الاستثمار في مصر وخيرات مصر
????????????الاستثمار وخيرات مصر
????آه والله يا عم الحاج الاستثمار بقى جريمة دلوقتي واشتغلت نغمة البلد اتباعت وهما بيزرعوا في توشكى وشرق العوينات كأن الشركة الإماراتية دي جاية تاخد الأرض وتحطها في شنطة وترجع بيها أبوظبي دا هما بيزرعوا في أرض ميتة كانت صحرا وعطشانة ومحدش كان بيبص لها أصلا
????وبعدين تعالالي كده يا أبو وطنية مفكوكة وانت زعلان ليه إن شركة أجنبية بتزرع في مصر ما هو الخليج كله بيستقبل استثمارات أجنبية من أمريكا وأوروبا وآسيا وعاملين مدن كاملة الأجانب هما اللي بنوها زي نيوم في السعودية وزي دبي كلها اللي فيها شركات أمريكية وكندية وكله بيستثمر وبيكسب والبلد كمان بتكسب وانت قاعد ماسك في جنسية المستثمر كأنها عار
????ما هو يا فالح لو مستني ابن خالتك يزرع في توشكى يبقى حط في بطنك بطيخة صيفي لأن ابن خالتك لسه بيفكر يبيع توك توك ويشتري موتوسيكل وانت أصلا آخر إنتاجك كان بوست على الفيسبوك بتقول فيه البلد خربت
????ويا عم الوطني الغيور اللي شغال شتيمة في الحكومة ليل نهار هو انت فاهم يعني إيه استثمار ولا واخدها بالصوت العالي وخلاص الاستثمار يعني حد ييجي يضخ فلوس ويشغل ناس ويوفر منتج ويرفع اقتصاد وانت المفروض تشكر مش تعيط
????بس لا طبعا انت دماغك وقفت عند كلمة إماراتية فقلت البلد بتتباع يا نهار أسود دا القمح إماراتي دا إحنا رايحين في داهية مع إنك لسه من أسبوع بتشحت شوال رز وتقول فين الحكومة
????هو انتو عايزين البلد تطلع من عنق الزجاجة بإيه بالسحر ولا ببرطمان مربى الاستثمار ده هو الحل وانت لو فاهم كنت قلت الحمد لله إن في حد بييجي يزرع وينتج ويوفر أكل مش تقعد تندب وتشتم كأننا سايبينك انت تمضي عقود الصفقات
????بس عادي دا دايما حال ناس شايفه النجاح تهديد والفشل إنجاز ويفضلوا طول عمرهم مش عاجبهم العجب ولا الصيام في رجب
⇧
