مصر و صندوق النقد الدولي
???????????? مصر وصندوق_النقد:
????????????
????المقال طويل ومهم جداً لفهم الحقيقة ????
???? ليه مصر لجأت لصندوق النقد الدولي :
????لأن كان البنك المركزي مفلس .. ومفيش فلوس لشراء الاحتياجات من السلع الاستراتيجية زي القمح مثلا
بعد ما الاخوان سحبوا كل الاحتياطي النقدي من اجل سداد رواتب موظفين الدولة اتقاءا لثورة عليهم ولانها كانت هتبقا سابقة اولي من نوعها في تاريخ مصر .. و كمان هما اعتبروا ان تغطية نفقات الجماعة واجب علي الدولة بما انهم بيحكمونا
▪و اضطر المشير طنطاوي يطلع من موازنة القوات المسلحة
و من الصناديق الخاصة بيها مليار جنيه .. ثم مليار ونصف جنيه ????????♀️????????♀️
" دي وقائع مثبوتة و مفيش مخلوق يقدر يكدبني ... في ورق في الشئون المالية الخاصة بالقوات المسلحة فيها الفلوس دي ???????? "
و طارق عامر عنده كل وثايق و مستندات السحب من الاحتياطي و تصفيره ????????
????????مسك الريس
مكنش عندنا فلوس بقا نجيب النفط و السولار بتاع الاحتياجات الشهرية
و شااااالت القوات المسلحة اول 6 شهور من حكم الريس + الامارات
▪ثم قرر الريس انشاء صندوق تحيا مصر
القائم علي التبرعات وعلي القوات المسلحة
وضعت القوات المسلحة فيه مليار جنيه ... ثم تم فرض خصم نسبة او مبلغ من راتب كل ضابط الشهري لحساب تحيا مصر
ثم المفاوضات مع رجال الاعمال اللي نصهم لصوص للتبرع
و اللي يمكن الناس متعرفوش
ان اتحاد عمال مصر " غلابة مصر " اتبرع للصندوق ده ب 5 مليون جنيه .. بينما اتحاد البنوك المصرية اتبرع ب 300 مليون جنيه
" تسمعوا عن المثل بتاع متهونش الا علي الغلبان .. اهو ده مثال حي ????????♀️"
لكن بردوووو مكنش كفاية
مصروفات الدولة المصرية عالية جدااا .. و طموح الريس لمصر فوق الامكانيات المتاحة
ف لجأنا للصندوق بعد سنتين بنحاول
????بدأنا التعاون مع الصندوق في 2016
برنامج اصلاح اقتصادي مدته 3 سنوات لقرض 12 مليار دولار
و من هنا بدأت الكذبة بقا :
من 2016 مدة 3 سنوات يبقا برنامج الاصلاح ينتهي في 2019
و تحديدا 31 اكتوبر 2019
هل انتهي ???????? لأ
???? دكتور معيط و دكتور مدبولي بيقولوا ان صندوق النقد لا يضع اي شروط للدولة المقترضة
و طلعوا الاتنين في التلفزيون يغسلوا ايد الصندوق
▪طب ما اللي انتوا قولتوه ده يبقا بتحملوا نفسكم الخراب و الفشل الاقتصادي
و الموازنة الكارثية اللي انتوا عاملينها دي نتاج عقد من الفشل ????????♀️????????♀️
▪لكن ده مش حقيقي
الدكتور مدبولي حاسس ان الضرب شديد علي وجود شروط الصندوق .. ف حابب يخفف ضغط الهجوم ف مضطر يكذب ????????♀️????????♀️
♦بروتوكول التعاون مع صندوق النقد الدولي تم وضعه في تاريخ انشاءه سنة 1944 في مؤتمر بريتون وودز
و هو ???????? ارساء دعائم الاقتصاد الكلي
و الاقتصاد الكلي ده جزء من الاقتصاد
فررررررع من فروع الاقتصاد
مهتم بنقاط بسيطة في الاقتصاد زي الفايدة .. التضخم .. النمو
بيهتم بالفلوس فقط
بيهتم بالدولار فقط
و ده السبب في الزفت اللي عايشين فيه حاليا ????????♀️????????♀️
و بالتالي بيضع شروط حلب الاموال فقط .. انما مفيش انتاج
بيضع شروط بيع ممتلكات الدولة عشان تدفع الفلوس اللي عليك
و ده مش اصلاح اقتصادي
الاصلاح الاقتصادي يقوم علي الانتاج فقط
????سؤالي للدكتور مدبولي ???????? لما الصندوق لا يلزمك بشروط
اومال كل ميعاد صرف شريحة بيجي يذل تلاتين ابونا ليه
و مراجعات
و ليه معومتش .. ليه مبعتش .. ليه مرفعتش الدعم .. ليه مخربتش بيت ام الدولة ????????♀️????????♀️
و لو انتوا گ حكومة اللي واضعين برنامج الطروحات و البيع ده مش الصندوق
يبقا اللجنة اللي وضعته تتحول للقضاء العسكري علي العملة السودا دي ????????♀️????????♀️
ف دي تاني كذبة
الصندوق هو اللي بيضع هيكل برنامج الاصلاح " من وجهة نظره " لضمان تدفق الدولار لسداد مستحقات الصندوق ????????
