مفاعل ديمونه مقال فردوو
???????????? ديمونة مقابل فوردو!
????(تقرير اليوم التاسع للحرب)????
????في صباح السبت ٢١ يونيو، ضربة إيرانية مباشرة بتستهدف مبنى تابع لوزارة الداخلية الإسرائيلية في قلب حيفا، بجوار مكاتب الكنيست. الضربة ما كانتش عادية: دقة عالية، إصابات خطيرة، وانهيار جزئي في المبنى. دي مش أول مرة، لكن تصعيد لافت في الأسبوع التاني من الحرب: إيران مش بس بتضرب قواعد عسكرية، دلوقتي بتركّز على مراكز القرار داخل المدن.
????في المقابل، إسرائيل بترد بضرب منشآت نووية في إيران، منها أصفهان. لكن الأهم: اغتيال سعيد إيذادي، قائد "لواء فلسطين" في فيلق القدس، العقل المدبر للعلاقات بين إيران وحلفائها في غزة ولبنان واليمن.
????السياق ده بيفرض علينا نحلل حاجة أخطر: تهديد الحرس الثوري الإيراني بإخلاء منشأة ديمونة النووية. مع كل التقارير اللي بتتكلم عن نية أمريكا أو إسرائيل ضرب "فوردو" تحت الأرض، الرد الإيراني المنطقي هيكون ديمونة، الموقع النووي الأخطر في إسرائيل.
???? تعالوا نفكك المشهد ده...
???? أولًا: الضربة في حيفا مش بس مؤلمة، لكنها نموذج واضح لتطور الصواريخ الإيرانية. الفيديوهات أظهرت صاروخ متوسط الارتفاع، بزاوية ميل محددة، غالبًا من طراز "قيام-1" أو "ذو الفقار". القبة الحديدية حاولت تعترضه وفشلت، لأسباب ممكن تكون زاوية الدخول، ضعف الإنذار، أو مناورة في اللحظة الأخيرة.
????لحظة الاختراق الأرضي كانت مرصودة بوضوح: الصاروخ دخل مبنى من عدة طوابق، انفجر داخله، وخلق موجة ضغط عنيفة. الانفجار حصل جوه المبنى، مش فوقه، والدمار كان جزئي لكن خطير. تقدير الرأس الحربي: ما بين ٣٠٠–٤٥٠ كجم من المواد الشديدة الانفجار.
???? الرسالة واضحة: إيران وصلت لدقة استهداف رموز الدولة الإسرائيلية، من الموساد، إلى 8200، لوزارة الداخلية. الدفاعات الإسرائيلية بدأت تنهار جزئيًا، وإيران قررت تدخل لعبة الحرب الرمزية.
???? ثانيًا: اغتيال إيذادي مش تفصيلة. ده كان المسؤول عن تمويل ودعم حماس وحزب الله والحوثيين. اغتياله معناه شل قدرة إيران على التنسيق مع حلفائها في حال قررت الرد على أي ضربة لفوردو بضربة على ديمونة. إسرائيل بتسبق الضربة الإيرانية المتوقعة، وبتحاول تقطع خيوط المعركة المشتركة.
???? ثالثًا: هل استهدفت إيران ديمونة قبل كده؟ الإجابة: نعم. من يوم 15 يونيو، تصريحات نارية من نائب إيراني بـ"ضرورة ضرب ديمونة". بعدها بيومين: صواريخ إيرانية ومسيّرات اتجهت لصحراء النقب. يوم 19: بيان رسمي من الحرس الثوري بيطلب إخلاء المفاعل. يوم 20: الإعلام الإيراني بيعلن إطلاق 3 صواريخ على ديمونة، أحدهم أصاب بئر السبع، على بعد 40 كم بس من المفاعل.
???? رابعًا: أمريكا بدأت فعليًا التحرك. نقلت قواعدها من قطر للسعودية، حركت قاذفات B2 القادرة على حمل قنابل خارقة للتحصينات، وبنت جسر جوي لإعادة تسليح إسرائيل.
