عام 2026 عام الحسم في القرن الافريقي
????????????2026 عام الحسم … ومصر على أعتاب مواجهة كبرى
العدّ التنازلي بدأ ومصر ترسم خط النار في القرن الإفريقي ????????
????اللي بيحصل دلوقتي في القرن الإفريقي مش عادي، ومش مجرد توتر سياسي وخلاص، ده تصعيد تقيل ورايح في اتجاه مواجهة مباشرة، ومصر بقت طرف أساسي فيه، خصوصًا مع التحركات الإثيوبية المريبة على الأراضي الصومالية.
????إثيوبيا كثّفت وجودها العسكري على الحدود الصومالية، وبالتحديد في إقليم جيدو، إقليم معروف إنه بؤرة توتر ونشاط لحركات الشباب الإرهابية.
المعلومات بتقول إن أديس أبابا عملت تفاهمات واتفاقات مع جماعات مسلحة هناك، وفي نفس الوقت قفلت 3 مطارات في الإقليم، بحجة إن قواتها جزء من بعثة حفظ السلام الإفريقية.
????لكن الحقيقة إن تفويض القوات دي بينتهي آخر الشهر، وكل اللي بيحصل على الأرض بيقول إن إثيوبيا مش ناوية تمشي، وده قانونيًا يُعتبر احتلال صريح وتعدي مباشر على السيادة الصومالية ومن أول السنة، المفروض هتدخل قوات إفريقية جديدة لحفظ السلام بقيادة مصر، وبدون أي وجود إثيوبي.
وهنا بقى المشكلة الكبيرة… لأن إثيوبيا شايفة إن وجود مصر في الصومال كابوس حقيقي، وبتحاول بكل الطرق تمنعه.
????بالاضافة لذلك الصومال طلعت بيان رسمي من وزارة خارجيتها، أدانت فيه إثيوبيا لإدخال شحنات أسلحة لإقليم بونتلاند.
بونتلاند إقليم صومالي، ليه حكم ذاتي من سنة 1998، لكنه ما انفصلش عن الدولة، وبيمثل حوالي تلت مساحة الصومال.
وتسليحه بالشكل ده معناه حاجة واحدة
????تحضير الإقليم لأي تحرك عسكري خارج سيطرة الحكومة المركزية.
????إثيوبيا ما اكتفتش بكده، لكنها دخلت على خط إقليم أرض الصومال، وبتحاول تولّع الدنيا وتقرّب المسافات بينه وبين بونتلاند، تمهيدًا لإعلان تحالف انفصالي ضد الحكومة الصومالية.
????والهدف واضح وصريح:
تقسيم الصومال لدويلات ضعيفة، علشان السيطرة عليها تبقى أسهل، وتفتح الطريق قدّام إثيوبيا لحلمها القديم… منفذ بحري على البحر الأحمر.
????ولو إثيوبيا وصلت للبحر الأحمر، يبقى مش بس كسرت عزلتها، ده كمان هيبقى عندها قدرة إنها تراقب وتضغط على حركة السفن المتجهة لقناة السويس.
????وده تهديد مباشر للأمن القومي المصري، ومصر مش هتسمح بده تحت أي ظرف.
????خصوصًا إن مصر لسه متأثرة بأزمة الحوثيين في اليمن، وتأثيرهم على الملاحة الدولية، ففكرة وجود قوة جديدة معادية على البحر الأحمر مرفوضة شكلًا وموضوعًا.
????مصر فعلت اتفاقية الدفاع المشترك مع الصومال، وده معناه إن أي تصعيد إثيوبي بقى سبب شرعي للتدخل المصري، دفاعًا عن الصومال وحماية للأمن القومي المصري في نفس الوقت.
????واثيوبيا بتحاول مع قيادة مصر لقوات حفظ السلام الجديدة، تفتح عليها أكتر من جبهة مسلحة وتجعل الامور متوترة وغاية في الخطورة ، وبذلك تصبح المهمة صعبة ومعقدة نظرا لوجو اربعة جبهات بتضرب في بعض ، وخصوصًا إن دي أرض عمليات جديدة على الجيش المصري.
????تركيا حاولت تلعب دور الوسيط، واستضافت محادثات تهدئة، لكن إثيوبيا حطّت شروط مستفزة:
• مفيش قوات حفظ سلام بقيادة مصر
• إثيوبيا هي اللي تفرض السيطرة وتستمر في قيادة قوات حفظ السلام وتستمر بالتواجد في نفس مواقعها
• الإصرار على إنشاء ميناء بحري
وطبعًا، مصر رفضت ده كله جملة وتفصيلًا.
وفي المقابل، القاهرة ضغطت على أنقرة، وده أدى إلى تقليل ومنع تسليح إثيوبيا، خاصة الدرونز المسلحة.
????????الرسالة بقت واضحة:
إثيوبيا قافلة كل الطرق السياسية والدبلوماسية، وبتستفز مصر في ملفات وجودية مستحيل التنازل عنها.
ومع التسارع الرهيب في الأحداث، كل المؤشرات بتقول إن المنطقة رايحة على مواجهة عسكرية مصرية حاسمة وكاسحة في القرن الإفريقي، هدفها:
• كسر الطموح الإثيوبي
• فرض معادلة جديدة علي الارض
• تأمين البحر الأحمر
• حماية قناة السويس ونهر النيل
• والدفاع عن الأمن القومي المصري
وكمدون عسكري ووفق الاحداث التاريخية ،، المواجهة قريبة جدا زي ما مصر دايمًا بتعمل مع الاحباش من أيام الفراعنة، لحد الدولة الحديثة ،، و2026 مش سنة عادية…دي سنة الحسم.
حفظ الله مصر وجيشها وشعبها وقيادتها ????????�
????????????⚔️
برجاء مشاركة التقارير لأن ادارة الفيس بوك تمنع ظهور الصفحة وتقاريرها والاسباب معروفة للجميع ❌⛔️
⇧
