لفه حول كوكب الارض مع عبده

????????????أهلا بيكم مع عبده في..... ???? أخبار الكوكب???? ،???? كوكب الإثنين ١١/٨/٢٠٢٥ ،???? البوست ده خطير ،???? السعودية... ???? وعايزك تربط ترتيب الأحداث اللي جاية دي بالعقل وبالمنطق.... ????القصة والحدوتة بدأت الأول بتراشق رهيب وهجوم رهيب بين السعوديين والمصريين بدون أي مبرر على تويتر وعلى كل السوشيال ميديا ....!! ????على الرغم لما تسأل أي سعودي عن حبه لمصر يقولك مصر دي فالقلب والشعب المصري اطيب شعب !! ولما تسأل اي مصري عن السعودية يقولك السعودية فيها بيت الله الحرام.... والقلب والنفس مشتاقون لزيارة بيت الله !! والشعب المصري كله لو آخر جنيه فجيبه بيدفعه علشان يروح يحج او يعمل عمرة حتى لو هيموت بعدها من الجوع !! القصة والحدوتة تخلص على كدا ... أبدا!! بدأ الطابور الخامس فالإعلام السعودي يهاجم مصر ورد عليه الطابور الخامس في الإعلام المصري وبدأ يشيطن السعودية وآل سعود ....!!! القصة والحدوتة تخلص على كدا ..... ابداا اول ما الحفلة إتنصبت والفرح بدأ...!! مخابرات اهل الشر نزلوا الملعب بالتقيل... وبدأوا يسربوا صور لمحمد بن سلمان مع جيفري إبستين ومحدش عارف اذا كانت الصور دي صح او متفبركة !! ومتقوليش صدفة..... مفيش حاجة بتحصل فالكوكب صدفة هتقولي بس النيويورك تايمز هي اللي منزلاها زي ما انت قولت يا عبده !! هقولك يعني هي النيويورك تايمز بتبيع سبح !! ما كلنا عارفين ان اللي بيديرها ال CIA وكلنا عارفين مين اللي مدور الإعلام الغربي !! القصة والحدوتة تخلص على كدا ..... أبدا !!! من إمبارح بقا... الدنيا مقلوبة ف إيطاليا... قال إيه سفينة سعودية ركنت في ميناء إيطالي وبتحمل اسلحة من إيطاليا علشان توصلها لإسرائيل...!! والعمال الإيطاليين فالميناء عملوا إضراب ووقفوا الميناء ووقفوا السفينة وليلة كبيرة سعادتك....!!! ماشي يا عم انا مصدقك..... وإشتريت منك !! بس إديني عقلك كدا وخد شفطة شاي وبالمنطق !!! ليه السعودية هتضحي بسمعتها فالعالم الإسلامي وهتبعت سفينة علشان تحمل اسلحة من إيطاليا علشان توديها إسرائيل !! هل إسرائيل مثلا معندهاش سفن تبعتها تحمل !! طب هل امريكا بجلالة قدرها معندهاش سفن تبعتها لبنتها ونني عينها من جوا اسرائيل !! ولا لازم سفينة سعودية .... يمكن تكون متوضية علشان تحط البركة فالسلاح مثلا !!! ولا يمكن إيطاليا إشترطت على اسرائيل علشان تديها سلاح لازم السفينة تكون سعودية وحجت بيت الله الحرام اصل ده ندر والإيطاليين ندروه وبعدين لازم تسأل نفسك السؤال المهم.... العمال الإيطاليين اللي نظموا الإضراب ضد السفينة السعودية ليه اصلا معملوش إضراب ضد الحكومة الإيطالية نفسها اللي وافقت ع السلاح وبعتته طب ليه مهاجموش وزارة الدفاع الايطالية نفسها اللي وافقت على شحنات السلاح..!! ولا هي نمرة.... وبتتعمل على الشعوب العربية المقصود بيها شيطنة السعودية !! القصة والحدوتة تخلص على كدا .... ابداا بص للخبر اللي تحت فالكومنتس اللي منزلاه الجزيرة النهاردة !!! موقع الجزيرة نت النهاردة منزل مقال صحفي طويل عريض بيتكلم عن السياحة السعودية وان السعوديين بيروحوا يسيحو فين....!! ف امريكا يا عبده ..... تؤتؤ طب في اوروبا..... تؤتؤ يبقا فتركيا..... تؤتؤ اومال فين يا عبده ؟؟ في اثيوبيا....!!! وقال إيه بقا.... دا الجزيرة اللي بتقول ان كل البلوجرز السعوديين رايحين جايين على إثيوبيا و بيصوروا فالسد الإثيوبي وفرحانين بإثيوبيا وبالسد وان السياحة السعودية بقت رهيييبة فإثيوبيا وبعدين لما قعدت ابحث وادور ورا الخبر والصور لقيتهم هما اتنين تلاتة سعوديين اصلا وتقريبا كدا كانوا رايحين صدفة وتايهين هناك والله تفتكر مين المقصود بالخبر ده ؟؟؟ طبعا الشعب المصري حضرتك علشان يهيج اكتر ع السعودية !!! زي ما هتلاقي تويتات سعودية كتير بتهاجم إتفاقيات الغاز المصرية !! إكنيعني بقا حضرتك....!! إكنيعني إن كل الأحداث دي صدفة !! وترتيبها صدفة !! خد بالك إن كل الأحداث دي بدأت لما السعودية رفضت رسميا التطبيع ومصممة على الإعتراف بالدولة الفلسطينية مش كدا وبس.....!!! دا لدرجة إن الرئيس عبدالفتاح السيسي طلع وقال يا شعب مصر بلاش حد يوقع بينكم وبين الشعب السعودي وإن العلاقات المصرية الخليجية أقوى مما اي حد يتخيل !! وإن التنسيق بين الدولتين على أعلى مستوى !! بس لو سألتني وقولتلي الزتونة فين يا عبده !! هقولك إن الدولة المصرية والدولة السعودية ومعاهم الإمارات عاملين اكبر حملة ديبلوماسية فالكوكب كله لإعلان الدولة الفلسطينية اللي بيحصل مع مصر والسعودية والامارات هي حرب .... حرب معنوية كبيرة بيستخدم فيها أقذر الأسلحة ضد شعوب التلات دول حتى الإمارات مخلصتش منها لدرجة انهم شككوا فشرف العيلة الحاكمة مع السفير الإسرائيلي كل الأحداث دي ..... مستحيل تكون صدفة ورا بعضها لو ركزت وربطت الاحداث ببعضها هتكتشف ان التلات دول بيخوضوا اشرس معركة فتاريخ المنطقة .... معركة شرف وكرامة ضد أهل الشر خد كلامي وفكر فيه وإستفتي قلبك وإبعد عن الشائعات ... هتكتشف إن اللي ورا كل الأحداث دي هما الإخوان هتكتشف إن اللي بيروج للإشاعات والأحداث دي هما الإخوان هتكتشف ان اللي بيوقع بين السعوديين والمصريين هما الإخوان هتكتشف ان كل اللي بتشوفه بعينك ... كدب هتكتشف ان كل اللي بتسمعه ..... كدب هتقولي طب الحقيقة هقولك الحقيقة الوحيدة هي اللي هتسمعها من المصادر الرسمية لدولتك !!! غير كدا ..... كله كدب فكدب وتغييب لوعي الشعوب علشان تكفر بأوطانهم !!! ،???? وع الناحية التانية من الكوكب .... ،???? إيران.... السلطات الإيرانية النهاردة طلعت وقالت .... خلاص عرفنا مين اللي سلم إسرائيل ملفات المفاعلات النووية الإيرانية !! دا مش كدا وبس ...!!! دا مسلمهم كل تفاصيل التخصيب والتجارب والأبحاث !!! وإحداثيات المفاعلات كمان...!!! مين يا عم الحج ده اللي عنده اكسس لكل المفاعلات ؟؟ قالك عالم الطاقة النووية الإيراني روزبة وادي !!! طبعا إتقبض عليه وإعترف على ٨ تانيين وهيتعدموا ،???? وع الناحية التانية من الكوكب .... ،???? فرنسا.... في فرنسا بقا بلد الجمال والاناقة.... والناس اللي بتستحمى كل يوم ???? في فضيحة كبيرة....!! فضيحة المياة المعدنية ..... مطلعتش معدنية حضرتك !! والدنيا مقلوبة هناك على أكبر شركة مياه معدنية في فرنسا شركة بيرييه لا معلش دي شركة عالمية واصولها وإستثمارتها بالمليارات حضرتك !! بس للاسف طلعت بتغش والمية بتاعتها لا معدنية ولا حتى آدمية !! والمحقق ستيفان ماندر طلع قال في صحيفة لوموند .... هذه فضيحتنا المائية بلا شك"، مؤكداً أنها فضيحة "تجمع بين الاحتيال الصناعي وتواطؤ الدولة !!! الدولة ....!!! إزاي ياعم ستيفان ؟؟ دا عماد مأكدلي هنا فمصر إن فرنسا بلد الناس النضيفة والشعب النضيف والحكومة هناك عملالهم مواسير مية معدنية بيستحموا بيها !!! ستيفان ماندر رد عليا وقال.... ياريت الدولة الفرنسية تعمل نص مشاريع محطات تحلية المياة اللي عملاها الدولة المصرية فعهد الرئيس السيسي للشعب المصري ،???? وع الناحية التانية من الكوكب .... ،???? بريطانيا.... فبريطانيا بقا في كارثة من نوع تاني خالص.... شوف ياسيدي ... فبريطانيا في قاعدة إسمها كلوبورت العسكرية ... لا معلش دي مش قاعدة عسكرية عادية !!! دي حضرتك أكبر قاعدة عسكرية بتضم اهم وأقوى رؤوس صواريخ وقنابل نووية فالجيش البريطاني !! ودي على خليج لوخ لونج...!! القاعدة دي حضرتك فيها نظام تبريد للقنابل النووية مكون من ١٥٠٠ أنبوب من المياه ال ١٥٠٠ انبوب دول إنفجروا وسريوا مواد مشعة فالبحر المصيبة ان بريطانيا مش هي اللي إكتشفت التسريب الإشعاعي ده !! لا حضرتك دي إسكتلندا هي اللي إكتشفته بالقرب من غلاسكو غرب إسكتلندا التقرير المبدأي بيقول إن الأنابيب دي اللي هي ١٥٠٠ انبوب عمرها الإفتراضي إنتهى ومفيش صيانة بتتعملها من البحرية الملكية البريطانية علشان الصيانة مكلفة جدا ... طبعا حضرتك وبما اني بريطانيا عندها ازمة إقتصادية فمبتعملش صيانة لأي حاجة حضرتك...!! على فكرة دا مش كلامي علشان متفتكرش اني بفتري عليهم !! دا كلام لجنة الهيئة الأسكتلندية لحماية البيئة اللي عملت ملف كبير وهتقدمة للامم المتحدة ،???? وع الناحية التانية من الكوكب .... ،???? المغرب.... ف المغرب بقا في شاب جميل.... حلم حلم جميل بالسفر لاوروبا والثراء السريع بقااا... المهم ومطولش عليكوا وقولولي لاء طول .... الشاب المغربي ده دفع اللي قدامه واللي وراه ونط فالبحر لحد ما وصل فرنسا.... لحد كدا زي الفل..... !!! اول ما وصل فرنسا..... طلع على شارع الشانزلزيه في باريس !!! في هناك بقا قوس النصر اللي فوقة شعلة النصب التذكاري للجندي