ناخدها بقا واحدة واحدة :
???? هل انتي ضد التعويم و تحرير سعر الصرف و رفع الدعم گ اجراء للصندوق
▪التعويم الصحيح اللي حصل الوحيد هو تعويم 3 نوفمبر 2016
لأن احنا كنا بندفع كتير اوووي في مقابل الحفاظ علي قيمة وهمية للدولار امام الجنيه
كل 100 دولار كنا بندفع فيها 1100 جنيه غير ال 550 جنيه الرسميين
يعني كل مليون دولار كانت بتكلفنا مليار و 100 مليون جنيه
كان مبارك بيمولهم من ايرادات قناة السويس ????????♀️
ف كان الصح اننا نحرر سعر العملة .. ونستفيد من ايرادات القناة في اتجاهات اخري للتنمية
▪اما بالنسبة للدعم .. ف انا شخص ضد الدعم اساسا
و من مدرسة انك تدفع مقابل الخدمة
لكن عندي شروط ل ده
ان المرتبات و المعاشات تكفي وتعيش المواطن بكرامة
انما مترفعش الدعم و انت عاجز عن تسوية امور الرواتب و تتسبب في افقار شعب بأكمله و اندثار طبقة المستورين من الشعب ????????♀️????????♀️
كل خطوة اقتصادية يقابلها اجراء سليم
ترفع الدعم امامها مباشرة تهيكل الرواتب
و مش رواتب القطاع العام فقط
لأ ???????? ده انت لازم تشرع قوانين و عقوبة جنائية علي ملاك القطاع الخاص اللي مستعبدين الموظفين ????????♀️????????♀️
???????? لكن مش دي بس اجراءات الصندوق
الاجراءات الغير مقبولة بالنسبة لي اكتر من كده :
????التدخل في الزراعة
و انا شرحت قبل كده وضع الزراعة مع الصندوق
" و الريس نفسه يوم حصاد القمح سأل الدكتور مدبولي و قاله ???????? انت مأخر الدورة الزراعية ليه يا دكتور
ده بعد ما انا اتكلمت علي الدورة الزراعية ????????