???? نروح بقى لديمونة نفسها. إيه هو؟ وإزاي محمي؟
"ديمونة" أو رسميًا "مركز شمعون بيريز للأبحاث النووية"، اتبنى في الخمسينات بمساعدة فرنسية. الهدف الرسمي: أبحاث. الهدف الحقيقي: إنتاج البلوتونيوم اللازم لصناعة القنابل النووية. تقديرات دولية بتقول إن ديمونة أنتجت 865 كجم بلوتونيوم، تكفي لـ80–200 رأس نووي.
????المنشأة فيها مفاعل ماء ثقيل، منشآت لفصل البلوتونيوم، مصانع رؤوس نووية، ومختبرات اختبار. يعني دي مش قبة واحدة، دي منظومة متكاملة للردع النووي.
????️ والدفاع؟
ديمونة محاطة بـ10 بطاريات دفاع جوي على الأقل:
3 بطاريات "قبة حديدية"
2 من "مقلاع داوود"
2 من "آرو-2 و3"
????منظومات تشويش إلكتروني، رادارات، نقاط إنذار مبكر
????قواعد صواريخ داخل حظائر خرسانية بسقف متحرك
????يعني محاولة استهداف ديمونة مش بس مخاطرة… دي مهمة مستحيلة إلا بتنسيق على أعلى مستوى.
???? خامسًا: لو إيران ناوية تضربه فعليًا، لازم تعمل "إغراق صاروخي" في توقيت لحظي. مش 2 أو 3 صواريخ، بل 40–100 صاروخ فرط صوتي دفعة واحدة.
????????????وده محتاج:
????قدرة لوجستية ضخمة (واللي إيران لسه ما وصلتش لها)
????تنسيق مع حزب الله، حماس، والحوثيين لضرب إسرائيل من 3 جبهات وتفريغ الدفاعات
????غرفة عمليات موحدة، تزامن لحظي بين الصواريخ من الشمال والجنوب والشرق
????كل ده كان تحت إشراف سعيد إيذادي. وده يفسر ليه تم اغتياله قبل الضربة.
???? سادسًا: طيب لو الضربة نجحت؟ السيناريو الأسوأ: مليون إنسان يتعرضوا لإشعاع. إخلاء 300 ألف، 20 مليار دولار خسائر، تلوث بيئي لسنوات. الرياح لو كانت غربية، الإشعاع ممكن يوصل للضفة والأردن ومصر.
لكن مصر بعيدة 200 كم، وده خارج نطاق الخطر المباشر.
???? سابعًا: الرد الإسرائيلي؟ مدمر. ممكن توصل لقنابل نووية على طهران. ومن هنا نرجع للسؤال: هل فعلاً وصلنا لمرحلة استخدام القنبلة النووية لأول مرة من الحرب العالمية؟
???? الخلاصة:
????من استهداف وزارة الداخلية في حيفا، لاغتيال إيذادي، لمحاولة الاقتراب من ديمونة، لإخلاء القواعد الأمريكية وحشد أميريكي غير مسبوق... المشهد بيتغير.
مش مجرد حرب صواريخ.
دي لحظة إعادة تعريف الردع النووي في الشرق الأوسط.
????والسؤال الأخطر: لو حصلت الضربة الأمريكية على فوردو، هل هتبدأ إيران خطة كسر الردع وتضرب ديمونة؟
????العالم كله مستني… والكل ????بيحسب: مين هيبدأ النهاية؟
????واللي مش هتكون النهاية.. بل البداية
????بداية حرب وجود كل طرف فيها شايف إن نهايته جاية لو ما ضربش الأول
????وفي الوضع ده النار بتتوسع.. والقواعد بتنكسر.. والمنطقة.. بل قل العالم بقى ماشي ناحية الهاوية بخطى واثقة
والكارثة؟ إن محدش بيدوس فرامل
????لأن ماحدش بقى شايف الطريق أصلاً
