صوره مضلله من جريده المصري اليوم
????????????يا صحيفة وموقع "المصري اليوم" دا عنوان وصورة مضللة..????????
????الموضوع ليس له علاقة بقناة السويس نفسها.. أول فقرة في الخبر ⬇️⬇️
????علق الدكتور وليد جمال الدين، رئيس المنطقة الاقتصادية لقناة السويس، على توقيع مجموعة موانئ أبوظبي الإماراتية، اتفاقية مع الهيئة العامة للمنطقة الاقتصادية لقناة السويس، لتطوير وتشغيل منطقة صناعية ولوجستية «كيزاد شرق بورسعيد» على مساحة 20 كيلومترًا مربعًا.
????ليه بقى أخد جزء من اسم إللي هو "الهيئة العامة للمنطقة الاقتصادية لقناة السويس" وأقول تفاصيل عقد اقتصادية قناة السويس ؟!
????واحط صورة بقى للقناة عشان أزود السسبنس واسخن القارئ وأبقى صحفي وصحيفة جامدين، موضوعات الأمن القومي غير خاضعة للترند يا سادة..
???? مجمع مصانع شرق بورسعيد = الإمارات اشترت قناة السويس؟!
يا عم الحاج... شوية عقل ????
???? بنتكلم عن منطقة صناعية على مساحة 20 كم² (يعني 4×5 كم)، باستثمارات إماراتية بنظام حق الانتفاع، يعني الأرض بتفضل مصرية 100%، والمستثمر بيبني ويشغل ويدفع إيجار وشروط لمصر.
???? يعني لا فيه بيع، ولا تفريط، ولا "صفقة قرن".
اللي حصل ببساطة: أرض فاضية اتحولت لمصدر شغل وتصدير ودخل للبلد.
???????? أمريكا نفسها، يوم ما ترامب مسك الحكم، أول قرار عمله راح جاب استثمارات من السعودية والإمارات وافتخر بيها، وقال دي قوة أمريكا!
???? وكل دول العالم دلوقتي بتتنافس على جذب الاستثمار: بتدي الأرض ببلاش، وبتخفض الضرائب، بس عشان تخلق فرص عمل وتدور مصانع وتزود تصنيفها في التصدير.
???? إنما على السوشيال ميديا؟
أول ما تسمع "استثمارات إماراتية"، يشتغل الكورال:
"باعوا القناة!"
"فين السيادة؟"
"مصر راحت خلاص..."
وكل ده عشان مشروع إنتاجي بيخلق وظائف ويدعم الاقتصاد بدل ما نفضل مستوردين طول عمرنا!
???? العجيب بقى؟
إن نفس اللي بيعيّطوا دلوقتي، هما نفسهم اللي كانوا بيشتكوا من البطالة، وبيسألوا: فين المصانع؟ فين التصدير؟
???? شوية حقائق:
طول قناة السويس = 180 كم، والمشروع ده بعيد عنها تمامًا ومجرد ٤*٥ كم شرق بورسعيد.
نظام حق الانتفاع معمول بيه من أمريكا لسنغافورة.
مصر بتحط الشروط، وبتكسب من:
???? نسبة من الدخل
???? التشغيل وخلق فرص العمل
???? تحصيل الضرائب
???? التصدير
???? نقل التكنولوجيا والخبرات والمعرفة
???? الشراكات الدولية اللي بتترجم لقوة سياسية
???? المزيد من الثقة وتحسين مناخ الاستثمار أدام العالم في الاقتصاد المصري لتشجيع الاستثمار الأجنبي
???? اللي بجد بيحب البلد، مش بيصرخ، بيحلل:
إزاي نكسب أكتر؟ ونكرر التجربة؟ إزاي نتابع التنفيذ ونضمن حقنا؟
إزاي نتحول لسنغافورة وهونج كونج الشرق في أسرع وقت عشان نحن حياتنا ونضمن مستقبل وشغل أفضل لأولادنا؟
مش إزاي نوقف التنمية ونتفرج؟
????بالمناسبة المنطقة الاقتصادية لقناة السويس فيها مشروعات لدول تانية لا تقل أهمية من سنين بنفس النمط، المدينة الصناعية الصينية، والمدينة الصناعية الروسية والآيرلندية والهندية وبتنتج بالفعل
ومحدش وقتها عمل دوشة
لكن أول ما اسم "الإمارات" يتقال، تبدأ الآلة الإعلامية تشتغل:
وكل ده مش صدفة…
ده لأن عندهم تار استراتيجي واضح مع أي تقارب مصري إماراتي
????أوعي تمشي ورا اللي بيتقال لأن ٩٠٪ منه كدب قبل ما تتحقق
وأوعي تكون زي الحمار يحمل أسفارا وتضرب النار على نفسك ومستقبل ولادك
لمجرد انك تبقى بغبغان وتردد كلام اللي نفسهم يشفوها خرابة
اللي هما هما لو المشروع ده كان راح لدولة تانية كانوا قالولك الحق البلد التانية دي سحبت البساط من مصر ومصر طاردة للاستثمار والبلد بتخرب! وكنت
هتلاقي برضو اللي هيرددوا بدون فهم!
-----
????تحديث بخصوص الجدل حولين نسبة الـ ١٥٪
♦️أولا هل حضرتك عندك دراسة وعملت مقارنات على الفرص المتاحة الأخرى امام المستثمر عشان تعرف ايه النسبة العادلة عشان تكسب الصفقة ولا تضيع منك؟
♦️ثانيا حط على النسبة دي ٣٠٪ ضرايب بخلاف الرسوم والتراخيص والعوائد الأخري هتلاقيك واخد أكتر من ٥٠٪
ثالثا رغم كل ده المكسب الأكبر مش في الإيراد المباشر ولكن في خلق فرص التشغيل وزيادة الإنتاج والصادرات ونقل الخبرات والمعرفة وتحسين مناخ الاسثمارات وتشغيل المصانع الأخرى المصرية المغذية وعشرات المزايا الأخري!
⇧
