ماذا يحدث في مصر و العالم كله
???? القمة "القاع العروبي" :
محتاجين نعلق علي شوية تفاصيل متعلقة ب احداث المسلسل الهابط المسمي " حرب غزة "
اللي ما هي الا مخطط توسع اسرائيل + خطة اشغال لمصر
و ده الحقيقة نجحوا فيه
احنا تقريبا حياتنا بتدور حول غزة وما يحدث في غزة و مساعدات غزة و تهجير غزة
و ده متسبب لنا في عطلة كبيرة
ف فعلا خطة اشغال الرئيس المصري ناجحة الحقيقة وربنا يطلعه من الكمين ده علي خير ... انا زهقتله والله ????????♀️
♦ضرب الدوحة :
بالنسبة لي : ده شئ متفق عليه بين اسرائيل وقطر
الهدف منه : انهاء المفاوضات لحين الانتهاء من احتلال غزة
لأنك لما تعمل اي مفاوضات هتكون مبنية علي الامر الواقع اللي بتفرضه اسرائيل في المنطقة
و في نفس الوقت هو اجهاض لفكرة الاعتراف ب كينونة تسمي الدولة الفلسطينية علي حدود 67
لأن حدود 67 دي حاليا هي مجرد اوهام ... معدش في حاجة اسمها حدود 67
???? ماذا فعلت مصر :
ابلاغ قطر بإن في ضربة محتملة لمقر تجمع قادة حماس
هو افساد للمشهد الكوميدي اللي كانوا بيستعدوا لتمثيله .. قطر مش هيكون في اغتيال علي اراضيها حتي لا تفقد الدور الزعامي اللي بتحاول تجيده
لكن اتمام الضربة يضعها في دور المظلومية و كذلك المضحية اللي متحملة الكثير من اجل القدس و الاقصي و القضية و كل الشعارات دي
لكن مصر بتتعامل مع الممثلين بطريقة اننا مصدقين المشهد
كل الاستفادة من تدخل مصر ???????? تقليل المكاسب من الاتفاق ده اسرائيليا
????هل من المنطقي ان اسرائيل ساكتة علي كل الخطب العصماء اللي عمال يدلي بيها وزير الخارجية القطري ... و الاتهامات في مجلس الامن
اكيد لأ
لكن هو الاتفاق كده ???????? انا هضربك .. ف المفاوضات تقف بقا و تنشغلوا في كسر سيادتكم .. ف انت تقعد تزعقلي شوية .. و انا هسكت
و في هذه الاثناء
اثناء توقف المفاوضات انا هتجه للاجتياح البري عشان أنهي الاجندة
و هو ده اللي بيحصل من اول امبارح ????????♀️????????♀️
???? ارض الواقع بقا بتقول ايه :
بتقول اننا عايشين في مكلمة فارغة عالميا وصحفيا و اعلاميا
◾القمة العربية في قطر ما هي الا مكلمة
لأنها بلا نتائج
النتيجة الوحيدة لها
هو ما قامت به قطر امس و اول امس
▪لقاء قطري امريكي لتحديث اتفاقية الدفاع المشترك
▪عرض قطري لشراء اسلحة امريكية متقدمة و انظمة دفاعات جوية
" عارفين الست اللي جوزها يضربها و يمرمط كرامتها .. ف اخواتها يتشمللوا و يروحوا عشان يجيبوا حقها .. تقوم تقول عليهم خرابين بيوت و جايين يخربوا عليا و انا و جوزي احرار وملناش الا بعض ???? "
يعني مقاتلات طالعة و مقاتلات داخلة و تضييع وقت و خطب و لقاءات
و المحصلة ???????? قطر بتبوس جزمة امريكا ????????♀️
لأنها مجرد صبي
طب ايه لزمة كل ده ???????? استمرار خطة الاشغال لمصر
◾قرارات الاتحاد الاوروبي تجاه اسرائيل :
مجرد اقتراحات علي ورق
كلها عبارة عن سطور مكتوبة تبدأ بجملة " يمكننا ان نفعل كذا ....."