المجهول...!!! راح الشاب المغربي ده حس بنشوة الإنتصار وانه خلاص حقق حلمه بالوصول لأوروبا.... وراح مطلع سيجارة ومولعها هتقولي عادي يا عبده ما الشاب من حقه يحتفل بإنتصاره... هقول ما للاسف ولعها من شعلة الجندي المجهول......!! اللي موجود في شارع الشانزلزيه وعينك ما تشوف إلا النور !!! الفرنسيين صوروه وإعتبروها إهانة للجنود الفرنسيين اللي ضحوا من أجل بلادهم !! والدنيا في فرنسا إتقلبت فلحظة يا معلم ...!! هووب دبل كيك يا معلم الشرطة الفرنسية جابته من قفاه ورحلته فورا ع المغرب ...!! طبعا القصة تبان إنها كوميدية !! انما فالحقيقة هي قصة تدعوا للفخر للشعب الفرنسي اللي بيحترم بلده وبيحترم جيشه وبيحترم تاريخة علشان كدا هتلاقي العالم كله بيحترمهم تيجي ع الناحية التانية من الكوكب هتلاقي عندنا ناس ولاد حرام متمرمغين فخير مصر كل ما تيجي إحتفالات اكتوبر يشككوا ف إنتصار الجيش المصري وعظمة الجيش المصري ويشكووا فتاريخ الجيش المصري العظيم وف إنتصاراته دي لو مصر بتأكلهم مال حرام مش هيعملوا كدا حاجة تحزن بجد !! ،???? وع الناحية التانية من الكوكب ... كوكب تحيا مصر ???????? ،وفكوكب تحيا مصر .... ???????? هنرد بكل بساطة على الناس اللي بتقول إزاي مصر كانت بتصدر الغاز ودلوقتي بقت تستورده !! شوف يا صديقي....!! مصر سنة ٢٠١٩ كانت بتصدر الغاز فعلا !! يعني من ٦ سنين !! طب إيه اللي حصل فمصر فخلال ٦ سنين خلاها تستورد الغاز بدل ما تصدره يا عبده !! شوف يا صديقي.... مصر سنة ٢٠١٩ كان عندها ٣٠ الف مصنع بس بيستهلك الطاقة وكان إنتاج الغاز بيكفي ويزيد وبنصدره كمان... النهاردة مصر بنت ٦٨ الف مصنع وهيوصلوا ل ١٠٠ الف مصنع .... المصانع دي بتستهلك طاقة مش مبتشتغل بالزبادي حضرتك ???? بس للاسف انت كل اللي مزروع فدماغك ان مصر مفيهاش مصانع والسيسي مبيعملش غير طرق وكباري !! كمان لازم تعرف إن مصانع الاسمدة اللي إتعملت فعهد السيسي زي مجمع كيما اسون ومصنع ابوقير اللي مصر سيطرت بيهم على سوق الاسمدة فالعالم دي مصانع بتستهلك كميات طاقة مهولة جدا علشان كدا هي اول مصانع بتتأثر بإمدادات الغاز !! تحب نوقفهم حضرتك !!! مش كدا وبس ....!!! ناس كتير من الشعب المصري في زحمة الاحداث اللي بتحصل فالكوكب نسيت اضخم مشروع تنموي مصر عملته وهو مشروع حياة كريمة !! ودا بشهادة الامم المتحدة هتقولي ودا إيه علاقة بالغاز ؟؟ هقولك لا دا ليه علاقة مباشرة حضرتك علشان كل القرى والنجوع اللي دخلت مشروع حياة كريمة إتوصلها غاز طبيعي وكهربا ملايين من الاسر المصرية اللي كانت عايشة فالقرى وكانت بتتهان علشان انبوبة الغاز وعمرهم ما كانوا يحلموا ان يتوصلهم غاز طبيعي إتوصلها غاز طبيعي حضرتك !! طب السؤال المهم ليه الغاز الإسرائيلي ....!! شوف حضرتك.... تكلفة التنقيب عن الغاز القدم الواحد بيتكلف 11.5 دولار .. وإحنا بنشترية من إسر ائيل