جيم مخابراتي مصري امريكي وإسرائيلى
????????????تعالى اقولك جيم شطرنج مخابراتي وسبب الخلاف العربي الأن
????الموضوع اساسا يخص قاعده عسكريه في مصر او على حدود مصر وتيران وصنافير او رجوع امتيازات امريكا في قناة السويس او إعادة فتح مكتب امريكا لتوريد القمح في مصر وتوقف مصر عن التوسع في زراعة القمح
ايه يا عم اللي انت بتقوله ده ؟!
هشرحلك ما تستعجلش
????اولا مصر قفلت مكتب امريكا اللي عندنا وكان بيورد لنا القمح ومصر عملت ١٤ عقد مع ١٤ دوله لتوريد القمح لنا في حالة الإحتياج وطبعا منهم روسيا و أوكرانيا والهند وغيرهم بعيد عن امريكا اللي بتدينا حصه حسب كامب ديفيد اللي هي ٣ ونصف مليار دولار منهم ٢ مليار قمح و مليار ونصف قطع غيار عسكريه
المهم نيجي للجيم
????مصر قالت هنرسم الحدود بتاعتنا مع السعوديه في تيران وصنافير وطبعا لو حصل واتعمل جسر الملك سلمان هتبقى كارثه ومصيبه على اسرائيل ، واسرائيل طلعت بنفسها صرحت وقالت ان ده بمثابة اعلان حرب عليها وشغلت لجانها يصدروا فكرة ان الجيش المصري بيفرط في الارض والسيسي خائن وامه يهوديه الى اخر القصه كلها اللي انتم عارفينها، فتقوم امريكا تعمل ايه؟
تجري وتهمس في أذان ولي العهد السعودي بإن امريكا تأجر منه الجزيرتين وتعمل عليهم قاعده تحمي المملكه من هجمات الحوثيين، وطبعا امريكا عارفه كويس ان المخابرات المصريه هتعرف الكلام ده حتى لو المخابرات الامريكيه لم تتعمد تسرب المعلومه لمصر
تقوم مصر تعمل ايه؟
توقف تسليمهم حسب قرار المحكمه في مصر اللي قالت وحكمت ببطلان الترسيم وتوقفت فكرة الجسر وطبعا لو اتنفذ المشروع كانت فوائده هتبقى عظيمه لمصر والسعوديه وشرحناها سابقا في عدة مقالات, وطبعا اسرائيل مش خايفه على ارضنا وعاوزه تحافظ لنا عليها يعني..!
????طبعا امريكا طلبت من مصر قاعدة على البحر الأحمر تكون مواجهة لليمن و مصر رفضت واللي هي قاعدة برنيس اللي عملناها جوبحريه وعلى فكره روسيا كمان طلبتها من مصر في نفس المكان ومصر رفضت برضوا لأنه مبدأ وعقيده عسكريه مصريه ممنوع قواعد عسكريه اجنبيه على الأراضي المصريه
????تقوم تلف امريكا دلوقتي عاوزه تعمل قاعده على البحر الأحمر في السعوديه و ده بيهدد الأمن القومي المصري, ولأن حصل كلام خلف الكواليس بترك فلوس المملكه لدى مصر في نظير الجزيرتين وبرضوا مصر رفضت
ورقة جسر الملك سلمان كانت تهديد وضغط على اسرائيل, واجهتها امريكا بالتهديد بتواجد عسكري على البحر الأحمر بالقرب من مصر
????اللعبة هي مباراة شطرنج وطبعا امريكا نجحت في خلق خلاف عربي وزي ما شرحنا في مقال حسابات المواجهة ان امريكا بتحييد الدول الداعمة لمصر وبتفك التحالف العربي اللي حذرنا ونبهنا من سنين عن محاولات ضربه لأنه نواة لوحدة عربيه من الممكن ان تتسع وتضم دول اكثر وهذا ما يرفضه الغرب وليس اسرائيل فقط
????طيب بعد اعتراف امريكا انها مولت سد النهضه تعالى اقولك على خطوات ونقلات حصلت في نفس الجيم وركز معايا وفضي نفسك علشان تفهم
