سبوبه الذهب الكبرى ولعبه ديون امريكا
????????????سبوبه الذهب الكبرى ولعبه ديون امريكا
????تخيل إنك صحيت الصبح لقيت أكبر اقتصاد في العالم، اللي هو أمريكا، عليه "نوتة" ديون مرعبة..
بنتكلم في 38 تريليون دولار
عشان تتخيل الرقم،
ديون مصر اللي شاغلانا دي حوالي 163 مليار،
وفرنسا بكل عظمها 3.9 تريليون..
يعني أمريكا ديونها في حتة تانية خالص.
????ترامب مش سياسي كلاسيكي يقعد يندد ويشجب،
ده عقلية اقتصادية "فذّة" بمنظوره هو طبعاً،
هو عايز يسدد الديون دي "زيرو كاش"
????بس مش من جيبه.
الخلايجة: "هاتوا الجزية".. وادوله.
فنزويلا: جاب "مادورو" من أوضة نومه، وحط إيده على آبار البترول والخير اللي هناك.
جرين لاند: عينه عليها عشان المعادن اللي تحت التلج.
????بس كل ده برضه "فكة" قدام الـ 38 تريليون..
فقرر يلعب اللعبة الكبيرة..
لعبة الدهب.
????اللعبة بتبدأ بكلمة واحدة: "إيران".
إيران دي حليفة روسيا والصين،
ومصدعة العالم في الشرق الأوسط،
????ترامب يقوم طالع بتصريحات:
"أنا هضرب إيران النهارده.. السفن اتحركت"
العالم كله يترعب..
الناس تجري تشتري دهب عشان تأمن نفسها "بنوك، حكومات، أفراد، حتى الصين .
????يستنى يومين ويقول: "أوبى.. غيرت رأيي، الجو برد النهاردة بلاش ضرب".
الدهب يهدأ شوية..
وبعدين يرجع يسخن تاني مع إشاعة جديدة.
????ليه بيعمل كدة؟
لأن أمريكا عندها جبال من الدهب شايلاها من أيام ما كان رخيص "ببريزة".
هو عايز يوصل الدهب لسعر خيالي
"ساعة الصفر" اللي هو محددها،
يقوم بايع ومسدد ديون أمريكا كلها،
ويطلع هو الكسبان الوحيد.
????في مؤتمر "دافوس" الأخير،
الزعماء كانوا هيفترسوه،
بس خايفين من "لسانه" وتقلباته..
بس أكيد ليهم رد فعل جاي.
????المواطن الأمريكي، لأول مرة "الدولار" (البنكنوت) بيضعف قدام عينيه.
آه ترامب رخص له البنزين ببترول فنزويلا
وقلل له فوايد القروض والبيوت،
بس المواطن مابقاش عارف يشتري دهب
أو يحوش "قيمة" حقيقية.
????الصراع المرير اللي بنعيشه كل يوم..
نشتري دولار؟
لا الدهب طار فوق!
نبيع الدولار ونجيب فضة؟
طب اللحق ترامب نزل تويتة
اللي يقولك "الدهب هينزل"
في 2026 يبقى بيفتي..
لأن "المعلم" قاعد قدام الشاشات مستني سعر معين في دماغه، أو مستني العالم يوصل لمرحلة "التشبع".
????هو المتحكم الوحيد في اللعبة،
ولحد ما روسيا أو الصين أو أوروبا يقرروا "يقلبوا الترابيزة"، هيفضل الدهب والمعادن هما "الخزنة" اللي ترامب بيشد منها.
⇧