يمكننا ان نفرض عقوبات اقتصادية
يمكننا ان نمنع بعض اعضاء الحكومة الاسرائيلية من الدخول لاراضينا
يمكننا ايقاف التعاون التجاري
▪طب هو ليه " يمكننا " .. ليه مفيش تنفيذ
الرد ???????? لأننا لسه بندرس توافر ظروف الابادة وهل فعلا هي ابادة فعلية او ضغط اعلامي بيستخدمه اعداء اسرائيل
يعني الاتحاد الاوروبي اصلا غير معترف بقيام اسرائيل للابادة
اومال ايه التصريحات دي كلها ???????? استهلاك اعلامي لإسكات السذج لحين الانتهاء من تنفيذ الاجندة
◾المكلمة الامريكية :
امريكا و اي رئيس ل امريكا دوره هو دعم اسرائيل
مهما كانت التصريحات
مهما كانت الاساليب المتبعة
و اكبر دليل هو معرفة ترامب بالضربة المتفق عليها مع قطر ????????♀️????????♀️
♦طيب الواقع في غزة بقا :
اسرائيل يوميا بتاخد ارض
سواء من غزة او الضفة او النقب
كل يوم بتسمع عن ياااه ده رئيس الاركان مسك في خناق نتنياهو .. و نتنياهو هرب من بيته في القدس عشان التظاهرات
و يتم الترويج للاكاذيب الاعلامية دي
و النتيجة ???????? بتاريخ 17 سبتمبر 2025
▪عزل المدن و القري في الضفة الغربية و طرد اهاليها و تحويل الطرق لثكنات عسكرية
ثم السماح لدخول اللودرات و هدم البيوت و تسليم الاحياء للمستوطنين
▪اعلان فرض السيادة علي الضفة
▪ نزوح اهالي شمال غزة " الباقيين " الي الجنوب في طابور محاذي لساحل البحر تحت اشراف قوات الاخلاء الاسرائيلية
في حين استمرار الاجتياح و القصف و اسقاط الضحايا
▪عودة قوات الاحتلال للسيطرة علي محور نتساريم و اخلاءه من القوات الاجنبية اللي كانت تسلمته من 4 شهور " قوات امريكية .. مصرية .. قطرية .. اماراتية " تم ترحيلها من المحور بالفعل
▪توقف استخدام كلمة " مفاوضات " لوقف اطلاق النار
وحماس بتجاهد بالخطب الرنانة و الكربلائيات
و انتهاء حلم الصفقة لتبادل الاسري مع وقف الحرب
???????? الرفيقة تركيا الظاهرة الصوتية :
وشائعات العداء مع اسرائيل
و اقتراب المواجهة العسكرية
وكل الهبد ده
???? بتاريخ 17 سبتمبر تم القاء القبض علي عدد كبير من حزب العمال المعارض " 19 فرد "
التهمة ???????? التعاون مع الموساد في الايقاع بين اسرائيل وتركيا لكي تندلع المواجهات العسكرية بينهم و ان اسرائيل وتركيا مفيش بينهم عداء مباشر
الله ... هو مش القدس قضيتك الاولي و امن تركيا يتوقف علي القضية ????
ده الكلام المستهلك
انما الكلام اللي يتاخد علي محمل الجد .. هو ما تم اعلانه امس في جريدة " حورييت " التركية : هو ان امن تركيا لا يبدأ من انقرة ... ولكنه يبدأ من دمشق و بغداد و بيروت علي لسان وزير الخارجية التركي و معه نائب رئيس حزب العدالة و التنمية الاخواني " نائب اردوغان يعني " ????????♀️????????♀️
طب و القدس يا رااااجل ????
لا دي قضية العالم الاسلامي كله و تركيا عملت اللي عليها وتحملت مسئوليتها
ايوا اللي هي ايه بقا ????
و لا اي حاجة الحقيقة
و تركيا بتدير مصالحها سواء في تقسيم سوريا او الاستيلاء علي الحدود التركية العراقية و علي نهر الفرات اللي بالفعل سيطرت عليه تماما و معبر ابراهيم الخليل الحدودي ????????