????جيم الشطرنج اللي بيحصل في البحر الأحمر بينا وبين العدو الصهيوني و أذرعه وكل واحد بياخد خطوه والتاني بيرد عليه بنقله أو خطوه والموضوع جاي من اول إريتريا من قبل ما تنفصل عن اثيوبيا وحكينا القصه ده, وتواجدنا في الصومال هو خطوه متقدمه ونقله أخرى لحماية البحر الأحمر وقناة السويس والمضيق ومصر والسعوديه مشتركين في الجيم ده, وجسر الملك سلمان ماهو إلا خطوه ونقله على الرقعه وتعالوا نفهم أكتر
ليه اللفة دي؟
????ليه ما تبنيش الجسر الأحمر ده و يبقي اسرع و أرخص باعتباره خط مستقيم بين تقطتين؟
مصر حاتبيع تيران و صنافير؟
بص علي الخريطة و شوف إسرائيل فين بالضبط
الجزر دي بمضيقها هي ممرها الملاحي الوحيد علي البحر الأحمر
يعني من غيرهم اسرائيل مالهاش منفذ ملاحي علي البحر الأحمر
طبعا لما تعمل الجسر الأحمر ده تبقي عملت ممر للعربيات في الهوا بينما لو عملت الممر الأصفر الطويل المكلف تبقي حطيت قواتك تحمي الجسر في الجزيرتين يعني "عمليا" مضيق تيران بقى بتاعك الجزر و المضيق في نطاق المنطقة (ج) المدنية التي لا يحق لمصر بتواجد عسكري فيها مطلقاً.. طبقا لكامب ديفيد
الحركة دي هي آخر حاجة فاضلة من كامب ديفيد تقريبا لأن قواتك فعلا في سيناء خرقت المناطق منزوعة السلاح من زمن وبنت فيها قواعد و كماين ثابتة و فيها دوريات طيران و طلعات كوماندوز
????حاتعمل جسر و تسيبه مش محمي؟
????و يتعرض للإرهاب؟
مستحيل...
????الساحة بيتم إعدادها "لحرب محتملة" أو بتتحضر لتلافي حرب محتملة
????????وعشان بس محدش يقولي: "في قوات متعددة الجنسيات و كامب ديفيد تمنع" ساعة الحرب المعاهدة بتتعلق أحكامها بدليل اننا فعلا دخلنا مناطق الحظر في سيناء
ده "ليه" جسر نصف بري لازم يحط على الجزر مش جسر معلق
نيجي بقى للسؤال التاني
مصر حاتبيع الجزر ده؟
في حاجة اسمها "المجال الحيوي للأمن القومي" الأمن القومي مش بيبقي حدودك بس بيبقي في حقيقة الأمر ما يتهدد حدودك ما يتيح لعدوك نقطة تفوق وما يتيح لك السيطرة استراتيجيا علي ممرات ملاحية أو برية معينة و غيرها
????يعني شوف كده علي الخريطة تيران و صنافير بعيد عن إسرائيل جدا بس "في المجال الحيوي للأمن القومي الإسرائيلي"لأنه بيقطع علاقتها بالبحر الاحمر ومن ثم المحيط وبيفقدها نقطة ارتكاز
يعني لو قامت حرب القوات البحرية الإسرائيلية مافيش قدامها إلا المتوسط لأن دباباتك ومضادات الغواصات والمروحيات بتحمي "تيران و صنافير" وقافلة المضيق بالفعل
????يعني باختصار ملكت أول عنصر من عناصر النصر "إنك تحدد مكان المعركة"
????فالجزر دي في نطاق المجال الحيوي للأمن القومي المصري وتحت السيادة المصرية من حوالي سبعين سنة أو أكتر تيران بالذات عليها أجهزة مراقبة حطاها البحرية المصرية
????عام 2003 قدمت إسرائيل طلب رسمي لمصر لتفكيك أجهزة المراقبة ده ومبارك رفض طلبها