يعني الريس نفسه ادرك العوار اهو .. مظلمتهمش ????????♀️????????♀️"
???? انا ضد بيع القطاع العام للقطاع الخاص جملة و تفصيلا :
الاخوة بتوع الرأسمالية هي الصح و الاشتراكية فشلت في معاقلها
لا هما اقتصاديين و لا بيفهموا في الاقتصاد ومجرد قرأوا كتابين تلاتة و شوية مقالات
لا الاشتراكية عظيمة 100% و لا الرأسمالية عظيمة 100%
كل نظام اقتصادي فيه عيوب و فيه مميزات
لكن لما بنطبق نظام
بنشوف ايه ايجابيات و سلبيات النظام و ايه التعديلات اللي ممكن نضعها علي اي نظام من اجل التوافق بينه و بين ظروف مواطنين الدولة
◽الدول الاسكندفانية زي النرويج مثلا لا تطبق الرأسمالية و لا الاشتراكية
تطبق نظام مختلط
تحافظ علي صندوق سيادي للدولة و التزامات تجاه الافراد
و القيام بمشروعات تكفي الدولة في بند الايرادات لسداد التزاماتها
و اظن الدول الاسكندنافية من افضل الدول معيشة
بينما بقا الدول الرأسمالية 100% في ظل التضخم العالمي اتخرب بيوتها
زي بريطانيا - المانيا - فرنسا
و زي ما الرأسمالية البحتة و ملكية الافراد تسببت في الازمة المالية العالمية سنة 2008 بسبب دولة القطاع الخاص ???????? امريكا
بينما الدول اللي بتعتمد علي ملكية الدولة و القطاع العام
زي الصين و روسيا و الهند
هي اقل دول تأثر بالتضخم العالمي
و في ظل انكماش الاقتصاد عالميا .. الدول دي بتحقق نمو ????????♀️????????♀️
♦طيب ما نطبق علي مجتمعنا بقا :
هل النموذج المصري نجح في التحول للرأسمالية
هو اصلا بدأنا التحول لها امتي ???????? مع انفتاح الرئيس السادات سنة 1977
????هل نجح السادات رحمه الله فيها ???????? للأسف لأ
و نتج عن الفشل ده 3 حاجات :
▪ظهور الهجامة " اللي هما اللصوص و الحرامية و تجار الافيون اللي تحولوا الي رجال اعمال و تجار كبار ???????? نموذج فرج الاكتع بتاع فيلم كتيبة الاعدام
▪التأثير المباشر سلبا علي الصناعة الوطنية ???????? نتيجة فتح باب الاستيراد للسلع ذات طبيعة الرفاهية " تخيلوا مثلا اننا في سنة 1979 استوردنا خمور بربع الميزان التجاري
مبقولش ان مكنش في خمور في البلد
لا كان في عادي
لكن كانت تصنيع محلي
احنا بقا عشان نبان كلاس بقينا نستوردوها كمان ???? "
▪اللجوء لصندوق النكد الدولي لاول مرة في تاريخنا
و بالفعل اقترضنا 186 مليون دولار سنة 1977
تخيلوا اقترضنا ليه ???????? لسداد المدفوعات الخارجية و العجز في الميزان التجاري
يعني مجرد ما بقينا بنستورد لقمتنا .. اتداينا فورااااا
و لايه كمان ???????? السيطرة علي التضخم
نتج من ايه التضخم ????
كان تضخم عجيب بقا ???????? نتيجة زيادة المعروض من السلع و عدم مواكبتها مع حجم الطلب
" استيراد و انتاج ???????? بقا في سلع زيادة غير مباعة
بقا في زيادة مديونية
يعني التضخم كان تضخم ديون
و هنا ظهر صندوق النقد و شيطانه يوسوسوا للرئيس السادات ???????? ارفع دعم عبد الناصر و اخلص من النموذج اليااااي بتاع الغلابة و الفقرا ده ... يلا عشان تبقا ديليكاااه و كلاس و ايليت ????
و قرر السادات يرفع الدعم
و الناس حرقت البلد
مكنوش مجرمين .. كان مواطن اتفاجئ ان مرتبه مش مكفي 2 كيلو لحمة بقرار في يوم و ليلة ????????♀️????????♀️
و الحرمية نهبوا البلد
فاضطر حفاظا علي الامن العام للدولة التراجع عن القرار
و هنا اضطر يواجه الوجه الاخر للصندوق
انت واخد قرض بفايدة 1.5% ثابت
منفذتش الشروط " عشان الكذاب بتاع الصندوق لا يملي شروط ???? "
ف القرض بقا بفايدة 5% تراكمي لمدة 10 سنوات
و استشهد السادات
و ترك القرض بفايدته لمبارك
اللي مسددش قروض
كان مجرد بيدفع اقساط متأخرة للفايدة .. ويجدول الفايدة بفايدة تااااني ????????
