لفه حول كوكب الارض واخبار هامه

???? أخبار الكوكب ???? أهلا بيكم مع عبده في.... أخطر وأهم مقال كتبته ... فأخبار الكوكب ... ولو إنتوا مش متابعين الأخبار بسرعة نحضر كوباية الشاي بالنعناع اللي بيهدي الاعصاب علشان هناخد لفة ف أخبار الكوكب يوم الجمعة... ومطولش عليكم ... وقولولي لاء طول... ،♦️ المتخرتأين... حصلت الهدنة وتم وقف إطلاق النار ف لبنان والجيش اللبناني إستلم الحدود جنوب نهر الليطاني .... حلو يا عبده ...!! لا مش حلو طبعا.... هتقولي ليه يا عبده دا سلام ووقف اطلاق نار وخلي لبنان تهدى بقا دا منظر الدمار اللي فلبنان يقطع القلب وبعدين ما هو ده اللي كانت مصر ولبنان بيطالبوا بيه وإتنفذت طلابتهم....؟؟ هقولك عندك حق بس حصلت حاجة تانية هتقلب المنطقة ....!! هتقولي إيه هي يا عبده ...؟؟ الحرب هتتنقل لمكان تاني خالص محدش كان واخد باله منه...!! انا بتكلم هنا عننا إحنا لكن اجهزة المخابرات كانت واخدة بالها جدا وكانت كلمة السر ف اللي قاله النتن???? ياهو من اسبوع لما طلع وقال.... بشار الاسد بيلعب بالنار وهيدفع التمن غالي ،♦️ وع الناحية التانية من الكوكب... ،???? سوريا.... فسوريا بقا.... وبعد ما كانت الدنيا إلى حد ما هادية فسوريا لمدة اربع سنين طلع النتن ???? ياهو قال... بشار الاسد بيلعب بالنار وهيدفع التمن... ليه نتن....؟؟. قالك علشان نظام بشار كان بيمد حزب????الله بالصواريخ وفاتح خطوط إمداد ليهم تاني يوم من التصريح ده.... لقينا جبهة النصرة وجيش سوريا الحر وجبهة تحرير الشام وفصد ومصد وداعش وكل الميليشـ????يات الإسلامية بيهاجموا حلب وإدلب وبيقطعوا الطريق الدولي وبيقسموا سوريا نصين وبيسيطروا على ٥٠ قرية فيومين صدفة ....!! لا يا حبيب عبده مش صدفة دول اخدوا امر بالتحرك والهجوم طب يا ولاد كوم شكاير الكلاب دا إحنا بقالنا ٣ سنين مسمعناش عنكم حاجة طب دي غـ????زة إدشملت ومضربتوش عليهم طلقة واحدة !!! ولا حتى بعتولهم بوق ماية !!!! طب القدس يا ولاد كوم شكاير الكلاب !! يقولك لاء الجيش المصري فين !!! أقولك فين ومتزعلش ...!! من كل الاحداث اللي بتحصل فسوريا دلوقتي هتفهم حاجة واحدة بس.... إن كل الميليـ????شيات اللي بتحارب فسوريا بتتمول من إسرا????ئيل وبتتحرك بآوامر منها يعني بشار الاسد مكنش بيحارب الشعب السوري حضرتك زي ما فهموك لا دا كان بيحارب مرتزقة إسرا????ئيل اللي شغالين اليومين دول ضرب فالجيش السوري والحرب العالمية دلوقتي إتنقلت من غـ????زة وجنوب لبنان لسوريا وفنفس الوقت بيفتحوا جبهة مع الروس فسوريا علشان يخفوا الضغط عن اوكرانيا هتقولي إزاي يا عبده ...!! هقولك علشان روسيا لما دخلت الحرب ف اوكرانيا وكانت سوريا هديت إلى حد ما سحبت مقاتلين كتير من جبهة سوريا وبعتتهم على جبهة اوكرانيا فالسؤال هنا... يا ترى روسيا هتعمل إيه فجبهة سوريا اللي إتفتحت عليها !!! إجابة السؤال ده هتلاقيه تحت ففقرة كوكب تحيا مصر ???? ،♦️ وع الناحية التانية من الكوكب... ،????