لفه حول كوكب الارض مع عبده


????????????أهلا بيكم مع عبده في ....
???? أخبار الكوكب ????
????كوكب الأربعاء ١٦/٧/٢٠٢٥
ولو إنت مش متابع الأخبار....!!!
بسرعة حضر كوباية الشاي بالنعناع اللي بيهدي الاعصاب علشان هناخد لفة في أخبار الكوكب....
????ومطولش عليكم وقولولي لاء طول ....
???????? إندونسيا....
إندونسيا دي دولة في جنوب شرق آسيا وعدد سكانها ٢٣١ مليون و بالمناسبة يعني كلهم مسلمين
مش بس كداا....!!!
دي أكبر دولة فالكوكب فيها عدد مسلمين !!
وهي اكبر إقتصاد في جنوب شرق آسيا....!!
مش كدا وبس ...!!!
وكمان هي عضو في مجموعة العشرين
طب انا بقولكم المقدمة دي ليه ؟؟؟
علشان ترامب هبأ عليها إمبارح وهي سلمت تسليم أهالي من اول قلم....!!!
هتقولي يعني إيه ترامب هبأ عليها يا عبده !!
شوف يا سيدي ترامب طلع إمبارح وقال....
جمهورية إندونيسيا رضخت لي أكتر من أي ولاية أميركية انا بحكمها.....!!!
إزاي يا معلم عجة !!!!
قالك إندونيسيا التزمت بشراء طاقة أميركية يعني بترول اللي هو بتاع الخليج أصلا بقيمة 15 مليار دولار ومنتجات زراعية بقيمة 4.5 مليار ...
مش كدا وبس ...!!!
إندونيسيا التزمت بشراء 50 طائرة بوينج كثير منها من طراز (بوينغ 777)
الطراز اللي كل العالم رفض يشتريه علشان ولمؤاخذة بيقع لوحده ف الجو !!
????هتقولي طب كل ده مقابل إيه يا عبده !!!
????يكونش هيرفع عنهم الجمارك مثلا؟؟
هقولك للأسف لاء !!
دا طلع وقال.....
????إندونيسيا كمان هتدفع للولايات المتحدة تعريفة جمركية بنسبة 19% على جميع السلع التي تصدرها إلى امريكا !!
????هتقولي أحيييه يا عبده !!!
طب مش جايز إندونسيا دي هتفرض على أمريكا جمارك ٢٠٠٪ علشان تلم المرمطة دي !!!
????هقولك للأسف برضوا لاء ....!!!
علشان وقعوا على إتفاق ان الصادرات الأميركية إلى إندونيسيا هتكون معفاة من التعريفات الجمركية وغير الجمركية
والاتفاق ده هيفتح السوق الإندونيسية بشكل كامل أمام الولايات المتحدة لأول مرة في التاريخ !!!
????دا لو ترامب ماسك عليهم صور استغفر الله العظيم على الشعب الإندونيسي كله مش الرئيس الإندونيسي بس !!!
مش هيعمل فيهم كدا والله
????هتقولي الله .... معقول يا عبده ٢٣٠ مليون مسلم إندونيسي وحكومة إسلامية ورئيس إسلامي مفيش فيهم دكر واحد طلع يقول لترامب لاء !!!
هقولك ولا حتى فاصلوا معاه فطلباته !!
ودا اللي مجنن الصين !!
????انما انا فرأيي الشخصي الذي ليس له أي قيمة على الإطلاق....
لو بصيت لكل الدول اللي بتتحكم بنظام إسلامي أو إتفرض على شعوبها حكومات ذو خلفية إسلامية مش خلفية وطنية قومية زي سوريا وغرب ليبيا وإندونيسيا والسعودية وقطر هي لتنفيذ الأوامر وبس !!!
????دا ترامب طلع بنفسه وقال ...
إندونسيا رضخت ليا أكتر من أي ولاية أمريكية أنا بحكمها
????مبدأيا كدا العيب مش فالإسلام ....!!
الإسلام بريئ منهم والله !!
العيب فالعملاء اللي دربتهم أمريكا وإدعوا إنهم مسلمين وضحكوا على شعوبهم وفهموهم ان الإسلام هو الحل ونحمل الخير لكم وهما من تحت لتحت بيسلموا بلادهم تسليم أهالي !!
????الله يرحم المفكر العظيم جمال حمدان لما قال من عشرين سنة.....
هييجي الوقت اللي تصلي فيه جمب شيخ وتحتسبة من علماء و شيوخ الإسلام وهو فالأصل يهودي وبينفذ مخطط
???????? وع الناحية التانية من الكوكب ....
،???? سوريا....
تعالى يا حبيبي يا اللي صدعت دماغ أبونا بالحكم الإسلامي !!!