◾دخلنا في انفجار التضخم مع انفجار الاستيراد مع عبء الدين اللي مبيندفعش من سنة 79
لما وصلنا ل سنة 1991 و لجأنا للصندوق تااااني
لنفس السبب ???????? سد عجز الميزان التجاري " يعني الصادرات ازيد من الواردات بنسبة لا يمكن للموازنة احتمالها "
و اخدنا 375 مليون دولار
و فشلنا نسدد لأننا دولة لا تنتج
رأسمالية بقا معتمدة علي القطاع الخاص اللي هو في الاصل لصوص .. و بالتالي مش قادرين نوفر موارد ايرادات للدولة ????????♀️????????♀️
▪ف جينا في سنة 1996 طلبنا قرض تاني عشان نسدد فوايد القروض القديمة
قيمته 434.5 مليون دولار
راح الصندوق قاله عينيا بس قبل ما اديلك فلوس
هننفذ برنامج طروحات ???????? الخصخصة
مصر يا مستر بريزدنت مبارك عندها مصانع و شركات كتير لو اتباعت حيطان و اراضي هتجيب فلوس كتير اوي تسددلك العجز و تظبطلك الموازنة و تدينا المتأخرات
و الزهر هيلعب ... فتح مخك معانا كده ????????♀️????????♀️
( مفيش حد ميعرفش اني بكره مبارك .. لكن الكراهية ليست سبب لإلصاق التهم ده شئ غير اخلاقي انا لا يمكن اعمله
مبارك كل مرة كان بياخد الفلوس من الصندوق كان بيشتغلهم
يقولهم حاضر هرفع الدعم .. لكن مكنش بيرفعه لتخوفه من رد الفعل و لأن المرتبات متكفيش العيش الحاف لو اترفع الدعم
بس عوم الجنيه سنة 93 و الحقيقة اننا اخدنا بالجزمة بعد كده في ميزان المدفوعات ????????♀️
في سنة 96 بقا
مخالش عليهم اللعبة هات فلوس و انا ارفعلك الدعم
قالوا نوووو احنا اللي هنبيع بنفسنا ????????????????
و وكلوا علينا السمسار بتاعهم محمود محي الدين
وباعوا ارث عبد الناصر اللي كان صاين كرامة المصريين
و لما مبارك قال طب الموظفين و العمال هيروحوا فييييين يا اخواننا
رد عليه عاطف عبيد و اللي كان وزير التخطيط وقتها
وقاله ???????? ياريس احنا عاملين خطة تشيغيلية لنقل العمالة من القطاع العام للخاص بضعف المرتبات
و خدع مبارك حرفيا
" و ده اللي بتعمله رانيا المشاط بالحرررف دلوقت انها مهندسة البيع زي ما عبيد مهندس الخصخصة "
( الكلام ده حصل في قصر الطاهرة يوم الخميس 12 سبتمبر سنة 1996 الساعة 8:30 بالليل وفي حضور المشير طنطاوي و الست الهانم الزوحليفة )
و لما العمال اتشردت
و المعاش المبكر ملا البلد
و البطالة المقنعة تخطت ال 43.8%
و الديون معرفناش نسددوها
الزوحليفة جابت عاطف عبيد رئيس وزرا ????????♀️????????♀️
علي اساس حلها بقااا عشان مبارك اعصابه تعبانة و هينقل اقامته في شرم الشيخ ????
ااه بالمناسبة ياولاد
احنا مخدناش القرض بتاع 434.5 مليون دولار
تم الغاءه
عشان الدعم و الدولار
بيعونا هدومنا و اشترينا التروماي ????????♀️????????♀️
بيعنا كل ثروتنا من المصانع و الصندوق ادانا بالباقي لبان ????????
هل نجحنا مع الصندوق
هل نجحنا في الرأسمالية العظيمة
انا مبقولش تاريخ الاربعينات مثلا .. لا ده حاجة من قريب و كلكم عيشتوها
حتي البهايم المدافعين عن التحول لنموذج القطاع الخاص المتكامل عاشوا فشلها بحذافيره حذفورة حذفورة " بس هو بيدافع عشان يتقال ايه الراجل الوطني الجامد ده .. ده انت عفريت في الوطنية يا ابن الايه ????
و لبسنا بلوة مبارك و اللي كان كان
هل من العقلانية بقا اننا نكرر نفس المصيبة تاني
هل من الحكمة اني اسلم دقني لناس خربت البلد 3 مرات
في 77 & 93 & 96
???? ليه احنا مينفعش نحرر الزراعة
الاجابة ????????
