و شيرين
قعدوا يهددوا انهم هينقلوا ملياراتهم خارج مصر
و انهم هينقلوا البيزنس بتاعهم خارج مصر
" مع ان في اخ منهم خسران الجلد و السقط في استثماراته اللي في بريطانيا ... لكن مبيفتحش بقه "
و يقولوا لاااازم تعوم عشان تقضي علي السوق السودا و توفر الدولار
و تقريبا ده كان شغلهم الشاغل
مساومات و ضغط علي الدولة
و تهديد للدولة انهم لو خرجوا هينصحوا كل رجال الاعمال بالخروج من السوق المصري
و لقينا النغمة عليت من الشمشرجية بتوعهم من رجال الاعمال بردو
و ده بالتوازي الزمني مع ضغط لجنة الصندوق ان مصر تخفض قيمة العملة
???? اليومين دول الكلام علي اييييه ???????? تدمير اقتصاد الجيش
اللي هو الداعم رقم 1 للمواطن المصري
فتتعمل قناة يوتيوب اخبارية مبقلهاش 24 ساعة
لا و يجي فيها مشتركين بالالاف ... و تستضيف احد الاخوين الحلوين
عشان يطلع يقول ان شركات الجيش لازم تتباع
اصل الجيوش مش وظيفتها تبيع جمبري و بسكوت
و جيش تركيا بيصنع مسيرات
حصصصصصل جيش تركيا بيصتع البيرقدار اللي بوتين اشتري منه تكنولوجيا تصنيعها ومنعه يصنعها
و الجيش المصري بيصنع المسيرة نوت و كورفيدات و زوراق انتحارية و طائرات و آليات مدرعة
انت بس محتاج تحضر معرض ايديكس و انت تعرف ????????♀️????????♀️
▪الجيش الامريكي بيصنع لبن اطفال و بيتزا ونوعية عيش برجر معينة فلافي كده
▪الجيش الفرنسي بيصنع مزيلات عرق و سوائل استحمام بيتم تصديرها
و موكيت ارضيات
▪الجيش الالماني بيصنع قطع غيار بتخدم علي مصانع السيارات زي مقابض ابواب العربية المرسيدس و الفولكس
▪ الجيش الروسي اللي ذالل اوروبا و الناتو بيصنع مياه غازية و اسماك معلبة و زيوت طعام نباتية
▪الجيش الانجليزي بيصنع ورق مناديل تواليت و سفرة و ما شابه
اشمعني الجيش المصري اللي تتباع شركاته و مصانعه
و اشمعني كل ما الصندوق يضغط في شرط معين يأذي الدولة و الاقتصاد
تفط انت زي عفريت العلبة و تضغط فيه بكل قوتك
هل دي صدفة ????
انا شخص لا يؤمن بالصدفة اطلاقا
لا شئ تحت الشمس يسمي صدفة
----------------------------------------------------
العيال بتاعت المصطلحات الرنانة و الجبهة الداخلية و الشعارات
اللي هتلقح في بوستات زي النسوان ال second hand ... و ترد عليا بدون ارقام و حقايق زي ما انا سردت كده
هفرم امك .... و بالارقام بردو
شلة خالتي فرنسا بتاعت بستتتتك عليها و اردحولها و عرفوها ان الحكومة لحمها مر .. طظ فيكم
انا مبوجهش كلامي للمواطن اللي زي زيه ملناش حيلة
احنا مجرد صوت بيصرخ في البرية زي يوحنا المعمدان كده .. و مستعدة لنهايته و معنديش اي مانع فيها
اللي هيزايد علي وطنيتي .. احب اقولك انا وطنيتي افضل من مليون منكم
لأني بقدم خدمة بالوطنية دي
مبرصش كلام اهبل جنب بعضه واعمله محتوي
انا بقدم علم محدش علي الميديا قرر يقدمه قبلي
الناس خلاص بقت بتقدر تميز الانسان الصادق من بتوع الشو و الهبد المخلل
بقوا يعرفوا مين الشريف
من ابو راتب شهري ????????
و انا مبوجهش كلامي لمواطن و لا حكومة حتي انا بوجه كلامي و سردي و صراخي لسيادة الرئيس
رجالته من المخابرات و الامن الوطني اللي منورين القناة ... اكيد حضراتكم مش هنا عشان انا مشغلة التكييف و برا حر
حضراتكم هنا عشان التقارير الامنية
و قسمكم علي حمايته
ده مش مجرد قسم علي حماية الحياة
تاريخه .. مجهوده .. تعبه وعمله و اسمه ده امانة في رقبتكم
تمامات 67 اللي بيأديها مثلث برمودا اخرتها هباب ... و انا شرحت كل حاجة بالتفصيل و اقمت عليكم الحجة امام الله
و عندي تفاصيل اكتر
اتصرفوا في الموازنة عشان خاطر مصر
دوروا و ذاكروا و هاتوا حد محترم يراجع ..... و لو طلعت غلطانة اضربوني بالنار في ميدان عام
????????♀️????????♀️????????♀️????????♀️
???? كنت بتكلم مع حد حبيبي يعني بنتناقش في الحال المهبب
سألني هو الدكتور كمال الجنزوري مات امتي ????
و اكتشفنا ان الانحدار بدأ بعد افتراس طارق عامر للتخلص منه و وفاة الدكتور الجنزوري گ مستشار الريس للشئون الاقتصادية
يعني اللي كان بيقود الدولة اقتصاديا الاتنين دول ... و بعدهم بقينا يتامي اقتصاديا
مع ان مصر ولادة
و كل الحكومات الغربية فيها اقتصاديين مصريين
ابانا الذي رجالته في كل مكان .. اقمت عليكم الحجة أمام الله
و يوم العرض لنا لقاء ????????????????
منقول...
⇧
