نظره على الأحداث الأخيرة الهند وباكستان
????????????نظرة على الأحداث .. !!
ا--------------------------
⭕️ اشتعلت الحرب الهندية الباكستانية .. وبدون سابق إنذار .. وعلى خلفية عملية إر*ه%بية قام بيها 3 انفار .. مافيش حد يقدر يجزم اذا كان اللى عملوه ده بدافع هطل دينى وايديولوجية عقدية متخلفة .. أم انهم مدفوعين من جهات محددة هدفهم إشعال خط من النار حول التنين الصينى بسبب مواقفه الأخيرة .. او مواقفه بشكل عام فى مواجهة الكاوبوى الاميريكى !!
.
حتى الاندفاع الهندى فى التصعيد ضد باكستان كان تصعيد غير مبرر .. وفاقد لكل سمات العقل الرشيد فى مواجهة أزمة بسيطة بالمقارنة بحجم النتائج اللى كانت هتترتب على اشتعال الموقف بجد .. اشتعال كان ممكن يؤدى لاشكال الكوكب كله فى يوم وليلة !
.
المهم الدنيا ولعت فجأة .. وحصلت اشتباكات .. وزى ما الموضوع ولع فجأة .. برضوا وقف فجأة .. و كأن الشخص اللى حط الفيشة فى الكوبس هو نفسه اللى شدها وفصل كهربتها ! ...
.
طبعا كلنا عارفين مبدأ #فتش_عن_المستفيد .. لكن احنا هنعمل نفسنا سذّج ومش عارفين مين المستفيد من اللى حصل ... لكن اللى يهمنا ان الموضوع اتلم ... و ده كان بسببين:-
.
???? السبب الأول .. هو رد الفعل العنيف من الجانب الباكستانى، واظهارهم العين الحمراء بقوة ، وتفوقهم العسكرى الكاسح برغم انهم بيعانوا اقتصادياً بشكل كبير .. فى مواجهة العملاق الهندى اللى يعتبر احد القوى الاقتصادية العظمى فى العالم .. ناهيك عن احتلالهم المركز الأول عالميا من حيث عدد السكان !
.
???? السبب الثانى:- هو إن السلاح الغربى كطيران ومنظومة صاروخية ومسيرات اتمسح بيهم البلاط .. فى حين إن سمعة السلاح الصينى بقت فى السماء .. ناهيك عن الدعم السياسى الصينى لباكستان .. وبالتالى كان لازم الحرب تقف علشان الغرب مايتهزقش اكثر من كدة !
.
اللى عملته باكستان هو بيان على المعلم ، ونفس اللى كنا بنقوله عن اسباب عدم قيام الغرب وتابعهم قفة .. قصدى الكيان .. بالاحتكاك المباشر بيك باستخدام القوة العسكرية .. والاكتفاء فقط اما بالضغط الاقتصادى عليك ، أو محاولة توريطك فى مستنقع اى حرب تستنزفك ماديا وعسكرياً .. وده كله لييه .. لأن مصر قدرت على مدار السنين الماضية انها تحقق معادلة الردع اللى تخلى اى حد يفكر مليون مرة قبل ما يحاول يحتك بيك !!
.
⭕️ الحاجة التانية اللى عايزين نعلق عليها هى مشاركة الرئيس السيسى فى احتفالات عيد النصر فى روسيا .. ومشاركة عناصر من القوات المصرية فى العرض العسكرى هناك وتبادل التحية بينهم وبين الرئيس السيسى.
.
لازم نبقى فاهمين حاجة مهمة جداً .. وهو ان روسيا مش بتنظر لمصر كمجرد شريك استراتيجى وبس .. لكن زى ماقال الرئيس الروسى بوتين ، ان مصر ومافعله الجيش المصرى فى 30 يونيو انقذ الدولة الروسية من مصير اسود كان متحضر لها .. و ده اللى شرحناه فى مقالات مطولة في حينها، عن المخطط الغربى اللى كان متحضر لروسيا ومن بعدها الصين ، بعد سقوط منطقة الشرق الاوسط كلها فى هاوية الفوضى ، على خلفية سقوط مصر فى قبضة الاخوان ، وتفكيك الجيش المصرى وتقسيم مصر !
.
و ده اللى خلاهم يحاولوا يعيدوا المحاولة من الجهة الاوكرانية بعد فشل الخطة "A" .. لكن كان طبيعى انها تفشل برضوا ، لأن الظهير اللى اتبنت الخطة الاصلية على اساس عدم وجوده كان مازال قائم !! ..
.
وفى المقابل .. مصر بتتعامل مع كل القوى الدولية ، باعتبارها قطب مستقل بذاته .. قطب له ثقل سياسى دولى ، وقوة عسكرية رادعة يعرف القاصى والدانى امكانياتها الجبارة .. وناهيك عن إن وجود مصر فى محفل وتجمع دولى زى ده .. بيرسل رسالة قوية لاطراف كتيرة ، إنه اذا كانت مصر بتحافظ على علاقة وطيدة مع كل الاطراف والاضداد .. لكنها فى نفس الوقت تمتلك البديل الداعم ، فى حالة خسارة مصر للطرف الاخر ... ولاحظ ان ده حصل بعد مناورة عسكرية جبارة مع الصين، تمت على مرأى ومسمع من العالم أجمع .. وكأن مصر بتقول ان اللى هيبعد عنها هو الخاسر على المدى الاستراتيجى القريب والبعيد .. !
.
⏪️ على مستوى التحركات الاستراتيجية .. عايزك بس تتخيل .. الرئيس السيسى كان بيعمل اييه وبيرسخ لإييه فى زيارته إلى اليونان وما ادراك ما اليونان سواء من حيث كونها اهم شريك لمصر فى منتدى غاز شرق المتوسط ، او كونها عضو مهم فى الاتحاد الاوروبى .. واللى استتبعها بزيارته لروسيا بدعوى رسمية من الرئيس الروسى بوتين .. ومقابلة الرئيس السيسى لرؤساء الكتلة الشرقية واهمهم الرئيس الصينى .. فى حين إن رئيس اكبر دولة فى العالم بيزور مين فى اول زيارة خارجية له بعد توليه الرئاسة .. وبنك أهداف الزيارة دى اييه !!
.
حفظ الله مصر برئيسها وجيشها وشعبها ????
.
#تحيا_مصر ????????
#مصر_أم_الدنيا_وهتبقى_قد_الدنيا
