انكشف المخطط اليهودى الصهيوني للكل

???? المخطط انكشف خلاص، والفخ اللي بيتحضرلنا دلوقتي ظهر للعلن، والموضوع طلع أكبر بكتير مما كنا متصورين.. شايف الخريطة اللي قدامك دي؟ ???? نتنياهو عرضها إمبارح في مؤتمر إعلامي وهو بيطرح رؤيته الجديدة للأمن القومي الإسرائيلي، وكان بيوضح فيها مين معاه ومين ضده.. لو ركزت في الألوان هتلاقي إن إسرائيل والإمارات محطوطين في معسكر واحد في قلب الخريطة، ومعاهم في نفس الكفة إثيوبيا، وقوات الدعم السريع في السودان، وإقليم صومالي لاند، بالإضافة للهند واليونان وقبرص باعتبارهم "أصدقاء وحلفاء"... والمحور ده كله موجه ضد معسكرين مفيش غيرهم على الخريطة... الأول باللون النبيتي وهو المحور الإيراني وأذرعه في المنطقة، والتاني باللون الأخضر واللي مسمينه هناك محور "الماسة السنية" وبيتعاملوا معاه كعدو استراتيجي، وده بيضم مصر والسعودية وتركيا وباكستان، ومعاهم السودان والأردن وإريتريا والحكومة الشرعية في اليمن والصومال! ​وعشان تفهم ليه نتنياهو طلع بالخريطة دي دلوقتي بالتحديد، لازم أقولك الكلام اللي قاله في نفس المؤتمر.. قالك انه عايز يضيف 450 مليار شيكل لميزانية الدفاع عشان يبنوا مصانع سلاح وذخيرة تحت الأرض ويستقلوا عسكريًا حتى عن أمريكا نفسها، خوفًا من مجيء رئيس أمريكي معادي ليهم بعد سنتين... لما تحط الكلام ده جنب الخريطة، هتفهم إن التحركات اللي بتحصل حوالينا مش صدفة خالص... دي خطة كبيرة جدًا بتتنفذ بقالها سنين! دعم ميليشيات الدعم السريع لتقسيم السودان وإشعال حدود مصر الجنوبية، ودعم إثيوبيا بلا حدود عند منابع النيل، والاعتراف بصومالي لاند لعمل قاعدة عسكرية على خليج عدن عند مدخل باب المندب.. كل ده هدفه حاجة واحدة: خنق مصر اقتصادياً وأمنيًا وشل قناة السويس، وتطويق المنطقة كلها لحساب المحور الإسرائيلي... عايز تعرف ليه مصر قررت تتحرك دلوقتي لإرسال قوات (دفاعية) لحماية السعودية؟ عشان ترامب ونتنياهو عايزين يدخلوا الإسرائيلي للسعودية بحجة حمايتها من الحوثيين ونشر القبة الحديدية هناك! يعني باختصار، أمريكا خلقت فراغ قوة متعمد بعد تدمير جيوش العراق وسوريا عشان تيجي إسرائيل تملأ الفراغ ده وتبقى هي "شرطي الخليج" وتتحكم في باب المندب وتنفذ مشروع الممر الهندي الأوروبي، وبكده تبقى اتحكمت في قناة السويس، وتتحول إثيوبيا لوكيل عسكري لإسرائيل في البحر الأحمر بحجة محاربة الحوثيين! ​المفاحأة بقى ان اليمنيين فاهمين المشهد كويس... شايف الراجل اللي قدامك في الصورة التانية ده؟ ???? ده يبقى القيادي في المكتب السياسي للحوثيين "محمد البخيتي"، وإمبارح لما المذيع في قناة العربي سأله سؤال مباشر: "هل الحوثيين هيضربوا مصر بعد ما قررت إرسال قوات للدفاع عن السعودية؟!".. هنا البخيتي سكت لحظة وابتسم وقال نصًا: "مصر غير.. مصر أكبر من أن تعتدي على اليمن، ومصر لا يمكن أن تنضم لإسرائيل وأمريكا في حربهم علينا ولا نحن نفعلها مع مصر.. وأقولها لك وعلى بلاطة كما يقول المصريون: النظام المصري متعاطف مع اليمن ورفض مراراً المشاركة في الهجوم علينا، ومصر تدعم السعودية دفاعياً من باب المجاملة في أزمة كبيرة، وسنتعامل مع مصر على هذا الأساس لأننا نثق في مصر وجيشها ومستحيل نتعامل معاها كعدو"... ​الكلام ده معناه إيه؟ معناه إن الحوثيين نفسهم وإيران من وراهم فاهمين اللعبة كويس جداً، وعارفين إن مصر مش رايحة تحارب اليمن ولا داخلة في عدوان ضدهم، ولكنها رايحة تقفل الباب في وش طرف تاني خالص كان مستني اللحظة دي عشان يحقق مخططه.. الطرف ده هو "إسرائيل"! وعشان كده الرئيس الإيراني امبارح قال إن إيران مستعدة للتهدئة بين السعودية والحوثي، وإن إيران كمان مستعدة تنضم لحلف "مكة" نفسه! ده خبر حقيقي مش فيك... ????️⚫️ هحكيلك كل التفاصيل الصادمة دي بالخرائط الجيوسياسية في فيديو كامل كمان شوية، وأوعدك إنه هيكون أخطر وأهم حاجة هتشوفها في الفترة الحالية على الإطلاق، وهيفتح عينك على حاجات كتير مكدش بيتكلم عنها... سيب كومنت ضروري هنا ???? وهعملك منشن لما الفيديو ينزل..