يعني حتي تركيا بتتقدم في تحقيق اهدافها في المنطقة بمنتهي البراجماتية و الخبث ????????♀️????????♀️
♦يبقا السؤال ???????? هل ممكن تحصل مواجهة عسكرية بين مصر و اسرائيل :
انا مبجاوبش علي اسئلة من وجهة نظر عسكرية ... لأني مبفهمش في الجانب ده
لكن ممكن اصيغ سردية سياسية متوافقة مع افكاري اثناء اجابتي :
▪اسرائيل مش بالغباء اللي يخليها تخوض حرب نهاية وجود وفناء
و الدولة الوحيدة القادرة علي ذلك في المنطقة هي مصر
لذلك بيتعملها خطط اشغال و عصفورة زي غزة .. وضغط اقتصادي و حصار ...... بهدف اضعافها
و للآن لم يصلوا للهدف ده ????????♀️
و بالتالي مش هيتورط في انه يعمل ده في ظل الوقت الراهن
وهما اسياد النفس الطويل
و بيصبروا علي احلامهم عقود وقرون كمان
بالتالي لو في مواجهة .. ف مستحيل يكون الوقت الراهن هو المناسب سياسيا لهم
▪كمان المخازن الامريكية في السلاح خاوية .. وكذلك مخازن اوروبا
اوكرانيا شطبت علي تحويشة عمرهم ????????
ف كل العناوين و الاخبار بتاعت اقتراب المواجهة و اعتاب الحرب و الكلام ده غير مقنع بالنسبة لي
جايز يكون مهم اعلاميا .. حرب بروباجندا يعني
لكن سياسيا .. كل ساسة العالم عارفين كويس ان نهاية العالم ستبدأ من حرب بين اسرائيل و مصر ????????
هما بيستخدموا معانا الحرب الاعلامية بهدف عمل خطة اشغال للشعب المصري كمان
الناس دي عارفة ان في ايديولوجية عقائدية و نفسية عند المصريين اسمها الحرب مع اسرائيل .. لذلك بيستخدموا ده كويس مع الترويج لخرافاتهم الدينية
و بينجحوا
احنا عندنا رئيس وزراء طلع بيقول اننا نتابع ما يردده اسرائيل عن اسرائيل الكبري .. رئيس وزرا معداش علي كتاب او مرجع سياسي يعرف من خلاله ان المصطلح ده خرافة سياسية اخترعها هرتزل مغلفة بغطاء ديني .... ف الناس دي عارفة ازاي تخلق لنا عصافير تلهينا
???? وكمان بتحاول تجذب ضغط عالمي تجاه مصر
يعني مثلا امبارح هيئة البث الاسرائيلية اعلنت ان في الشهر الماضي مصر اخترقت الحدود ب 100 مسيرة .. ومعظمها تحمل اسلحة
وان ده دعم للارهاب وتهريب سلاح
لأ ده كمان فشلوا في اسقاط معظمها و نجحت في مهمتها
معلن الخبر نسي يجاوب نفسه علي اسئلة كتير :
▪في ظل تصريح نتنياهو ان الحدود المصرية الاسرائيلية مراقبة بطبقات متعددة من الوسائل والحواجز الذكية و الدرونات الدورية كل 12 دقيقة
المسيرات دي اخترقت الحدود ازاي
▪من امتي اسرائيل بتعترف بفشل عسكري
ده لحد انهاردة معترفوش بانتصارات 6 اكتوبر بتاعتنا و هزيمتهم و مسميين اليوم انتصار يوم كيبور او نصر حرب الغفران
ان هما اللي انتصروا ????
▪لما هما اخترقوا الحدود و لم تسقطهم .. عرفت ازاي ان هما 100مسيرة
و ايه نقطة الوصول بتاعتهم اللي انت شايفها نجاح ????
▪هو ليه لم تعرض اعلاميا اي مسيرة من اللي اسقطوهم دول .. وعليها اي حاجة تثبت مصريتها و تفضحونا بقا عالميا
يعني عليها العلم .. بادچ اسدين قصر النيل .. كاتبين اسمها عليها مثلا الحلوة لواحظ اللي اخترقت الحاجز
اي حاجة تدل علي مصريتها و تكسبوا مليون بنط ????????♀️????????♀️
فتلاقوا انهم بيستخدموا الحرب الاعلامية لخلق اتموسفير عام للمصريين ان الحرب بالليل الساعة 11
???? يعني رصد نقل 88 كتيبة قوانها 42 الف جندي و دفاعات جوية صينية
لكن معرفش يجيب مسيرة واحدة ????