ب 7 دولار للقدم .. وبنسيلة ب 2 دولار .. يبقي تكلفتة 9 دولار .... وبنبيعة لأوروبا ب 14 دولار وأحياناً ب 16 دولار .. فبيكون مكسبة 80 % لمصر يعني حضرتك حسبت ال ٣٥ مليار دولار اللي مصر هتدفعهم لإسرائيل لحد سنة ٢٠٤٠ بس ما اخدتش بالك إن مصر هتكسب ٧٠ مليار دولار من ورا غاز اسرائيل!! ، كمان في كوكب تحيا مصر ... ???????? مدينة الخامات الدوائية في مصر ...!! سكاي نيوز كانت عملت تقرير من سنتين وقالت فيه... إن مدينة الخامات الدوائية اللي مصر بتعملها هي طريق إستعادة مجد الستينيات و حلم الزعيم جمال عبدالناصر من الستينات وفعلا الزعيم جمال عبدالناصر عمل مصنع النصر لصناعة الخامات الدوائية بس للأسف المصنع ده زي كل مصانع الستينيات مواكبش التطور ولا التحديث ولا التكنولوجيا....!! قام جه الزعيم عبدالفتاح السيسي لإستعادة مجد الستينيات وحلم الزعيم عبدالناصر في صناعة الدواء وعمل مدينة صناعة الخامات الدوائية بأحدث التكنولوجيا العالمية... والمدينة دي بدات بتلات مصانع .... ١- مصنع فارما تاو" لصناعة الخامات الدوائية من مصادر كيميائية مُخلّقة... ٢- مصنع هيربال" لصناعة الخلاصات من النباتات الطبية ومصادر طبيعية... ٢- مصنع سيترو إيجيبت" لصناعة المواد الكيماوية خاصة السيتريك أسيد ومشتقاته والمدينة دي هتخلص آخر السنادي إن شاء الله ???? طب ليه الزعيم عبدالفتاح السيسي بيعمل كدا !! علشان هو مؤمن بإن ... من لا يملك قوته وسلاحه ودواؤه ...لا يملك قراره ، كمان فكوكب تحيا مصر.... ???????? نظرية التفخيم والتعظيم عند الشعب المصري.... الشعب المصري ده شعب جميل.... وبيحب يفخم ويعظم في كل حاجة واي حاجة ...!! يعني مثلا تلاقي فالشارع او فالسوشيال ميديا إعلانات تفخيم وتعظيم لشخصيات ملهومش اي تلاتين لازمة.... يعني هتلاقي مثلا إعلانات السناتر والدروس الخصوصية.... وحش الفيزياء.....!!! ايوا يعني وحش الفيزياء ده عمل إيه علشان يبقا وحش حضرتك ؟؟ هل هو مثلا إكتشف نظرية فالفيزياء ولا عدل نظرية نيوتن ؟؟ ابداا !!! دا حتى هتلاقيه مش مدرس اصلا ولا ليه علاقة بالتدريس وآخره اكل تفاحة نيوتن !! والعالم الوحيد اللي عندنا احمد زويل واللي غير كل قوانين الفيزياء بنظريته اللي إكتشفها فالنانو محدش بيجيب سيرته !! عندك كمان مثلا عنتيل الكيمياء.... ايوا يعني العنتيل ده ركب إيه على إيه وعمل تفاعل....!! دا اخره يركب عجلة !! عملاق الچولوچيا....!! وغيره .... وغيره ،???? أما بقا فالفن ياحوستي يا أناا... هتلاقي الشعب المصري وصل في تفخيم وتعظيم الفنانين لدرجة ميستوعبهاش بشر.... يعني عندك مثلا.... نمبر وان ...!!! ايوا يعني نمبر وان في إيه حضرتك ؟؟ متعرفش !! طب بيعمل إيه محدش بيعرف يعمله علشان يكون نمبر وان فالشعب المصري ؟؟ متفهمش !!! ايوا يعني قدم إيه فالفن المصري علشان يبقا نمبر وان !!! مفيش....!!! ولما هو نمبر وان اومال كريم عبد العزيز يبقا إيه ؟؟ ولا احمد عز ؟؟ دا غير عندك بقا لقب الزعيم ....!! انا معاك إن الفنان عادل إمام من رموز الفن المصري ... اوك بس خد بالك إن فنفس جيل عادل إمام كان في رموز تانيين واقوى منه زي الفنان احمد زكي والفنان نور الشريف ومحمد عبدالعزيز ف ليه ياخد لقب الزعيم حضرتك...!! انا عارف إن كلامي هيدايق ناس كتير بس إنتوا إتعودتوا مني أقول الصراحة... نيجي بقا للغناء.... الهضبة.... !! أيوا يعني ليه ياخد لقب الهضبة حضرتك !! وبعدين هو في هضبة بيلبس حلق ???? والكينج !!! ايوا يعني كينج على مين ؟؟ ما دام في كينج يبقا في عبيد حضرتك !!! ولما هو كينج اومال ام كلثوم تبقا ايه ولا عبدالحليم حافظ ولا محمد عبدالوهاب !!! حتى الدين مسلمش من التفخيم والتعظيم... هتلاقي عندك ابو إسحاق الحويني... بيقولوا إنه اعلم اهل الارض في علم الحديث!!! طب ابو إسحاق ده دارس إيه ولا خريج إيه حضرتك علشان يكون اعلم اهل الارض !!! ولا حاجة حضرتك !! هل هو أستاذ فالازهر مثلا.... ابدا !! فالاخر طلع خريج دلوم صنايع قسم سخانات يعني حاجة اخر مسخرة والله ,♦️ الخلاصة.... حقيقي انا معنديش مانع ان الشعب المصري يفخم ويعظم في رموزة فالفن والرياضة والدين بس برضوا مهم جدا نعظم رموزنا الحقيقيين اللي بنوا مصر الحديثة.... اللي حطوا خطوط حمرا لكل اعداء مصر اللي صانوا أرض وعرض مصر من اكبر مؤامرة فتاريخ المنطقة اللي وقفوا فوش مخطط امريكا وقالوا لاء اللي واجهوا اهل الشر في اسوء فترة فتاريخ مصر الحديث ومخافوش ولا تراجعوا اللي طوروا وحدثوا كل حتة فمصر !! اللي عملوا مشروع حياة كريمة لكل قرية وكل نجع علشان المصري الغلبان اللي بنوا لحد دلوقتي ٦٨ الف مصنع اللي بيحارب الدنيا كلها علشان يلم شمل العرب علشان يحافظ على أوطانهم وحدودهم اللي رجع أمجاد مصر لإفريقيا وخلى كلمة تحيا مصر بتتقال في كل دولة إفريقية اللي خلى كل دول العالم تحترم مكانة وعظمة مصر وتعملها ألف حساب والف إعتبار بقا والنبي الراجل ده مش يستحق لقب الزعيم...!!! الزعيم عبدالفتاح السيسي ???? إحنا لازم كلنا نفعل هشتاج الزعيم عبدالفتاح السيسي إحتراما وإجلالا ليه !! حقيقي ميصحش وعيب علينا كلنا كشعب مصر نقول السيسي كدا وخلاص او حتى الرئيس السيسي إحتراما ليه وللي قدمه لمصر والمنطقة والعالم .... لازم نقول الزعيم عبدالفتاح السيسي لازم إحنا اللي نبتدي....!! إيه رأيكم نبتدي إحنا كمصريين نعود لسانا وكتابتنا ومنقولش غير الزعيم عبدالفتاح السيسي يلا كلنا نبتدي نعمل حملة الزعيم عبدالفتاح السيسي وتكون بداية الحملة كل واحد يكتب فكومنت #الزعيم_عبدالفتاح_السيسي دا أبسط حق ليه علينا كفاية كدا ....... وتقعدوا بالعافية ???????? يديمك ???????? بيعيرونا بفقرنا.... بس انا مش هسكت #الزعيم_عبدالفتاح_السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ????????