▪1/ لأن احنا تعدادنا بيحتم علينا استهلاك سلع استراتيجية عالي
تكلفة زراعتها اقل بنسبة 45% من استيرادها
▪2/ لان الطبيعة الغالبة علي مصر هي اتساع مساحة الصحاري مع تربة زراعية ضئيلة
بالتالي تكلفة الالتزام بالدورة الزراعية اقل بكتييييير من استصلاح الصحاري عشان محصول استراتيجي ????????♀️
???? ليه احنا مينفعش نخفض قيمة العملة :
الاجابة هجيبهالك من كراسة اجابة الحكومة نفسها
????شركة ابوقير للاسمدة :
انخفضت ارباح الشركة علي اساس سنوي في ال 9 شهور الاولي من الموازنة بنسبة 35%
من 12.1 مليار جنيه الي 7.8 مليار جنيه
ايه سبب الانخفاض يا شركة يا قطاع يا عام ????
قالت ???????? ارتفاع تكلفة المبيعات نتيجة ارتفاع سعر صرف الدولار و اللي تسبب في ارتفاع تكلفة الخامات ومستلزمات التشغيل ومنها الغاز الطبيعي
" الكلام ده منشور في المتشور الدوري للشركة و يتلزق في عين اي حد "
قيس انت بقا انخفاض ارباح شركة واحدة بنسبة 35% علي كل شركات الدولة
يبقا ايرادات الدولة انخفضت بنسبة 35% بسبب التعويم بتاع 6 مارس الاسود
" اللي كچوك في الموازنة الجديدة معرفش يجيبهم منين راح مقلب فيهم المواطن في شكل زيادة رسوم اي حاجة في كل حاجة ???? "
????شركة الكهرباء :
اللي انخفضت ايراداتها 50%
يا نهار ملوش ملامح
50% ازااااي ????
اصل كانت ديون شركة الكهربا مقومة بال 31.20 ج / دولار
راح حصل التعويم بتاع العبقري المعلم اللي مجابتوش ولادة حسن عبد الله
راحت الديون بقت مقومة ب 49 ج / دولار
مما افقد الشركة ايرادتها لصالح الدين العام عليها و اللي جزء من الدين العام للدولة????????♀️????????♀️
????رايح فييين
ده لسه الزغلول الكبير بقا
رقم الديون
رقم الديون ده فخ ابن لذينااااا
هو ثابت بالدولار
لكن انا مش بقبض بالدولار و لا موازنتي بالدولار
يبقا الكارثة عندي ان الديون قيمتها زادت 50% مرة وااااحدة يا مؤمنين
( مثال : انا مديون لواحد ب 1000 دولار
اخدتهم منه يوم 20 يناير 2024
لو رجعتهم يوم 5 مارس 2024
هبقا محتاج 31900 ج
لو رجعتهم يوم 7 مارس 2024
هبقا محتاج 48150 ج
الفارق اللي هو 16250 ج ده خسااااااير
قيس بقا الفارق علي حجم دين الدولة و شوف احنا خسرنا كااااام تريليون
و هنقعد كاااام سنة عشان نعوضوهم ????????♀️????????♀️
يبقا القرار ده كان غلط و لا صح
يبقا بتوع الصندوق اللي جم حطوا السكينة علي رقبتنا يوم 6 مارس و اعلنوا التخفيض المرعب ده
تحت دعوي كااااذبة اسمها القضاء علي السوق السودا خدعونا گ دولة و لا لأ
الصندوق ده عمل لمصلحتنا و لا ضدها
اي ابن كلب يقول عمل لمصلحة مصر يبقا ابن كللللب عديم الضمير يا كفررررة
السوق السودا مكنش حلها اقتصادي .. كان حلها امني
حلها في ايد وزير الداخلية
و نتيجة للقرار الغبي
طلعت موازنة زباااالة زي موازنة 2025/2026
اللي مفيهاش بنود ايرادات
و فيها تلفيقة يكتشفها عيل لسه خارج من سيكشن فايننس عااادي
القروض توضع في خانة الخصوم يا كچوك افندي
مش خانة الاصول
القروض في القيد المحاسبي بتكون تسجيلها في القيد المدين من حساب النقدية او البنك اللي هو القيد الدائن ????????♀️????????♀️
سيادتك مقدم موازنة حاطط فيها القروض بند تمويل و معتبره ايرادات
ياخي .... الواحد مش عايز يتطاول عشان ميضيعش قضيته الاساسية ????????
