هل تحارب مصر مع الإمارات ضد إيران
????????????شوفت اللى حصل .. مصر ارسلت قوات وطيارات رافال للإمارات .. هنتورط فى حر ب ضد إيران ..
????إهدأ بس كده عشان الكلام ده غير صحيح بالمرة .. ركز معايا وانت بنفسك هتعرف ليه الكلام ده غير حقيقى
⬅️ما تيجى نتكلم بصيغة التحقيق يعنى (س ) و (ج)
???? س1 : هل الإمارات ولا أى دولة خليجية أعلنت الحر ب ضد إيران فى عز ماكنوا بيواجهوا هجماتهم . ؟ ولماذا؟؟
⭕️ج1: لأ محلصش ،عارف ليه بقا : أقولك عشان الخليج فى حد ذاته مش طرف فى الحر ب دى ، مشكلة الإيرانيين إنهم شايفين إن الخليج حليف للأمريكان بجانب إسرائيل ، والخليج مش من مصلحته يعلن الحرب لأنه هيحاسب على فاتورتها
????ويعلن ليه الحر ب أساسًا إذا كان المعلم الكبير أقوى دولة فى العالم بذات نفسها طرف فى الحرب
????معلش يعنى مع احترامى للجيش المصرى وجيش الإمارات وجيوش الخليج .. إيه القيمة اللى هيضفوها الجيوش دى للجيش الأمريكى ولا أساسًا الجيش الأمريكى هيحتاجهم فى شئ !!
????عايز أقولك إن من 4 أيام الولايات المتحدة عملت صفقة أسلحة بـ 18 مليار دولار لبيع مقاتلات f-35 لثلاث دول فى الشرق الأوسط .. عارف مين هما حضرتك
????هما ( إسرائيل – قطر – الإمارات ) ، يبقى ونبى كده مصر هتدخل حر ب بأقل من 10 طيارين وكام طيارة رافال ضد إيران !!! إنت كده بتهرج
????س 2 : اومال إيه اللى يخلى مصر ترسلهم للإمارات ؟
⭕️ج2 : شوف يا فندم فيه فرق تدريبية وتعزيز قدرات دفاعية بتتم بين الدول وبعضها ، وده فى توقيته عنصر قوى لمصر عشان تصلح الصورة السيئة اللى اتاخدت عن المصريين وأضرت بالمصريين اللى هناك
إن الشعب المصرى بيؤيد الشيطان لو حارب إسرائيل وبناءً عليه الشعب بيدعم إيران دعم مطلق
????ده حضرتك مصيبة لأن فيه من يستغل عدم وعى المجتمع فى ضرب العلاقات المصرية الخليجية لصالح طرف ثالث .. انت عارفه كويس
مفيش عندنا فى العلاقات الدولية حاجة إسمها دعم مطلق لطرف ما
????✅أنا أدعم إيران فى حقها رد العدوان على إسرائيل ، فى تخصيب اليورانيوم فى امتلاك السلاح النووى وأتمنى أن العرب كلهم يبقى عندهم التكنولوجيا دى .. لكن فى نفس الوقت نا ضد هجـما ت إيران على الخليج ضد عدوانها عليهم لأن ده عندنا فى العلاقات الدولية برضو إسمه " إرها ب دولة " وهى أساسًا مش طرف فى الحرب
???? س3 : مش طرف فى الحر ب إزاى وهى عندها قواعد عسكرية أمريكية ؟
⭕️ ج3 : معلش هرد السؤال ده بسؤال : هل إيران انضربت من القواعد الأمريكية بالخليج ولا من أساطيلها فى أعالى البحار ؟ ولو ده منطقكك .. إنت عارف فيه كام قاعدة عسكرية امريكية فى أوروبا .. ماتوجهش لهم الضر ب ليه ؟
⛔️ بلاش تنجرف وراء أى كلام لأن آفة مجتمعنا إن الكل بيفتى دون تخصص أو علم
????مصر لما تعزز قدرات الإمارات بتكون قدرات دفاعية يعنى تعزيز قدرات دولة عربية فى الدفاع وحماية أراضيها .. مش من الصواريخ الإيرانية إنما محتمل جدًا تحصل أعمال شغــب أو اعمال انتحــ ـ ـار ية أو إرها ب من عملاء إيران لو حصل استئناف الحر ب
???? إنت كده كده مش طرف فى الحر ب وموقفك الرسمى ضد الاعتدا ء على الخليج لكن سكوتك التام عن اللى بيحصل هيخسرك مصالح أكثر حيوية مع الخليج ، عشان كده التحرك مطلوب مش بس للإمارات إنما للخليج كله ،
????واطمن كده كده لو الحر ب قامت ، لا إنت ولا الخليج هتكون طرف فيها ، عشان وقتها محدش هيلحق يتدخل لأن الأمريكان ماعندهمش القدرة على استنزاف 35 مليار دولا تانيين ، فممكن جدًا يعجلوا بحسمها لصالحهم باستخدام أسلحة فتاكة او محرمة دوليًاوهما عندهم خبرة فيها ومتعودين عليها .. استخدموها ضد العراق فى 2003 وضد اليابان فى 1945 ، و دى برضو مش حاجة كويسة لأنها هتعمل فوضى فى 93 مليون نسمة الخليج هيكون فى وش المدفع منها
????وعشان كده مفيش بديل عن الحلول السلمية لكن للأسف الأزمة دى هى لعبة صفرية بالأساس وأحد أطرافها قوى عظمى والطرف الثانى حقيقى معدوم المناورات السياسية فى كيفية التعامل مع القوة العظمى
قولتها والله فى التلفزيون علنًا ، الأزمة دى محتاجة واحد فقط زى السادات هو القادر على حلها لانه اكتر واحد فاهم طريقة المناورة مع القوى العظمى.
رحم الله السادات
✍️✅لو استفادت من المقال وفهمت فكرته ، من فضلك شيره عشان غيرك يفهم برضو وتناقش معاه الفكرة عشان الكل يبقى فاهم إيه اللى ممكن يحصل بعد كده.
????✅خليك متابع هنا لمعرفة كل التطورات بالتحليل حصريًا ، وأرحب بأى أفكار أو إضافات فى التعليقات بناءة مبنية على أسس علمية وموضوعية .
تحياتى وتقديرى،،،
⇧