كان مبارك بيدرس موضوع الجسر السعودي لتثبيت الأمر عمليا وفعليا بس اتعرض لضغوط أمريكية أوروبية ولما كان هدف مبارك إنه يتجنب الحرب بأي ثمن لأنه كان حايبقي لوحده روسيا ضعيفة منهكة ومش معانا الصين علاقتنا بها باردة وماحبش يورط مصر في أزمة فركن الملف على الرف
????الجزر تحت السيطرة المصرية ومن مصلحة السعودية قبل مصر إنهم يفضلوا كده والجسر باختصار بيعزز ده و بيحمي السعودية نفسها قبل ما يحمينا لأن السعودية كلها في نطاق المجال الحيوي للأمن القومي المصري وتهديدها يهدد الأمن القومي المصري زي سوريا بالضبط
????فيه فرق بين الملكية والسيادة الملكية بتاعت الجزر متنازع عليها بين مصر والسعودية ماحدش فيكم و لا انا عنده الوثائق والملفات من 1906 عشان يقول ده مصرية أو سعودية قطعا
فكر بصوت عالي زي ما تحب بس بدون تخريف لو قلنا "دي سعودية" يبقي يحتمل ان فيه وثيقة ماتعرفش عنها حاجة وبتصريحك بتسلم الارض للسعودية تسليم أهالي ولو قلنا "لأ ده مصرية" يبقي ممكن فعلا تكون بتعادي السعودية علي أرض هي تملكها وبتعاديها بدون سبب
اما السيادة على الجزر فهي للدولة المصرية قولا واحداً
والسيادة "لا تباع" لأنها مش شيء مادي معين بذاته
الملكية شيء والسيادة شيء بلغاريا مصر كانوا تحت السيادة العثمانية هي بلغاريا ومصر بتوع تركيا و لا تركيا باعتهم؟
عشان كده إسرائيل بتحارب الجسر بجنون وبتحرك عملائها في اثيوبيا للإستيلاء على ميناء بربره الصومالي كخطوه و رد على نقلتنا,
????وطبعا بتطلق أمريكا علي السعودية علشان هي معانا في الجيم بتاع البحر الأحمر, فهمت؟
????ده إستراتيجيه مصريه وحرب عقول
????وده يخليك نفهم ليه إصرار السيسى علي تحديث قواته البحرية لتصبح البحرية المصرية من أقوى الجيوش عالمياً
إثيوبيا قبل ما تنفصل إريتريا عنها كان عندها علي البحر أرخبيل به حوالي 126 جزيرة يقعوا فى منتصف البحر الأحمر و تمر عليهم جميع السفن ذهاباً و إياباً وهقولكم سبب إنفصال إريتريا عنها
المهم إسرائيل راحت اشترت جزيرتين من إثيوبيا و عملت عليهم مطارات و حطت طيارات F16 و هيلوكوبتر و أجهزة رادار و تنصت على قمة جبل فى الجزيرة لرصد و تتبع حركة السفن من قناة السويس إلى مضيق باب المندب.
قوم إيران راحت اشترت 3 جزر هى كمان و حطت عليها وحدات من الحرس الثورى الإيرانى و مدفعية ساحلية و صواريخ بحرية و دفاع جوى.
????قوم إثيوبيا حبت تتنطط عليهم فى الأسعار و المدة و العقود قاموا مسخنين الشعب علشان الجزء اللى موازى للبحر ينفصل و حصل وبقى اسمه إريتريا.
????و إيران و إسرائيل عاملين مزاد لمين يساعد إريتريا أكتر علشان يستفيد أكتر و بكده أصبح منتصف البحر الأحمر شبكة صيد كبيرة لأى حد هايعدى و فى ظهرهم الأسطول الأمريكى و الأسطول البريطانى في باب المندب.
????طب كفايه كده ؟
لا لسه
????ده كمان كان فيه جزر حنيش اليمنية فى نص باب المندب بالضبط و مفيش سمكة تقدر تعدى من البحر الأحمر إلا لما تعدى مابين جزر حنيش.
????يبقى يعمل إيه أصحاب الخطط و المؤامرات.
