لعبه نهايه العالم إسرائيل تضرب بحر قزويين
????⛔لعبة نهاية العالم | إسرائيل بتـجر روسيا للمواجهة ..ضربات قوية للكـ ـيان علي "بحر قزوين"... ولأول مرة في التاريخ.. روسيا أعلنتها صريحة تل ابيب تجر المنطقة كلها للحرب وقد نضطر للمواجهة العسكرية، وده خط أحمر ! ????
???? أخطر تصعيد ممكن تتخيله، الحرب مبقتش خلاص في الشرق الأوسط بس. إسرائيل و بدعم أمريكي كامل، قررت تاخد الحرب لمستوى تاني خالص، وراحت ضربت الحديقة الخلفية لروسيا نفسها، في خطوة ممكن تولع حرب عالمية حرفياً. اللي حصل ده كسر لكل الخطوط الحمرا، وخلى موسكو تدخل عالخط مباشرة .
????عشان تفهم حجم الكارثة، لازم نربط الأحداث ببعضها لأنها خطة واحدة متكاملة هدفها خنق إيران بالكامل ... وتهديد أمن قومي لروسيا .
????في البداية تعالوا نشوف الضربات اللي ولعت الدنيا في بحر قزوين من الأول للأخر ...عشان نستوعب سبب التصعيد ده .
????المرة الأولي كانت في 18 مارس لما إسرائيل نفذت ضربة جوية في "بحر قزوين"، تحديداً على ميناء "بندر أنزلي" الإيراني و الضربة دي مكانتش موجهة لإيران بس، دي كانت رسالة مباشرة لبوتين شخصياً. و الهدف كان مزدوج وخبيث جداً.
اولاً الكيان ضرب المنشآت العسكرية الإيرانية من سفن حربية ومراكز قيادة إيرانية على البحر.
وثانياً والأهم والأهم انهم ضربوا "شريان الحياة" اللي بين روسيا وإيران. الخط اللي إيران بتبعت منه مسيرات "شاهد" لروسيا عشان حرب أوكرانيا ...وفي المقابل بتاخد تكنولوجيا روسية ... وعم لوجيستي .
يعني إسرائيل بتقول لـ #بوتين في عقر داره أنا قادرة أقطع شرايين الإمداد بينك وبين حلفاءك بكل سهولة ...⚠️
????بعدها كانت أمريكا وإسرائيل استمروا في حملة قصف ممنهجة على ميناء "بندر عباس" الاستراتيجي على الخليج العربي... والقصف ده كان شامل ومدمّر، وضربوا فيه كل حاجة تقريباً
و اغتالوا قيادة البحرية كلها ومنهم قائد البحرية في الحرس الثوري علي رضا تنكسيري في 25/26 مارس وقائد استخباراته، وأغرقوا وحرقوا سفن حربية وفرقاطات إيرانية.
والأخطر اللي حصل النهاردة 1/إبريل ..الصـ ـهاية قصفوا رصيف الركاب المدني في ميناء "شهيد حقاني"... وده ميناء للمدنيين والتجارة والمسافرين، يعني بينقلوا الحرب للحياة اليومية للشعب الإيراني... في محاولة لتحويل حياة الشعب لجحيم .
????وهنا بقى كانت الصدمة.. رد الفعل الروسي النهارده قلب الترابيزة علي راسهم ....بعد ضربة بحر قزوين، روسيا مقعدتش ساكتة. الخارجية الروسية طلعت ببيان ناري و لخصته ماريا زاخاروفا وبعدها لافروف بنفسه، وقالوا كلام خطير جداً بيكشف لنا اللي جاي.
????روسيا قالت إن الضربات علي بحر قزوين بيهدد تجارتها وأمنها الغذائي (لأن القمح والنفط وحاجات كتير بيعدوا من هناك)، وده خط أحمر.
واتهمت إسرائيل مباشرة إنها بتجر منطقة بحر قزوين، اللي كانت منطقة سلام وتعاون، لقلب الصراع المسلح، وده ممكن يولع حرب إقليمية تشارك فيها روسيا وكازاخستان وأذربيجان. والأخطر، إن روسيا دعت دول بحر قزوين التانية (كازاخستان، أذربيجان، تركمانستان) إنهم يطلعوا يدينوا التهديد الإسرائيلي. ودي أول مرة روسيا تحاول تبني جبهة ضد إسرائيل في المنطقة دي.
زاخاروفا قالت بالنص إن تصعيد الأزمة حول إيران ينذر بالتحول إلى حريق هائل في جميع أنحاء الشرق الأوسط و هيمتد إلى العالم أجمع.
وفي رسالة واضحة لدول الخليج أشارت موسكو إن ( على جميع الدول الداعمة لزيلينسكي أن تتذكر أنه لا يهتم إلا بنفسه وسيستخدم الأسلحة أولا ضد مموليه ) .. ????
⚫️ في النهاية... اللي عملته إسرائيل وأمريكا ده بيشبه لعبة نهاية العالم... بعد ما فشلوا يكسروا إرادة إيران عسكرياً، قرروا يلعبوا أخطر كارت عندهم وهو استفزاز الدب الروسي في عقر داره، وتدمير الحياة المدنية في إيران...
⚠️إسرائيل بتلعب بالناااااار، وفاكرة إن روسيا مش هترد عسكرياً... ( ويمكن هي عاوزاها ترد فعلا )... لكن الغضب اللي طالع من موسكو بيقول إن حساباتهم ممكن تكون غلط تماماً. إحنا مبقناش بنتكلم عن حرب في الشرق الأوسط، إحنا بنتكلم عن أزمة عالمية بتتكون، والشرارة اللي جاية ممكن متكونش في مضيق هرمز، ممكن تكون طلقة جديدة في بحر قزوين. وساعتها، محدش هيقدر يوقف اللي هيحصل...
☑️والسؤال دلوقت مش إيران هترد أزاي ...السؤال إيه هي كروت الضغط اللي في إيد بوتين عشان يرد على التهديدات دي من غير ما يولع حرب عالمية؟⁉️ وهل دول الخليج هتفضل ساكتة وهي شايفة الحرب بتتوسع حواليها بالشكل ده؟
هستني أقرأ آراءكم. ????
⇧
