مصر تزلزل قاعه مجلس الأمن تقسيم السودان خط احمر
???????????? مصر تزلزل قاعه مجلس الأمن الدولي تقسيم السودان خط احمر
????الخرائط مش مجرد حبر على ورق، دي شعوب بتموت وبيوت بتتخرب.. والنهارده، في قلب نيويورك، مصر خبطت على الطاولة في مجلس الأمن وقالتها بأعلى صوت: السودان مش للبيع ولا للتقسيم، والي هيلعب في حدود جارتنا.. يستحمل!.
????القايمة كانت سخنة جداً جوه قاعة مجلس الأمن الدولي.
???? الأضواء كلها متسلطة على السفير إيهاب عوض، مندوب مصر الدائم في الأمم المتحدة.
????الراجل مكنش بيتكلم لغة دبلوماسية باردة، لأ.. ده كان بيتكلم بنبرة فيها حسم وخوف حقيقي على بلد شقيق ورابط تاريخي مبيتهزش.
????السفير عوض وقف وبدأ كلامه برسالة واضحة لكل دول العالم: "المعاناة اللي بيعيشها الشعب السوداني والانتهاكات اللي بتحصل كل يوم، مش مجرد أخبار بنقرأها في الجرايد، دي مسؤولية أخلاقية وإنسانية وسياسية رقبتنا كلنا".
????الموضوع مابقاش يستمل موازنات، السفير دخل في الغويط وحذر من اللي بيحصل "تحت الترابيزة".
???? كشف إن فيه "محاولات ممنهجة" ومطبوخة على نار هادية عشان يضعفوا مؤسسات الدولة السودانية، ويفرضوا أمر واقع جديد يهدد وحدة البلد.
????من الآخر كده؟ فيه ناس عايزة تقسم السودان وتعمل كيانات موازية تسرق الشرعية.
????وهنا السفير حط الخط الأحمر بتاعه: "تقسيم السودان أو اللعب في سلامة أراضيه.. خط أحمر ثابت لمصر، ومفيش تراجع عنه بأي شكل".
????السفير وصف الوضع هناك بأنه بيوجع القلب، حصار خانق، وتجويع للمدنيين، وضرب للبنية التحتية والمنشآت الطبية.
????عوض قالها علني: "اللي بيحصل ده انتهاك صارخ للقانون الدولي، وما ينفعش العالم يفضل يتفرج وساكت لحد ما تحصل كارثة تهدد حياة مئات الآلاف."
????في نهاية كلمته، السفير فكّر الحضور كلهم بكلمتين من دهب: "أمن السودان واستقراره هو جزء لا يتجزأ من الأمن القومي المصري."
????مصر من أول يوم للأزمة وهي قايدة شعلة الدبلوماسية والسياسة عشان تحافظ على وحدة البيت السوداني ومؤسساته الوطنية، والرسالة وصلت للكل: السودان هيفضل حتة واحدة، والشرعية مش لعبة في إيد حد.
⇧
