هل تخسر مصر جزء من المياه نظير ترسيم الحدود تركيا مع ليبيا

????????????هل يحرم مصر من حدودها؟! ????إيه اللي حصل بين تركيا وليبيا؟! ???? مصر وأوروبا يرفضون قرار ليبيا باعتماد ترسيم الحدود مع تركيا.. ???? مصر ترفض تصديق مجلس النواب الليبي على مذكرة تفاهم تحديد مجالات الصلاحية البحرية مع تركيا.. ???? أهم فقرة في بيان خارجية مصر؟! ???? مصر بتتمسك بحدودها، وتعترض بشكل قاطع على مذكرة التفاهم المشار إليها، وأن تجدد مصر رفضها للمذكرة ولأي إجراءات أو تصرفات صادرة عن أي طرف، استنادًا لتلك المذكرة، بما يتعارض مع الحدود البحرية المصرية المعلنة، فإن مصر تحتفظ بحقها في حماية حقوقها التي يكفلها القانون الدولي والتصدي لأي محاولة للإخلال بها.. أنت قدامك 3 خرائط.. ــــــــــــــــــــــــــــــــــــــــــــــــــــــــــــــ ???? إيه القصة؟! ???? خريطة رقم 1 بتبين خطوط ترسيم الحدود بين مصر واليونان وده اللي أتمته مصر في 2020.. ???? خريطة رقم 2 ترسيم الحدود بين تركيا وليبيا، على أساس أن فيه جزر مُتنازع عليها بين تركيا واليونان، وأزمات مين معاه إيه فيهم.. فقامت تركيا ردت على مصر واليونان، أيام حكومة فايز السراج، ورسمت حدود مع ليبيا، وسبقت القرار المصري بفترة بسيطة، سنة 2019، لأن مصر أعلنت أنها بترسم الحدود قبلها بسنتين.. الترسيم ده رفضه برلمان ليبيا، اللي كان مع الشرق في الوقت ده أو بيدعم الشرق، وعلى غير وفاق مع غرب ليبيا، وكان في الوقت ده شرق ليبيا موقفه من موقف مصر.. الحدود دي باطلة.. ???? تحت بند المصلحة اتصلحت العلاقات بين مصر وتركيا، وتركيا أشادت بموقف مصر في ترسيم الحدود، وأنها لم تقترب لحدود تركيا ونزاعاتها في شرق المتوسط، مع اليونان وقبرص.. ???? مصر توسطت بين تركيا وشرق ليبيا، تقاربوا حلوا خلافاتهم، قام برلمان شرق ليبيا معتمد تقسيم الحدود اللي تركيا اتكلمت فيه.. ???? ترسيم الحدود بين تركيا وليبيا، حسب الرواية والادعاءات التركية، بتحرم إسرائيل من الوصول مباشرة لـ اليونان ويحجم تواجدها الدائم في قبرص، وبالتالي "يبطلوا بين قوسين إسرائيل اللعب بورقة هنمد خط للغاز لـ اليونان اللي كل شوية يهــ.ـ.ـدوا بيها مصر دي" بس ده بيفتح باب للحـ.ـرب في شرق المتوسط.. ــــــــــــــــــــــــــــــــــــــــــــــــــــــــــــــ ???? شوف بقى الخريطة الأخيرة، رقم 3، هتلاقي أن التقسيمة التركية، بتتقاطع مع التقسيمة المصرية اليونانية، وبيخلق صراع في جزء من المياه الاقتصادية المصرية اليونانية.. ???? تركيا بـ تنتزع ورقة قوية لحصار إسرائيل في البحر المتوسط، وبتعطل مشاريع ربط إسرائيلية يونانية، وتعزل إسرائيل عن اليونان، وتوجه ضربة سياسية قوية لليونان وإسرائيل وحتى فرنسا، من داخل بنغازي بعد قرار البرلمان الليبي، لكن في نفس الوقت بتسحب رجل ليبيا لصراع جديد هي مش جاهزة ليه دلوقتي، وهتـ.ـولع شرق المتوسط أنت بتستدعي حـ.ـرب بتجمع فيها إسرائيل واليونان ومن ورائها فرنسا والاتحاد الأوروبي في حلف واحد ضدك كـ تركيا.. الأخطر أنك بتضـ.ـ.