لفه حول كوكب الارض مع عبده

????????????أهلا بيكم مع عبده في ..... ???? أخبار الكوكب ???? ،???? كوكب الخميس ٤/١٢/٢٠٢٥ أوروبا على حافة الحرب ....!! ولو إنت مش متابع اللي بيحصل فالكوكب... بسرعة حضر كوباية الشاي بالنعناع علشان هناخد لفة في اخبار الكوكب مع عبده ... ومطولش عليكم وقولولي لاء طول .... ،???? بروكسل ....!! النهاردة كان في إجتماع لوزراء خارجية حلف النيتو في بروكسل علشان مناقشة الحرب الروسية الاوكرانية وخطة امريكا للسلام في اوروبا ...!! هتقولي ما بقالهم ييجي تلات سنين بيجتمعوا يا عبده والحرب مستمرة والكلاب تعوي والقافلة تسير عادي فين المشكلة !! هقولك يا صديقي المشكلة إن ولأول مرة من سنة ١٩٩٩ وزير الخارجية الامريكي ميحضرش الإجتماع اللي هو اصلا معمول لمناقشة الخطة الامريكية للسلام اللي الاوروبيين اصلا معترضين عليها !! ولما إتصلوا بسم النبي حارسه وصاينة ماركو روبيو وزير خارجية امريكا وقالوله انت فين يا اسطى الإجتماع هيبتدي قالهم ...!! واشنطن عندها مليون ملف آخر غير أوكرنيا ومتصدعوش دماغ ابونا ..... آه والله قالهم كدا ???? الرد ده أثار قلق الأوروبيين .... !! مش من رد وزير خارجية امريكا قد ما قلقوا اصلا من تصريح بوتين اللي طلع النهاردة وقال .... نحن مستعدون للحرب إذا كانت اوروبا تسعى للحرب مع روسيا طبعا كدا الدول الاوروبية فهمت اللي فيها ... ان امريكا بتخلع و تخلت عنهم وقالتلهم بالفم المليان منكم للروس ....و بشوقكم بقاا ،???? و ع الناحية التانية من الكوكب ... ،???? أمريكا ..... باللي بيحصل من امريكا مع أوروبا مش صدفة أعتقد إن نبؤة تيم مارشال في كتابه سجن الجغرافيا بدأ يتحقق...!! هتقولي مين تيم مارشال ده يا عبده !!! دا كاتب وظابط إستخبارات بريطاني الف كتاب عن سقوط امريكا إسمه سجن الجغرفيا ... الكتاب بيتكلم بالتفصيل إزاي بدأت أمريكا وإزاي بقت القوة المهيمنه على الكوكب وإزاي هتنهار ...!! أنا بس اللي يهمني فالكتاب الفقرة اللي قال فيها تيم مارشال.... لم يعد هناك الآن سوى ثلاثة بؤر يمكن أن ينطلق منها تحدي الهيمنة الأمريكية: أوروبا الموحدة... وروسيا.... والصين....!! تيم مارشال يسكت على كدا .... أبدا دا كمل وقال.... إن القوى الثلاثة دول هيزدادو قوة.... بس اثنتين منهم ستبلغان حدودهما القصوى ولن يستطيعا تجاوز حدودهما: أوروبا وروسيا....!!! تيم مارشال كمل وقال.... بس الخطر الحقيقي اللي أمريكا حاطه عنيها عليه دلوقتي هي الصين....!!! طب إشمعنى الصين يا عم مارشال وليه متكونش روسيا ؟؟؟ قالك .... يعتبر روسيا بوتين شوكةً في خاصرة أمريكا... ولكنها ليست تهديدًا خطيرًا لهيمنة أمريكا... إشمعنى ياعم الحج ....!! تيم مارشال أستحضر هنا وصف الرئيس أوباما روسيا في 2014 بأنها "ليست أكثر من قوة إقليمية" ويرى مارشال أن وصف أوباما يعد وصفا استفزازيًا بلا داعٍ، لكنه صحيح!!! عرفتوا بقا ليه أمريكا سابت اللي قدامها واللي وراها وبتحاصر الصين !! ،???? وع الناحية التانية من الكوكب .... ،???? فرنسا.... ففرنسا بقا الرئيس الفرنسي ماكرون يسكت على اللي بيحصل من امريكا ضد اوروبا.... أبدااا دا اخد مراته وطلع ع الصين في زيارة رسمية لمدة ٣ أيام !! وطلع مع الرئيس الصيني شي جين بينغ وقال.... نواجه خطر تفكك النظام الدولي...!! يسكت الرئيس الصيني شي جين بينغ ...