لفه حول كوكب الارض مع عبده

????????????أهلا بيكم مع عبده في ..... ???? أخبار الكوكب ???? ????كوكب الخميس ٣١/٧/٢٠٢٥ من اهم مقالات اخبار الكوكب اللي ممكن تتابعها ⌛ ????ولو إنت مش متابع اللي بيحصل فالكوكب... ????بسرعة حضر كوباية الشاي بالنعناع علشان هناخد لفة في اخبار الكوكب ... ????ومطولش عليكم وقولولي لاء طول .... ،???? أوزباكستان..... أوزباكستان دي دولة لطيفة خالص في وسط آسيا... ومن اهم المدن عندهم هي مدينة سمرقند .. لحد كدا كويس....!!! لا مش كويس...!! علشان وزير العمل هناك اعلن عن إجتماع بين جميع مديرين أفرع الوزارة بس الإجتماع هيكون عن طريق الفيديو كونفرنس وإذ فجأة اول ما بدأ الاجتماع وكاميرات الفيديو إتفتحت ....!!! ظهر مدير فرع منهم قاعد قدام الكاميرا فمكتبه وقاعد على رجليه السكرتيرة وهي بتفتحلة سوستة البنطلون ...???? طبعا الإجتماع اتوقف فورا وبقت فضيحة فالبلد كلها.... ووزارة العمل فصلت الإتنين بسبب انتهاك الأخلاقيات والانضباط....!! ،???? وع الناحية التانية من الكوكب... ،???? الهند.... كوكب الضحك.... اه والله البوست اللي فات اتكلمنا عن السفارة الوهمية واللي نصبت على الهند كلها من إسبوع كدا الإتحاد الهندي لكرة القدم نزل إعلان رسمي انه عايز مدرب عالمي يدرب المنتخب الهندي لكرة القدم .... ف من يومين بالظبط نزل خبر حصري بيقول ان تشافي مدرب فريق برشلونة السابق قدم علي وظيفه في الاتحاد الهندي لكرة القدم عشان يكون مدرب المنتخب .... و مدير إداري المنتخب الهندي بنفسه طلع في مؤتمر صحفي و اكد ان تشافي فعلا قدم علي الوظيفه ! الكوميديا بقا ان الاتحاد الهندي النهاردة اكتشف ان تشافي مقدمش علي الوظيفه اصلا .... و انه في ولد عنده 19 سنة استخدم ايميل ب اسم تشافي وقعد يتفاوض معاهم ييجي اسبوع و ضحك عليهم في الاخر ! القصة تخلص على كدا ..... ابدا !!! صحيفه الاتليتك المشهوره نزلت النهاردة تقرير بيقول ان الاتحاد الهندي جاله طلب من بيب جوارديولا مدرب مانشيستر سيتي و اكتشفوا ان الطلب برضه مش حقيقي و حد ضحك عليهم مرة كمان ! فكانت النتيجة ان الاتحاد الهندي قلص قائمه المرشحين الي 3 مرشحين فقط و قفلوا باب الطلبات من اساسه عشان محدش يضحك عليهم مرة كمان ! الاتحاد الهندي ده من كتر ما هما طيبين اتضحك عليهم مرتين ! الناس دي طيبة خااالص يا خال.....???? ،???? وع الناحية التانية من الكوكب.... ،????أمريكا... في أمريكا بقا تور هااايج فعنبر سبعة !! ترامب بعد ما أخد الحباية كلها هاج على روسيا !!! وطلع قال ... هو انا لسه هستنى خمسين يوم على روسيا علشان توقف الحرب !! هما عشر ايام بس لو روسيا موقفتش الحرب على اوكرانيا هتشوف اللي مشفتهوش قبل كدا !!! طب هو ايه اللي هتشوفة يا معلم ترامب !! قالك ملكوش فيه ....!! هما عشرة ايام بس وروسيا هتوقف الحرب بمزاجها او غصب عنها !! مدفيديف نائب رئيس مجلس الامن الروسي مسكتش بصراحة وطلع وقال.... احاا يا ترامب !! هو انت فاكرنا ايران ولا اسرائيل !!! دي روسياااا فوق كدا وانت بتتكلم واعرف انت بتتكلم عن مين ؟؟ يسكت ترامب.... ابدااا ترامب طلع ورد على مديفيديف وقال.... انت بتقولي احااا !!! أخبروا ميدفيديف الرئيس السابق الفاشل لروسيا أن يراقب كلماته هو فاكر نفسه لسه رئيس ولا إيه وإنتظروا الاسوء ؟؟؟ ميدفيديف يسكت .... ابدا !! رد عليه وقال.... يجب على ترامب ان يعلم ان الاسوء هي الحرب العالمية التالتة !!! عزيزي متابع صفحة عبده لو انت فاكر ان الخناقة دي ألش مني او من تأليفي...!! ف احب اقولك للاسف الخناقة دي حقيقية ولسه شغالة بين ترامب وميدفيديف زي ما هتشوفوها تحت فالكومنتس ???? ،???? وع الناحية التانية من الكوكب .... ،???? أوكرانيا... النهاردة الصبح ولسه الناس بتقول يا فتاح يا عليم يا رزاق يا كريم طلع زلينسكي وقال خطاب واذاعة على الانترنت...!! حقه يا سيدي....!! لا ثانية واحدة ...!! دا مطلعش قال اي خطاب والسلام !! دا الراجل طلع وبيطالب المجتمع الدولي انه يغير النظام في روسيا.... اه والله !! هتقولي يعني أيه يا عبده. !!! هقولك طلع الراجل وقال فالخطاب انه بيطالب امريكا يجب تغيير النظام في روسيا والقبض على بوتين وحبسه ومحاكمته... اه والنعمة!!! بقا امريكا اللي معرفتش تغير النظام في إيران عايزها تهجم على روسيا وتخطف بوتين كمان وتحبسه ..؟؟ هو انت يابني كنت نايم امبارح منغير بنطلون ولا ظروفك ايه!! مهو ملهاش معنى انك تصحى الصبح وتلقي خطاب زي ده وتذيعة ع الانترنت غير انك كنت نايم بالليل منغير بنطلون .... ،???? وع الناحية التانية من الكوكب.... ،???? كوريا الجنوبية... كوريا الجنوبية عملت إتفاق تجارة بينها وبين أمريكا ...!! بس لما تشوف الإتفاق وحياتك ما يتخيرش عن اتفاق امريكا مع اليابان !! شوف يا سيدي بنود الاتفاق... كوريا الجنوبية هتدفع ٣٥٠ مليار دولار للإستثمار في امريكا في مشاريع كوريا الجنوبية مش هتاخد منها دولار واحد !! يعني بالبلدي كدا إتاااوة !! مش كدا وبس...!!! دي كوريا الجنوبية هتشتري من امريكا ب ١٠٠ مليار دولار بترول وغاز حتى لو سعرهم اغلى من السوق العالمي ...!! اه هي بلطجة حضرتك !! مش كدا وبس !! امريكا هتفرض على منتجات كوريا الجنوبية تعريفات جمركية ب١٥٪ والمنتجات الامريكية هتدخل كوريا الجنوبية بدون اي جمارك !! مسخرة والله..... دا لو ترامب ماسك عليهم سيديهات مش هيوافقوا ع الشروط دي بس وافقوا علشان خايفين من كوريا الشمالية والمجنون بتاعها ???? ،???? وع الناحية التانية من الكوكب .... ،???? البرازيل.... ترامب امبارح فرض جمارك على البرازيل ٥٠ ٪ رسميا...!! يسكت لولا ديسيلفا رئيس البرازيل....ابدا !! طلع النهاردة وقال..... النهاردة هو يوم السيادة والشرف للشعب البرازيلي !! النهاردة البرازيل بتعلن عن فرض رسوم جمركية على كل المنتجات الامريكية بنسبة ٥٠ ٪ ولو امريكا زودت .... هنزود وعلى الرئيس ترامب انه يحط راسه مطرح رجليه او يضرب راسه فالحيط.... زي ما يحب ???? ،????و عالناحية التانية من الكوكب .... ،???? ألمانيا... النهاردة وزير خارجية ألمانيا يوهان فاديفول فاجئ الكوكب كله بتصريح من الشمخ الجواني... الراجل طلع وقال.... يجب البدء بعملية الإعتراف بالدولة الفلسطينية....!! هنا بقا الدنيا إتقلبت في إسرائيل ...!!! وطلع وزير الامن القومي الاسرائيلي وقال .. لا بقااا كل وإلا ألمانيا...!! اشمعنى ألمانيا يابن العبيطة !!! قالك التصريح ده معناه ان ألمانيا لسه بتشجع النا????