أمريكا... تقريبا كدا اللي فات دا كله كان حمادة.... واللي جاي دا حمادة تاني خالص هتقولي ليه يا عبده ....!!! هقولك علشان ترامب طلع وقال تصريح من كلمتين قلبوا الدنيا... ترامب طلع وقال.... أمريكا أولا ومكنش حد فاهم هو يقصد إيه !! حاجة كدا زي اللي قالها السيسي أول ما مسك وقال... تحيا مصر طب يا عم ترامب امريكا اولا وبعدين ؟؟ قالك مبدأيا كدا وبسم الله الرحمن الرحيم... اوروبا دي بنت تيت ولازم يدفعوا ١٠ ٪ ضريبة على اي حاجة يصدروها لامريكا الإتحاد الاوروبي كله هاج عليه طبعا علشان إعتبروها إن دي حرب إقتصادية على اوروبا هتقولي ليه يا عبده !!! هقولك علشان ال ١٠٪ جمارك دول يزودوا التضخم في اوروبا كلها ١٠٪ مرة واحدة دا فوق التضخم اللي عندهم أصلا لدرجة إن وزير الإقتصاد البريطاني طلع وقال دي مصيبة وهتحل علينا وهتكون كوارثة الإقتصادية أكتر من إنسحاب بريطانيا من الإتحاد الاوروبي !! و طلعت أرسولا فون دير لاين رئيسة المفاوضية الاوروبية وقالت... اللي إلهي تجيه مصيبة تاخدة....تقصد ترامب طبعا هيكون سبب في إفلاس شركات أوروبية كتير وتسريح عمالة ورفع التضخم في اوروبا وراحت قايلة فالمؤتمر الصحفي ... عريت راسي ودعيت عليه دعوة ولية ساعة عصرية.... بس قالتها بالانجليزي طبعا ألمانيا طبعا مش مصدقة اللي بيحصل علشان إقتصادها اصلا ماشي بدعوات الصالحين من ايام الست الطاهرة ميركل فرنسا بقا... طلع ماكرون وقال... أنا قولتلكم يا ولاد المرة إحنا لازم ننفصل عن القرار الامريكي ويكون لينا كيان إقتصادي وعسكري منفصل عن أمريكا ومحدش سمع كلامي ترامب يسكت.... ابدا !!! وراح رازع كندا جمارك ١٥٪ والصين ١٠٪ طلع رئيس وزاراء كندا وقال.... كدا يا ترامب يا خويا ترزعني ١٥٪ جمارك مرة واحدة طب دا إحنا سارقين قاتــلين نصبين على العالم مع بعض ترامب قاله إدفع وانت ساكت يابن المرة طب ترامب بيعمل كل دا ليه ؟؟؟ ترامب غصب عنه عنده ديون تخطت ال ٣٥ ترليون دولار مش عارف هيعمل فيهم إيه مفيش حل قدامه غير إنه يقلب الناس دي ويقولهم امريكا اولا دا شويه كدا وهيعمل صندوق تحيا امريكا اه والله.... وبكرة تقولوا عبده قالها ترامب يسكت على كدا.... ابدا !! الولا إيلون ماسك لعب فدماغة وقاله بقولك إيه يابو حنان انا شايف أن الصناعات العسكرية الامريكية دي ملهاش اي تلاتين لازمة وبتكلف امريكا ترليونات بالهبل ولو دخلنا حرب بجد هناخد فيها دي حتى الطيارة الF35 الشبحية اللي طالعين بيها السما بنت وسخة ومش جايبة همها طب اقولك ع الكبيرة يا ابوحنان.... قاله قول؟ الدبابات والمدافع والصواريخ الامريكاني دي مصاريف ع الفاضي ولو دخلنا بيهم حرب هنلبسهم.... والبنتاجون ده هفأ....!! ترامب قاله طب إيه البديل...؟؟ قاله بص بقا احنا هنعمل جيش امريكي جديد لانج وهنسرح الجيش القديم بدباباته وطياراته ومدافعة وهنقفل المصانع علشان مصاريفها كتير الجيش الجديد هيعتمد كله على الذكاء الإصطناعي ومفيش اي تدخل بشري جيش من الروبوتس...... هو اللي هيتحكم فكل حاجة بعيدا عن التحكم البشري... ينهار إسود ???? جيش من الروبوتس هو اللي هيصنع وهيطور وهيطير وهيحارب كمان إنتوا متخيلين الرعب...!!! لاء ثانية واحدة.... هو مش لسه بيفكر وبيحلم حضرتك !! لا دول جاهزين وع التنفيذ وترامب بنفسه راح شافهم الاسبوع اللي فات ،♦️ وع الناحية التانية من الكوكب... ،???? أوكرانيا.... الجيش الاوكراني إمبارح اعلن عن خسايره فالحرب مع روسيا وقال إنه فقد ٦٠٠ الف جندي لحد دلوقتي ما بين مصاب وجريح ووفاه وعلشان كدا هيعمل إيه بقا....!!! قالك هنخفض سن التجنيد علشان نعوض العدد دا كله وطلعوا قرار ان سن التجنيد من ١٨ سنة بعد ما كان ٢٥ سنة طبعا يبان ليك انه قرار عادي بس الحقيقة هو قرار مش عادي خالص علشان دا بيظهر ان الجيش الاوكراني خلاص فالنفس الأخير وبيشطب لدرجة انه هيجند شباب صغير يمكن حتى لسه مكملش تعليمه الجامعي ،♦️ وع الناحية التانية من الكوكب.... ،???? روسيا... أندريه بيلوسوف...!! مين اندريه بيلوسوف دا يا عبده !! لا حضرتك متشغلش بالك دا وزير الدفاع الروسي فزيارة رسمية لكوريا الشمالية بقاله يومين وبيتفقوا على التصنيع العسكري المشترك شوف انت بقا لما روسيا وكوريا الشمالية يصنعوا سلاح مع بعض .... الكوكب هيروح فين ???? ،♦️ وع الناحية التانية من الكوكب... ???? كوكب تحيا مصر ???? ،???? وفكوكب تحيا مصر... الشعب المصري كله كان اليومين اللي فاتوا بيتخانق بسبب المصالحة المجتمعية والاسماء اللي إتشالت من ولمؤاخذة قوائم الإرهـ????اب....!! طب هو إيه اللي بيحصل يا عبده ..؟ اللي هقوله ده دماغ بنج بس نوع فاخر من الآخر.... يعني ماتخدش منه ولا كلمه وتصدقها يا صديقي ???? وجهة نظري التي ليس لها اي قيمة على الإطلاق.... الفيلم الهندي اللي عمله بوتين مع مقاتلين الشيشان ف التسعينيات وتم ترويضهم وتدريبهم للقتال في مناطق معينة لصالح الدولة الروسية هيتكرر تاني بس فالشرق الاوسط...!! هتقولي إزاي يا عبده يا أبوالعببيد ...!! أنا عارف ان الكلام ده في ناس كتير ممكن ما تستوعبهوش وممكن فيوز دماغهم تضرب ???? بص يا صديقي الحرب فالمنطقة بعد حرب لبنان هتبقى حروب من نوع تاني خالص... من حرب الجيوش لحرب الميلـ????يشيات والمرتزقة فالمناطق المتنازع عليها زي سوريا كدا إركن بقا الجيوش النظامية على جنب حضرتك وتعالى نلعب لعبة قذرة فسوريا دلوقتي جبهة تحرير الشام..... اللي هي القاعدة حضرتك بتحارب فسوريا بتخطيط وتمويل من أمريكا وإسـ????