أبداا رد عليه وقاله .... شوف يا صاحبي....يجب أن تكون فرنسا أكثر "استقلالية" -...أي ألا تخضع لتأثير الولايات المتحدة أو الاتحاد الأوروبي...!! هذه شراكة صعبة، لكن الحوار دائماً أفضل ماكرون رد عليه وقال..... آااامين وبكداا تفهم ان الصين بتحاول تخلع اوروبا من احضان الهيمنة الأمريكية !! ،???? وع الناحية التانية من الكوكب ... ،???? ألمانيا.... ألمانيا بقا داخلة بتقلها وبتسابق الزمن في تسليح جيشها وتكوين جيش قوي ...!! لدرجة انها رصدت من ميزانيتها ١٥٣ مليار يورو سنويا لوزارة الدفاع !! المصيبة عارفين مين اللي معترض على تسليح الجيش الألماني ...!! لاااا مش روسياا ولا امريكااا ولا حتى الصين !! اللي معترض على تسليح الجيش الالماني هما الدول الاوروبية نفسها .... اه والله دول مش معترضين وبس دول مرعوبين علشان خايفين من اللي حصل من الجيش الالماني فالحرب العالمية التانية لما إجتاح اوروبا كلها !! فرنسا وبولندا واسبانيا والسويد بيقولوا يا سنة سوووخة لا الجيش الالماني يرجع قوي زي ايام أبوشنب وبدل ما يواجه روسيا يطلع يطيح فينا كلنااا...... اه والله دا سبب تخوفهم ،???? وع الناحية التانية من الكوكب .... ،???? إثيوبيا.... اللي مش عارف ايه تلهيك.... واللي فيها تجيبه فيك وزارة الخارجية الإثيوبية نزلت بيان رسمي بتتهم فيه مصر إنها بتهدد السلم ف الأرن الإفريقي !!! اه والله ....!! بس سيبك من البيان.... المهم التوقيت حضرتك !! علشان مفيش حاجة بتحصل فالكوكب صدفة !! خد بالك ان البيان ده نزل في فنفس توقيت بيان إسرائيل بفتح المعبر مع مصر من جانبها فنفس توقيت إنهيار حميدتي فالسودان !! اوعى تقولي ان كل ده صدفه يا برنس .... ازعل منك والله يرضيك زعل عبده ???? اول ما مصر بتسيطر على كل كلاب المنطقة ..... بيزيد العواء معروفة يعني عندك اسرائيل خلاص غصب عنها هتدخل المرحلة التانية من إتفاق السلام في غزة اللي مصر مهندساه ودا تصريح ترامب النهاردة !! طب تعمل إيه علشان تفلفص !!! افتح يابني المعبر علشان الغلابة اللي هيموتوا من الجوع ..... معرفتكش انا كداا فالسودان .... خلاص قوات حميدتي اللي كان بيراهن عليهم آبي أحمد بيهربوا من ساحات القتال زي الفيران...!! وآبي أحمد عنده إنقلابات وحرب اهلية وإرتريا و إنفصال اوجادين والتيجراي وليلة كبيرة سعادتك !! طب الحل إيه ....!! مفيش غير ان كل الكلاب دول ينبحوا فوقت واحد !!! بس على مين ....!! دا إحنا عندنا معرض للصناعات الدفاعية وأحدث ما وصل ليه الكوكب من الصناعات العسكرية .... يعني مش فاضيين للهطل ده بس طلع وزير الخارجية المصري بدر عبد العاطي يرد على بيان وزير الخارجية الإثيوبي وقاله كلمة واحدة ... خليها تاكلك ..... ???? ومفيش تفاوض خلاص !!! ،???? وع الناحية التانية من الكوكب ..... ???? كوكب تحيا مصر ???? ،???? وفكوكب تحيا مصر ... وفكوكب تحيا مصر معرض إيديكس الدولي للصناعات الدفاعية المتطورة...!! المعرض ده بيتعرض فيه احدث ما توصل له العالم من الصناعات العسكرية من كل جيوش العالم!! هتقولي طب يا عبده هو إحنا عندنا تصنيع عسكري ؟؟ دا ابن عمي حمؤة بيقول إني كلها استيراد وتجميع وتقفيل !! شوف يا صديقي انا قبل كدا فمقال اخبار الكوكب وضحت وقولت إن مصر بتصنع ٢٨٠ سلاح تصنيع مصري خالص !!! انا متكلمتش عن الإنتاج المشترك زي الفرقاطات او الطائرات او الغواصات ???? انما فالمعرض ده مصر بتعرض فيه ٥٧ منتج عسكري صناعة مصرية خالصة على أحدث ما توصل ليه العلم العسكري دا غير ان في ١٨ منتج عسكري مصري جديد بالكامل لاول مرة العالم يشوفه بعقول مصرية خالصة !! خد بالك بس وماتخدنيش فكلمتين انا نسيت اقولك .... وما خفي كان أعظم !! يعني اللي بتعرضة وبتستعرض قوتك فيه قدام العالم ميجيش ١٠٪ من اللي مستخبي ويعتبر اسرار عسكرية عظمى !! يعني بالبلدي كدا احنا بنوريهم حتة من طرف المعلقة .... يعني لما نقول اننا صنعنا طائرة مسيرة شبحية مداها ١٥٠٠ كيلوا ومفيش رادار بيرصدها يبقا انت وصلت أصلا لمدى ٥٠٠٠ كيلوا بس كل ده كوم وانا بصراحة مش مكيفني غير الصواريخ الجوالة .... دي بقا قصة تانية خااالص ورعب من نوع آخر المعرض ده بيكون السوق اللي بتقدم فيه نفسك للعالم كصانع سلاح وصانع قرار !! ومن خلاله بتقدر تدخل في شراكات تصنيع زي ما دخلت مع كوريا الجنوبية والصين وتركيا هو مش قالكم ..... بكرة تشوفوا مصر !! أهو جه اليوم اللي مصر واقفة فيه وبتقول للعالم كله ..... هنا القاهرة !! ،???? كمان في كوكب تحيا مصر ... ولأول مرة فالتاريخ .... رسميا ..... شركة داسو الفرنسية إعتمدت رسميا الهيئة العربية للتصنيع لتصنيع أجزاء من المقاتلات رافال الفرنسية طب مصر هتصنع ايه .....!!! محدش عارف !! طب هنصنع انهي حتة ..... برضوا محدش عارف ???? ما تستعجلوش ...... مش جايز نصنعها كلها انا بقول جايز ???? وخصوصا صواريخ ميتيور بعيدة المدى اللي بيعد من أخطر الصواريخ جو جو فالعالم خلف مدى الرؤية???? ،???? كمان فكوكب تحيا مصر ... هو ليه محدش بيتكلم عن إنخفاض الأسعار ...!! خير اللهم اجعله خير !! دا موقع العربية طالع يقول إنخفاض تاريخي فالأسعار في مصر !! البيض والفراخ والخضار ووفرة فالسوق والمعروض الحمد لله اااه انا نسيت إحنا مش فاضيين للأسعار دلوقتي .... متخرجناش من تريندتنا يا عبده إحنا مش فاضيين عندنا تريند الإنتخابات وتريند البشعة .... وبنت البشعة اللي قلبت الدنيا ولا تريند فيلم الست ...!! ما تسيبوها تعمل ست يا جدعان ???? كاتب التاريخ هيتعب والله منك يا سيسي.... علشان هيذكر إن اللحظة اللي فيها كل دول أوروبا بتجهز نفسها للحرب .... الشعب المصري عايش في أمن وأمان ومش شاغل نفسه غير ب هل منى زكي هتكون احلى فدور الست ولا صابرين خلاص قفلت الدور !!! ما لازم البيض يرخص يا جدعان ???? ،???? كمان في كوكب تحيا مصر .... ملف اللاجئين ...!! صدر قرار ملزم نافذ قاطع لكل المدارس والجامعات على ارض مصر .... ممنوع منعا باتا..... تسجيل الطلبة السوريين في اي مدرسة او جامعة مصرية بدون اقامة لجوء.....!! يعنى لازم السوري يكون مسجل في مفوضية اللاجئين عشان ابنه يتعلم في المدارس الحكومية....!! على فكرة القرار ده بقاله فترة بس محدش من الشعب المصري واخد باله منه ..!! إنما القرار ده مشيب السوريين في مصر علشان أغلب السوريين الموجودين على أرض مصر مش متسجلين كلاجئين بالتالي مش هيعرفوا يسجلوا....???? هتقولي اومال كان بيحصل إيه قبل كدا يا عبده !! لا إحنا كنا طيبين خالص وعلى الله حكايتنا كان العيل السوري من دول ييجي يسجل إسمه ف اي مدرسة او جامعة او الازهر ويجيب ابوه وامه واخواته والبقال اللي جمبهم وبتاع الشاورما اللي على اول الناصية على حس كدا...!! هتقولي طب وبتاع الشاورما يقربله بأيه ؟؟ لا معلش مهو مش هيعرف يذاكر فالمدرسة غير لما ياكل من الشورما السوري اللي على اول شارعهم !! احنا كنا طيبين خالص..... أطيب من الاوستاذ كمال أبورية ???? ‏دلوقتي مطلوب يكون معاه إقامة لاجئ عشان يقدر يدخلهم،.... أو يكتسب الاقامة من أهله فيقدم في مدارس او جامعة زي كل دول العالم المتقدم...!! مش قولتلكم إستنوا بس تنفيذ قانون اللاجئين .... انتوا بس اللي ديما مستعجلين هتقولي بس يا عبده عملوا ثغرة كدا وبقوا يقدموا على تأشيرة سياحية ويدخلوا .. وبعد كدا يخلعوا ويستخبوا ...... خلاص إتمنعت تماما!!! مفيش اي تأشيرة سياحية بتطلع لا لسوري ولا لفلسطيني حتى لو معاه جنسية أخرى ... لازم موافقات أمنية !! دا غير إن مبقاش في تجديد اقامات للسوريين في مصر عموما إلا في حالات نادرة جدا...!! وبعد موافقات أمنية حضرتك ...!! طب أقولكم عالكبيرة ....!! صدر قرار بعدم دخول أي لاجئ لأي مستشفى حكومي أو خاص للعلاج غير لو معاه بطاقة لاجئ او إقامة شرطا أن تكون سارية لو مش سارية مش هيقدروا يحجزوه او يقدموا ليه اي خدمة طبية !! هتقولي طب ماهو لسه ماليين الشوارع يا عبده !!! ياعم واحدة واحدة انت بتديق عليهم الخناق وبالقانون هيزهقوا وهيخلعوا ...!! علشان الدولة مش هتقدر ترحل ملايين مرة واحدة .... بالعقل يا برنس أعتقد السيسي ماشي معاهم بنظرية الممثل القدير أحمد مظهر في فيلم الأيدي الناعمة لما سمو البرنس زهق من القطط اللي فالقصر عمل إيه !! هل طردهم مرة واحدة ....لا إطلاقا مش أخلاق برنس ???? إنما بقا يسرب كل يوم قطة .....???????? ف إهدوا كدا وبلاش حد يسخنكم !! دول ضيوفنا .... ويابخت من زار وخفف ???? ف إتفرج كل آخر سنة إترحل منهم قد إيه وزهق منهم قد إيه .... وكله بالقانون ???? ???? خد الكبيرة ابواحمد بتاع اثيوبيا طلب يكلم ترامب راح ترامب حلقله وحولو المكالمة لروبريو وزير الخارجية وكلمه كانه بيكلم مرات ابوه كده ام احمد عرفت ان ملهاش لازمه خالص وقاعد يعيط من كثره الإضرابات اللي عنده وبيقول يا سيسي والنبي حته على البحر وحياه سد الخراب ولا هتطول حته منها وسلملي على امك يا ابو احمد ???? خد الثانية رئيسه وزراء بريطانيا قالت في خطاب اليوم الحل النهائي لقضية غزة حل الدولتين وده اول مره تحصل من محور الشر في العالم ???? حد يقولي ابن زايد وملك المغرب كانوا بيعملوا ايه في مصر مع الرئيس السيسي ورئيس الوزراء الجزائري كان قبلهم بيوم وليه الجزائر طردت ابن زايد وشركاته من الجزائر وقالت له امك في العش ولا طارت وروح عند امك يا صغير كفاية كدا ...... وتقعدوا بالعافية ???????? يديمك ???????? بيعيرونا بفقرنا ....... بس انا مش هسكت عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ????????