و تعالى انت كمان ياللي طلعت ميتين أبونا و غيرت صورة بروفايلك بحلب تحترق ...!!
وكنت عمال تدبدب فالارض وتقول ان اللي بيحصل في سوريا ضد بشار هو جهاد في سبيل الله
طب يا حبيبي مشي بشار خلاص...!!!
وجيبنا المجاهد في سبيل الله أحمد الشرع
واللي السعودية صرفت عليه ٣٥٠ مليار دولار !!!
عمل إيه بقااا
تعالى اقولك عمل إيه من إمبارح !!!
عمل فيلم هندي .... قال إيه بيحارب الدروز !!
طب بتحاربهم ليه يا عم ؟؟
قالك معرفش .... بس مش عاجبني شناباتهم !!
اه والله زيمبقولك كدا !!
وقوات احمد الشرع نزلت ع السويداء اللي هي منطقة الدروز ومسكتهم واحد واحد وحلقولهم شناباتهم !!!
إسرائيل تسكت على كدا .... أبداا
دا شنب النجعاوي !!!
وعملتها حجة ودخلت سوريا علشان تحمي الأقليات من الدروز !!!
طب دخلت لحد فين يا عبده !!!
والله لحد ما بكلمك كدا كانت دخلت وضربت القصر الجمهوري في دمشق !!
????هتقولي طب وفين احمد القرع يا عبده ؟؟
????لا ما تركيا قالتله امبارح بالليل إهرب على تل ابيب..... اه والله
مش كدا وبس !!!
إسرائيل دخلت فرقتين مشاه في هضبة الجولان من امبارح
ودي محصلتش حتى فحرب ٧٣
وبتجهز نفسها لإجتياح سوريا كلها برياااا
????فين أحمد الشرع .....بخ
????طب فين المجاهدين في سبيل الله اللي حررو سوريا.... بخ
????طب فين الامم المتحدة ..... بخ
????طب فين مجلس الامن .... بخ
????طب فين السعودية اللي فشخت سوريا علشان تمشي بشار وتجيب احمد الشرع ...... بخ
????اه نسيت أقولكم ان إسرائيل بتقول إنها خلصت على وزير الدفاع السوري ولمؤاخذة
ثانية واحدة بس لتفتكروه كان وزير دفاع بجد !!!
دا حتة عيل صايع كان هربان مع الجماعات الإسلامية حضرتك ومسمي نفسه مجاهد في سبيل الله
????هتسألني بقا السؤال اللي محير الشعب المصري كله ....
طب هي فين روسيا من اللي بيحصل في سوريا؟؟
والله ده نفس السؤال اللي سألته للسفير الروسي فالقاهرة ؟؟
قالي كنا بندعم الجيش السوري بكل الإمكانيات !!
بس الجيش السوري هو اللي إنسحب من كل المواقع فلحظة واحدة بدون قتال
ومعتقدش ان الجيش الروسي هيحارب مكانهم !!!
هما نفسهم مش عايزين يساعدوا نفسهم
????خلاصة الخلاصة ....
عرفت بقا إيه هو دور الجماعات الإسلامية فالمنطقة !!!
اول حاجة هو التخلص من الجيوش الوطنية وإسقاط الدول...
بعدها على طول إسرائيل تدخل تؤوووش
منكم لله يا آل سعود...... اللهم أرنا فيهم آية
???????? وع الناحية التانية من الكوكب ....
،???? الكويت....
الكويت بقا قرت المشهد بدري بدري وعرفت ان منطقة الخليج بتتسلم تسليم أهالي على يد الامير الطموح طب تعمل إيه !!!
قالت بس مفيش غير سفينة مصر هي الناجية بإذن الله
وف آخر لحظة قبل ما مركب الخليج تغرق تم تفعيل الإتفاقيات العسكرية والإقتصادية مع الدولة المصرية
????وحط عشر خطوط تحت الإتفاقيات العسكرية والتدريب المشترك مع الجيش المصري فالكويت
فقلب الكويت نفسها !!!
???????? وع الناحية التانية من الكوكب ....
،???? أمريكا....
مجنونة يا أووووطة !!!
هتقولي هو ايه دا يا عبده !!!
هقولك يا سيدي الشعب الامريكي من الشهر الجاي هيرقع بالصوت الحياني بسبب جنون اسعار الطماطم
????علشان ترامب فرض تعريفات جمركية على استيراد الطماطم من المكسيك بنسبة ١٧٪ !!!
????هتقولي ما جايز يا عبده امريكا عندها طماطم وكدا !!
والراجل بيحب الصلصة ف اكيد هيشجع طماطم بلده !!