زية وبتنصر حماس !!! انت ليه محسسنا ان حماس دي ولاد اخت هت،،،لر مثلا ؟؟ ولا هو ترهيب وتهديد وخلاص !! مش بقولكم عبيط ... حتى فتصريحاته عبيط ???? ،???? وع الناحية التانية من الكوكب .... ،???? فرنسا.... في فرنسا طلع وزير خارجية فرنسا وقال... هو انتوا فاكرين ان فرنسا بس اللي هتعترف بالدولة الفلسطينية ؟؟ لا حضرتك دا في ١٤ دولة اوروبية هتعلن إعترافها بالدولة الفلسطينية منزوعة السلاح !! لو سألتني وقولتلي هو إيه اللي بيحصل يا عبده ؟؟ هقولك وبكل فخر....!! دا شغل الدولة المصرية !! هتقولي إزاي يا عبده !! هقولك استنى فقرة كوكب تحيا مصر وانت هتفهم ايه اللي بيحصل ???? ،???? وع الناحية التانية من الكوكب.... ،???? إثيوبيا.... ماذا بينك وبين الله يا عبدالفتاح السيسي حتى يحدث كل هذا لإثيوبيا !!! قالك هنبني السد وهنقفل المية على مصر وهنعطشها...!!! يقوم ربنا يبعت الامطار في العشر سنين اللي فاتوا باكتر من ايرادات النهر مرتين تلاتة واثيوبيا متقدرش تقطع المية عن مصر غصب عنها....!!! يقوم يقولك الأثيوبيين احنا اصلا عاملين السد علشان نخزن المية ونغرق مصر !!! يقوم ربنا سبحانة وتعالى يغرق أديس ابابا العاصمة في فيضانات بقالها اكتر من إسبوع وكل الخدمات مقطوعة هناك ومفيش كهربا وإحتمال يعلنوا ان اديس ابابا عاصمة إثيوبيا مناطق منكوبة بسبب الفيضانات !!! انا فاكر في أحد الخطابات لعبدالفتاح السيسي لما كان الشعب المصري قلقان بسبب السد طلع وقال... انا عايز الشعب المصري يتطمن..... مش مصر اللي تقلق !! مصر دولة كبيرة وعيب لما الشعب المصري يقلق وبعدين..... هما هيعاندوا ربناااا طب يورونا هيعاندوه إزاي !! اه والله قال كدا حرفيااا ???? ،???? وع الناحية التانية من الكوكب .... ???? كوكب تحيا مصر ???? ،???? وفكوكب تحيا مصر.... رقصة الشيطان الأخيرة....!!! هتقولي يعني إيه يا عبده !!! وايه الجملة الغريبة دي !! هقولك مهو كل اللي بيحصل دلوقتي هي رقصة الشيطان الاخيرة.... اه والله شوف يا سيدي....!!! كل الملفات اللي مصر طول تاريخها كانت بتعاني منها عبدالفتاح السيسي معندهوش حل وسط فيها !! كان ديما بيحلها حل جذري...!!! من اول الملف الإقتصادي للصناعة للزراعة للكهربا للطرق للتعليم للامن للجيش والتسليح للتصنيع العسكري كلها كانت حلول جذرية لكل الملفات .... مفيهاش حلول وسط او مسكنات !! ماشي بمبدأ ضربة مرزبة ونحل المشكلة من جذورها ولا ميت خبطة ونرقع فحلول ملهاش لازمة أنا بقولك المقدمة دي ليه ؟؟ علشان السيسي لما جه للملف الخارجي وتحديات الدولة المصرية والامن القومي لقى ان اهم وأخطر ملف فيه هي الحدود الشرقية...!! ولقى فيها عدوين للدولة المصرية..... مش عدو واحد ١- إسرائيل ???? ٢- حماس ???? سنة ٢٠١٦ طلع السيسي وأعلن عن غلق جميع الانفاق بالضبة والمفتاح في سيناء وخلاص بقا انسوا السداح مداح اللي كانوا عايشين فيه انتهى !!! والجيش المصري قعد عشر سنين يطهر في سيناء من القذارة اللي كانت فيها من ٢٠١١ ل ٢٠٢٠ وطلع السيسي وقال خلصنا خلاص وهنبتدي التنمية بس لسة المشكلة الازلية موجودة !! والعدوين موجودين على الحدود .... طب الحل إيه ؟؟ السيسي طلع قدام العالم كله وقال ان الحل الوحيد للشرق الاوسط هو إقامة دولتين !! خد بالك دا علشان يوقف خطط اسرائيل التوسعية فالمنطقة إسرائيل إعترضت وقالت مينفعش نعترف بدولة فلسطين اللي فيها جماعات هتحاربنا !! السيسي قالهم الحل عندي...!! هنعمل دولة فلسطينية منزوعة السلاح....!! هنا بقا مش إسرائيل اللي إعترضت حضرتك !!! دي حماس وكل الجماعات الاسلامية فالعالم والإخوان المسلمين والدنيا هااااصت على السيسي وعلى مصر !!! الله طب يا ولاد كوم شكاير الكلاب ما انتوا بقالكم ٨٠ سنه معاكم سلاح عملتوا بيه ايه... دا انتوا عمركم ما حررتم شبر واحد !! قالك لاء السيسي عايز ينزع منا السلاح علشان خاطر عيون اسرائيل !!! وإسرائيل هي كمان إعترضت علشان لو هي وافقت بالدولة الفلسطينية حتى لو منزوعة السلاح كدا هيتحدد حدود لإسرائيل وهينتهي فكرها التوسعي فالمنطقة !! وهي دي النقطة الاهم فالمشروع المصري للمنطقة !! اننا نخلص من حماس ...ونخلص من الفكر التوسعي لإسرائيل فالمنطقة طب مصر سكتت على كدا .... ابدا !! مصر سنة ٢٠٢٠ اخدت موافقة الصين وروسيا على الورقة المصرية وانهم موافقين على اقامة الدولتين وان فلسطين تكون دولة منزوعة السلاح !! مش كدا وبس....!! دي مصر من سنة ٢٠٢٠ بدأت اشرس معركة دبلوماسية فالعالم علشان تنفذ فكرتها ولما اسرائيل لقيت نفسها خلاص اتزنقت هي وحماس !!! عملوا ٧ اكتوبر....!!! علشان يقولوا للعالم لا ياعم المقاومة اهيه زي الفل وبنقاوم حضرتك واسرائيل هي كمان تخدم مشروعها التوسعي .... وكله بيتراضى....!!! بس لما الموضوع فلت منهم واتفضحوا قدام المجتمع الدولي كله على حساب الشعبين....!! وطبعا مصر هي اللي فضحتهم ...!!! وحطت المجتمع الدولي امام ضميره الإنساني فرنسا وانجلترا والمانيا والبرتغال واستراليا وكندا و١٤ دولة اوروبية سألوا مصر طب الحل إيه ؟؟ مصر قالتلهم الحل جاهز ...!! إعلان الدولتين وإعمار غزة !! فرنسا وافقت ووقفت مع مصر في حملتها الدولية وقدرت تقنع ال١٤ دولة بالإعتراف بالدولة الفلسطينية منزوعة السلاح !! طب مين اللي هينضر بسبب الإعلان ده ؟؟ إسرائيل.... وحماس يسكتوا ..... ابداا إسرائيل علشان تسكت مصر وتهديها وتوقف المشروع المصري وافقت على دخول جميع المساعدات الانسانية مش كدا وبس....!!! لا دي كمان هتعمل ممرات إنسانية لوصول المساعدات للشعب الفلسطيني حضرتك خد بالك ان الطلب ده مصر كانت بتتفاوض عليه بقالها سنتين ولا اسرائيل راضية ولا حماس راضية !!! كوميديا سوداء حضرتك !!! هتطلعلي واحدة إسكندرانية بنت حلال وتسألني وتقولي ... طب يا عبده إسرائيل وعرفنا انها وافقت على دخول المساعدات علشان ترضي مصر علشان توقف مشروع الإعتراف بالدولة الفلسطينية اللي خلاص العالم كله اقتنع بوجهة النظر المصرية طب حماس عملت إيه ....!!! اكيد طبعا وافقت وفرحانيين بمصر !!! هقولك لاء للأسف....!! دا حماس والإخوان المسلمين قعدوا واتفقوا مع اسرائيل وقالولهم الكلام ده مش هياكل معانا عيش احنا لازم نتصرف بسرعة قبل ما يعلنوا فالامم المتحدة الاعتراف بالدولة الفلسطينية منزوعة السلاح واحنا مصلحتنا واحدة ولازم نحط ايدينا ف ايد بعض !! إسرائيل قالتلهم ازاي ؟؟؟ قالولها انتي من ناحيتك تدخلي المساعدات وتباني انك كيوت خالص وقلبك قلب خساية قدام المجتمع الدولي واحنا هنعلن النفير العام وهنخلي كل قواعدنا ع الارض فكل الدول تتظاهر قدام السفارات المصرية ونتهم مصر انها هي اللي محاصرة غزة وهي اللي مجوعة غزة !!! اسرائيل قالتلهم بس الكلام ده مش هياكل مع شعوب الدول الاوروبية !!! قالولها مش مهم !! احنا مبنستهدفش شعوب الدول الاوروبية !!! احنا بنستهدف الشعب المصري اللي لازم نغير وعية ونغيبه ونفهمه ان النظام المصري بقيادة السيسي هو اللي مجوع غزة يقوم الشعب المصري يغضب ويثور ويهاجم النظام ومصر تدخل فالفوضى ونخلص من مصر !!! ونخلص من فكرة اقامة الدولتين وانتوا تستفادوا واحنا هنستفاد !!! الدولة المصرية العميقة شايفة المشهد من اوله ومتبعاه لحظة بلحظة حتى اجتماعاتهم واتفاقتهم مرصودة !!! علشان كدا الدولة المصرية ادت اوامر بعدم الإشتباك مع اي حد قدام اي سفارة ولازم نفوت عليهم الفرصة لحد ما ييجي شهر سبتمبر اللي هيكون فيه اجتماع الامم المتحدة ايوا حضرتك احنا هنستحمل كل السخافات دي لحد ما ييجي شهر سبتمبر !! بس الدولة المصرية مش ساكته على كدا وبس !! دا في مشروع عظيم الخارجية المصرية مقدماه للأمم المتحدة لإلغاء حق الفيتو فالاجتماع ده طبعا دا لو حصل هيبقا أعظم شلوت هتاخده امريكا واسرائيل فالتاريخ علشان كدا ترامب رئيس امريكا كل شوية يطلع يقول والنبي أحللكم موضوع سد النهضة يا سيسي طب يارب ابوك يحج يا سيسي تعالى اقعد معايا وانا هديك مفاتيح السد وابي احمد كمان فوق البيعة خد بالك عزيزي متابع صفحة عبده !! اللي هيحصل في شهر سبتمبر هيكون اعظم إنتصار للدولة المصرية فالتاريخ الحديث بعد انتصار اكتوبر !! علشان كدا هي حرب اشرس بكتير من حرب اكتوبر !! مش كدا وبس....!! دا الكنيست الاسرائيلي امبارح عقد جلسة مخصوص لمصر.... وطلعت النائبة اليمينية ليمور سون هرميليخ والنائب المتطرف عيدان رول واتهموا مصر بانها العقبة الوحيدة امام المشاريع الاسرائيلية والحائط الصلد ضد الشرق الاوسط الجديد. علشان كدا اسرائيل أمنية حياتها دلوقتي انها تستفز مصر وتدخل معاها فحرب قبل سبتمبر حتى لو حرب لمدة ساعتين والله !! قبل الإعتراف بالدولة الفلسطينية وحل الدولتين !! علشان دي هتكون اكبر هزيمة ليها فتاريخها بعد هزيمة اكتوبر وبكدا هيكون السادات علم عليهم والسيسي كمان علم عليهم علشان كدا انا مش خايف من اللي بيحصل قدام السفارات المصرية فالخارج دا بالعكس بيبين قد إيه الدولة المصرية موقفها قوي ومش عارفين يعملوا معاها حاجة دا يا مؤمن مسابوش سفارة ... دول راحوا قدام سفارة مصر فتل ابيب يتظاهروا قدامها .... اللي هو قمة الغباء ودا يوضحلك قد ايه التنسيق بين اسرائيل والإخوان المسلمين تنسيق إلى أبعد مما تتخيل بس على مين..... دا السيسي برضوا رفاعي...... صياد الافاعي ???? كفاية كدا ....... وتقعدوا بالعافية ???????? يديمك ???????? بيعيرونا بفقرنا........ بس انا مش هسكت عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ????????