امريكا تسلم اوكرانيا على طبق من فضة

???????? ????أمريكا اللي زقت أوروبا على الحرب مع روسيا، ????دلوقتي بتسلم أوكرانيا لروسيا على طبق من فضة... وأوكرانيا غالبًا كده على وشك انها تتحط تحت النفوذ الروسي فيما يشبه احتلال مقنّع زي ما بيحصل في الضفة الغربية كده! وفي نفس التوقيت وعلى الناحية التانية من العالم، (حــ.مـــ.ــ.ــا.س) والفصائل الفلسطينية أخيرًا وافقوا على خطة مصرية لتبادل الاسري، وإنهاء الحرب، والكورة دلوقتي أصبحت في ملعب اسرائيل... ???? العالم في اللحظات اللي بتمر عليك دلوقتي دي، بيمر بأكبر تغييرات محورية من سنين... والساحة السياسية العالمية كلها ممكن تتغير وتنقلب رأسًا على عقب خلال الكام ساعة اللي جاييين... ف تعالى بقى أحكيلك اللي فاتك خلال الـ 48 ساعة اللي فاتوا، عشان كل حدث في اللي هحكيلك عنهم دول محتاج بوست كامل لوحده... ???? 1️⃣ نبدأ من ألاسكا… ???? من يومين فاتوا، الرئيس الروسي "فلاديمير بوتن" راح يقابل "ترامب" في ولاية ألاسكا الأمريكية، عشان يقعدوا مع بعض ويتفقوا هيوقفوا الحرب ازاي، ويحددوا مستقبل أوكرانيا هيبقى عامل ازاي... بس المشكلة انهم كانوا بيحددوا مستقبل أوكرانيا، بدون "زيلنسكي" رئيس أوكرانيا نفسه! والمذهل بقى واللي كان أشبه بفيلم رعب بالنسبة لزعماء أوروبا، هو إن ترامب على عكس توقعات العالم كله، استقبل بوتن استقبال الفاتحين، بشكل محصلش قبل كده تقريبًا... طيارات حربية أمريكية وعروض عسكرية وقاذفات B2-Spirit بتطير فوقهم، وحطله سجادة حمراء على الأرض كإنه حرفيًا ملك متوج ومنتصر جايله يتفاوض معاه على الغنائم... مش عدو بيحارب أوروبا والغرب والناتو بقاله داخل في 4 سنين! ???? المشاهد دي عايز أقولك انها أثارت ذعر أوروبا كلها... بعد ما بقالهم سنين بيدعموا أوكرانيا بالفلوس والسلاح، وواقفين جنبها بكل ما أوتوا من قوة، واتخلوا عن مصالحهم الاقتصادية مع روسيا ونفطها وغازها الطبيعي عشان الأوكران وعشان يحجموا النفوذ والتوسع الروسي؛ فجأة يلاقوا أمريكا اللي هي المفروض قائدة "العالم الحر"، وهي اللي زقتهم من الأول على الحرب دي، بتقعد مع عدوهم اللي شيطنوه طول الفترة اللي فاتت دي كلها... لأ ومش بس بتقعد معاه، دي بتتفق معاه على تسليم أوكرانيا بشكل غير مباشر! ???? وخد التفاصيل التقيلة بقى... ترامب بعد ما قعد مع بوتن واتفقوا، قالك ان روسيا مش هترجع شبه جزيرة القرم اللي استولت عليها سنة 2015 تاني لأوكرانيا... وأوكرانيا مش هتدخل حلف الناتو -اللي قامت بسببه الحرب أصلًا- أبدًا... ومش بس كده... المفاجأة المريرة اللي اتفاجيء بيها زيلينسكي، هي إن حكومته هتضطر تناقش فكرة إن منطقة "دونيتسك" في شرق أوكرانيا اللي استولت عليها روسيا، تتحول لـ “منطقة منزوعة السلاح” مقابل تجميد القتال... ومش بس دونيتسك، ده ممكن يضطر لتسليم كل الأراضي اللي استولت عليها روسيا في الحرب! ???? يعني مش بس خسر القرم وعضوية الناتو… ده كمان ممكن يسلّم دونيتسك بالكامل ويحط حزام أمني جوّه أراضيه تحت إشراف روسي–أمريكي مشترك! وبكده، ف زي ما انت شايف... 90 دقيقة بس هي مدة المقابلة بين ترامب وبوتن، كانت كفاية تغير شكل موسكو تمامًا وترجعها قوة عظمى وتظهرها بمظهر المنتصر قدام العالم كله... وأوروبا كلها تتحط في مأزق قدامها، وترامب يطلع بمظهر “صانع السلام” اللى خلاص هينهي الحرب بجرة قلم! ???? ودلوقتي وأثناء ما انت بتقرأ السطور دي، زيلينسكي راح زيارة للبيت الأبيض عشان يتناقش على تفاصيل وشروط إنهاء الحرب، وكمان جه معاه قادة أوروبا كلهم عشان يحموه من الإذلال قدام ترامب! آه والله العظيم زي ما بقولك... رئيسة المفوضية الأوروبية "أورسولا فون ديرلاين" والرئيس الفرنسي "إيمانويل ماكرون" والمستشار الألماني "فريدريش ميرتس" ورئيس الوزراء البريطاني "كير ستارمر"، ورئيس فنلندا "ألكسندر ستوب" ورئيسة الوزراء الإيطالية "جورجا ميلوني" والأمين العام لحلف الناتو "مارك روته"... ???? كل دول سافروا