هقولك للأسف امريكا بتستورد ٩٠٪ من إحتياجات السوق الامريكية من الطماطم من المكسيك
وامريكا بتنتج ١٠٪. بس !!!
المكسيك تسكت على كدا .... ابدا !!
????طلعت كلوديا شينباوم رئيسة المكسيك وشرشحت لترامب
وقالتله وديني وما اعبد لأرد عليك بإجراءات مماثلة ووريني هتجيب طماطم منين!!
مش كدا وبس !!
????دي هتجتمع مع المنتجين المحليين عندها فالمكسيك علشان تشوف هترد على امريكا ازاي بإجراءات مماثلة
????الست كلوديا رئيسة المكسيك دي وانت بتسمعها تحس انك قدام واحدة إسكندرانية من بحري ????
مكنش ناقص وهي بترد على ترامب غير انها تقوله يبقا قابلني ع الإمة يا روح امك وانت جاي تعيطلي ع الطماطم !!
???????? وع الناحية التانية من الكوكب ....
،???? الصين....
الصين ربنا نفخ فصورتها وهتبتدي تسخن اهه !!
وطلع وزير خارجيتها وانغ بي النهاردة وقال لوزير خارجية إيران ما تقلقوش سنواصل دعمكم ضد الهيمنة الامريكية لحماية سيادتكم وكرامتكم الوطنية في مقاومة الهيمنة والاستقواء الامريكي !!
طب الصين هتعمل كدا لوجه الله مثلا ؟؟
????لا خالص !!
????طب هتعمل كدا علشان جمال وحلاوة عيون خامنئي ؟؟
لا خالص !!!
بس وزير الخارجية الصيني كان قال الاسبوع اللي فات لدول الإتحاد الاوروبي الصين لن تسمح بهزيمة روسيا !!
ليه يا عم الحج ؟؟
قالك علشان بعدها امريكا مش هتسمي علينا وهتيجي تحاربنا
نفس القصة بالنسبة لإيران حضرتك !!
لو امريكا خلصت على ايران .... الصين هتكون هي اللي بعدهاا على طول فالصف
???????? وع الناحية التانية من الكوكب ....
،???? روسيا....
طلع ترامب إمبارح وحلف طلاق تلاتة من مراتة ان لو روسيا موقفتش الحرب في خلال خمسين يوم مش هيحصل طيب !!!
????و قال لبوتين لو مرجعتش زي زمان هنحط السرسور المحمي فسيخ ودنك !!!
????اه والله ترامب ادى مهلة لروسيا خمسين يوم !!!
ف الصحفيين سألوه ...
ايوا يعني لو روسيا موقفتش الحرب بعد انتهاء المهلة هتعمل إيه ؟؟
قالهم هفرض جمارك على روسيا ١٠٠٪
????يسكت بوتين على كدا ....!!!
طلع بوتين وقاله ..... حمراااا
روسيا اصلا مبتصدرش حاجة لأمريكا غير الوقود النوووي
يعني بالصلاة ع النبي لو وقفنا تصدير الوقود النووي ليكم المفاعلات النووية بتاعتك هتضلم بس متنساش تقفل الباب وراك وتاخد المفتاح !!
???????? وع الناحية التانية من الكوكب ....
???? كوكب تحيا مصر ????
،???? وفكوكب تحيا مصر ....
ترامب طلع وقال....
إحنا اللي مولنا سد النهضة ....
وبصراحة انا مش عارف إحنا مولناه ليه ...
????وتركنا مشكلاته بدون حل ...!!
????مش يسكت على كدا .... ابدا
وراح مكمل ....
????و نهر النيل هو الحياة بالنسبة للمصريين ....
????وعلينا أن نتدخل لوضع حلول مناسبة!!!
????انا عايز أقولكم ان كل الشعب المصري رد عليه وقاله فنفس واحد .....
????يا سلام ع الحنية...... يا سلام ع الإنسانية
????ما تجيب من الآخر عايز إيه ؟؟؟
????لو سألتني انا ك كونت وقولتلي هو ترامب ماله سايق علينا دور الحنية ليه ..... يكونش صدره حن لمصر ؟؟
هقولك إطلاقااا
????ترامب لا يحترم إلا الأقوياء اما الدول الضعيفة فداس عليها بأوسخ جزمة
????وأدينا شوفنا عمل ايه فالخليج واندونسيا واوكرانيا وفرنسا وانجلترا
????هتقولي ايه .....معقول يا عبده !!
هقولك شوف لقاءاته مع ماكرون رئيس فرنسا
ولا مع ستارمر رئيس وزاراء انجلترا
????ولا اقولك.... شوف لقاءاته مع رؤساء الدول الإفريقية فالقمة الامريكية الإفريقية وانت هتشوف كمية ذل محصلتش !!