ـرب وتكون سبب توتر مناطق نفوذ مصرية.. وبتتقاطع في جزء من المياه الاقتصادية المصرية اليونانية.. ــــــــــــــــــــــــــــــــــــــــــــــــــــــــــــــ ???? تعالى بقى نربط كل اللي قلناه ده ببعضه؟! ???? تركيا عملت كده ليه؟! ???? تركيا عاوزة تقفل الممر البحري تمامًا قدام أي مشروع إسرائيلي-يوناني لنقل الغاز لأوروبا بعيدًا عنها، وبكده تجبر إسرائيل والجميع إن أي خط غاز يمر لازم يترسم بشروط تركيا. ???? تركيا بتفرض واقع جديد في شرق المتوسط، وبتستخدم الكارت ده للضغط على اليونان وقبرص والاتحاد الأوروبي، وعاوزة تثبت إن ما فيش أي ترتيبات أمنية أو اقتصادية في البحر المتوسط تتم من غير وجودها. ???? تأمين نفوذ دائم في ليبيا: الاتفاقية بتضمن لتركيا موطئ قدم واعتراف رسمي ومكاسب ضخمة في التنقيب عن النفط والغاز في السواحل الليبية. ــــــــــــــــــــــــــــــــــــــــــــــــــــــــــــــ ???? طيب ليبيا (شرق ليبيا) عملت كده ليه؟ ???? "كارت المصلحة والمساومة" السياسة ما فيهاش ثوابت: برلمان الشرق الليبي، اللي كان رافض الاتفاقية زمان، لما العلاقات اتحسنت مع أنقرة وبقت فيه مصالح واقتصاد واستثمارات، قرر يعتمد الترسيم عشان يكسب حليف إقليمي قوي زي تركيا. ???? الضغط على أوروبا وإخراج الأموال المجمدة: البرلمان الليبي عاوز يبعث رسالة لأوروبا وإسرائيل: "لو مش هتعترفوا بينا وتفكوا الحـ.ظر عن أموالنا وتحترموا وجودنا، إحنا نقدر نقلب الطاولة ونغير قواعد اللعبة في المتوسط بالكامل!".. ــــــــــــــــــــــــــــــــــــــــــــــــــــــــــــــ ???? السؤال الأهم.. هل مصر متضررة؟ ???? هنا (مربط الفرس!) البروتوكول الرسمي والواضح: نعم، قانونيًا وسياسيًا، مصر بتصدر بيان الرفض ده حماية لحقوقها ومواقفها السيادية المفروضة في اتفاقية 2020 مع اليونان؛ لأن أي خط جديد يقطع نطاق منطقتها الاقتصادية الخالصة (المتقاطعة في الخريطة رقم 3) وده يعتبر تعديًا على الاتفاقيات الرسمية الموقعة مع أثينا، ومصر لازم تثبت موقفها القانوني المكتوب لحماية أمنها القومي وحقوقها المائية. ــــــــــــــــــــــــــــــــــــــــــــــــــــــــــــــ ???? اللي بيحصل ده حرفيًا لعبة شطرنج إقليمية، بين قوسين أوراق ضغط مجانية: الخناقة التركية-الليبية ضد إسرائيل واليونان بتخدم مصر غير مباشر في جزئية حرمان إسرائيل من أوراق الضغط ومشاريع الغاز البديلة لقناة السويس والمسايل المصرية، كمان إسرائيل اعتمدت خطة للعودة لـ أوروبا، ورفعت كارت الغاز وعايزة تمده لأوروبا، وده يبقى المدخل لـ أوروبا وتقطع الطريق على مصر.. بيان الخارجية المصرية، كارت أحمر لـ الكل، مصر بتقول للجميع: "إحنا حلفاء التهدئة وتواصلنا مع تركيا ممتاز، وكمان ليبيا واليونان، وأوروبا، بس حدودنا والمنطقة الاقتصادية بتاعتنا خط أحمر، يلعب مين ما يلعب بعيد عن إحداثياتنا المعلنة، وكل خطوة لازم تحترم التوافق المصري!" ???? ده توضيح الموقف الرسمي وكواليسه.. أما غير المُعلن والمواقف والاتفاقات غير المُعلنة، فده فيه كواليس الكواليس، انتظرونا خلال ساعات في خمسينة اقتصاد #مصر #ليبيا #تركيا #اليونان