رائيل..... حلو ؟؟ لا مش حلو..... !! علشان الميليـ????شيات دي مينفعش تحاربها بجيش نظامي...... هتخسر والله وهيتعلم عليك ودا اللي حصل مع الجيش السوري والجيش العراقي ف حضرتك محتاج تحارب أمريكا وإسـ????رائيل فالمنطقة بنفس الإسلوب والطريقة اللي هما بيحاربوك بيها خد شفطة شاي بالنعناع وهدي أعصابك وفتح دماغك معايا علشان انا عارف ان فيوز دماغك هتضرب مني ???? منا قولتلك ف الأول إن دا اخطر مقال من مقالات اخبار الكوكب هو انا مش حذرتك.... بس إنت ما أخدتش بالك ???? هتقولي ثانية واحدة يا عبده يا أبوالعببيد !!! طب ما في ميليـ????شيات بتحارب إسـ????رائيل فعلا زي حزب????الله والحـ????وثيين وغيرهم هقولك دول بيتحركوا بأمر من إيـ????ران وبينفذوا أجندتها بالظبط ودا ضد مصالحك فالمنطقة ???? ف وجهة نظري إن مصر وروسيا وتركيا التلاتة بالتنسيق مع بعض قرروا إني يبقا ليهم رجالتهم على الأرض هما كمان فالمناطق الساخنة وينفذوا أجندتهم بعيدا عن دخول الجيوش النظامية فعاركة مش هتخلص..... والدكر اللي يكمل للآخر أيون زي ما فهمت كدا حضرتك هنحارب امريكا وإسـ????رائيل بنفس السلاح اللي هما إخترعوه طب دا محتاج إيه ....!!! محتاج إنك تفتح قنوات إتصال و.... لا معلش الكلام اللي هقوله ممكن يوديني ورا الشمس...... ممم اقصد يوديني مارينا ???????? بس التطور اللي حصل على الجبهة السورية يخلي الجبهة المصرية لازم تسبق بخطوة طب هل هتحصل مصالحة والجماعة هيترفع عنها الحظر فمصر..... ؟ إطلاقا يا صديقي هو بعد العيد بيندعك كحك إنما هيعاد إحيائها فحتة تانية خالص برة مصر وبشكل تاني خالص زي ما حصل مع المقاتلين الشيشانيين في روسيا ???? ونلم بقا الشوية اللي فغرب ليبيا على الشوية اللي فالسودان على الشوية اللي ف..... مممم واتيفر يعني ونبعتهم قصاد جبهة تحرير الشام ويرازو ف إسـ????رائيل من الشمال هتطلعلي واحدة إسكندرانية من المطبخ وهي قامطة راسها وماسكة السكينة وتقولي طب وأحمد المسلماني يا عبده !!! اللي بقا رئيس الهيئة الوطنية للإعلام...؟ هقولك أحمد المسلماني رجل عظيم واللي إختاره راجل بيفهم بجد ???? هتقوليلي دي الفيديوهات بتاعته مالية الدنيا عن الإخوان !!! هقولك مش جايز دا كان تكليف ليه من أجهزة سيادية ???? أنا بقول جايز ..... إحنا هنعرف أكتر منهم يعني هما ماشافوش الفيديوهات دي مثلا اللي حضرتك شوفتيها ???? هضربلك مثل صغنن....!! رأفت الهجان لما سافر إسـ????رائيل وبقا مواطن إسـ????رائيلي دا كان تكليف من أجزة سيادية ولا هو راح خبط الباب عليهم وقالهم ساموعليكم.... انا عايز ابقا مواطن عندكم والنبي يارب ابوكم يحج ؟؟ لو حضرتك كنتي شوفتيه ساعتها كنتي هتقولي دا يهـ????ودي إبن يهـ????ودي ف متستغربيش وإهدي كدا وإشربي شاي بالنعناع وهدي اعضائك علشان الحرب إحلوت اوووي بعد اللي بيحصل فسوريا ???? ،???? كمان فكوكب تحيا مصر.... إنضمام مصر لنادي الدول النووية...!! أكبر عشر دول إعتمادا على الطاقة النووية يعني إيه الكلام دا يا عبده !!! هقولك مصر بمشروع الضبعة النووي هتبقى من اكبر عشر دول فالكوكب في إنتاج الطاقة من المفاعلات النووية مشروع الضبعة ده مش مشروع طاقة نووية وبس حضرتك !!! دا مشروع القرن علشان الطاقة اللي هتنتج عنه هتغطي مصر وهتصدر للدول العربية وأوروبا وإفريقيا كمان مش كدا وبس...!!! المية اللي هتنتج من المشروع ده بعد معالجتها وفلترتها هيتم بيها إستصلاح مليون فدان فالصحراء مش كدا وبس حضرتك....!! عارف قاعدة محمد نجيب العسكرية !!! اللي هي اكبر قاعدة عسكرية ف إفريقيا والشرق الاوسط إتعملت أصلا علشان تحمي مشروع الضبعة النووي اومال حضرتك أهل الشر هيتجننوا منك ليه !؟؟ علشان حضرتك قبل ما تعمل مشروع الضبعة بخمس سنين عملت قاعدة محمد نجيب لحمايتها يعني اللي هيفكر يقرب.... يجرب !! ورغم كدا مدفعتش ولا دولار فيها ???? روسيا هتاخد فلوسها بعد ٣٠ سنة دي اصلا كانت عربون محبة من بوتين للسيسي ???? أهو مشروع الضبعة النووي ده دخل مصر في نادي الدول النووية ومصر بقت دولة نووية حضرتك منغير فرهدة ولا خناق ولا صوت عالي ومنغير ما حد يحس فالعالم ???? ،???? كمان فكوكب تحيا مصر... وفعز الدشملة اللي بتحصل فالكوكب وفالمنطقة ... مصر الإسبوع ده عملت أعظم إنجاز في خطوط الملاحة والمواني والدعم اللوحستي خط الرورو الملاحي بين ميناء دمياط وإيطاليا... هتقولي إزاي يا عبده ؟؟ هقولك ببساطة كدا مصر عملت خط ملاحي للشاحنات والتريلات بين مصر وإيطاليا يعني التريلات اللي عليها حاصلات زراعية مصريه وهتصدرها لأوروبا هتطلع على الخط الملاحي رورو وتركب السفينة وهي متحملة على الشاحنات منغير ما تنزل حمولتها فالميناء والتريلات هتركب السفن وتنزل ف إيطاليا بنفس حمولتها وهتطلع على الاسواق ف إوروبا هما يومين تلاتة وهتوصل طازجة ودا اللي خلى الشركات الصينية والاماراتية جايين يستصلحوا أراضي كتير فالوادي الجديد فمصر علشان منتجاتهم هتوصل لأوروبا بسرعة ومنغير فرهدة ولا جمارك ولا عطلة فالميناء مش كدا وبس....!!! والدول الإفريقية اللي عايزة تصدر لأوروبا منتجاتها الزراعية هتجيلك على طول مصر بتتجهز إنها تكون أكبر مركز لوجستي فالعالم لسلاسل الإمداد حضرتك ومش عايزها تتحارب من أهل الشر..... يااخي شحااا كفاية كدا ....وتقعدوا بالعافية ???????? يديمك ???????? بيعيرونا بفقرنا...... بس انا مش هسكت عبدالفتاح السيسي والسلام عليكم ورحمة الله وبركاته تحيا مصر تحيا مصر تحيا مصر