????هتقولي طب ومصر يا عبده !!!
هقولك الرئيس الوحيد اللي ترامب هيتجنن ويقابله هو الرئيس السيسي وطلب من السيسي زيارة رسمية لأمريكا
والسيسي رد عليه وقاله ..... يحنن !!
كان فيه منه وخلص !!
ولو عايز نتقابل ...!!
????يبقا نتفق على جدول اعمال للقمة قبل اي حاجة غير كدا ....يحنن
ترامب طبعا هيتجنن ازاي السيسي مقدمش ليه فروض الولاء لحد دلوقتي !!
????ف قالك باااس انا أجيبه بالحنية !!
وكله بالحنيه بيفك ....????
وتعالى يا حبيبي احنا معترفين بغلطنا اننا مولنا سد النهضة ....
وعايزين نصلح غلطتنا وكل حاجة ليها حل !!
????هو فاكر ان السيسي رئيس طري واول ما هيديله طقم حنية هيجري وياخده بالحضن !!
????بس ميعرفش ان السيسي من الجمالية... يعني راجل اوووي ????
????السيسي رد عليه وقاله....
انت جاي تصيع عليا.....!!!
دا انت وانت رايح تصيع كنا احنا راجعين
????والسد احنا عارفين من أول يوم مين اللي وراه ياااسطى !!
ومع ذالك.....
مصر ياعم بتثمن تصريحاتك وبتشكرك على إرساء السلام فالعالم وبتقولك ....
روح شوف أوكرانيا الاول وحل مشكلتها
????وبعدين حليلنا مشكلة فلسطين يا اسطى...!!
????اه ومتنساش وانت راجع فسكتك تاخد معاك مشاكل إفريقيا بالمرة !!!
????وبعد ما تحل كل دول وترسي السلام فيهم تعالى نعمل إتفاق عادل يحفظ المصالح للجميع...
بالبلدي كدا السيسي فسحه..... اه والله
????قاله طريقك اخضر يا برنس !!!
بقا انت مش عارف تحل كل المشاكل دي فالكوكب وجاي عايز تحل مشكلة مصر اللي هي اساسا انتوا عملتوها !!!
????طب ما احنا فالفترة الرئاسية الاولى لترامب روحنا وجينا وقعدنا وبعد ما خلاص الاتفاق كان جاهز على توقيع إثيوبيا .... اثيوبيا قالت مش موقعة وكان برضوا بإس منكم !!!
????الصراحة السيسي ابن الجمالية فسح ترامب ورقصة حتة دين ترقيصة فالرد عليه يستحق عليها نوبل والله ????
????وقاله بالفم المليان....
دا انا من الجمالية يا شوية صيع !!!
????طب لو سألتني وقولتلي ليه يا عبده الحنية دي كلها من أمريكا دلوقتي وحالاااا !!!
هقولك كلمة السر ....... الصين ????
واللي هتعمله الصين مع مصر ...????
???????? كمان فكوكب تحيا مصر ....
ميناء أبيدجان !!!
فاكرين البوست اللي فات لما قولتلكم مصر هتسيطر على غرب إفريقيا !!!
أيون حضرتك ...!!!
????سفير دولة الكوتديفوار ألبرت ج دولي فمصر لما شاف المواني المصرية بقت مواني عالمية من اول ميناء السخنة للدخيلة لبورسعيد لدمياط لغيرهم
طلب من الفريق أسامة ربيع رئيس هيئة قناة السويس ان الهيئة تساعدهم في تطوير ميناء أبيدجان اللي هو أكبر ميناء في غرب إفريقيا !!
خد بالك إنت مش هتطوره وبس ...!!!
لا حضرتك انت هيبقا ليك حق إدارته كمان
السفير الكوتديفواري قال إحنا إختارنا مصر لما لها من خبرة فالتطوير والإدارة والوصول للعالمية
????طبعا الراجل مش بيطبل لمشاريع السيسي ولا حاجة
بس هو شاف مواني مصر إتطورت ازاي فعهد السيسي ووصلت للعالمية فقد إيه !!
الناس دي مبتهزرش ومبتجاملش !!
مصر بتطوق إفريقيا من شرقها لغربها ومن شمالها لجنوبها
مش قولتلكم علشان تبقا قوة عظمى لازم يكون فضهرك قارة ????
كفاية كدا ........ وتقعدوا بالعافية
???????? يديمك ????????
ولاد الناقصة بيعيرونا بفقرنا....... بس أنا مش هسكت
عبدالفتاح السيسي
والسلام عليكم ورحمة الله وبركاته
تحيا مصر ????????
تحيا مصر ????????
تحيا مصر ????????
⇧