لماذا تخاطر أمريكا بعدم خسارة السعودية كحليف
????????????كلنا شوفنا تصريح ترامb عن ولي عهد السعودية .. لكن هل ترامb اتجنن انه يخبط بالشكل ده ؟
????عارفين قدر السعودية في ميزان القوى الحالي ؟ دي مش مجرد دولة نفطية دي لاعب استراتيجي معاه كروت تخلي أي حد في البيت الأبيض يفكر مليون مرة قبل ما يفتح بقه .. أول كارت هو كارت السندات الأمريكية .. السعودية شايلة في جيبها حوالي 135 مليار دولار من ديون الخزانة يعني ببساطة لو قررت تسيل السندات دي فجأة هتعمل هزة عنيفة في وول ستريت وتضرب استقرار الدولار في مقتل ودي ورقة ضغط جربت التلميح بيها في 2016 وعملت قلق كبير وقتها
تاني حاجة صنبور النفط اللي هو محرك الانتخابات الأمريكية ترامب أو غيره همه الأول سعر الجالون في المحطة عشان يرضي الناخب الأمريكي والسعودية بصفتها المايسترو في أوبك بلس تقدر بضغطة زرار تقلل الإنتاج وترفع الأسعار لمستويات تخلي أي مرشح رئاسي يفقد شعبيته في أسبوع وده كابوس سياسي حقيقي لترامب خصوصا وهو بيوعد الناس بإنعاش الإقتصاد ( وكلنا شوفنا المظاهرات في أمريكا الأيام اللي فاتت )
????نيجي بقى للضربة القاضية وهي البترودولار بعد انتهاء الاتفاقية التاريخية في يونيو 2024 السعودية بقت في حل من الالتزام ببيع النفط بالدولار بس يعني لو بدأت تبيع باليوان الصيني أو اليورو ده معناه بداية نهاية سيطرة الدولار كعملة احتياط عالمية وده تهديد وجودي للهيمنة الأمريكية مش بس لكرسي ترامب
أما عسكريا فالموضوع أكبر من مجرد قواعد لأن القوات الأمريكية في المنطقة بتعتمد بشكل أساسي على التسهيلات اللوجستية والمجال الجوي السعودي فلو السعودية قررت تحييد نفسها أو منع استخدام أراضيها في أي صراع ضد إيران ترامب هيلاقي نفسه مشلول عسكريا ومش قادر يحقق النصر السريع اللي بيوعد بيه جمهوره ويبقى غرق في مستنقع ملوش آخر
الحقيقة اللي ترامب بيحاول يداريها بالصوت العالي هي إن المصلحة هي اللي بتحكم وهو عارف إن الخليج والسعودية تحديدا هما صمام الأمان الاقتصادي والعسكري .. ليه فكرة إنه يقل أدبه أو يتجاوز هل ده مجرد شو إعلامي ؟ مع ان في الغرف المغلقة هو اللي محتاج يتملق السعودية عشان يضمن استمرار تدفق الاستثمارات المليارية ويحمي مستقبله السياسي اللي ممكن ينتهي بقرار واحد من الرياض
تخيل لو بكرة الصبح البنك المركزي السعودي رفع السماعة وأعطى أمر ببيع 10% بس من أذون الخزانة اللي معاهم يعني حوالي 13.5 مليار دولار في جلسة واحدة..
أول 10 دقائق: زلزال في وول ستريت
????أول ما الخبر يتسرب إن السعودية بدأت تسيّل ديونها الدولار هينزل نزلة حادة قدام اليورو والين.. المستثمرين في العالم كله هيجيلهم حالة ذعر وهيبدأوا يبيعوا هما كمان خايفين من انهيار أكبر.. أسهم البنوك الكبيرة في أمريكا لونها هيبقى أحمر دموي في لحظات.
بعد ساعة: خناقة في البيت الأبيض
????ترامبb هيلاقي وزير الخزانة داخل عليه وشه جايب ألوان.. يا فندم تكلفة الاقتراض عندنا ولعت لأن لما السعودية تبيع السندات الفائدة عليها لازم تزيد عشان تلاقي مشتري تاني وده معناه إن الحكومة الأمريكية هتضطر تدفع مليارات زيادة كفائدة على ديونها.. يعني ميزانية أمريكا هتتخرم حرفياً.
????وعلى مدار اليوم هنسمع صرخة المواطن الأمريكي
وأسواق النفط مش هتتفرج.. المضاربين هيفهموا إن دي حرب وسعر البرميل هيقفز ل 150 دولار في ساعات.. المواطن الأمريكي اللي بيملى عربيته بالبنزين هيلاقي السعر اتضاعف.. وهنا تبدأ المظاهرات والضغط السياسي اللي ينهي أي طموح لترامب في الانتخابات.
????لكن السعودية ما تقدرش تعمل ده لأن ده انتحار للاقتصاد الامريكي
والسعودية شايلة الكروت دي عشان تمنع أمريكا إنها تاخد قرارات تضر مصالح المملكة (زي قانون جاستا أو الضغط في ملفات إقليمية).
????هل المصلحة المشتركة تمنع السعودية انها تاخد خطوة تضر الاقتصاد الامريكي لأن عندها استثمارات ضخمة في أمريكا (زي لوسيد وفيرجن جالاكتيك وغيرها) فمش من مصلحتها إن أمريكا تنهار تماماً.. لكن لما ترامb يدوس علي كرامة ولي العهد السعودي ويوجه إهانة له في الإعلام
????????هل السعودية تسكت ؟
????السعودية اللي معاها ريموت كنترول الاقتصاد الأمريكي تقدر توجع أمريكا وجع يخليها تلف حوالين نفسها.. بس هل فعلا تقدر تعمل ده ولا هتفضل منبطحة كعادة معظم الدول الخليجية ؟
⇧