و احنا لما نحارب اسرائيل
هنحاربها ب 42 الف جندي ... جملة كوميدية جدااا ????????♀️
" وخدوا بالكم .. لا تعول علي اي حليف يا عزيزي
لما تدور الوغي مش هيكون في غير مصر فقط اللي في قلب المطحنة
لا عرب و لا غير عرب هيقفوا معاك
لان الحرب دي تصفية للخريطة العالمية
علي رأي جدتي الله يرحمها : قولي يا عيني يا حيلي ...... يعني متستنيش دعم من حد الا نفسك ???????? "
♦ اتفاقيات الدفاع المشترك :
الحقيقة انا مش شايفة اي ادانة للسعودية انها تتحالف عسكريا مع باكستان
اه باكستان دولة فقيرة جدا ومش لاقيين ياكلوا ... لكن من ضمن ال 9 النووية و اللي من حقها استخدام النووي عسكريا
ف السعودية تيقنت من الغدر الامريكي ... راحت جابت فتوة تاني تتحامي فيه
" فاكرين فيلم الشيطان يعظ .. نور الشريف اما حس ان الفتوة الديناري هيقتله خد مراته و هرب عن الفتوة المعلم الشبلي
راح الشبلي طلع راجل معاه ومقتلوش هو بس اغتصب مراته .. وده مش هيفرق كتير مع السعودية "
هو انتوا ليه زعلانين ان الدول بتدور علي مصلحتها ومش شاغلة بالها بغيرها
كل دول المنطقة بتدور علي مصلحتها الخاصة ما عدا احنا .. ساحلين نفسنا في حوارات وكأن مثلا لو دورنا علي مصلحتنا هيتقال اللي بيشوفوا مصلحتهم اهم ????
????اما عن اتفاقية الدفاع الاماراتية الهندية
ف دي شائعة
ده كان لقاء رقم 13 اقتصاديا اداره وزير الاقتصاد الهندي و رئيس هيئة الاستثمارات الاماراتي
الاتفاق اللي فيه :
▪الغاء الازدواج الضريبي علي المستثمرين و الصادرات
▪اتفاقية بين شركة مواني دبي العالمية و وزارة الاقتصاد الهندية لتشغيل 3 مواني هندية
▪اتفاق بين البنكين المركزيين لتعزيز التبادل بالعملات المحلية
الامارات مش غبية عشان تعادي السعودية و اصلا هي متفقة مع روسيا
ف مش محتاجة الخطوة دي ????????♀️????????♀️
ده شغل صئور الفيسبؤس بتاعنا مش اكتر
---------------------------------------------------
???? كنت عايزة اعقب علي حاجة ???????? الوساطة المصرية بين ايران و وكالة الطاقة الذرية
بصراحة حركة تدار بمنتهي الحرفية
و الغرض منها كمان يدار بمنتهي الحرفية ????????
???? مصر بتضع قواعد معينة مع وكالة الطاقة الذرية
ومبادئ معينة و ظروف معينة
لاستخدام النووي في الامور والاغراض السلمية
ليييييييه ???????? عشان احنا بعد سنتين ممكن نتلاعب بمفاعل الضبعة
لما كروتهم تتحرق
تبدأ لعبة انت عندك نووي ????
ف يبقا عندنا قواعد فعلية بنمارس نشاطنا النووي عليها بدون اي افتعال ازمات ????????
و بالفعل قدرت مصر تجيب من وكالة الطاقة الذرية بنود واقعية وقع عليها مفوض الوكالة هتنفعنا مستقبلا واي دولة هتعمل مفاعل نووي ????????
???? و بالفعل نجحت مصر اليوم في جلسة مهمة في حصد الموافقات و التوقيعات علي القواعد الجديدة
و اعلنتها وكالة الطاقة الذرية بالفعل
يعني مصر غيرت بنود وكالة احتلال الشعوب و ضربها عسكريا بالباطل
و ده امر لو تعلمون عظيم ????????
يعني ده تعقيب بسيط عن الاحداث الجارية
و دمتم بخير ????????????