????تقلب اليمن عاليها واطيها و تخلي الحوثيين المدعومين عسكريا و اقتصاديا من إيران يكسبوا و ينزلوا يستولوا علو جزر حنيش و يضعوا عليها صواريخ و مدفعيات و يبقي كده مصر اتقطعت إيديها نهائى عن الخليج العربى و لا تقدر تروح و لا مسافة السكة و لا الكلام ده و يبقى حاصرناها فى الربع العلوى من البحر الأحمر و لسه المتوسط دا قصة تانية لما ييجي وقتها.
المهم مصر و السعودية و الخليج بقوا فى ورطة بس
مسكتوش.
????وباتفاق مصرى سعودى البحرية المصرية ركبت جزر فرسان الـ 3 اللى قصاد جزر دلهوك بالضبط (علشان محدش ييجى بعد 20 سنة يقولك الجزر دى بتاعتنا و مصر باعتها للسعودية)
و معاها الكوفرت الشبحى و لنشات صواريخ و شوية حاجات كده مفيش داعى لذكرها.
طيب بس خلاص؟
لا مصر مع السعودية طردت الحوثيين من جزر حنيش فى ربيع الخراب اليمنى و بقت فاضية تماما و مصر و السعودية محاصرة الجزر من بعيد.
طيب بس كده ؟
لأ مصر راحت لإريتريا و اتفقت و خلصت بناء قاعدة عسكرية فى جزيرة نورا بأرخبيل دلهوك و بقى اللى جايين يحاصرونا هما اللى بقوا محاصرين.
بس كان لازم الحبكة الدرامية علشان تبقى اللعبة تمام و كش ملك و هو لازم يكون فيه قاعدة عسكرية و بحرية كبيرة فى جنوب مصر على البحر الأحمر و حصل واتفتحت و الحمد لله واللي هي برنيس زي ما ذكرنا في الأول
و لازم يكون فيه أسطول جامد آخر حاجة فى البحر الأحمر
و حصل و كان لازم مصر بقوتها البحرية تركبهم من فوق البحر الأحمر.
فكان لازم أرجع الجزيرتين للسعودية فتخرج مصر من اتقاقية السلام و حظر تواجد عليها قوات و ابنى عليهم جسر عالمى طويل آخر حاجة و بكده بالاتفاقيات العالمية من حق مصر
و السعودية وضع على الجسر قوات لحماية الجسر من معدات بحرية ومعدات رادار و إنذار و تنصت و صواريخ دفاعية و بكده يبقى إسرائيل مركوبة من أول إيلات علي البحر المتوسط.
الكلام ده ماكنش من امبارح.
ده بقالنا فيه أكتر من عشرين سنة و كل واحد ياخد خطوة التانى ياخد الخطوة بتاعته يعنى جيم شطرنج طويل قوى و ذكى جدا.
عرفتوا ليه تم شراء تلك الأسلحة وعمل القواعد مهما كلفنا من أموال و حتى لو العيشة صعبة لأن من غيرها لن يكون هناك عيشة من الأساس و كان زمنا متقطعين أشلاء فى ذكرى تحرير سيناء.
و الأهم على من يظن أن الحرب انتهت،نقول له
????الحرب مستمرة و ما نحن فيه هو استراحة محارب يلتقط أنفاسه و يعد نفسه للمعركة المقبلة الأكثر شراسة.
????الجيم حاليا هو سيطرة وفرض نفوذ و ضغط ولا أخفي سرا ان امريكا بتستخدم نفوذها عل الدول العربيه وخاصة الخليج علشان يضغطوا على مصر توافق على صفقة التهجير في مقابل إغراءات ولكن إصرار مصر على الرفض هو اللي مجننهم
????وخلي بالك هناك إغراءات للخليج وخاصة السعوديه اللي عاوزه تطبع مع اسرائيل واللي معرقل إتمام تفاق التطبيع هو طلب السعوديه إنها تعمل مفاعلات نوويه زي مصر و ايران ولكن اسرائيل رافضه وهناك مساومات ابضا بخصوص مدينة نيوم اللي فشلت
????عرفت ليه مصر بتكبر جيشها و قوتها البحرية و الجوية علشان تبسط أجنحتها و تصنع شرق أوسطها الجديد الذى يخشى و يقدر مكانة مصر و الدول العربية.
#تحيا_مصر بجيش مصر العظيم وشعبها الصامد