و بسبب التعويم اللطيف
بقا 63% من ايرادات الموازنة موجهة لسداد فوائد الديون
???? عبده ركز تقصد الديون
لا يا حبيبي انا مركز ???????? فواااائد الديون و الاستثمار السلبي في الدين .. اللي هي فوائد الديون بتاعت فوائد الديون اللي سددنا بيها فوائد الديون ????????♀️????????♀️
♦هل انا ظالم
هل انا غلط
هل الكلام اللي بقوله ده حد فيكم شايفه صح
هل في متخصص في علم الاقتصاد يقدر يقولي يا انته مفتري و غلط
اطلعوا واجهوني
واجهوني بالعلم
عايزة حد متخصص يقولي انته غلط و الصح كذا كذا
لو هو صح
هروح لمصطفي مدبولي في العاصمة ابوس علي رجله و اقوله حقك عليا يا سيد الناس ????????♀️????????♀️
" انما شغل الرجالة ام الويز بتوع العصافير ده لا اللي بيحرض الجبهة الداخلية دي هرمونات ايام البريود طافحة عليهم .. الاستروجين اما بيعلي بيعمل كده الله يعينهم ???? "
انا بقول متخصص ????????♀️????????♀️
???? ننتقل للنقطة اللي بعدها ???????? ليه مينفعش نطرح كل شركات الحكومة او الدولة للقطاع الخاص :
▪اولا : عوار القوانين
انا معنديش قانون في مصر يحمي موظف القطاع الخاص
و انا عندي 25 مليون مواطن بيعمل في القطاع الخاص
" الرقم بالظبط عشان الرجالة ام اجنحة الترا مانع التسريب ???????? 24.167.335 مليون
ده الرقم من الجهاز المركزي للاحصاء بتاريخ 31 يناير 2025 "
لو كل واحد فيهم ملتزم بفردين غيره
يبقا 75 مليون مصري بيعيش علي القطاع الخاص
ومفيش قانون بيحمي الراتب بتاعه
???? الحل الاقتصادي ????????يبقا المفروض يحصل العكس
انك تبني مصانع و شركات و كيانات اقتصادية ملكية للدولة و تشغل فيها المصريين برواتب نسبة من الانتاج
بالتالي القطاع الخاص يحاول ينافسك .. ف يحقق الميزة التنافسية للراتب
مما ينعكس علي :
▪جودة الانتاج و زيادته
▪بالتالي زيادة فائض ميزان المدفوعات و التخلص من العجز
" عندك انتاج كتير وجيد و ينافس .. يبقا عندك تصدير .. يبقا عندك فائض ????????♀️ "
▪زيادة رفاهية المواطن
المعادلة كده
الاقتصاد كده
القطاع الخاص مبيرفعش من مستوي معيشة الافراد
ما الناس في امريكا و كندا عايشين علي الكريدت كارد و بيشتغلوا عند الكريدت كارد ????????♀️????????♀️
و ياريتكم بتبيعوا بأسعار عليها القيمة
ده انتوا بتبيعوا ببلاش الا ربع
اللي هو إلحق بيع
عشان توفر دولار
عشان لما يجي ميعاد القسط و الريس يسأل تدوله تمامات 67 .. تمام يا ريس الفلوس موجودة
مش كده ????????♀️????????♀️
يبقا مينفعش برنامج الطروحات
و طبعا احنا متفقين انك متقربش من شركات الجيش انت و كريستينا اللعينة يا دكتور مصطفي
ايدك وشركات الجيش ????????????????
???? طب في حاجة ???????? احنا لو مش بنتعاون مع الصندوق مش هناخد شهادة دولية بكفاءة اقتصادنا و المستثمرين مش هيجوا ????