لواشنطن مع زيلينسكي، عشان يحاولوا ينقذوا ما يمكن إنقاذه، ويمنعوا ترامب من تسليم أوكرانيا لروسيا على طبق من فضة، قبل ما تتحول كييف لما يشبه النموذج الإسرائيلي في الضفة الغربية، وتدخل تحت احتلال روسي ناعم بيتم إدارته باتفاقيات سرية تحت عيون روسيا وإشراف أمريكا! ولو زيلنسكي رفض، ف ده غالبًا هيبقى معناه نهاية الدعم الأمريكي لأوكرانيا تمامًا... وساعتها غالبًا هيخسر بلده كلها، لإن أوروبا برغم انها بالفعل بتبني قدراتها العسكرية بمعدلات غير مسبوقة حاليًا، إلا انها لسه معندهاش القدرة انها تسد معاه ضد روسيا حاليًا... وكل ده بسبب انهم وثقوا في أمريكا، ومكانوش متخيلين ان هييجي يوم وتعمل معاهم كده! ????️ المشهد ده لسه متغير وكل دقيقة في تحديثات جديدة بتحصل، ف هبقى أحكيلك عن القصة دي أول ما المشهد يتضح أكتر شوية... 2️⃣ بس خلينا دلوقتي نبص على الناحية التانية من العالم، ونشوف أيه اللي حصل في الشرق الأوسط وغزة... ???? من كام ساعة فاتوا، وفد "حـــ.ـــمـــ.ــا.س" والفصائل الفلسطينية في القاهرة، وافقوا أخيرًا على المقترح المصري القطري بالكامل وبدون تعديل أي شروط جديدة... وده على حسب كلامهم عشان "دي أفضل المقترحات الموجودة حاليًا للحفاظ على حياة الشعب الفلسطيني وإنهاء معاناته"... المقترح ده بيقول باختصار انهم يطلقوا سراح 10 أسرى مقابل عدد من الأسرى الفلسطينيين، وده في خلال فترة هدنة لمدة 60 يوم هيتم فيها العمل على التوصل لوقف شامل للحرب.. الموافقة دي تعتبر أكبر تنازل عملي من حـــ.ـــمـــ.ــا.س من بداية الحرب تقريبًا، ومعناها إنهم دلوقتي بيحاولوا يدوروا على مخرج لإنهاء شلال الدم الطويل ده... والكورة دلوقتي أصبحت في ملعب إسرائيل... ???? لو وافقت إسرائيل، فده معناه إن الحرب هتبدأ تهدى وممكن أخيرًا نبدأ نشوف نهاية للدمار المستمر ده كله بالدبلوماسية والحوار... ⚫️ طب ولو رفضت؟ ساعتها الموقف هيبقى خطير جدًا... المقترح ده حرفيًا جايب آخر كل حاجة.. ومسابش حاجة ولم يدخر وسعًا لإنه يقرب المسافات بين كل الأطراف.. ف لو اسرائيل رفضته بردو، وخصوصًا في ظل اسقاطات نتنياهو السابقة عن طموحه لتحقيق حلم "إسرائيل الكبرى"، وتفاصيل خطة احتلال غزة اللي اتسربت وكان المفروض فيها انهم هيهجروا الفلسطينيين ناحية الحدود المصرية؛ فده هيكون معناه مواجهة مباشرة مع مصر، مش هيكون في مفر منها خلاص... وبالفعل بناءً على مصادر مصرية، فالرسالة غير المباشرة اللي اتبعتت لنتنياهو هو إنه لو رفض أو تلاعب بالبنود، فالعلاقات مع القاهرة هتدخل نفق مظلم، واحتمال التصعيد المرة دي يوصل لنقطة اللا عودة... ???? ف يا ترى بقى أيه اللي هيحصل خلال الساعات اللي جاية؟ هل ممكن فعلًا خلال الكام ساعة الجايين نشوف نهاية للحرب بين روسيا وأوكرانيا، والعدوان الإسرائيلي على غزة، الاتنين في يوم واحد؟! ????️ الله أعلم... بس واضح جدًا إن العالم دلوقتي بيتحول تحولات خطيرة وكبيرة جدًا بقانا سنين مستنيينها تحصل... ف خلينا متابعين وبإذن الله هحكيلك أول ما يكون في تطورات جديدة... ???? مصادر لكافة التفاصيل الواردة في البوست ???? ◾https://www.nytimes.com/2025/08/18/us/european-allies-zelensky-white-house.html?utm_source=perplexity ◾https://www.timesofisrael.com/hamas-says-it-agrees-to-latest-ceasefire-proposal-as-mediators-scramble-for-deal/?utm_source=perplexity ◾https://edition.cnn.com/politics/live-news/trump-ukraine-zelensky-russia-putin-08-18-25?utm_source=perplexity ◾https://www.aljazeera.com/news/2025/8/18/qatari-pm-egyptian-president-back-efforts-to-reach-gaza-ceasefire?utm_source=perplexity ◾https://www.npr.org/2025/08/16/nx-s1-5504196/trump-putin-summit-documents-left-behind?utm_source=perplexity ◾https://edition.cnn.com/2025/08/15/politics/takeaways-trump-putin-summit-alaska?utm_source=perplexity Mahmoud Allam