بس يالا ... بسسس يالاااااا
▪اولا ???????? الشركاء الدوليين اللي واخدينهم لبانة في بوقكم
المقصود بيهم الاتحاد الاوروبي
اللي اشتغلونا مع رانيا المشاط و قالوا لنا لكم عندنا منحة ... و طلعت قرض ????
وانت كنت تقدر تلوي دراع الاتحاد الاوروبي .. دراع ايه
انت تقدر تقطم رقبته و تحوله منحة
و الاااا : هفتح الهاويس علي اخره و استقبلوا لاجئين بقااا ????????♀️
انما انت بتاخد فلوس عشان تصرفها علي اللاجئين و ترجع تخلي المصريين يسددوها
ما يطلع عين ام الاتحاد الاوروبي علي اللاجئين علي الكل كليله
هو انت الاله ابوللو بتاع الحظوظ عند الاغريق ????????
▪ثانيا ???????? المستثمرين عندك مبيتعاملوش مع الصندوق اصلاااااا
الصين - روسيا - الهند - البرازيل - الامارات - الكويت - قطر - السعودية - كوريا الجنوبية
يبقا شهادة ايه يا ابو شهادة ????????♀️????????♀️
مفيش الا المانيا اللي كل صناعتها انهارت و بتدور علي مكان بديل
و هما اللي محتاجينك مش انت اللي محتاجلهم ????????♀️????????♀️
▪ثالثا ???????? اصل التصنيفات الدولية هتصنفنا سئ
طب انت شوفتها مرة صنفتك مش سئ
حتي المرات اللي بترفع فيها التصنيف تقوم لازقة فيه جملة ???????? مع استمرار وجود النظرة المستقبلية السلبية
و التصنيفات هتفضل سلبية طول ما انت واقف لاسرائيل ????????♀️????????♀️
مسألتش نفسك ايها الابله هو ليه موديز و فيتش و ستاندرد اند بوردز مش بتطلع تقاريرها السكر دي الا تاني يوم بتوع الصندوق يكونوا عندنا
و بعدها بشهرين يقوموا شايطينا بالنظرة المستقبلية السلبية و ارتفاع مخاطر الديون ????????
???? طب عموما ارتاح و اهمد
دكتور مدبولي قال ان اخر تعاملاتنا مع الصندوق هتكون في 2026 او 2027 و خلاص مش هنتعامل معاه تاني .. اسكت بقا ركبتنا الهم ????
وهنا هرد بشخصيتين فرج الطيب و فرج الشرير بتاع اللالاند
???? فرج الطيب :
هو انت اخر شريحة في القرض هتاخدها في سبتمبر 2026 اساسا
و بعدها انت ملتزم بالسداد لكامل ديونك للصندوق لحد 2035
بالتالي احنا مش هناخد منهم قروض تاني لأننا خلصنا الحصة بتاعتنا ????????♀️????????♀️
▪وفخامتك بترمينا ل 2027
عشان متوقع ذل كرامتنا في المراجعات بتاعت كل مرة
اللي متطلبة انك تفشخ الشعب ما بين رفع الدعم و زيادة الضرايب و الرسوم وبيع املاكه
ف ممكن انت تتلكع ف هو يتلكع ????????♀️????????♀️
???? فرج الشرير :
باشا هتجيب ايرادات منين بعد ما تنفذ برنامج الطروحات
السياحة + قناة السويس مش هيغطوا مصروفات مصر
" تحويلات المصريين دي مش مصدر ايراد .. ده مصدر عملة
عشان انا بشوف ناس بتزعم انها اقتصاديين و بيحسبوا التحويلات علي انها ايرادات دولة ???? "
???? لاااازم تنتج و تكون عندك مصانع دولة
???? لااااازم تزرع و تصدر عشان تعدل الميزان التجاري
???? لاااازم يكون عندك شريحة كبيرة من موظفي القطاع العام عشان يتوافر عندك مصدر ثابت لضريبة الدخل
بدل ما انت بتفرض ضرايب علي الهوا اللي بنتنفسوه
و كل اللي انا بقوله ده ضد الصندوق و استراتيجيته
ولا هتيجي بعد 2027 و تقول يلا بقا يا جماعة ننفذ الخطة دي ????
???? لو التزمت بالدورة الزراعية
هتنتج محاصيل تصدير بحوالي 400 مليون دولار
????لو خفضت و دعمت النفط للمصانع في مقابل زيادة الانتاج
زي كيما او مصانع السكر او الاسمدة
هتصدر ب 350 مليون دولار
????لو قضيت علي مافيا الادوية و توليت العملية
هتوفر تكلفة سرقة استيراد المواد الخام و تخزينها و تسقيعها ثم اعادة طرحها في السوق
بقيمة نص مليار دولار
اجمع دول علي بعض هيطلعوا شريحة الصندوق
2026 ايه اللي انت عايز توصلها بالفكر العقيم ده
2026 ايه و انت مش عارف تعمل موازنة وحاطط القروض بند ايرادات
يا عم ارحمنا و ارحم نفسك
ده الريس اكتشف بنفسه ان معندناش مصنع لبن اطفال و اننا بنتنيل نستورد
و ياريتك بتستورد صح
ده انت بيتنصب عليك
بتستورد اللبن الهندي معبأ في علب made in France عشان في واحد في مافيا حيتان الاستيراد انت مسلمه دقنك وخارب بيت ابونا????????♀️????????♀️
اظن انا كده وضحت ليه بحارب الصندوق
و هفضل احارب الصندوق علي فكرة
اي حد بيتعرض للصندوق بيتم اغتياله معنويا و نفسيا لحد ما ينهار و يسلم
دكتور كمال الجنزوري الزوحليفة و ابنها قعدوه في البيت
طارق عامر لما كان بيلاعبهم علي الشناكل و اعد خطة لخفض الدولار بعد وصوله ل 16.5 ج
و كان بدأ في تنفيذها
و نطله عبد الشكور من اول 2019 عشان يمنعه ينفذها
و في النهاية اغتالوه معنويا لحد ما حط صوابعه في الشق و قال انا عليا بايه من نهش عرضي و الخوض فيه و كل الحرب دي
ما نربط الحمار مطرح ما يحب صحبه ????????♀️????????♀️
بس انت غلطان يا طارق بيه
مصر تستاهل منك انك كنت تتحمل تاني .. لكن لا يكلف الله نفسا الا وسعها
فما بالكم بقا ب ست علي الميديا لا هي مسنودة من حد و لا هي ذات منصب و مع ذلك فاتحة عش الدبابير و واقفة قصاده
دي ممكن يتعمل فيها ايييييه
تشهير .. خوض في عرض .. إلصاق تهم و افتراءات و مفيش وسخ فيهم يجرؤ يواجهني بالارقام و العلن عشان انا دايسة علي رقبتهم بجزمتي و فارمة زورهم سواء في السياسة او الاقتصاد
تفتكروا هخاف
و الله و الله ما هخاف لو فيها موتي مش التشهير بيا بس
عيالي كبروا و مبقوش محتاجني .. كل واحدة شقت طريقها
هيعيطوا عليا و خلااااص و الحياة هتمشي بيهم زي ما مشيت بينا بعد موت اهالينا ????????♀️????????♀️
و العركة دي بتاعتي
هضرب و انضرب
لحد ما اشوف البلد دي زي ما حلمتلها
و لو هقف لوووحدي و ب طولي هكمل للآخر
و هقول للغولة عينيكي حمرا
انا معنديش اللي اخسره يا دكتور
و لو علي الخوض في عرضي
ف مرحبا بحسنات لم نشقي في جمعها ... اهو ابقا كسبت حاجة
خاف من اللي مستبيع
عشان ده الموت عنده تمن رخيص اوي عشان الحقيقة و الحق
مش شوية تخويف
و جزء من دعمي للبلد اني اشاور للريس علي الغلط و انور له اللمبات الحمراء .. حتي لو مش هيشوفها انهاردة بكرة هيشوفها
و عمري ما بفقد الأمل
و انا كفيلة بكده
چيلان قاسم حملة لوحدها ????????????????
????معلهش المقال طويل
لكن لكي نفهم الوضع الماضي والحالى الذي مرت به مصر خلال الفترة الماضية
????تحياتي لكم بالتوفيق
⇧
